Ɔkɔ̀hɔ̀n-wá-bɔ̀ kɔ̀hɔ̀n hán 3:6 - Ɛmɛẅi ankà ankrànkràn 2003

⁶ Zɛtɛn Piɛrɛ̀n kɛ dɔ́ nɛ̀n le: “Mɛ̀n sɩ̀ ẅɛ̀n ɔkùa, mɛ̀n sɩ̀ ẅɛ̀n ansikɛ, tɛ́n eci léyi mɛ́n ẅɛ̀n nɔn, mɛ tán mɛ́n: Nazàrɛtɛ̀n-wrɔn Zhezü Krisì bɩmɛ̀n, tɔhú nán esù!”

Ɔkɔ̀hɔ̀n-wá-bɔ̀ kɔ̀hɔ̀n hán 3:6 Iomraidhean Croise

Matie 10:9

Nyɛ́n bɩ́ bɩ́ ansɩ̀kɛ kùa, dɔlà kùa mán ɛngbɛ́n-ẅì wɔnsɛ́n kùa nyɛ́n wá kotokuemɛ̀n;

Matie 7:22

Ɛnvra léyi ɛmrɛ̀nci vra lɔ kɛ lɛ cɔ̀ nɔn, bobrebe kɛ lɛ dɔ́ mɛ̀n le: ‘Ɛẅɛnwrɔn, Ɛẅɛnwrɔn, v'ebɩ́mɛ̀n de bɔ̀ dɔ́ anwrɔn ankà, bɔ̀ wrɔ́ anhɛ́n gbàngbàn, bɔ̀ hán anvɛmɛ̀n-frɛ́n-ci bobrebe nɔn!’

Markɛ̀n 14:8

Ɛnnyɔnwrɔn lɔ hán eci léyi n'ɛkɔrɛ̀ ncɔ̀ nɔn; nɛ̀n ku mɛ̀n ɛnshi-bán edomɛ̀n ô m'edùwrú lɔ kè nyrì dɛ́ ezhe-nànmàn mɛ̀n.

Markɛ̀n 16:17

Kɩ nyàn anvɛmɛ̀n-frɛ́n-ci hɔ̀n léyi anwrɔn hɔ̀n léyi ẅɛn ankàẅì-bùtan kɛ lɛ hán nɔn. Yɔ lɛ wrɔ́ anhɛ́n gbàngbàn m'ebɩ́ mɛ̀n; yɔ lɛ vra ɛnbrɛ̀ wrù;

Zhan 19:19

Pilatɛ̀n wá tán ye merɛ́n owrú yɛ wá Zhezü gbàn-hán-tɛ̀ lɔ domɛ̀n; owrú lɔ kɛ dɔ̀ le: “Nazarɛtɛ̀n wrɔn Zhezü, Zhüifɛ̀n-bɔ̀ nɛncüì.”

Ɔkɔ̀hɔ̀n-wá-bɔ̀ kɔ̀hɔ̀n hán 10:38

Nyɛ́n nyri ɔmu le Ɔwɔ hán Ɛnhɛ́n Prɔnprɔn kɔrɛ̀-srɔn vá Nazàrɛtɛ̀n-wrɔn Zhezü ɛwú. Nyɛ́n vru nyɛ́n nyri ɔmu le Zhezü hán ci ɛnhi anmàn lɔ fɛn wú, hán anvrɛn, kɩ kɔrɛ anwrɔn hɔ̀n lɔ fɛn léyi dú anwa-wrɔn kɔrɛ̀-levri wú, ɔmuhi nɛ́n mán Ɔwɔ mɛhi yɔ dù nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 16:18

Ɛnnyɔnwrɔn lɔ hán eci lɔ ɛnvra bobrebe. Ɔtrɔmɛ̀n lɔ, Pɔlɛ̀n bɩ́ ɛmɛ̀nhyì vri kɩ crɛ̀ kɛ dɔ́ ɛnhɛ́n lɔ le: “Zhezü-Krisì bɩ́mɛ̀n, mɛ wá tán mɛ́n dù ɛnnyɔnwrɔn lɔ edòmɛ̀n srɔ ɛntrɛ!” Kɩ ɛnvra zri lɔ mɛ̀n, ɛnhɛ́n lɔ dú ɛnnyɔnwrɔn lɔ edomɛ̀n srɔ ɛntrɛ.

Ɔkɔ̀hɔ̀n-wá-bɔ̀ kɔ̀hɔ̀n hán 2:22

Izraɛlɛ̀n-bɔ̀, nyɛ́n die ankà léyi mɛ lɛ dɔ́ nyɛ̀n nɔn nukùɛ: Nazàrɛtɛ̀n-wrɔn Zhezü dú ɔwrɔn léyi Ɔwɔ hán tán nyɛ̀n, nyɛ́n kán n'ɛkɔrɛ̀-srɔn, n'anvɛmɛ̀n-frɛ́n-ci mɛ̀ntɛ mɛ̀ntɛ hɔ̀n mán eci-woroan-ci vɛ́nvɛ́n hɔ̀n léyi nɛ̀n hán ny'anwanzi, hán ɔmu le nyɛ́n dùku mán nyɛ́n nyrì nɔn hɔ́.

Ɔkɔ̀hɔ̀n-wá-bɔ̀ kɔ̀hɔ̀n hán 2:36

Ke ji le Izraɛlɛ̀n fɛcüè lɔ fɛn kè nyri annanwɔrɛ mɛ̀n le: Zhezü ndɔ léyi nyɛ́n gɔ̀n brɛ́ ɛgbàn-hán-tɛ̀ domɛ̀n nɔn, nɛ́n de Ɔwɔ srɔ nɛ̀n Ɛẅɛnwrɔn mán Ebɩ̀die-wrɔn nɔn!”

Ɔkɔ̀hɔ̀n-wá-bɔ̀ kɔ̀hɔ̀n hán 3:16

Zhezü bi lɔ, n'ɛkɔrɛ̀-srɔn mán n'ankaẅì-bùtan ẅɛ̀n, de tán ɔwrɔn ndɔ léyi nyɛ kàn, hɩ nyɛ́n nyrì nɔn, ecüì. Ankaẅì-bùtan léyi nɛ̀n ẅɛn Zhezü wú nɔn, de tán nɛ̀n ɔkɔrɛ̀ léyi nyɛ lɛ fɛn nyɛ kàn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 3:5

Ɔwrɔn lɔ kɛ nyan yɔ esùva-wá mɛ̀n, ɔmuhi ne tro le yɔ lɛ tán nɛ̀n eci nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 3:7

Zɛtɛn Piɛrɛ̀n ẅɛn nɛ̀n ezì-kɔrɛ̀, ô kɛ̀ wá nɛ̀n ɛkɔrɛ̀ nɛ̀n tɔhú. Ɛnvra zri lɔ, ɔkpɔ̀cɔ-wrɔn lɔ annan mán annan-bɔ̀nmɛ̀n gbrɔ́;

Ɔkɔ̀hɔ̀n-wá-bɔ̀ kɔ̀hɔ̀n hán 4:10

Hi tɛ̀, ke ji le nyɛ́n nyrì le, nyɛ́n lɔ fɛn mán Izraɛlɛ̀n fɛcüè lɔ fɛn: ke dú kɛ ɔwrɔn ndɔ lɔ nyɔn nyɛ̀n ezìwú edùsɔmɛ̀n hô, Nazàrɛtɛ̀n-wrɔn Zhezü Krisì bɩ́ kɔrɛ̀srɔn mɛ̀n, nɛ́n léyi nyɛ́n gɔ́n nɛ̀n brɛ́ ɛgbàn-hán-tɛ̀ domɛ̀n kɩ Ɔwɔ hán nɛ̀n nɛ́n vru nɛ̀n vá ɔkɔrɛ-bɔ̀ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:7

Yɔ hán ye bɩ́ ɔkɔ̀hɔ̀n-wá-bɔ̀ lɔ yɔ sɩ́ y'ezìwú kɩ yɔ yrɛ yɔ le: “Ɛkɔrɛ̀srɔn tán mɛ̀n mán antɔnwrɔn bɩ́mɛ̀n de nyɛ́n hán ɔkɔrɛ-kɔ̀hɔ̀n ndɔ lɔ nɛ́n?”

Ɔkɔ̀hɔ̀n-wá-bɔ̀ kɔ̀hɔ̀n hán 9:34

Piɛrɛ̀n kɛ dɔ́ nɛ̀n le: “Ene, Zhezü Krisì kɛ kɔrɛ mɛ́n! È tɔhú, ô è serɛ vɛ́n sofà lɔ.” Ɛnvra zri lɔ Ene tɔhú.

1 Korɛntɛ̀n anmàn-bɔ̀ 4:11

Wacɛ̀n ndɔ lɔ mɛ̀n, bɔ́ kán ɛcizî mán ɛnshi-mi-mùanwú gbàn, bɔ̀ sɩ̀ ẅɛ̀n edùku-ci, ye gorɛ bɔ̀, bɔ́ ci ɛyri-yri;

2 Korɛntɛ̀n anmàn-bɔ̀ 6:10

Yɛ wá bɔ̀ gbɔ̀gbɔ̀ edù, ɔmu tɛ̀kɩ bɔ́ dú ɛnvra lɔ fɛn pɔpüɛ̀-brá mɛ̀n; bɔ̀ dú ɛmian-bɔ̀, tɛ́n bɔ́ wá anwrɔn bobrebe ɛnnɛ̀ncüì; bɔ́ yé bɔ́ edomɛ̀n kɛ hán anwrɔn hɔ̀n léyi kè sɩ̀ ẅɛ̀n eci zriɛmɛ́n nɔn, bɔ́ léyi annanwɔrɛ mɛ̀n lɔ, bɔ̀ ẅɛn eci lɔ fɛn nɔn.

2 Korɛntɛ̀n anmàn-bɔ̀ 8:12

Ɔmuhi ke dú kɛ ye bɩ́ ɛnbɔrɛ anvrɛnvrɛn eci-tán mɛ̀n, Ɔwɔ ke bɩ́ ecice lɔ, kɩ kɛ crɛnyan eci léyi yɛ ẅɛ̀n nɔn, kɩ kè sɩ̀ dù hɩ le ye sɩ̀ ẅɛ̀n hàn nɔn.

2 Korɛntɛ̀n anmàn-bɔ̀ 8:9

Ɔmuhi nyɛ́n nyri bɔ́ Ɛẅɛnwrɔn Zhezü Krisì boafɔ̀n lɔ nɔn: nɛ́n léyi nɛ̀n di ɛnnɛ̀ncüì, nɛ̀n srɔ n'edomɛ̀n ɛmian-wrɔn ny'edùzhrɛ kruhú, ô nɛ̀n wá nyɛ̀n ɛnnɛ̀ncüì n'ɛmìan lɔ mɛ̀n nɔn.

Zhakɛ̀n 2:5

Anwrɔn-nɛ́n-muan-ẅì hɔ̀n nyɛ́n die nukùɛ: Ɔwɔ mrɛ́n ɛmian-bɔ̀ lɔ dú ɛnhibù wú nɔn nbɩ, ô yɔ srɔ ɛnnɛ̀ncüì hɔ̀n ankaẅì-bùtan ẅɛn mɛ̀n, ô yɔ cɔ́ Anhobɩ́ Nɛ̀ncüì-dúyri léyi nɛ̀n wá anwrɔn léyi kɛ cüɛ́n nɛ̀n nɔn ɔmùan.

1 Piɛrɛ̀n 4:10

Ke ji le ɔwrɔnwrɔn ke bɩ́ nɛ́n nyran hɔ̀n kruhú, ɛkɔrɛ̀-wá-ci léyi nɛ̀n cɔ́ Ɔwɔ yri nɔn nɛ̀n hán yɔ anvrɛn. Ɔmu lɔ de nyɛ lɛ srɔ Ɔwɔ kɔrɛ̀-wá-ci bobrebe hɔ̀n léyi nyɛ́n cɔ̀ nɔn, n'eci-hán-bɔ̀ ankrankràn.