Ɔkɔ̀hɔ̀n-wá-bɔ̀ kɔ̀hɔ̀n hán 26:16 - Ɛmɛẅi ankà ankrànkràn 2003

¹⁶ Tɛ́n, sɩ̀ ezì ɛwú, tɔhú nyɔn. Mɛ̀n hán tán ɛ̀ kán mɛ̀n, ô ɛ̀ srɔ m'eci-bɩ̀tan-wrɔn; e le dú mɛ́n dalɛfuɛ-di-wrɔn ô ɛ̀ dɔ́ ɔmu le ɛ̀ hán ɛ̀ kán mɛ̀n ɛnyɔncì lɔ, ô ɛ̀ dɔ́ ankà léyi mɛ lɛ hán tán mɛ́n è vru è nyrì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 26:16 Iomraidhean Croise

Lükɛ̀n 1:2

Ye merɛ́n ankà zri léyi anwrɔn dɔ̀, hɩ kán n'ɛnkrubɔmɛ̀n, kɩ yɛ tán ɛkɔrɛ̀-levri kɛ dɔ́ Ɔwɔ ankà nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 1:17

Zhüda dú ɔwrɔn tɔ̀n léyi dú bɔ̀ ɛmɛ̀n nɔn, kɩ b'ɔkɔ̀hɔ̀n lɔ nɛ́n mán nɛ́n cɔ́ nɛ tɛn.

Ɔkɔ̀hɔ̀n-wá-bɔ̀ kɔ̀hɔ̀n hán 1:25

ô, ɔkɔ̀hɔ̀n-wá-bɔ̀ kɔ̀hɔ̀n ndɔ lɔ mɛ̀n, kè bɩ́ ɛyri léyi Zhüda teze hɔ́n ɔkɔ̀hɔ̀n léyi nɛ̀n mrɛ́n nɛ́n bɩ̀ nɔn mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 20:24

Tɛ́n mɛ́n dùku m'ɛwúvà, kè sɩ̀ dù eci zriɛmɛ́n m'ezìwú; hɩ le dú ɛshishi nɔn, dú hɩ le, ke ji le mɛ̀n hɔ̀n mɛ̀n cɔ́ m'ɔkɔ̀hɔ̀n lɔ n'ɛnkrutrɔ, ô mɛ̀n trɔ ɔkɔ̀hɔ̀n léyi Ɛẅɛnwrɔn Zhezü tán mɛ̀n nɔn n'ɛhán: Ɔwɔ boafɔ̀n lɔ, n'Ɛmɛẅi ankà Ankrankran lɔ, mɛ̀n dɔ́ nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 21:19

Pɔlɛ̀n bi yɔ nyan kɩ kɛ dɔ́ yɔ cɛcɛ eci léyi Ɔwɔ hán n'ɔkɔ̀hɔ̀n-hán mɛ̀n lɔ tán anwrɔn hɔ̀n léyi ke sɩ̀ dù Zhüifɛ̀n-bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 22:10

Zɛtɛn mɛ̀n yrɛ le: ‘Ɛẅɛnwrɔn ecitan de ke ji le mɛ̀n hán nɛ́n?’ Kɩ Ɛẅɛnwrɔn dɔ́ mɛ̀n le: ‘Tɔhú, hɔ̀n Damasɛ̀n anmàn, kɩ nanvrɛn lɔ yɛ lɛ dɔ́ mɛ́n eci lɔ fɛn léyi Ɔwɔ kɛ wá tán mɛ́n ɛ̀ hán nɔn.’

Ɔkɔ̀hɔ̀n-wá-bɔ̀ kɔ̀hɔ̀n hán 23:11

Ɛnnyran léyi kɛ̀n nɔn, Ɛẅɛnwrɔn bɩ́ n'edomɛ̀n yé Pɔlɛ̀n kɩ kɛ dɔ́ nɛ̀n le: “Bɩ edùyì! E di mɛ̀n dalɛfuɛ ɛnu, Zherüzalɛmɛ̀n anmàn, kɩ ke ji le ɛ̀ hán eci zri lɔ Rɔmɛ̀n ɛnhi wú anmàn mán.”

Ɔkɔ̀hɔ̀n-wá-bɔ̀ kɔ̀hɔ̀n hán 26:15

Mɛ̀n yrɛ le: ‘Antɔn dú mɛ́n Ɛẅɛnwrɔn?’ Kɩ Ɛẅɛnwrɔn mrɛ́n mɛ̀n ɔmùan le: ‘Mɛ̀n dú Zhezü léyi ɛ kɔ́n anhà nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 6:4

Ɔmu lɔ, bɔ́ le bɩ́ bɔ́ ɛnvra lɔ fɛn, bɔ̀ dú Ɔwɔ sɛ́n mɛ̀n mán Ɔwɔ ankà-dɔ́ mɛ̀n.”

Rɔmɛ̀n-anmàn-bɔ̀ 1:5

N'ɛmɛ̀n lɔ, Ɔwɔ tán mɛ̀n n'ɛcüɛ̀n, ô mɛ̀n dú ɔkɔ̀hɔ̀n-wá-wrɔn Krisì ci-zrɔ mɛ̀n, ô mɛ̀n hán anwrɔn hɔ̀n lɔ fɛn léyi dú ɛnhi wú nɔn kè bú n'ankà kɛ̀ tán ankaẅì, ô kɛ̀ hán n'ɛkɔrɛ̀zì-ci.

Rɔmɛ̀n-anmàn-bɔ̀ 15:16

ô mɛ̀n dú Zhezü Krisì ci-bɩ̀tan-wrɔn kè dú fɛcüè hɔ̀n léyi kè sɩ̀ dù Zhüifɛ̀n-bɔ̀ nɔn tɛn. Mɛ hán eci-bɩ̀tan kɔ̀hɔ̀n prɔnprɔn m'Ɔwɔ mɛẅi ankà ankrànkràn dɔ́ mɛ̀n, ô fɛcüè hɔ̀n léyi kè sɩ̀ dù Zhüifɛ̀n-bɔ̀ nɔn, kɛ srɔ ecice-ci léyi kɛ cüɛn Ɔwɔ ɛvɛ̀, ô kè dú eci léyi vɛ́n nɛ̀n, Ɛnhɛ́n Prɔnprɔn mɛ̀n nɔn.

2 Korɛntɛ̀n anmàn-bɔ̀ 4:1

Ɔwɔ, n'ɛcüɛn-bɔrɛ lɔ mɛ̀n, wá bɔ̀ ɔkɔ̀hɔ̀n ndɔ lɔ antamɛ̀n, kɩ hɩ le kruhú de bɔ̀ dú ɛnvra lɔ fɛn edùyiemɛ̀n nɔn.

2 Korɛntɛ̀n anmàn-bɔ̀ 5:18

Eci ndɔ lɔ fɛn dú Ɔwɔ yri và, nɛ́n léyi nɛ̀n wɔ bɔ́ mán nɛ́n mɛhi angranmɛ̀n Krisì mɛ̀n, kɩ nɛ̀n tán bɔ̀ ɔkɔ̀hɔ̀n ndɔ lɔ, ô bɔ̀ wɔ nɛ́n mán anwrɔn nyàntɛn hɔ̀n mɛhi angranmɛ̀n nɔn.

Galasi anmàn-bɔ̀ 1:12

Kè sɩ̀ dù ɔwrɔn tɔ̀n de kɛ̀ dɔ́ mɛ̀n yakɛ kè yé mɛ̀n ankà lɔ nɔn, tɛ́n Zhezü Krisì de hán tán mɛ̀n nyri ankà lɔ nɔn.

Galasi anmàn-bɔ̀ 2:2

Mɛ̀n hɔ́n nanvrɛn, ô mɛ̀n nyri Ɔwɔ ankà léyi ke ji kɛ̀ dɔ́ mɛ̀n nɔn. Ɛmɛ̀n krubɔrɛ tɔ̀n léyi mɛ̀n mán ɛnkru-ɛvrivri-bɔ̀ mɛhi bɔ́ ẅɛ̀n nɔn, mɛ̀n dɔ́ yɔ́ Ɛmɛẅi ankà Ankrànkràn léyi mɛ dɔ́ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn. Mɛ́n sɩ́ ji le m'ɔkɔ̀hɔ̀n léyi mɛ̀n hán mán hɩ le mɛ vá ɛhán yri nɔn, kɛ̀ srɔ eci woro.

Efɛzɛ̀n anmàn-bɔ̀ 3:3

Ɔwɔ tán mɛ̀n ɛyri-kàn tɔ̀n, ô mɛ̀n nyri n'ankɔ́nda ankà-bán-ankà lɔ. Mɛ̀n merɛ́n ɛnkrubɔmɛ̀n lɔ, ɛwrú ankà ndɔ lɔ

Kɔlɔsèn anmàn-bɔ̀ 1:23

Tɛ́n, ke ji le nyɛ́n dú ankaẅì-bùtan mɛ̀n, nyɛ́n nyɔn edùsɔmɛ̀n ɛbùnan-hiwú, nyɛ́n bɩ́ teze esɛ́ léyi dú nyɛ tɛn nɔn kɛ cɔhɔ́ nyɛ̀n ɛtɛ̀sɛ̀n ɛnvra léyi nyɛ́n gɔ̀ yá Ɛmɛẅi ankà Ankrankran lɔ nɔn. Ɛmɛẅi ankà Ankrankran ndɔ lɔ yɛ dɔ́ tán ɛnhi mumù lɔ fɛn, kɩ Ɛmɛẅi ankà Ankrankran ndɔ lɔ, de mɛ̀n, Pɔlɛ̀n, mɛ̀n srɔ n'eci-bɩ̀tan-wrɔn nɔn.

Kɔlɔsèn anmàn-bɔ̀ 1:25

Mɛ̀n srɔ Ɔwɔ-fɛcüè ci-bɩ̀tan-wrɔn, ɔkɔ̀hɔ̀n léyi Ɔwɔ wá tán mɛ̀n ny'ɛkruhú nɔn: nɛ̀n wá tán mɛ̀n, mɛ̀n dɔ́ kokroho n'ɛmɛẅi ankà lɔ,

Kɔlɔsèn anmàn-bɔ̀ 1:7

Epafrasɛ̀n léyi dú bɔ́ nyran anvrɛn, bɔ́ eci-bɩtan-kɔ̀hɔ̀n-hán lɔ mɛ̀n nɔn de tán nyɛ̀n ankà-yé ndɔ lɔ nɔn; nɛ hán ɔkɔ̀hɔ̀n tán nyɛ̀n kɛ hán Krisì ci-bɩ̀tan-wrɔn léyi ke di ɔmùan-zri nɔn.

1 Tesalonikɛ̀n anmàn-bɔ̀ 3:2

kɩ bɔ́ yüre nyɛ̀n Timote bɔ́ muan-ẅì; nɛ̀n dú Ɔwɔ-kɔ̀hɔ̀n-hán-wrɔn, Zhezü Krisì Mɛẅi ankà Ankrankran lɔ n'ɛdɔ́mɛ̀n. Ke ji le nɛ̀n wá nyɛ̀n ecüì edomɛ̀n, ô nɛ̀n yɩ́ nyɛ̀n edù ny'ankaẅì-bùtan lɔ mɛ̀n,

Kpàkpà timote 1:12

Mɛ tán Zhezü Krisì bɔ́ Ɛẅɛnwrɔn ɔkùɛn, nɛ́n léyi nɛ̀n tán mɛ̀n ecüì léyi mɛ́n cɔ̀ mɛ̀n hán m'ɔkɔ̀hɔ̀n lɔ nɔn. Mɛ tán nɛ̀n ɔkùɛn, nɛ́n léyi nɛ̀n ẅɛn m'esɛ́, kɩ nɛ̀n bɩ́ mɛ̀n n'eci-bɩtan kɔ̀hɔ̀n lɔ mɛ̀n nɔn,

Kpàkpà timote 4:6

Ke dú kɛ e yé anwrɔn nɛ́n muan-ẅì hɔ̀n ankà ndɔ hɔ̀n lɔ hô, e le dú Zhezü Krisì ci-bɩ̀tan-wrɔn ankrankran tɔ̀n, e le yé tán le ankaẅìbùtan ankà-dɔ̀ mán ankà-yé annanwɔrɛ léyi ɛ kɛ́n ɛsɛ̀n nɔn, dú v'ɛcizî.

Anhyrɛmɛ̀n timote 4:5

Tɛ́n vɛ́n, è sɩ́ ɛnkru ɛwú eci lɔ fɛn mɛ̀n, è shri ɛgbànkàn è bɩ, ɛ̀ hán Ɛmɛẅi ankà Ankrankran lɔ n'obònyi kɔ̀hɔ̀n, ô ɛ̀ hán v'eci-bɩ̀tan kɔ̀hɔ̀n Ɔwɔ tɛsɛ̀n.