Ɔkɔ̀hɔ̀n-wá-bɔ̀ kɔ̀hɔ̀n hán 4:12 - Ɛmɛẅi ankà ankrànkràn 2003

¹² Ɛnkru-kɔrɛ̀ dú ne yri, ɔmuhi ɛyri zriɛmɛ́n ɛnhibù mumù lɔ fɛn wú, Ɔwɔ kè sɩ̀ tàn anwrɔnẅì ɔwrɔn nyantɛn zriɛmɛ́n léyi ke le bɩ́ bɔ̀ ke die nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 4:12 Iomraidhean Croise

Matie 1:21

Ne le bî ɛncɔnwrɔn-ẅì tɔ̀n, ɛ̀ wá nɛ̀n ebi Zhezü, ɔmuhi nɛ lɛ mrɛ́n nɛ́n fɛcüè lɔ ɛgbàn mɛ̀n nɛ̀n sɔhɔ́ nɔn.”

Lükɛ̀n 24:47

kɩ ke ji le yɛ dɔ́ n'ankà ɛnhi wù anmàn lɔ fɛn zìwú, yɔ bukru Zherüzalɛmɛ̀n, ye bi anwrɔn kɛ̀ crɔn ɛnkru, ô kɛ̀ cɔ́ ɛgbàn-bɩ-ce.

Zhan 14:6

Zhezü mrɛ́n nɛ̀n ɔmùan le: “Mɛ̀n dú ɛnlevri, mɛ̀n dú ankà-annanwɔrɛ, mɛ̀n dú ɛwúvà-kɔrɛ̀. Ɔwrɔn zriɛmɛ́n ke sɩ̀ hɔ́n Dade nanvrɛn ke dú kɛ nɛ̀n sɩ̀ cì m'eyri.

Zhan 3:36

Ɔwrɔn léyi ke bú Ɛnẅì lɔ ankà kɛ tán ankaẅì nɔn, nɛ cɔ́ ɛwúvà léyi ke sɩ́ trɔa nɔn. Ɔwrɔn léyi ke sɩ̀ die Ɛnẅì lɔ nukùɛ nɔn, ke sɩ̀ cɔ́ ɛwúvà ndɔ lɔ, tɛ́n ne le dú Ɔwɔ mɛ̀nhyì krugbɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 13:26

Anwrɔn-nɛ́n-mùan-ẅì hɔ̀n, nyɛ́n léyi nyɛ́n dú Abrahamɛ̀n mɛẅi-bɔ̀ mán nyɛ́n léyi nyɛ́n dú ɛnu, Ɔwɔ ankɔrɛ̀ ezìwú cüemɛ̀n nɔn: bɔ́ de ɛnkrukɔrɛ̀ mɛẅi ankà lɔ, kɛ zɛ́n bɔ̀ ɛnsrì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:5

Zherüzalɛmɛ̀n anmàn lɔ, Zhüifɛ̀n-bɔ̀ léyi ke bɩ́ Ɔwɔ ankà nɔn, yɔ dú ɛnhi wú anmàn lɔ fɛn yɔ vá.

1 Korɛntɛ̀n anmàn-bɔ̀ 3:11

Ɔmuhi Zhezü Krisì mɛ̀n de ɔwɔn-hinan-bù kɛ cɔ́ n'ɛhɛ́n-yri, kɩ ɔwrɔn zriɛmɛ́n ke sɩ̀ hɛ́n obù nyàntɛn nanvrɛn lɔ nɔn.

Kɔlɔsèn anmàn-bɔ̀ 1:23

Tɛ́n, ke ji le nyɛ́n dú ankaẅì-bùtan mɛ̀n, nyɛ́n nyɔn edùsɔmɛ̀n ɛbùnan-hiwú, nyɛ́n bɩ́ teze esɛ́ léyi dú nyɛ tɛn nɔn kɛ cɔhɔ́ nyɛ̀n ɛtɛ̀sɛ̀n ɛnvra léyi nyɛ́n gɔ̀ yá Ɛmɛẅi ankà Ankrankran lɔ nɔn. Ɛmɛẅi ankà Ankrankran ndɔ lɔ yɛ dɔ́ tán ɛnhi mumù lɔ fɛn, kɩ Ɛmɛẅi ankà Ankrankran ndɔ lɔ, de mɛ̀n, Pɔlɛ̀n, mɛ̀n srɔ n'eci-bɩ̀tan-wrɔn nɔn.

Ebre-bɔ̀ 12:25

Zɛtɛn nyɛ́n wá esùva! Nyɛ́n díe ɔwrɔn léyi kɛ dɔ́ nyɛ̀n ankà nɔn nukùɛ. Anwrɔn hɔ̀n léyi krɔ kɩ kè sɩ̀ dìe ankà-bi-dɔ́-wrɔn nukù ɛnu ɛnhibù wú nɔn, ɛgbàn-wɔ̀ɛndì lɔ, kè sɩ̀ vɔ́n yɔ ɛwú. Annànnàn le, ɛgbàn-wɔ̀ɛndì n'd'o lɔ, ke sɩ̀ vɔ́n bɔ̀ ɛwú ke dú kɛ bɔ́ crɛ ejüí bɔ́ sɔ́n ɔwrɔn léyi dú anhobɩ́ kɛ dɔ́ bɔ̀ ankà nɔn.

Ebre-bɔ̀ 2:3

Zɛtɛn, anhɔntan de bɔ́ lɛ hán, ô bɔ́ bɩ́ cɔ́ ɛgbàn wɔ̀ɛn-dì, ke dú kɛ bɔ́ sɩ́ wá ɛnkrukɔrɛ̀ ndɔ lɔ n'ankà ɛnkruemɛ̀n nɛ́n? Ɛẅɛnwrɔn dùku dú ɛnvrakpà wrɔn dɔ́ n'ankà, zɛtɛn anwrɔn hɔ̀n léyi yá Ɛẅɛnwrɔn ɔmùan nɔn, dɔ́ nɛ́n vɔ̀nshɛ́-ẅɛn-ankà.

Ɔwɔ-mɛ̀n-yrikàn 20:15

Ɔwrɔn totɔtɔ̀n léyi ye sɩ̀ merɛ̀n n'ebi ɔkɔrɛ-wrú lɔ mɛ̀n nɔn, yɛ́ kɔ́n nɛ̀n dí ɛnhyà-ẅì nɛ́nbà lɔ mɛ̀n.