Ɔkɔ̀hɔ̀n-wá-bɔ̀ kɔ̀hɔ̀n hán 3:10 - Ɛmɛẅi ankà ankrànkràn 2003

¹⁰ Ɛnvra léyi yɔ nyri ɔmu le nɛ́n de nɛ yɛ́ Ɔwɔ-cice-wɔn, gbàtà fifi lɔ tɛsɛ̀n nɛ sán ɛci nɔn, yɔ lɛ fɛn ɛnjansù yɩ́ yɔ ɛnbɔrɛ mɛ̀n, kɩ yɔ dú anvɛmɛ̀n-frɛ́n mɛ̀n, eci léyi wɔɛ́n ɔkpɔ̀cɔ-wrɔn lɔ edomɛ̀n nɔn, kruhú.

Ɔkɔ̀hɔ̀n-wá-bɔ̀ kɔ̀hɔ̀n hán 3:10 Iomraidhean Croise

Matie 14:35

Nanvrɛn anmàn-bɔ̀ nyri Zhezü kɩ yɔ dɔ́ n'ɛvá-ankà ɔkpɔsɔ lɔ wú, kɩ yɛ vá sɩ́ nɛ̀n ɛnlɔẅiɛ-bɔ̀ lɔ fɛn.

Lükɛ̀n 4:36

Yɔ lɔ fɛn lɔ, ye dú anvɛmɛ̀n-frɛ́n mɛ̀n kɩ yɔ dɔ́ y'edomɛ̀n le: “Ankà-dɔ̀ tán de dú ndɔ lɔ nɛ́n? Ɔwrɔn ndɔ kɛ tán anhɛ́n gbangbàn hɔ̀n ɛnyanmàn ɛkɔrɛ̀levri mɛ̀n mán ɔkɔrɛ̀-srɔn mɛ̀n kɩ yɔ srɔ ɛntrɛ.”

Lükɛ̀n 9:43

Kɩ, yɔ lɔ fɛn, ye dú anvɛmɛ̀n-frɛ́n mɛ̀n Ɔwɔ kɔrɛ̀srɔn vrisɩ̀ zɩ̀wú. Ɔmuhi ɔwrɔnwrɔn vru dú anvɛmɛ̀n-frɛ́n mɛ̀n, eci léyi Zhezü kɛ hán nɔn kruhú, kɩ nɛ dɔ́ n'ɛsɛnkɛn-bɔ̀ lɔ le:

Zhan 5:20

Ɔmuhi, Ɛnẅì-nɛ́n-zi kɛ cüɛ́n Ɛnẅì kɩ ke yé nɛ̀n eci léyi nɛ́n dùku nɛ hán nɔn. Ne le yé yi ɔkɔhɔ̀n-hán ke le sevri vrán ndɔ hɔ̀n léyi nɛ̀n hán, kɩ nye le dú anvɛmɛ̀n-frɛ́n-mɛ̀n.

Zhan 9:3

Zhezü mrɛ́n yɔ ɔmùan le: “Ke sɩ̀ dù nɛ́n mán n'ɛmɛ̀n-bɔ̀ gbàn kruhú. Nɛ́n sɩ́ kán ɛyri, ô Ɔwɔ kɔrɛ̀-kɔhɔ̀n lɔ ke ci n'eyri kɛ̀ yé n'edomɛ̀n.

Zhan 9:8

Zɛtɛn n'ɛtɛsɛ̀n-bɔ̀ mán anwrɔn hɔ̀n léyi gɔ́ kán nɛ̀n ɛci sán yri nɔn, kɛ dɔ̀ le: “Kè sɩ̀ dù ɔwrɔn ndɔ lɔ de kɛ yɛ́ kɛ sán ɛci nɛ́n?”

Ɔkɔ̀hɔ̀n-wá-bɔ̀ kɔ̀hɔ̀n hán 2:12

Yɔ lɔ fɛn, yɔ dú anvɛmɛn-frɛ́n mɛ̀n kɩ yɔ sɩ́ nyri ankà léyi yɔ le tro nɔn; yɔ dɔ́ y'edomɛ̀n le: “Ndɔ lɔ n'ɛmɛ̀n dú tɛtan?”

Ɔkɔ̀hɔ̀n-wá-bɔ̀ kɔ̀hɔ̀n hán 2:7

Yɔ lɔ fɛn yɔ dú anvɛmɛ̀n-frɛ́n mɛ̀n mán pɔpüɛ̀ mɛ̀n kɩ yɔ dɔ̀ le: “Anwrɔn ndɔ hɔ̀n lɔ, hɩ kɛ dɔ́ ankà nɔn, yɔ lɔ fɛn yɔ sɩ̀ dù Galile anmàn-bɔ̀a?

Ɔkɔ̀hɔ̀n-wá-bɔ̀ kɔ̀hɔ̀n hán 3:2

Ecice-wɔn gbàtà, angbàtà léyi ye bi “Angbàta Fifi” nɔn, n'ɛtɛsɛ̀n lɔ ɔwrɔn tɔ̀n ndù, kɩ ɛcɛmɛ̀n hàn hɛ́n, nɛ̀n ẅɛn ɔkpɔ̀cɔ lɔẅiɛ. Ɛnbì lɔ fɛn ye sɩ́ nɛ̀n, kɩ yɛ hɛ́n nɛ̀n nanvrɛn, ô anwrɔn hɔ̀n léyi ke bru Ɔwɔ-sɛ́n-wɔn lɔ mɛ̀n nɔn, nɛ̀n sán yɔ ɛci.