Ɔkɔ̀hɔ̀n-wá-bɔ̀ kɔ̀hɔ̀n hán 4:1 - Ɛmɛẅi ankà ankrànkràn 2003

¹ Piɛrɛ̀n mán Zhan ndù kɛ dɔ́ fɛcüè ankà kɩ Ɔwɔ-cice-bɔ̀, Ɔwɔ-cice-wɔn-nán-bɔ̀ wrɔn cüìcüì mán anwrɔn hɔ̀n léyi ke sɩ́ bú owúemɛ̀n-dùfrɔ ankà kɛ tán ankaẅì nɔn nvà.

Ɔkɔ̀hɔ̀n-wá-bɔ̀ kɔ̀hɔ̀n hán 4:1 Iomraidhean Croise

Matie 16:12

Zɛtɛn ɛsɛ̀nkɛn-bɔ̀ lɔ nyri ɔmu le, kè sɩ̀ dù abùtùkumɛ́n ci-fɔ́-ci ankà de Zhezü kɛ dɔ̀a nɔn, tɛ́n ankà-yé léyi Ɔwɔ-nyànmàn-sùva-wá-bɔ̀ mán anwrɔn hɔ̀n léyi ke sɩ́ bú owúemɛ̀n-dù-frɔ́ ankà kɛ tán ankàẅì kɛ tán nɔn, hɩ ankà de nɛ dɔ̀ nɔn.

Matie 22:16

Yɔ wá y'ɛsɛ̀nkɛn-bɔ̀ mán Herɔdɛ̀n zìwú bɔ̀ jan ɔkɔ̀hɔ̀n kɛ̀ hɔ̀n dɔ́ Zhezü le: “Ankà-yé-wrɔn, bɔ́ nyri ɔmu le ɛ dɔ́ ankàẅì ankà: E yé annànwɔrɛ ankà léyi Ɔwɔ ke ji nɔn, ɔwrɔn ankà ke sɩ́ ẅɛn mɛ́n ɛnjansù, kɩ e sɩ́ ci ɔwrɔn zriɛmɛ́n anvɛwú mrɛ̀n.

Matie 27:20

Ɔwɔ-cice-bɔ̀ cüìcüì mán ɛcüìcüì-bɔ̀ kɛ wá fɛcüè ankà kɛ̀ sán Barabasɛ̀n srú-ze, ô ye di Zhezü owúemɛ̀n.

Matie 27:41

Ɔmu zri lɔ de, Ɔwɔ-cice-bɔ̀ cüìcüì hɔ̀n, ɛnyànmàn-gbànvri-ankà-yé-bɔ̀ mán ɛcüìcüì-bɔ̀ kɛ hán nɛ̀n ɛnhyürɛ̀ kɩ kɛ dɔ̀ le:

Matie 3:7

Ɛnvra léyi Zhan kán ɔmu le Ɔwɔ-nyànmàn-sùva-wá-bɔ̀ mán anwrɔn léyi ke sɩ́ bú owúemɛ̀n-dù-frɔ́ ankà kɛ tán ankàẅì, yɔ, anwrɔn bobrebe ndɔ hɔ̀n lɔ, yɔ vá cɔ́ nɛ̀n ô nɛ̀n wá yɔ ɛnshi ɛnkru, kɩ nɛ dɔ́ yɔ le: “Ɛnlɛbrì mɛ̀n mɛ̀n-bɔ̀! Antɔn de dɔ́ nyɛ̀n le, Ɔwɔ mrɛ̀ncì léyi kɛ́n eburi nɔn kɛ lɛ vɔ́n nyɛ̀n ɛwú nɛ́n?

Lükɛ̀n 20:1

Ɛnbɩ̀ tɔ̀n Zhezü ke yé fɛcüè ankà, Ɔwɔ-cice-wɔn lɔ mɛ̀n, kɩ kɛ dɔ́ yɔ Ɛmɛẅi ankà Ankrànkràn lɔ. Ɔwɔ-cice-bɔ̀, mán ɛnyanmàn-gbànvri-ankà-yé-bɔ̀ srɔ, yɔ mán ɛcüìcüì-bɔ̀ mɛhi

Lükɛ̀n 22:4

Zhüda hɔ́n dɔ́ Ɔwɔ-cice-bɔ̀ cüìcüì hɔ̀n mán Ɔwɔ-cice-wɔn-nan-bɔ̀ wrɔn cüìcüì ankà, ô yɔ nyan ɔmu le nɛ lɛ hán ô nɛ̀n ẅɛn Zhezü nɛ̀n tán yɔ nɔn.

Zhan 15:20

Ke bru nyɛ̀n, ankà léyi mɛ̀n dɔ́ nyɛ̀n nɔn: ‘Eci-bɩtan-wrɔn zriɛmɛ́n ke sɩ̀ sevri kɛ̀ vrán n'ankà-yé-wrɔn.’ Ke dú kɛ yɔ kɔ́n mɛ̀n anhà hô, nyɛ́n mán yɔ lɛ kɔ́n nyɛ̀n anhà; ke dú kɛ yɔ ẅɛn m'ankà-yé lɔ yɔ hɛ́n hô, yɔ lɛ ẅɛn nyɛ tɛn lɔ mán yɔ hɛ́n.

Zhan 18:3

Zhüda hɔ́n ɛkɛ̀tɛ̀ cɛ lɔ mɛ̀n, nɛ̀n sɩ́ gɔliɛ-bɔ̀ fɛcüè mán anwrɔn hɔ̀n léyi Ɔwɔ-cice-bɔ̀ cüìcüì mán Ɔwɔ-nyanmàn-sùva-wá-bɔ̀ tán nɛ̀n nɔn; anhà-kɔ́n ci, kɛniɛn mán ɛnhyà-lakà dú yɔ antamɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 4:6

Nanvrɛn lɔ, anwrɔn hɔ̀n léyi yɛ cɔ̀ nɔn dú Hannɛ̀n, Ɔwɔ-cice-wrɔn cüìcüì, Kahifɛ̀n, Zhan, Alɛksandrɛ̀n mán Ɔwɔ-cice-wrɔn cüìcüì mɛ̀n mɛ̀n-bɔ̀ lɔ fɛn.

Ɔkɔ̀hɔ̀n-wá-bɔ̀ kɔ̀hɔ̀n hán 5:17

Zɛtɛn Ɔwɔ-cice-wrɔn cüìcüì mán anwrɔn hɔ̀n léyi dú nɛ̀n ɛtɛ̀sɛ̀n, hɩ dú y'ɛmɛ̀n bɔ̀ ke sɩ́ bú owúemɛ̀n-dùfrɔ́ ankà kɛ tán ankaẅì nɔn, ẅɛn ecüì-hi-kɔ̀n ɔkɔ̀hɔ̀n-wá-bɔ̀ tɛ̀sɛ̀n; yɔ wá le yɔ hán eci.

Ɔkɔ̀hɔ̀n-wá-bɔ̀ kɔ̀hɔ̀n hán 5:24

Ɛnvra léyi Ɔwɔ-cice-wɔn yri-nan-bɔ̀-wrɔn cüìcüì mán Ɔwɔ-cice-bɔ̀ cüìcüì hɔ̀n yá ankà ndɔ lɔ nɔn, yɔ sɩ́ nyri ankà léyi yɔ le tro nɔn, kɩ yɔ yrɛ y'edomɛ̀n eci léyi wɔ́ɛn ɔkɔ̀hɔ̀n-wà-bɔ̀ lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 5:26

Zɛtɛn ɛyri-nan-bɔ̀-wrɔn cüìcüì bɩ́ anwrɔn kɛ̀ hɔ̀n kɛ̀ ẅɛn ɔkɔ̀hɔ̀n-wá-bɔ̀ lɔ kɛ và. Tɛ́n yɔ sɩ̀ ẅɛ̀n yɔ ecüìemɛ̀n, ɔmuhi ɛnjansù mán dú yɔ ɛnbɔrɛ mɛ̀n, kɩ yɔ tro le fɛcüè kɛ lɛ sroan yɔ ɛbù.

Ɔkɔ̀hɔ̀n-wá-bɔ̀ kɔ̀hɔ̀n hán 6:12

Yɔ yɩ́ fɛcüè, ɛcüìcüì-bɔ̀ mán ɛnyànmàn-gbànvri-ankà-yé-bɔ̀ edù, ô kè sɩ́ y'edomɛ̀n ɛwú. Zɛtɛn yɔ ku Etiɛnɛ̀n ɛwú, yɔ ẅɛn nɛ̀n kɩ yɔ sɩ́ nɛ̀n ankà-dɔ̀-trɔ-bɔ̀ mrɛ̀nci zìwú.

Ɔkɔ̀hɔ̀n-wá-bɔ̀ kɔ̀hɔ̀n hán 6:7

Ɔwɔ ankà-dɔ̀ lɔ kɛ sán bonyi ɛyri lɔ fɛn. Ɛsɛ̀nkɛn-bɔ̀ lɔ kɛ sán cüɛn Zherüzalɛmɛ̀n anmàn, kɩ Ɔwɔ-bɔ̀ bobrebe sɩ́ y'edomɛ̀n ɛnhi tán ankaẅì-bùtan, Zhezü bɩmɛ̀n.