Ɔkɔ̀hɔ̀n-wá-bɔ̀ kɔ̀hɔ̀n hán 26:6 - Ɛmɛẅi ankà ankrànkràn 2003

⁶ Kɩ zɛtɛ lɔ, yɔ hɛ́n mɛ̀n ɛmrɛ̀ncì wanzi ɔmuhi mɛ̀n ẅɛn esɛ́ ɔmùan-wá léyi Ɔwɔ tán bɔ́ nancüì hɔ̀n nɔn wú.

Ɔkɔ̀hɔ̀n-wá-bɔ̀ kɔ̀hɔ̀n hán 26:6 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 23:6

Pɔlɛ̀n nyri ɔmu le ɛmrɛ̀nci-bɔ̀ lɔ, anwrɔn cá dú anwrɔn hɔ̀n léyi ke sɩ́ bú owúemɛ̀n-dú-frɔ́ ankà kɛ tán ankaẅì, kɩ ɛcá dú Ɔwɔ-nyànmàn-sùva-wa-bɔ̀; hɩ le kruhú de nɛ̀n sɩ́ ɔmùan ɛwú y'ezìwú nɛ dɔ̀ le: “Anwrɔn-nɛ́n-muan-ẅì hɔ̀n, mɛ́n dú Ɔwɔ-nyànmàn-sùva-wa-wrɔn, Ɔwɔ-nyànmàn-sùva-wa-wrɔn ẅì. Ɔmuhi me bú owúemɛ̀n-dú-frɔ́ ankà mɛ tán ankaẅì, hɩ kruhú de mɛ̀n dú ɛmrɛ̀nciemɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 24:15

Mɛ̀n ẅɛn esɛ́ Ɔwɔ mɛ̀n, esɛ́ ndɔ léyi yɔ mumù mán yɔ ẅɛ̀n le, anwrɔn ankrànkràn mán angbàngbàn, yɔ lɔ fɛn, yɔ le dú owúemɛ̀n yɔ frɔ́.

Ɔkɔ̀hɔ̀n-wá-bɔ̀ kɔ̀hɔ̀n hán 24:21

Ankà léyi ke di ebɩ́ nɔn, dú hɩ le, mɛ̀n nyɔn ɛwúɛ, hɩ mɛ̀n mrɛ́n ɔmùan ecüemɛ̀n, mɛ́n dɔ̀ le: ‘Ɔmuhi me bú owúemɛ̀n-dú-frɔ́ ankà mɛ tán ankaẅì nɔn, hɩ le kruhú de yɔ hɛ́n mɛ̀n ɛnyɔncì lɔ ɛmrɛ̀nciemɛ̀n ny'ezìwú nɔn!’ ”

Ɔkɔ̀hɔ̀n-wá-bɔ̀ kɔ̀hɔ̀n hán 26:8

Cɛci kruhú kɛ nyɛ́n Zhüifɛ̀n-bɔ̀ nyɛ́n sɩ́ bú tán ankaẅì le Ɔwɔ kɛ lɛ hán owú-bɔ̀ kɛ̀ vá ɔkɔrɛ-bɔ̀ mɛ̀n hàn?

Ɔkɔ̀hɔ̀n-wá-bɔ̀ kɔ̀hɔ̀n hán 28:20

Nyàn eci le kruhú me ji mɛ̀n kán nyɛ̀n, ô mɛ̀n dɔ́ nyɛ̀n ankà nɔn. Annanwɔrɛ mɛ̀n lɔ gbràka dú mɛ̀n ankɔrɛ̀, nɛ́n léyi Izraɛlɛ̀n fɛcüè ẅɛn esɛ́ n'ɛwú nɔn n'ɛkruhú.”

Ɔkɔ̀hɔ̀n-wá-bɔ̀ kɔ̀hɔ̀n hán 3:24

Kɩ Ɔwɔ-mùanwú-ankà-dɔ́-bɔ̀ léyi dɔ́ ankà, bukru Samüɛlɛ̀n vra, yɔ lɛ fɛn, ɔwrɔn zrizri dɔ́ ɛnbì hɔ̀n lɔ y'ankà.

Rɔmɛ̀n-anmàn-bɔ̀ 15:8

Ananwɔrɛ mɛ̀n lɔ, mɛ dɔ́ nyɛ̀n ankaẅì-bùtan mɛ̀n le, Krisì srɔ Zhüifɛ̀n-bɔ̀ ci-bɩ̀tan-wrɔn, ô ɔmùan léyi Ɔwɔ wá yɔ nancüì hɔ̀n nɔn kɛ̀ sá nmù, ô ɔmu lɔ, kè yé Ɔwɔ-mùan-zri-dì lɔ.

Galasi anmàn-bɔ̀ 4:4

Tɛ́n ɛnvra léyi yɛ wá, ncɔ̀ nɔn, Ɔwɔ hán n'Ɛnẅì nvà: ye bî nɛ̀n ɛnnyɔnwrɔn mɛ̀n kɩ nɛ̀n dú Zhüifɛ̀n-bɔ̀ nyànmàn kɔrɛ̀-levri wú,

Titɛ̀n 2:13

Ɔmu lɔ de ke ji le bɔ̀ vrá ɛnbɔrɛbru léyi bɔ̀ ẅɛn esɛ́ n'ɛwú ɛnbì léyi Zhezü Krisì léyi dú b'Ɔwɔ vri mán bɔ́ Ebɩdie-wrɔn ci-zrɔ kɛ lɛ srɔ nɔn.