Ɔkɔ̀hɔ̀n-wá-bɔ̀ kɔ̀hɔ̀n hán 3:1 - Ɛmɛẅi ankà ankrànkràn 2003

¹ Piɛrɛ̀n mán Zhan kɛ hɔ́n Ɔwɔ sɛ́n yri, ecice-wɔn lɔ mɛ̀n, ɔwɔɛmɛ̀n wacɛ̀n anhɔ̀n vra.

Ɔkɔ̀hɔ̀n-wá-bɔ̀ kɔ̀hɔ̀n hán 3:1 Iomraidhean Croise

Matie 17:1

Ɛbi-ɔwole vacì, Zhezü bɩ́ Piɛrɛ̀n, Zhakɛ̀n mán Zhan, Zhakɛ̀n nɛ́n muan-ẅì, kɩ sɩ́ yɔ ɛnkpò vri tɔ̀n wú, kɩ nanvrɛn lɔ, yɔ, anwrɔn anzɔ̀ lɔ kɩ yɔ dù.

Matie 26:37

Zɛtɛn nɛ̀n bɩ́ Piɛrɛ̀n mán Zebede ẅì hɔ̀n anhyrɛ̀ lɔ yɔ hɔ̀n. Owù jansù mán obòtò bukru ke ku nɛ̀n edù.

Matie 27:45

Ɛnvra léyi ɛnbri shɛ́n nɔn, ɛyri wá sɛ́n anmàn ɛnhi wú lɔ fɛn hàn kɩ cɔ́ ɔwɔɛmɛ̀n wacɛ̀n anhɔ̀n.

Lükɛ̀n 1:10

Fɛcüè lɔ fɛn nyɔn ɛntrɛ kɛ sɛ́n Ɔwɔ, ɛnvra léyi ye dù yɛ biɛ anjɔsàn nɔn.

Lükɛ̀n 18:10

“Anwrɔn anhyrɛ̀ hɔ́n Ɔwɔ-sɛ́n-wɔn mɛ̀n, Ɔwɔ-sɛ́n-yri; ɔtɔ̀n dú ɔwɔ-nyanmàn-sùva-wá-wrɔn, kɩ ndɔ lɔ, anmàn-wɔɛ̀n-yrɛ-wrɔn.

Lükɛ̀n 22:8

Zhezü wá Piɛrɛ̀n mán Zhan ɔkɔhɔ̀n, kɩ kɛ dɔ́ yɔ le: “Nyɛ́n hɔ̀n nyɛ́n gbrɛ́ bɔ́ Ɛẅɛnwrɔn-bemɛ̀n-cì koran ci-zî lɔ.”

Lükɛ̀n 24:53

Yɔ dú ɛnvra lɔ fɛn Ɔwɔ-cice-wɔn lɔ mɛ̀n kɩ yɔ mrɛ́n Ɔwɔ.

Zhan 21:7

Ɛsɛnkɛn-wrɔn léyi Zhezü kɛ cüɛ̀n nɔn kɛ dɔ́ Piɛrɛ̀n le: “Ɛẅɛnwrɔn de dɔ́ ankà nɔn!” Ɛnvra léyi Simɔn Piɛrɛ̀n yá ankà ndɔ lɔ nɔn: “Ɛẅɛnwrɔn de dɔ́ ankà nɔn”, nɛ̀n bɩ́ n'ɛwú ceci nɛ́n cɔ̀, ɔmuhi nɛ̀n nyɔn ɛsɛ̀n-kɔra, kɩ nɛ̀n bru ɛnshi.

Ɔkɔ̀hɔ̀n-wá-bɔ̀ kɔ̀hɔ̀n hán 10:3

Ɛnbì tɔ̀n ɔwɔɛmɛ̀n wacɛ̀n anhɔ̀n, Kɔrnɛyì cɔ́ Ɔwɔ-mɛ̀n-yri-kàn tɔ̀n: nɛ̀n kán Ɔwɔ-kùyüre-wrɔn tɔ̀n kpete bru nɛ̀n ɛbemɛ̀n kɩ kɛ dɔ́ nɛ̀n le: “Kɔrnɛyì!”

Ɔkɔ̀hɔ̀n-wá-bɔ̀ kɔ̀hɔ̀n hán 10:30

Kɔrnɛyì mrɛ́n ɔmùan le: “Nyàn ɛbi anhɔ̀n ndɔ, wacɛ̀n nzri lɔ mɛ̀n, ɛnbri-dɛ́n-mùan mɛ̀n wacɛ̀n anhɔ̀n, mɛ́n dú Ɔwɔ-sɛ́n mɛ̀n m'ɛbemɛ̀n. Kpatakpata lɔ, ɔwrɔn tɔ̀n léyi ẅɛn ɛci-gbrɛ́n-ci edomɛ̀n nɔn, nyɔn mɛ̀n ezìwúɛ

Ɔkɔ̀hɔ̀n-wá-bɔ̀ kɔ̀hɔ̀n hán 2:46

Ɛnbì lɔ fɛn, ɛnvra zri lɔ mɛ̀n, yɔ borɛkru Ɔwɔ-cice-wɔn lɔ mɛ̀n, yɔ zî ɛci ɛyri zri y'anwɔn hɔ̀n lɔ mɛ̀n, kɩ y'ɛci-zî lɔ ke dú pɔpüɛ mɛ̀n mán ɛnbɔrɛ cɛ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 3:3

Ɔkpɔ̀cɔ-wrɔn lɔ kán Piɛrɛ̀n mán Zhan kɛ vá ecice-wɔn lɔ mɛ̀n bru-yri kɩ nɛ sán yɔ ɔkùa.

Ɔkɔ̀hɔ̀n-wá-bɔ̀ kɔ̀hɔ̀n hán 3:4

Piɛrɛ̀n mán Zhan crɛ anvɛ̀ kɛ́n nɛ̀n kɩ Piɛrɛ̀n kɛ dɔ́ nɛ̀n le: “Ɛ̀ nyan bɔ̀.”

Ɔkɔ̀hɔ̀n-wá-bɔ̀ kɔ̀hɔ̀n hán 4:13

Ankà-dɔ̀-trɔ-bɔ̀ dú anvɛmɛ̀n-frɛ́n mɛ̀n, ɔmuhi yɔ kán Piɛrɛ̀n mán Zhan, ankà-dɔ̀ ke wole anmùan mɛ̀n, kɩ yɔ nyri ɔmu le, yɔ dú anwrɔn kora hɔ̀n, kɩ owrú mán yɔ sɩ̀ kàn. Yɔ nyri ɔmu le Zhezü sɛnkɛ̀n-bɔ̀ dú yɔ.

Ɔkɔ̀hɔ̀n-wá-bɔ̀ kɔ̀hɔ̀n hán 5:25

Zɛtɛn ɔwrɔn tɔ̀n srɔ kɩ kɛ dɔ́ yɔ le: “Nyɛ́n die nukùɛ! Anwrɔn hɔ̀n léyi nyɛ́n wá anwɔn mɛ̀n nɔn dú Ɔwɔ-cice-wɔn lɔ mɛ̀n ke yé fɛcüè ankà.”

Ɔkɔ̀hɔ̀n-wá-bɔ̀ kɔ̀hɔ̀n hán 8:14

Ɔkɔ̀hɔ̀n-wá-bɔ̀ léyi dú Zherüzalɛmɛ̀n anmàn nɔn, ncɔ́ nyrì le Samari kpɔsɔ wú anmàn-bɔ̀ cɔ́ Ɔwɔ mùan-ankà yá; zɛtɛn yɔ hán Piɛrɛ̀n mán Zhan hɔ́n cɔ́ yɔ.

Galasi anmàn-bɔ̀ 2:9

Zhakɛ̀n, Piɛrɛ̀n mán Zhan hɔ̀n léyi ndù hán Ɔwɔ-fɛcüè bù-nan hɔ́ nɔn, nyri ɔmu le Ɔwɔ wá mɛ̀n ɔkɔ̀hɔ̀n vɛ́n ndɔ lɔ antamɛ̀n; zɛtɛn yɔ tán bɔ̀ ɛkɔrɛ̀, Barnabasɛ̀n mán mɛ̀n, ɔmùan-krɔn ci-hán mɛ̀n. Ɔmu lɔ de, bɔ lɛ fɛn ɔmùan-krɔn mɛ̀n lɔ, bɔ̀ wá le, bɔ́ eci-hán mɛ̀n lɔ, bɔ́ lɛ hɔ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn y'anwanzi bɔ̀ hán ɔkɔ̀hɔ̀n, kɩ yɔ tɛn yɔ lɛ hɔ́n Zhüifɛ̀n-bɔ̀ yri.