Ɔkɔ̀hɔ̀n-wá-bɔ̀ kɔ̀hɔ̀n hán 3:12 - Ɛmɛẅi ankà ankrànkràn 2003

¹² Ɛnvra léyi Piɛrɛ̀n kán ndɔ lɔ, nɛ dɔ́ fɛcüè le: “Izraɛlɛ̀n-bɔ̀, cɛci kruhú kɛ anvɛmɛ̀n kɛ frɛ́n nyɛ̀n ɔwrɔn ndɔ lɔ n'ɔkɔrɛ̀ lɔ kruhúɛ? Cɛci kruhú kɛ nyɛ nyan bɔ̀, kɛ hán le, bɔ́ ɛkɔrɛ̀srɔn mɛ̀n mán b'Ɔwɔ tɛ̀sɛ̀n dù de hán ɔwrɔn ndɔ lɔ nán esù nɛ́n?

Ɔkɔ̀hɔ̀n-wá-bɔ̀ kɔ̀hɔ̀n hán 3:12 Iomraidhean Croise

Zhan 7:18

Ɔwrɔn léyi kɛ dɔ́ ankà nɛ́n zrí n'ɛkɔrɛ̀-levriemɛ̀n nɔn, ne ji n'eci-zrɔ. Tɛ́n ɔwrɔn léyi kɛ hán eci-zrɔ kɔ̀hɔ̀n tán ɔwrɔn léyi wá nɛ̀n ɔkɔ̀hɔ̀n nɔn, kɛ dɔ́ ankà annanwɔrɛ, kɩ ɛyɔ̀n ankà zriɛmɛ́n badà nɛ̀n ɛmɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 13:26

Anwrɔn-nɛ́n-mùan-ẅì hɔ̀n, nyɛ́n léyi nyɛ́n dú Abrahamɛ̀n mɛẅi-bɔ̀ mán nyɛ́n léyi nyɛ́n dú ɛnu, Ɔwɔ ankɔrɛ̀ ezìwú cüemɛ̀n nɔn: bɔ́ de ɛnkrukɔrɛ̀ mɛẅi ankà lɔ, kɛ zɛ́n bɔ̀ ɛnsrì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:22

Izraɛlɛ̀n-bɔ̀, nyɛ́n die ankà léyi mɛ lɛ dɔ́ nyɛ̀n nɔn nukùɛ: Nazàrɛtɛ̀n-wrɔn Zhezü dú ɔwrɔn léyi Ɔwɔ hán tán nyɛ̀n, nyɛ́n kán n'ɛkɔrɛ̀-srɔn, n'anvɛmɛ̀n-frɛ́n-ci mɛ̀ntɛ mɛ̀ntɛ hɔ̀n mán eci-woroan-ci vɛ́nvɛ́n hɔ̀n léyi nɛ̀n hán ny'anwanzi, hán ɔmu le nyɛ́n dùku mán nyɛ́n nyrì nɔn hɔ́.

Ɔkɔ̀hɔ̀n-wá-bɔ̀ kɔ̀hɔ̀n hán 3:11

Ɔmuhi ɔwrɔn léyi kɔrɛ̀ nɔn, ke sɩ́ cɔhɔ́ Piɛrɛ̀n mán Zhan ɛtɛ̀sɛ̀n nɔn, yɔ lɔ fɛn léyi yɔ dú anvɛmɛ̀n-frɛ́n mɛ̀n nɔn, yɔ srɛ́ hɔ́n Piɛrɛ̀n mán Zhan ɛtɛ̀sɛ̀n, ɛyri léyi ye bi “Salomɔn Levri” Ɔwɔ-cice-wɔn lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 3:13

Abrahamɛ̀n, Izaakɛ̀n, Zhakɔbɛ̀n mán bɔ́ nancüì hɔ̀n Wɔ, yé n'eci-bɩtan-wrɔn Zhezü ci-zrɔ lɔ. Nyɛ́n dùku, nyɛ́n bɩ́ nɛ̀n nyɛ́n tán ɛyri-ẅɛn-bɔ̀, kɩ nyɛ́n kɔ́n nɛ̀n nyɛ́n ze Pilatɛ̀n zìwú, tɛ́n Pilatɛ̀n wá kè teze nɛ̀n.

Rɔmɛ̀n-anmàn-bɔ̀ 11:1

Zɛtɛn me yrɛ le: Ɔwɔ teze nɛ́n fɛcüè lɔa nɛ̀n? Annànwɔrɛ mɛ̀n lɔ hɔ̂! Ɔmuhi mɛ́n dùku mán mɛ̀n dú Izraɛlɛ̀n ẅì, Abrahamɛ̀n mɛẅi-wrɔn, Bɛnzhamɛn mɛ̀n mɛ̀n-wrɔn nɔn.

Rɔmɛ̀n-anmàn-bɔ̀ 9:4

Yɔ dú Izraɛlɛ̀n fɛcüè mɛ̀n-bɔ̀: Ɔwɔ srɔ yɔ n'ɛẅì hɔ̀n, nɛ̀n tán yɔ n'ɛmɛ̀n-dù ci-zrɔ, nɛ́n mìrɛ̀n hɔ̀n lɔ, ɛnyànmàn, ɛcice kɔhɔ̀n-hán, ɔmùan-wá hɔ̀n.

2 Korɛntɛ̀n anmàn-bɔ̀ 3:5

Annanwɔrɛ mɛ̀n lɔ, bɔ́ sɩ̀ ẅɛ̀n edù b'á hán ɔkɔ̀hɔ̀n ndɔ ɔmu lɔ bɔ́ dùku bɔ́ ecüì zriemɛ̀n. Eci léyi bɔ̀ ẅɛn n'ɛhán kɔrɛ̀-levri nɔn, dú Ɔwɔ yri và;

Ɔwɔ-mɛ̀n-yrikàn 7:13

Ɛcüìcüì-bɔ̀ lɔ ɔtɔ̀n ke yrɛ mɛ̀n le: “Antɔn hɔ̀n dú anwrɔn hɔ̀n léyi cɔ́ ɛceci she wosu, kɩ tɛyri de yɔ dù yɔ và nɛ́n?”