Ɔkɔ̀hɔ̀n-wá-bɔ̀ kɔ̀hɔ̀n hán 5:2 - Ɛmɛẅi ankà ankrànkràn 2003

² Ananiasɛ̀n bɩ́ ɔkùa cá hɛ́n kɩ bɩ́ ɛcá ndɔ lɔ hɔ́n sɩ́ ɔkɔ̀hɔ̀n-wá-bɔ̀ lɔ, nɛ́n hi mɛhi ɔmùan krɔn yɔ.

Ɔkɔ̀hɔ̀n-wá-bɔ̀ kɔ̀hɔ̀n hán 5:2 Iomraidhean Croise

Matie 23:5

Yɔ hán y'ɛci hɔ̀n lɔ fɛn kɛ dɛ́ ɛwú, ô anwrɔn kɛ̀ kán yɔ. Ɔmu lɔ de ankà-dɔ̀ prɔnprɔn hɔ̀n léyi ye merɛ́n, hɩ yɔ mú ezìwú, ɛnvra tɔ̀n ɛkɔrɛ̀bɔ̀n mɛ̀n nɔn, yɔ ẅɛn kotoku vri; y'ɛwú ceci-kɔrɛ̀ mùan mán ntrɛ̀.

Zhan 12:6

Kè sɩ̀ dù ɛmian-bɔ̀ kruhú de nɛ dɔ́ ankà ndɔ lɔ nɔn, tɛ́n ɔmuhi nɛ̀n dú ɛci-yerɛ-wrɔn nɔn; ɔkùa léyi yɛ tán nɛ̀n nɛ̀n hɛ́n nɔn, ne bɩ́ srɔ nɛ tɛn.

Ɔkɔ̀hɔ̀n-wá-bɔ̀ kɔ̀hɔ̀n hán 2:44

Ankaẅì-bùtan-ẅɛn-bɔ̀ lɔ fɛn dú ɔbɔ̀sɔ mɛ̀n kɩ yɔ dɛ́ y'edomɛ̀n ɛci hɔ̀n léyi yɔ ẅɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:37

nɛ̀n hɛ́ n'ɛkɛ̀tɛ̀ lɔ, kɩ nɛ̀n bɩ́ ɔkùa lɔ nɛ̀n tán ɔkɔ̀hɔ̀n-wá-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 5:1

Tɛ́n ɔwrɔn tɔ̀n léyi ye bi Ananiasɛ̀n, hɩ nɛ́n hi dú Safira, yɔ anwrɔn anyhrɛ̀ lɔ, ɔmùan krɔn yɔ, yɔ hɛ́ yɔ ɛnhi tɔ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 5:3

Zɛtɛn Piɛrɛ̀n kɛ dɔ́ nɛ̀n le: “Ananiasɛ̀n, cɛci kruhú kɛ anwa-wrɔn cɔ́ ɛyri di v'ɛnbɔrɛ lɔ ɛkɔrɛ̀ ɛwúɛ? Ɛ̀ ẅɛn ɔyɔ̀n ɛ̀ tán Ɛhɛ́n Prɔnprɔn kɩ ɛkɛ̀tɛ̀ kùa lɔ è bɩ́ ɛcá ɛ̀ hɛ́n.

Ɔkɔ̀hɔ̀n-wá-bɔ̀ kɔ̀hɔ̀n hán 5:8

Piɛrɛ̀n ke yrɛ Ananiasɛ̀n hi lɔ le: “Ɛ dɔ́ mɛ̀n, nyɛ́n hɛ́ ny'ɛnhi lɔ ɔkùa ɔmu lɔa?” Ɛnnyɔnwrɔn lɔ mrɛ́n ɔmùan le: “Hɛ̀ɛ̀, ɔkùa ɔmu lɔ.”

Filipɛ̀n anmàn-bɔ̀ 2:3

Nyɛ́n bɩ́ hán eci zriɛmɛ́n annan-kran mɛ̀n, kɩ nyɛ́n bɩ́ ẅɛn ankà-tro woro ny'edomɛ̀n ɛwúsɩ́emɛ̀n, tɛ́n edomɛ̀n ɛnhisɩ́emɛ̀n lɔ, nyɛ́n tro le nyɛ́n nyran hɔ̀n dú nyɛ̀n ɛwú.

Kpàkpà timote 6:10

Ɔmuhi ɔkùa cüɛ̀n dú ɛgbànkàn mɛ̀ntɛ mɛ̀ntɛ lɔ fɛn y'annyràn nɔn. Anwrɔn janbɔ̀ ɔkùa-ji afuyà dú yɔ ɛnbɔrɛ mɛ̀n, hán tán kɩ yɔ dú ɛzrɛ́n mɛ̀n esù she, ankaẅìbùtan tɛ̀sɛ̀n kɩ yɔ bɩ́ ɛgbànkàn yɔ wá edòmɛ̀n.