Ɔkɔ̀hɔ̀n-wá-bɔ̀ kɔ̀hɔ̀n hán 26:5 - Ɛmɛẅi ankà ankrànkràn 2003

⁵ Yɔ nyri mɛ̀n ɛnvra sheshe, kɩ hɩ wú lɔ, yɔ le di mɛ̀n dalɛfuɛ ke dú kɛ yɔ ji, le mɛ̀n dú bɔ́ fɛcüè Wɔ-wɔn lɔ, ɔwrɔn léyi kɛ ẅɛn n'ankà ɛshieshiemɛ̀n, Ɔwɔ-nyànmàn-sùva-wá-bɔ̀ hɔ̀n mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 26:5 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 15:5

Tɛ́n Ɔwɔ-nyanmàn-sùva-wá-bɔ̀ jan léyi srɔ ankaẅì-bùtan-ẅɛn-bɔ̀ nɔn, bɩ́ ankà kɩ kɛ dɔ̀ le: “Ke ji le ankaẅì-bùtan-ẅɛn-bɔ̀ léyi kè sɩ̀ dù Zhüifɛ̀n-bɔ̀ nɔn, kè wí wúcɔ̀-domɛ̀n, ô yɔ wá Mohizì nyanmàn lɔ.”

Ɔkɔ̀hɔ̀n-wá-bɔ̀ kɔ̀hɔ̀n hán 22:3

“Mɛ̀n dú Zhüifɛ̀n-wrɔn, ye bî mɛ̀n Tarsɛ̀n anmàn Silisi kpɔsɔ wú; tɛ́n ɛnu Zherüzalɛmɛ̀n anmàn de yɛ wá mɛ̀n kɩ m'ankà-yé-wrɔn dú Gamaliɛlɛ̀n, nɛ́n de nɛ̀n hán mɛ̀n nyri, bɔ́ nancüì hɔ̀n nyànmàn lɔ nɔn. Me yɩ́ edù Ɔwɔ kɔ̀hɔ̀n-hán mɛ̀n, hán ɔmu le nyɛ́n lɛ fɛn nyɛ́n dú ɛnyɔnci lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 22:5

Ɔwɔ-cice-wrɔn cüìcüì mán ɛcüìcüì-bɔ̀ hɔ̀n fɛcüè ke le di mɛ̀n dalɛfuɛ le, mɛ dɔ́ ankà annanwɔrɛ. Mɛ̀n cɔ́ y'antamɛ̀n wrú léyi ke ji le, mɛ̀n bɩ tán nmàn-ẅì hɔ̀n léyi dú Damasɛ̀n anmàn, kɩ mɛ̀n hɔ́n anmàn ndɔ lɔ: me ji mɛ̀n ẅɛn ankaẅì-bùtan-ẅɛn-bɔ̀ léyi dú nanvrɛn lɔ, mɛ̀n sɩ́ yɔ Zherüzalɛmɛ̀n anmàn, ô yɛ hán yɔ ɛgbàn.”

Ɔkɔ̀hɔ̀n-wá-bɔ̀ kɔ̀hɔ̀n hán 23:6

Pɔlɛ̀n nyri ɔmu le ɛmrɛ̀nci-bɔ̀ lɔ, anwrɔn cá dú anwrɔn hɔ̀n léyi ke sɩ́ bú owúemɛ̀n-dú-frɔ́ ankà kɛ tán ankaẅì, kɩ ɛcá dú Ɔwɔ-nyànmàn-sùva-wa-bɔ̀; hɩ le kruhú de nɛ̀n sɩ́ ɔmùan ɛwú y'ezìwú nɛ dɔ̀ le: “Anwrɔn-nɛ́n-muan-ẅì hɔ̀n, mɛ́n dú Ɔwɔ-nyànmàn-sùva-wa-wrɔn, Ɔwɔ-nyànmàn-sùva-wa-wrɔn ẅì. Ɔmuhi me bú owúemɛ̀n-dú-frɔ́ ankà mɛ tán ankaẅì, hɩ kruhú de mɛ̀n dú ɛmrɛ̀nciemɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 24:14

Tɛ́n, v'ezìwú lɔ, me nyrì le: mɛ̀n wá ɔmùan, esùnàn ɛnlevri wrù nyantɛn wú léyi yɔ tro le dú ɛzɛ́n levri nɔn. Tɛ́n mɛ̀n dú bɔ́ nancüì hɔ̀n Wɔ-ci-bɩtan-wrɔn kɩ me bú ankà hɔ̀n lɔ fɛn léyi ye merɛ́n ɛnyànmàn wrú hɔ̀n lɔ mɛ̀n mán Ɔwɔ-mùanwú-ankà-dɔ́-bɔ̀ tɛn lɔ mɛ̀n, tán ankaẅì.

Ɔkɔ̀hɔ̀n-wá-bɔ̀ kɔ̀hɔ̀n hán 24:5

Bɔ́ cɔ̀ bɔ́ nyrì le ɔwrɔn ndɔ lɔ zeze krɛgbàn: ɔmuhi nɛ̀n dú Nazarehɛ́n-bɔ̀ fɛcüè wrɔn cüìcüì nɔn, nɛ wá ɛdrɛ̀ Zhüifɛ̀n-bɔ̀ lɔ fɛn léyi dú ɛnhibù wú nɔn y'angranmɛ̀n.