Ɔkɔ̀hɔ̀n-wá-bɔ̀ kɔ̀hɔ̀n hán 27:1 - Ɛmɛẅi ankà ankrànkràn 2003

¹ Ɛnvra léyi yɛ wá le bɔ́ lɛ bɩ́ ɛnhyàbri-hɛ̀ bɔ̀ hɔ́n Itali ɛnhi wú nɔn, ye bɩ́ Pɔlɛ̀n mán anwɔn-mɛ̀n-wá-bɔ̀ jan, yɛ wá gɔliɛ-wrɔn tɔ̀n léyi ye bi Zhülihüsɛ̀n nɔn antamɛ̀n, nɛ̀n dú Rɔmɛ̀n ɛnhi wú Nɛ̀ncüì lɔ, nɛ́n anhà-kɔ́n-fɛcüè-gɔliɛ-wrɔn cüìcüì.

Ɔkɔ̀hɔ̀n-wá-bɔ̀ kɔ̀hɔ̀n hán 27:1 Iomraidhean Croise

Matie 27:54

Rɔmɛ̀n gɔliɛ-wrɔn cüìcüì lɔ mán gɔliɛ-bɔ̀ léyi kɛ nán Zhezü nɔn kán ɛnhi léyi jɔ́kɔ̀ mán ɛci hɔ̀n léyi wɔɛ̀n nɔn; ɛnjansù vri ẅɛn yɔ kɩ yɔ dɔ̀ le: “Annànwɔrɛ mɛ̀n lɔ nɛ̀n dú Ɔwɔ ẅì!”

Lükɛ̀n 23:47

Gɔliɛ-wrɔn léyi nyɔn nɔn, kán eci léyi wɔɛ̀n nɔn, nɛ mrɛ́n Ɔwɔ kɩ nɛ dɔ̀ le: “Annànwɔrɛ mɛ̀n, ɔwrɔn ndɔ lɔ dú ɔwrɔn anvrɛnvrɛn.”

Lükɛ̀n 7:2

Nanvrɛn lɔ gɔliɛ-wrɔn cüìcüì tɔ̀n, ẅɛn n'eci-bɩ̀tan-wrɔn léyi yi ankà kɛ yɔ nɛ̀n edú nɔn. Eci-bɩ̀tan-wrɔn ndɔ lɔ, ɛnlɔwiɛ dà ke ji kè wù.

Ɔkɔ̀hɔ̀n-wá-bɔ̀ kɔ̀hɔ̀n hán 10:1

Ɔwrɔn tɔ̀n ye bi Kɔrnɛyì, dú Sezare anmàn, nɛ̀n dú ɛfrá-wrɔn Rɔmɛ̀n anhà-kɔ́n-fɛcüè tɔ̀n mɛ̀n, kɩ anhà-kɔ́n-fɛcüè ndɔ lɔ ye bi nɛ̀n “Itali anhà-kɔ́n-fɛcüè”.

Ɔkɔ̀hɔ̀n-wá-bɔ̀ kɔ̀hɔ̀n hán 10:22

Yɔ mrɛ́n ɔmùan le: “Bɔ̀ vá ɛfrá-wrɔn Kɔrnɛyì bɩmɛ̀n. Nɛ̀n dú ɛnyrɔn-nan-wrɔn léyi kɛ wá Ɔwɔ, hɩ Zhüifɛ̀n-bɔ̀ lɔ fɛn kɛ cüɛ̀n nɔn. Ɔwɔ-kùyüre-wrɔn tɔ̀n wá tán nɛ̀n le nɛ̀n hán mɛ́n ɛ̀ và cɔ́ nɛ̀n ne yri ɛbemɛ̀n, ô nɛ̀n yá ankà léyi ɛ ẅɛ̀n ɛ lɛ dɔ́ nɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 16:10

Ɛnvra zri léyi Ɔwɔ-mɛ̀n-yri-kàn ndɔ lɔ vacì nɔn, bɔ̀ ji Masedúhanɛ̀n kpɔsɔ wú hɔ́n yri, ɔmuhi, bɔ́ nyrì le Ɔwɔ bi bɔ̀, bɔ̀ và sɩ́ anwrɔn hɔ̀n léyi dú ɔkpɔsɔ ndɔ lɔ wú nɔn, Ɛmɛẅi Ankà Ankrankran lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 18:2

Nɛ̀n cɔ́ Zhüifɛ̀n-wrɔn tɔ̀n ye bi Akilasɛ̀n, kɩ ye bî nɛ̀n Pɔn kpɔsɔ wú: nɛ́n mán nɛ́n hi Prisilɛ̀n mɛhi yɔ dú Itali ɛnhi-nan wú yɔ và, ɔmuhi ɛnnɛ̀ncüì Klodɛ̀n wá tán Zhüifɛ̀n-bɔ̀ lɔ fɛn kɛ cɔhɔ́ Rɔmɛ̀n anmàn nɔn. Pɔlɛ̀n hɔ́n cɔ́ yɔ

Ɔkɔ̀hɔ̀n-wá-bɔ̀ kɔ̀hɔ̀n hán 19:21

Ankà ndɔ hɔ̀n lɔ fɛn mɛẅi lɔ, Pɔlɛ̀n wá kè ci Maseduhanɛ̀n mán Grɛsɛ̀n kpɔsɔ wú kɛ̀ hɔ́n Zherüzalɛmɛ̀n anmàn. Nɛ́n dɔ̀ le: “Ɛnvra léyi me le bru nanvrɛn nɔn, ke ji le mɛ̀n kán Rɔmɛ̀n anmàn mán.”

Ɔkɔ̀hɔ̀n-wá-bɔ̀ kɔ̀hɔ̀n hán 21:32

Kpatakpata lɔ, ɔwrɔn cüìcüì lɔ, bɩ́ gɔliɛ-bɔ̀ wá edomɛ̀n wrɔ́ fɛcüè hɔ̀n. Ɛnvra léyi yɔ kán gɔliɛ-bɔ̀ wrɔn cüìcüì lɔ mán gɔliɛ-bɔ̀ mɛhi nɔn, yɛ kɛ́n ɛkɔrɛ̀ hɛ́n, ye sɩ̀ vru gorɛ Pɔlɛ̀n hàn.

Ɔkɔ̀hɔ̀n-wá-bɔ̀ kɔ̀hɔ̀n hán 22:26

Ɛnvra léyi gɔliɛ-wrɔn lɔ yá ankà lɔ nɔn, nɛ́n hɔ̀n nɛ̀n dɔ́ n'ɔwrɔn cüìcüì lɔ le: “Ecitan de ɛ̀ vá ɛ hán yri nɛ́n? Ɔwrɔn ndɔ lɔ dú rɔmɛ̀n anmàn ɛnhi wú ẅì!”

Ɔkɔ̀hɔ̀n-wá-bɔ̀ kɔ̀hɔ̀n hán 23:11

Ɛnnyran léyi kɛ̀n nɔn, Ɛẅɛnwrɔn bɩ́ n'edomɛ̀n yé Pɔlɛ̀n kɩ kɛ dɔ́ nɛ̀n le: “Bɩ edùyì! E di mɛ̀n dalɛfuɛ ɛnu, Zherüzalɛmɛ̀n anmàn, kɩ ke ji le ɛ̀ hán eci zri lɔ Rɔmɛ̀n ɛnhi wú anmàn mán.”

Ɔkɔ̀hɔ̀n-wá-bɔ̀ kɔ̀hɔ̀n hán 23:17

Zɛtɛn Pɔlɛ̀n bi gɔliɛ-bɔ̀ lɔ ɔtɔ̀n kɩ kɛ dɔ́ nɛ̀n le: “Ɛ̀ hɔ̀n sɩ́ sùgban-ẅì ndɔ lɔ gɔliɛ-wrɔn cüìcüì lɔ yri, ɔmuhi nɛ̀n ẅɛn ankà ne ji nɛ̀n dɔ́ yi nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 24:23

Nɛ̀n wá tán gɔliɛ-wrɔn léyi dú nɛ̀n ɛtɛ̀sɛ̀n nɔn, kɛ hɛ́n Pɔlɛ̀n anwɔn-mɛ̀n-wá-wɔn mɛ̀n, tɛ́n nɛ̀n tán ɛkɔrɛ̀-levri, ô Pɔlɛ̀n nɛ́n nyran hɔ̀n kɛ̀ cɔ́ ɛyri kɛ̀ wá nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 25:12

Zɛtɛn Fɛtüsɛ̀n, mán n'ankà-woroan-yé-bɔ̀ dɔ́ ankà trɔ, kɩ mrɛ́n ɔmùan le: “E ji ɛ̀ kán ɛnhi wú Nɛ̀ncüì, ɛ lɛ hɔ́n ɛnhi wú Nɛ̀ncüì zìwú.”

Ɔkɔ̀hɔ̀n-wá-bɔ̀ kɔ̀hɔ̀n hán 25:25

Mɛ tɛn, mɛ kàn le, nɛ̀n sɩ̀ hàn eci gbàngbàn zriɛmɛ́n hɩ ná bɩ́ owù nɛ̀n di ɔwɔ̀ɛn nɔn. Tɛ́n nɛ́n dùku, nɛ̀n bi Ɛnnɛ̀ncüì mrɛ̀ncì; mɛ̀n wá le nɛ lɛ srɔ Ɛnnɛ̀ncüì zìwú.

Ɔkɔ̀hɔ̀n-wá-bɔ̀ kɔ̀hɔ̀n hán 27:11

Tɛ́n Gɔliɛ-wrɔn cüìcüì léyi bɔ́ dú antamɛ̀n nɔn, ẅɛn esɛ́ ɛnhyàbri-hɛ̀-nan-wrɔn mán ɛnhyàbri-hɛ̀ nɛ́n zi wú vrán Pɔlɛ̀n mùan-ankà-dɔ̀ lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 27:43

Tɛ́n gɔliɛ-wrɔn cüìcüì léyi ke ji ke bɩ́ Pɔlɛ̀n kè die nɔn, sî yɔ eci lɔ n'ɛhán mɛ̀n. Nɛ̀n wá tán, yɔ hɔ̀n léyi ke nyri wɔrɛ ɛnshi nɔn, kɛ̀ gɔ̀ trɛ̀n kú ɛnshi, ô kɛ̀ hɔ́n ɛnhi;

Ɔkɔ̀hɔ̀n-wá-bɔ̀ kɔ̀hɔ̀n hán 27:6

Nanvrɛn lɔ, gɔliɛ-wrɔn léyi bɔ́ dú antamɛ̀n nɔn, cɔ́ Alɛksandri ɛnhyàbri-hɛ̀ tɔ̀n kɛ hɔ́n Itali ɛnhi wú kɩ hán bɔ̀ bɔ́ ku ɛhɛ̀ lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 28:1

Ɛnvra léyi bɔ́ lɛ fɛn bɔ́ kakɛ nɔn, bɔ̀ yá le ɛnshi vúta lɔ ye bi nɛ̀n Maltɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 28:16

Ɛnvra léyi bɔ̀ bru Rɔmɛ̀n nɔn, yɛ tán Pɔlɛ̀n ɛkɔrɛ̀-levri kè dú ɛyri nyantɛn nɛ́n mán gɔliɛ-wrɔn tɔ̀n léyi kɛ nán nɛ̀n nɔn mɛhi.

Ebre-bɔ̀ 13:24

Ny'ɛnyrɔn-bɔ̀ lɔ fɛn mán anwrɔn hɔ̀n léyi dú Ɔwɔ-fɛcüè-bɔ̀ nɔn, nyɛ́n tán yɔ ebinyan. Anwrɔn-nɛ́n-muan-ẅì hɔ̀n léyi dú Itali kpɔsɔ wú nɔn, ke bi nyɛ̀n nyan.