Ɔkɔ̀hɔ̀n-wá-bɔ̀ kɔ̀hɔ̀n hán 6:1 - Ɛmɛẅi ankà ankrànkràn 2003

¹ Zɛtɛn hɩ vra lɔ mɛ̀n, ɛsɛ̀nkɛn-bɔ̀ bukru kɛ cüɛn, ankaẅì-bùtan-ẅɛn-bɔ̀ léyi dú grɛkɛ̀n-bɔ̀ nɔn, ke bɩ́ ɛmɛ̀nhyì ku anwrɔn hɔ̀n léyi kɛ vra ebre nɔn ɛwú: yɔ dɔ̀ le ɔngrɔn-wúyɔ hɔ̀n léyi dú grɛkɛ̀n-bɔ̀ fɛcüè lɔ mɛ̀n nɔn, ye sɩ́ wá yɔ esùva ɛnvra léyi, ɛnbɩ̀ lɔ fɛn, yɛ dɛ́ ɛci-zî-ci nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 6:1 Iomraidhean Croise

Matie 23:13

“Muzhie dú nyɛ tɛn, ɛnyànmàn-gbànvri-ankà-yé-bɔ̀ mán nyɛ́n, Ɔwɔ-nyànmàn-sùva-wá-bɔ̀, anmùan-anhyrɛ̀-bɔ̀! Nyɛ sɛ́n Anhobɩ́ nɛ̀ncüì-dúyri sù-gbàtà anwrɔnẅì zìwú; nyɛ́n mumù nyɛ́n sɩ́ bruɛ, kɩ nyɛ́n sɩ́ teze anwrɔn hɔ̀n léyi ke ji kè bru nɔn, kè bru. [

Ɔkɔ̀hɔ̀n-wá-bɔ̀ kɔ̀hɔ̀n hán 11:20

Ɔmu tɛ̀kɩ, ankaẅì-bùtan-ẅɛn-bɔ̀ jan léyi dú Shiprɛ̀n mán Sirɛnɛ̀n anmàn nɔn, hɔ́n Antiɔshɛ̀n anmàn kɩ kɛ dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Zhezü mɛẅi Ankà Ankrankran lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 11:26

Ɛnvra léyi nɛ̀n cɔ́ yi nɔn, nɛ̀n sɩ́ yi Antiɔshɛ̀n anmàn. Yɔ, anwrɔn anhyrɛ̀ lɔ, yɔ di ɛnnànwàn kru zri Antiɔshɛ̀n Wɔ-fɛcüè-wɔn lɔ mɛ̀n, kɩ yɔ yé anwrɔn bobrebe ankà, ankaẅì-bùtan mɛ̀n. Antiɔshɛ̀n anmàn de, ɛnvrakpà yɛ wá ɛsɛ̀nkɛn-bɔ̀ ebɩ́, Krisì-sɛ̀nkɛn-bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 11:29

Ɛsɛ̀nkɛn-bɔ̀ zɛtɛn wá le, ɔwrɔn wrɔn kɛ̀ tán eci léyi nɛ́n ẅɛ̀n nɔn, ô ye bɩ yɛ wá anwrɔn-nɛ́n-muan-ẅì hɔ̀n léyi dú Zhude kpɔsɔ wú nɔn ɛkɔrɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 2:41

Bobrebe y'ɛmɛ̀n lɔ shri Piɛrɛ̀n ankà-dɔ̀ lɔ bɩ kɩ yɛ wá yɔ ɛnshi ɛnkru. Ɛnbì ndɔ lɔ, anwrɔn tɛ̀bru kru anhɔ̀n de ku ankaẅì-bùtan-ẅɛn-bɔ̀ fɛcüè lɔ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:45

Yɔ hɛ́ yɔ ɛci hɔ̀n léyi yɔ ẅɛ̀n nɔn, mán yɔ ankɛ̀tɛ̀ hɔ̀n lɔ, kɩ yɔ dɛ́ ɔkùa léyi yɔ cɔ̀ nɔn, yɔ tán ɔwrɔnwrɔn hɩ́ le kɛ lɛ krɔn nɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:47

Yɔ mrɛ́n Ɔwɔ, kɩ anwrɔn lɔ fɛn ẅɛn y'ɛcüɛ̀n. Kɩ ɛnbì lɔ fɛn, Ɛẅɛnwrɔn kɛ tán yɔ fɛcüè lɔ, anwrɔn hɔ̀n léyi ne sɩ́ ɛnkru-kɔrɛ̀ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:35

kɩ ke bɩ́ ɔkùa lɔ kɛ tán ɔkɔ̀hɔ̀n-wá-bɔ̀; zɛtɛn yɛ dɛ́ ɔkùa yɛ tán ɔwrɔnwrɔn hɩ le kɛ lɛ krɔn nɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:4

Tɛ́n, y'ɛmɛ̀n lɔ, anwrɔn hɔ̀n léyi yá ɔkɔ̀hɔ̀n-wá-bɔ̀ mɛẅi ankà-dɔ̀ lɔ nɔn, bú tán ankaẅì, kɩ ankaẅì-bùtan-ẅɛn-bɔ̀ lɔ, yɔ dú anwrɔn tɛ̀bru-kru-ɛnrì.

Ɔkɔ̀hɔ̀n-wá-bɔ̀ kɔ̀hɔ̀n hán 5:14

Anwrɔn fɛcüè brobebe, wúcɔ̀ mán wúyɔ̀ ẅɛn ankaẅì-bùtan Ɛẅɛnwrɔn mɛ̀n, kɩ kɛ vá cɔ́ y'ɔkpɔsɔ lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 5:28

Nɛ dɔ́ yɔ le: “Bɔ̀ sî ɛshishiemɛ̀n bɔ̀ tán nyɛ̀n le, nyɛ́n bɩ́ bɩ́ ɔwrɔn ndɔ lɔ bɩ́ nyɛ́n yé anwrɔn ankà. Zɛtɛn cɛci de nyɛ́n hán nɛ́n? Nyɛ́n bonyi ny'ankà-yé lɔ Zherüzalɛmɛ̀n anmàn mumù lɔ wú, kɩ nye ji nyɛ́n bɩ́ n'owù gbàn lɔ nyɛ́n kú bɔ̀ ɛwúɛ!”

Ɔkɔ̀hɔ̀n-wá-bɔ̀ kɔ̀hɔ̀n hán 6:2

Zɛtɛn ɔkɔ̀hɔ̀n-wá-bɔ̀ ɛvà-anhyrɛ̀ lɔ borɛ ɛsɛ̀nkɛn-bɔ̀ lɔ fɛn ɛkru, kɩ kɛ dɔ́ yɔ le: “Kè sɩ̀ zrɔ̀ tàn le bɔ̀ kɛ́n Ɔwɔ ankà-dɔ̀ bɔ̀ hɛ́n, ô bɔ̀ nyan ɛci-zî ankà.

Ɔkɔ̀hɔ̀n-wá-bɔ̀ kɔ̀hɔ̀n hán 6:7

Ɔwɔ ankà-dɔ̀ lɔ kɛ sán bonyi ɛyri lɔ fɛn. Ɛsɛ̀nkɛn-bɔ̀ lɔ kɛ sán cüɛn Zherüzalɛmɛ̀n anmàn, kɩ Ɔwɔ-bɔ̀ bobrebe sɩ́ y'edomɛ̀n ɛnhi tán ankaẅì-bùtan, Zhezü bɩmɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 9:29

Nɛ́n mán Zhuifɛ̀n-bɔ̀ léyi kɛ vra grɛkɛ̀n nɔn, yɔ dɔ́ ankà kɩ yɔ wrɔ́n ecüì; tɛ́n yɔ tɛn yɔ ji nɛ̀n owri yri.

Ɔkɔ̀hɔ̀n-wá-bɔ̀ kɔ̀hɔ̀n hán 9:39

Piɛrɛ̀n cɔ́ yɔ, yɔ hɔ́n ɛnvra zri lɔ mɛ̀n. Ɛnvra léyi nɛ̀n bru nɔn, ye sɩ́ nɛ̀n ɔwɔndà léyi dú anhyrɛmɛ̀n wɔn wú nɔn mɛ̀n. Ngrɔn-wúyɔ̀ lɔ fɛn sɔnba nɛ̀n ɛtɛ̀sɛ̀n eyú wúemɛ̀n; yɔ yé nɛ̀n ɛwú ceci mán kotù hɔ̀n léyi Tabita hán ɛnvra léyi nɛ̀n dú ɔkɔrɛ-bɔ̀ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 9:41

Piɛrɛ̀n ẅɛn nɛ̀n ɛkɔrɛ̀ kɩ wá nɛ̀n ɛkɔrɛ̀ nɛ̀n tɔhú. Zɛtɛn Piɛrɛ̀n bi ankaẅì-bùtan-ẅɛn-bɔ̀ mán ngrɔn-wúyɔ̀, kɩ bɩ́ Tabita yé yɔ ankɔrɛkɔrɛ mɛ̀n.

Rɔmɛ̀n-anmàn-bɔ̀ 12:7

Ke dú kɛ ɔwrɔn nyàntɛn tɔ̀n, dú eci-bɩtan-wrɔn ɛnkruemɛ̀n ẅɛn mɛ̀n, ke ji le nɛ̀n dú eci-bɩtan-wrɔn. Ɔwrɔn léyi ẅɛn ɛnkruemɛ̀n ankà-yé mɛ̀n nɔn, ke ji le nɛ̀n dú ankà-yé-wrɔn.

1 Korɛntɛ̀n anmàn-bɔ̀ 10:10

Kɩ ɔtrɔmɛ̀n lɔ, nyɛ́n bɩ́ ẅɛn ɛmɛ̀nhyì-bòtò hán ɔmu le y'ɛmɛ̀n lɔ anwrɔn janbɔ̀ hán kɩ owù-Wɔ-kùyüre-wrɔn vá wri yɔ lɛ fɛn nɔn.

2 Korɛntɛ̀n anmàn-bɔ̀ 11:22

Yɔ dú Ebre-bɔ̀a? Mɛ̀n mán. Izraɛlɛ̀n-bɔ̀a? Mɛ̀n mán. Abrahamɛ̀n mɛẅi-bɔ̀a? Mɛ̀n mán.

Filipɛ̀n anmàn-bɔ̀ 3:5

Ye wi mɛ̀n wúcɔ̀-domɛ̀n ɛnvra léyi ye bî mɛ̀n, n'ɛbi eẅiriemɛ̀n. Ebîemɛ̀n lɔ mɛ̀n dú Izraɛlɛ̀n-wrɔn, Bɛnzhamɛn mɛ̀n lɔ mɛ̀n, Ebre hɔ̀n mɛẅi-wrɔn. Ɔwɔ-nyànmàn-sùva-wá-wrɔn ankrànkràn diemɛ̀n lɔ, mɛ̀n ẅɛn Zhüifɛ̀n-bɔ̀ nyànmàn mɛ̀n hɛ́n,

Kpàkpà timote 5:3

Ɛ̀ wá ɛngrɔn wúyɔ̀ hɔ̀n esùva ɛwá mɛ̀n, yɔ hɔ̀n léyi annànwɔrɛ mɛ̀n kè sɩ̀ ẅɛn anwrɔn nɔn.

Kpàkpà timote 5:9

Ke dú kɛ ɛngrɔn-hi ke ji kɛ wá n'ebi owrúemɛ̀n, ô kɛ̀ hán Ɔwɔ kɔ̀hɔ̀n, ke ji le ke sɩ̀ zrɔ̀a mán nɛ̀n ẅɛn ɛnnànwàn kru ɛkoẅi anhɔ̀n. Zɛtɛn ke ji le nɛ̀n di ɛngrɔn ɛdɛ̀n zri,

Ebre-bɔ̀ 13:1

Ɛnvra lɔ fɛn nyɛ́n dú ɛmɛ̀n nyɛ́n cüɛn ny'edomɛ̀n kɛ hán anwrɔn-nɛ́n-muan-ẅì hɔ̀n hɔ́.

Zhakɛ̀n 1:27

Nyàn eci léyi Ɔwɔ Zí ke bɩ ke wotro ɔkɔ̀hɔ̀n fifi mán annanwɔrɛ nɔn: Yɔ wá ɛzhe-ẅì hɔ̀n mán ɛngrɔn-wúyɔ̀ hɔ̀n ɛkɔrɛ̀ y'ɛgbànkàn lɔ mɛ̀n, ô nyɛ́n wá ny'edomɛ̀n esùva ɛnu ɛnhibù wú ci-gbàngbàn lɔ fɛn tɛ̀sɛ̀n.

Zhakɛ̀n 4:5

Nyɛ́n bɩ́ tro le ankora de Owrú Prɔnprɔn ndɔ̀ le: “Ɔwɔ kɛ kɔ́n ecüìhi, kɩ ne ji ɛnhɛ́n léyi nɛ́n tán bɔ̀ nɔn.”

Zhakɛ̀n 5:9

Anwrɔn-nɛ́n-muan-ẅì hɔ̀n, nyɛ́n bɩ́ bɩ́ ny'edomɛ̀n ɛmɛ̀nhyì, ke dú ɔmu lɔ hô, Ɔwɔ ke le ci nyɛ̀n ɛmrɛ̀n. Ɛmrɛ̀n-ci-wrɔn bá ɛtɛ̀sɛ̀n, nɛ́n krɔn pkehɛ́n, ô nɛ̀n bru anwɔn mɛ̀n!