Ɔkɔ̀hɔ̀n-wá-bɔ̀ kɔ̀hɔ̀n hán 6:3 - Ɛmɛẅi ankà ankrànkràn 2003

³ Hɩ le kruhú, anwrɔn-nɛ́n-muan-ẅì hɔ̀n, nyɛ́n mrɛ́n ny'ɛmɛ̀n lɔ, anwrɔn ɔbɔ̀ɛn léyi ke le dú anwrɔn anvrɛnvrɛn, hɩ Ɛnhɛ́n Prɔnprɔn mán ankà-nyrì yɩ́ edomɛ̀n, kɩ bɔ́ lɛ tán yɔ ɛci-zî kɔhɔ̀n lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 6:3 Iomraidhean Croise

Matie 23:8

Tɛ́n nyɛ́n, nyɛ́n bɩ́ hán ye bi nyɛ̀n ‘Ankà-yé-wrɔn’, ɔmuhi nyɛ́n dú nyɛ lɛ fɛn lɔ, anwrɔn-nɛ́n-muan-ẅì hɔ̀n kɩ nyɛ́n ẅɛn Ankà-yé-wrɔn zri.

Zhan 21:23

Ankà ndɔ lɔ, zɛtɛn bonyi anwrɔn nɛ́n muan-ẅì hɔ̀n granmɛ̀n le, ɛsɛ̀nkɛn-wrɔn léyi Zhezü kɛ cüɛ̀n nɔn ke sɩ̀ wù. Annanwɔrɛ mɛ̀n lɔ, Zhezü kè sɩ̀ dɔ̀ Piɛrɛ̀n le: “Nɛ́n sɩ̀ wù”, tɛ́n nɛ̀n dɔ̀ le: “Ke dú kɛ me ji le nɛ̀n kɔrɛ̀ nɛ̀n dù hàn kɩ mɛ̀n vru mɛ̀n và hô, kɛ crɛ nyan mɛ́n hán?”

Ɔkɔ̀hɔ̀n-wá-bɔ̀ kɔ̀hɔ̀n hán 1:15

Ɛnbì ndɔ hɔ̀n lɔ ɔtɔ̀n, ankaẅì-bùtan-ẅɛn-bɔ̀ léyi borɛkru nɔn, yɔ dú anwrɔn ɛkoẅi-ɔwole. Piɛrɛ̀n tɔhú y'anwanzi kɩ kɛ dɔ̀ le:

Ɔkɔ̀hɔ̀n-wá-bɔ̀ kɔ̀hɔ̀n hán 1:21

Ke ji le ɔwrɔn tɔ̀n ke dú bɔ̀ ɛmɛ̀n, ô kè di Ɛẅɛnwrɔn Zhezü wúemɛ̀n-dùfrɔ́ lɔ nɛ́n dalɛfuɛ.

Ɔkɔ̀hɔ̀n-wá-bɔ̀ kɔ̀hɔ̀n hán 10:22

Yɔ mrɛ́n ɔmùan le: “Bɔ̀ vá ɛfrá-wrɔn Kɔrnɛyì bɩmɛ̀n. Nɛ̀n dú ɛnyrɔn-nan-wrɔn léyi kɛ wá Ɔwɔ, hɩ Zhüifɛ̀n-bɔ̀ lɔ fɛn kɛ cüɛ̀n nɔn. Ɔwɔ-kùyüre-wrɔn tɔ̀n wá tán nɛ̀n le nɛ̀n hán mɛ́n ɛ̀ và cɔ́ nɛ̀n ne yri ɛbemɛ̀n, ô nɛ̀n yá ankà léyi ɛ ẅɛ̀n ɛ lɛ dɔ́ nɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 15:23

Nyàn owrú léyi yɔ merɛ́n yɔ tán yɔ, yɔ hɔ̀n nɔn: “Ɔkɔ̀hɔ̀n-wá-bɔ̀, mán ɛcüìcüì-bɔ̀, nyɛ́n muan-ẅì hɔ̀n ke bi nyɛ̀n nyan; nyɛ́n léyi nyɛ́n sɩ̀ dù Zhüifɛ̀n-bɔ̀, hɩ nyɛ́n dú Antiɔshɛ̀n anmàn, Siri mán Silisi kpɔsɔ wú nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 16:2

Anwrɔn-nɛ́n-muan-ẅì hɔ̀n léyi dú Listrɛ̀n mán Ikoniɔmɛ̀n anmàn nɔn, kɛ dɔ́ Timote ankà ankrankran.

Ɔkɔ̀hɔ̀n-wá-bɔ̀ kɔ̀hɔ̀n hán 2:4

Yɔ lɔ fɛn yɔ cɔ́ Ɛnhɛ́n Prɔnprɔn kɩ yɔ bukru yɔ dɔ́ ankà ɛnbrɛ̀ nyàntɛn mɛ̀n, hán hɩ le Ɛnhɛ́n Prɔnprɔn wá tán yɔ, yɔ dɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 22:12

Nanvrɛn lɔ ɔwrɔn tɔ̀n ndù ye bi nɛ̀n Ananiasɛ̀n, nɛ̀n dú ɔwrɔn léyi ke bɩ́ Ɔwɔ ankà kɩ ne di ɔmùan zri bɔ́ ɛnyanmàn-ankà wú, kɩ Zhüifɛ̀n-bɔ̀ lɔ fɛn léyi dú Damasɛ̀n anmàn nɔn, kɛ cüɛn n'ankà.

Ɔkɔ̀hɔ̀n-wá-bɔ̀ kɔ̀hɔ̀n hán 28:14

Nanvrɛn anmàn lɔ, bɔ̀ cɔ́ anwrɔn-nɛ́n-muan-ẅì hɔ̀n ẅɛn bɔ̀ hɛ́n ɛnbifɔn kru zri. Ɔmu lɔ de bɔ̀ hán bɔ̀ hɔ́n Rɔmɛ̀n anmàn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 6:2

Zɛtɛn ɔkɔ̀hɔ̀n-wá-bɔ̀ ɛvà-anhyrɛ̀ lɔ borɛ ɛsɛ̀nkɛn-bɔ̀ lɔ fɛn ɛkru, kɩ kɛ dɔ́ yɔ le: “Kè sɩ̀ zrɔ̀ tàn le bɔ̀ kɛ́n Ɔwɔ ankà-dɔ̀ bɔ̀ hɛ́n, ô bɔ̀ nyan ɛci-zî ankà.

Ɔkɔ̀hɔ̀n-wá-bɔ̀ kɔ̀hɔ̀n hán 6:5

Fɛcüè mumù lɔ fɛn shri ankà lɔ bɩ. Zɛtɛn yɛ mrɛ́n Etiɛnɛ̀n léyi ankaẅì-bùtan mán Ɛnhɛ́n Prɔnprɔn yɩ́ edomɛ̀n, ɔmu zri lɔ yɛ mrɛ́n Filipɛ̀n, Prokɔrɛ̀n, Nikanɔr, Timɔn, Parmenasɛ̀n mán Nikola léyi dú Antiɔshɛ̀n-wrɔn, hɩ ɛnbɩ̀ɛhɛ́n kɛ sɛ́n Zhüifɛ̀n-bɔ̀ Wɔ nɔn ye bɩ.

Ɔkɔ̀hɔ̀n-wá-bɔ̀ kɔ̀hɔ̀n hán 6:6

Zɛtɛn ye bɩ́ yɔ ye yé ɔkɔ̀hɔ̀n-wá-bɔ̀, sɛ́n tán yɔ kɩ yɔ di yɔ ankɔrɛ̀ ɛwú.

Ɔkɔ̀hɔ̀n-wá-bɔ̀ kɔ̀hɔ̀n hán 9:30

Ɛnvra léyi nɛ́n mùan-ẅì hɔ̀n cɔ́ ankà lɔ yá nɔn, yɔ bɩ́ Sɔlɛ̀n yɔ hɔ́n Sezare anmàn, kɩ nanvrɛn lɔ, yɔ hán nɛ̀n, nɛ̀n hɔ́n Tarsɛ̀n anmàn.

1 Korɛntɛ̀n anmàn-bɔ̀ 12:8

Ɛnhɛ́n Prɔnprɔn kɛ tán ɔwrɔn tɔ̀n ankà-nyri ankà-dɔ̀, kɩ ɔwrɔn nyàntɛn tɔ̀n Ɛnhɛ́n Prɔnprɔn zri lɔ kɛ tán eci-nyrì ankà-dɔ̀.

1 Korɛntɛ̀n anmàn-bɔ̀ 16:3

Ɛnvra léyi mɛ lɛ và nɔn, me le sɩ́ anwrɔn hɔ̀n léyi nyɛ́n mrɛ́n nyɛ́n bɩ, mɛ lɛ tán yɔ ɔkɔ̀hɔ̀n-wá wrú, yɔ bɩ́ ny'eci-fɔ́n-ci lɔ yɔ hɔ́n Zherüzalɛmɛ̀n anmàn.

Efɛzɛ̀n anmàn-bɔ̀ 5:18

Nyɛ́n bɩ́ kɔ́n ɛntàn: ɛntàn-kɔ̀n kɛ lɛ jrɛ́ ny'ɛwúvà lɔ; tɛ́n Ɛnhɛ́n Prɔnprɔn kè yɩ́ nyɛ̀n ɛmɛ̀n.

Kpàkpà timote 5:10

ô ye nyri n'ɛci ankrànkràn hɔ̀n léyi nɛ̀n hán nɔn, mán ɔmu le nɛ̀n hán nɛ̀n wɔrɔ n'ɛẅì hɔ̀n, nɛ̀n nyrì ẅɛn nɛ̀nnyàn-bɔ̀, nɛ̀n jru ankaẅì-bùtan-ẅɛn-bɔ̀ annan, nɛ̀n wá ɛmian bɔ̀ ɛkɔrɛ̀, ô nɛ̀n hán ɛci anvrɛnvrɛn mɛ̀ntɛ mɛ̀ntɛ hɔ̀n.

Zhakɛ̀n 1:17

Ecice anvrɛnvrɛn mán ecitán ankrankran ke dú anhobɩ́ kɛ và, yɔ dú Ɔwɔ yri yɛ và, nɛ́n léyi nɛ̀n dú anhobɩ́-yri-kàn-hán-wrɔn nɔn. Kɩ Ɔwɔ ke sɩ́ crɔn hán, yakɛ nɛ́n sɩ́ hán ɛyri-yɔwɔ n'eci-hán lɔ fɛn mɛ̀n.

3 Zhan 1:12

Anwrɔn lɔ fɛn kɛ dɔ́ Demetrihüsɛ̀n ankà anvrɛnvrɛn, kɩ annanwɔrɛ léyi dú nɛ̀n ɛmɛ̀n nɔn, ke di nɛ̀n dalɛfuɛ. Bɔ́ mán, bo di nɛ̀n dalɛfüɛ ankrankran, kɩ e nyrì le, dalɛfuɛ-dì ndɔ lɔ dú annanwɔrɛ.