Ɔkɔ̀hɔ̀n-wá-bɔ̀ kɔ̀hɔ̀n hán 3:16 - Ɛmɛẅi ankà ankrànkràn 2003

¹⁶ Zhezü bi lɔ, n'ɛkɔrɛ̀-srɔn mán n'ankaẅì-bùtan ẅɛ̀n, de tán ɔwrɔn ndɔ léyi nyɛ kàn, hɩ nyɛ́n nyrì nɔn, ecüì. Ankaẅì-bùtan léyi nɛ̀n ẅɛn Zhezü wú nɔn, de tán nɛ̀n ɔkɔrɛ̀ léyi nyɛ lɛ fɛn nyɛ kàn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 3:16 Iomraidhean Croise

Matie 14:29

Zhezü mrɛ́n ɔmùan le: “Và!” Piɛrɛ̀n dú anhàka mɛ̀n kakɛ kɩ bukru kɛ nán esù ɛnshi wú wrɔ́ Zhezü hɔ̀n.

Matie 9:22

Zhezü crɛ̀, kán nɛ̀n, kɩ dɔ̀ le: “Bɩ́ edùyì, m'ɛnẅì ɛnnyɔnwrɔn-ẅì! V'ankàẅì-bùtan lɔ kɔrɛ mɛ́n.” Kɩ ɛnvra lɔ mɛ̀n, ɛnnyɔnwrɔn lɔ cɔ́ ɔkɔrɛ̀.

Zhan 14:12

Annanwɔrɛ mɛ̀n mɛ dɔ́ nyɛ̀n le: ɔwrɔn léyi ke bú m'ankà kɛ tán ankaẅì nɔn, nɛ lɛ hán nɛ́n mán, ɛci hɔ̀n léyi mɛ hán nɔn. Nɛ lɛ hán yɔ kɛ lɛ sàn sevri, ɔmuhi mɛ hɔ́n Dade tɛsɛ̀n nɔn.

Zhan 7:23

Ke dú kɛ ɛnyanmán-bì lɔ, ɛkɔrɛ̀-levri dù nyɛ lɛ hán wucɔ̀ domɛ̀n wí kɔ̀hɔ̀n tɛ̀, ô nyɛ́n bɩ́ fɔndɔn Mohizì nyanmàn lɔ, cɛci kruhú kɛ nye bɩ́ ɛmɛnhyì kú mɛ̀n ɛwú, ɔmuhi mɛ̀n kɔrɛ̀ ɔwrɔnẅì mumù lɔ ɛnyanmán-bì vra lɔ nɛ́n?

Ɔkɔ̀hɔ̀n-wá-bɔ̀ kɔ̀hɔ̀n hán 14:9

Ne die ankà léyi Pɔlɛ̀n kɛ dɔ̀ nɔn nukùɛ. Pɔlɛ̀n crɛ anvɛ̀ kɛ́n nɛ̀n kɩ kán ɔmu le ɔkpɔcɔ-wrɔn lɔ ẅɛn ankàẅì-bùtan léyi kɛ lɛ kɔrɛ̀ nɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 16:18

Ɛnnyɔnwrɔn lɔ hán eci lɔ ɛnvra bobrebe. Ɔtrɔmɛ̀n lɔ, Pɔlɛ̀n bɩ́ ɛmɛ̀nhyì vri kɩ crɛ̀ kɛ dɔ́ ɛnhɛ́n lɔ le: “Zhezü-Krisì bɩ́mɛ̀n, mɛ wá tán mɛ́n dù ɛnnyɔnwrɔn lɔ edòmɛ̀n srɔ ɛntrɛ!” Kɩ ɛnvra zri lɔ mɛ̀n, ɛnhɛ́n lɔ dú ɛnnyɔnwrɔn lɔ edomɛ̀n srɔ ɛntrɛ.

Ɔkɔ̀hɔ̀n-wá-bɔ̀ kɔ̀hɔ̀n hán 3:6

Zɛtɛn Piɛrɛ̀n kɛ dɔ́ nɛ̀n le: “Mɛ̀n sɩ̀ ẅɛ̀n ɔkùa, mɛ̀n sɩ̀ ẅɛ̀n ansikɛ, tɛ́n eci léyi mɛ́n ẅɛ̀n nɔn, mɛ tán mɛ́n: Nazàrɛtɛ̀n-wrɔn Zhezü Krisì bɩmɛ̀n, tɔhú nán esù!”

Ɔkɔ̀hɔ̀n-wá-bɔ̀ kɔ̀hɔ̀n hán 3:8

nɛ́n trɛ̀nshɛn, kɩ nɛ̀n bukru nɛ nán esù. Nɛ́n mán ɔkɔ̀hɔ̀n-wá-bɔ̀ lɔ mɛhi yɔ bru Ɔwɔ-cice-wɔn lɔ mɛ̀n, nɛ nán esù, nɛ trɛ̀n kɩ nɛ mrɛ́n Ɔwɔ.

Ɔkɔ̀hɔ̀n-wá-bɔ̀ kɔ̀hɔ̀n hán 4:10

Hi tɛ̀, ke ji le nyɛ́n nyrì le, nyɛ́n lɔ fɛn mán Izraɛlɛ̀n fɛcüè lɔ fɛn: ke dú kɛ ɔwrɔn ndɔ lɔ nyɔn nyɛ̀n ezìwú edùsɔmɛ̀n hô, Nazàrɛtɛ̀n-wrɔn Zhezü Krisì bɩ́ kɔrɛ̀srɔn mɛ̀n, nɛ́n léyi nyɛ́n gɔ́n nɛ̀n brɛ́ ɛgbàn-hán-tɛ̀ domɛ̀n kɩ Ɔwɔ hán nɛ̀n nɛ́n vru nɛ̀n vá ɔkɔrɛ-bɔ̀ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:30

È yé v'ɛkɔrɛ̀-srɔn, ô ɛnlɔẅiɛ-bɔ̀ kɛ̀ kɔrɛ̀, anvɛmɛ̀n-frɛ́n-ci mán eci-woroan-ci kɛ sá nmù v'eci-bɩ̀tan-wrɔn prɔnprɔn Zhezü bɩmɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 4:7

Yɔ hán ye bɩ́ ɔkɔ̀hɔ̀n-wá-bɔ̀ lɔ yɔ sɩ́ y'ezìwú kɩ yɔ yrɛ yɔ le: “Ɛkɔrɛ̀srɔn tán mɛ̀n mán antɔnwrɔn bɩ́mɛ̀n de nyɛ́n hán ɔkɔrɛ-kɔ̀hɔ̀n ndɔ lɔ nɛ́n?”

Rɔmɛ̀n-anmàn-bɔ̀ 3:22

Ɔwɔ kɛ srɔ anwrɔnẅì ɛnnyrɔnnan-bɔ̀ n'ezìwú y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú. Nɛ hán ndɔ lɔ tán anwrɔn hɔ̀n lɔ fɛn léyi ẅɛn ankaẅì-bùtan Krisì mɛ̀n nɔn, ɔmuhi yɔ lɔ fɛn nzriɛmɛ́n kè sɩ̀ vɛ̀n hàn nɔn:

1 Korɛntɛ̀n anmàn-bɔ̀ 13:2

Mɛ lɛ dɔ́ Ɔwɔ mɛẅi ankà léyi mɛ́n cɔ̀ nɔn, mɛ lɛ ẅɛn ankà-nyrì lɔ fɛn, ô mɛ̀n yá anvɛmɛ̀n-frɛ́n-ci hɔ̀n lɔ fɛn y'ɛmɛ̀n ankà, mɛ lɛ ẅɛn ankaẅì-bùtan kɛ lɛ hán tán mɛ̀n frɛ́ ɛnkpò hɔ̀n lɔ fɛn mɛ̀n hɛ́n ɛyri nyàntɛn, ke dú kɛ mɛ̀n sɩ̀ ẅɛ̀n ɛcüɛ̀n, mɛ̀n sɩ̀ dù eci zriɛmɛ́n.