Ɔkɔ̀hɔ̀n-wá-bɔ̀ kɔ̀hɔ̀n hán 26:11 - Ɛmɛẅi ankà ankrànkràn 2003

¹¹ Ɛnvra zrizri léyi me ci Ɔwɔ-sɛ́n-wɔn hɔ̀n lɔ mɛ̀n nɔn, mɛ hán yɛ hán yɔ ɛgbàn, kɩ me ji mɛ̀n ẅɛn yɔ kekremɛ̀n, ô yɔ teze y'ankaẅì-bùtan lɔ. M'ɛgbàn-dì lɔ, kɛ hán tán kɩ mɛ hɔ́n anmàn nyantɛn mɛ kɔ́n yɔ anhà.”

Ɔkɔ̀hɔ̀n-wá-bɔ̀ kɔ̀hɔ̀n hán 26:11 Iomraidhean Croise

Matie 10:17

Nyɛ́n wá esùva, ɔmuhi anwrɔn kɛ lɛ sɩ́ nyɛ̀n ɛmrɛ̀nci-bɔ̀ zìwú kɩ yɛ lɛ cüran nyɛ̀n ɛngbele y'Ɔwɔ-ankà-yé-wɔn lɔ mɛ̀n.

Markɛ̀n 13:9

Tɛ́n ke ji le nyɛ́n wá nyɛ́n dùku ny'edomɛ̀n esùva. Ɔmuhi anwrɔn ke le sɩ́ nyɛ̀n ɛmrɛ̀nci-bɔ̀ zìwú nɔn; ye le gorɛ nyɛ̀n Ɔwɔ-sɛ́n-wɔn hɔ̀n lɔ mɛ̀n. Nyɛ lɛ srɔ anwrɔn cüìcüì hɔ̀n mán ɛnnɛ̀ncüì hɔ̀n zìwú m'ɛkruhú, ô nyɛ́n srɔ mɛ́n dalɛfuɛ-di-bɔ̀ y'ezìwú.

Markɛ̀n 3:28

Mɛ dɔ́ nyɛ̀n annànwɔrɛ mɛ̀n le: Anwrɔn lɔ fɛn kɛ lɛ cɔ́ ɛgbàn-bɩce y'ɛgbàn hɔ̀n mán y'ɔwra hɔ̀n lɔ fɛn wú.

Lükɛ̀n 15:17

Zɛtɛn nɛ̀n bukru ne tro ankà n'ɛwúvà lɔ wú kɩ nɛ dɔ́ n'edomɛ̀n le: ‘Dade kɔhɔ̀n-hán-bɔ̀ lɔ fɛn ẅɛn ɛci zî fɛ ɛwú. Kɩ mɛ tɛn, ɛnu lɔ ɔmùanwù ke ji kè wri mɛ̀n.

Lükɛ̀n 21:12

Tɛ́n eci ndɔ lɔ n'ɛmɛẅi lɔ, yɛ lɛ gɔ̀ ẅɛn nyɛ̀n, yɛ hán nyɛ̀n ɛgbàn, ye le sɩ́ nyɛ̀n ɛcüìcüì-bɔ̀ zìwú, ô ye ci nyɛ̀n ɛmrɛ̀n Ɔwɔ-sɛ́n-wɔn hɔ̀n lɔ mɛ̀n, kɩ yɛ lɛ wá nyɛ̀n anwɔn-mɛ̀n-wá-wɔn mɛ̀n; yɛ lɛ hán nyɛ̀n nyɛ́n srɔ ɛnnɛ̀ncüì hɔ̀n mán anmàn cüìcüì-bɔ̀ ziwú m'ɛkruhú.

Lükɛ̀n 6:11

Tɛ́n, ɛnyànmàn-gbànvri-ankà-yé-bɔ̀ mán ɛnyànmàn-sùva-wá-bɔ̀ ke bɩ́ bɩ́ ɛmɛ̀nhyì, kɩ ke yrɛ y'edomɛ̀n eci léyi yɔ lɛ hán Zhezü nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 13:45

Ɛnvra léyi Zhüifɛ̀n-bɔ̀ kán fɛcüè ndɔ lɔ nɔn, yɔ dú ɛcüìhi-kɔ́n mɛ̀n; Yɔ kɛ́n ankà wá Pɔlɛ̀n kɩ yɔ wora nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 18:6

Tɛ́n Zhüifɛ̀n-bɔ̀ lɔ kɛ kɛ́n nɛ̀n ezì kɩ kɛ wora nɛ̀n; zɛtɛn nɛ̀n korɛ n'ɛceci wɔ̀n lɔ nɛ̀n ku yɔ ɛwú kɩ nɛ dɔ́ yɔ le: “Ke dú kɛ nyɛ zrɛ́n hô, nyɛ́n dùku de nyɛ́n hán nɔn. Ke sɩ̀ dù m'ankà. Zɛtɛ̀ lɔ mɛ lɛ hɔ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn y'edúyri.”

Ɔkɔ̀hɔ̀n-wá-bɔ̀ kɔ̀hɔ̀n hán 22:19

Mɛ̀n mrɛ́n ɔmùan le: ‘Ɛẅɛnwrɔn, yɔ nyri ɔmu le mɛ hɔ́n Ɔwɔ-sɛ́n-wɔn hɔ̀n lɔ mɛ̀n, me ku anwrɔn anwɔn-mɛ̀n-wá-wɔn mɛ̀n, kɩ mɛ hán ye gorɛ yɔ hɔ̀n léyi ke bú v'ankà kɛ tán ankaẅì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 22:5

Ɔwɔ-cice-wrɔn cüìcüì mán ɛcüìcüì-bɔ̀ hɔ̀n fɛcüè ke le di mɛ̀n dalɛfuɛ le, mɛ dɔ́ ankà annanwɔrɛ. Mɛ̀n cɔ́ y'antamɛ̀n wrú léyi ke ji le, mɛ̀n bɩ tán nmàn-ẅì hɔ̀n léyi dú Damasɛ̀n anmàn, kɩ mɛ̀n hɔ́n anmàn ndɔ lɔ: me ji mɛ̀n ẅɛn ankaẅì-bùtan-ẅɛn-bɔ̀ léyi dú nanvrɛn lɔ, mɛ̀n sɩ́ yɔ Zherüzalɛmɛ̀n anmàn, ô yɛ hán yɔ ɛgbàn.”

Ɔkɔ̀hɔ̀n-wá-bɔ̀ kɔ̀hɔ̀n hán 9:1

Ɛnvra ndɔ lɔ mɛ̀n, Sɔlɛ̀n ke sɩ́ teze Ɛẅɛnwrɔn sɛ̀nkɛn-bɔ̀ lɔ y'owù gbàn hán. Nɛ́n hɔ̀n cɔ́ Ɔwɔ-cice-wrɔn cüìcüì

Zhakɛ̀n 2:7

Yɔ de yɔ dɔ́ ankà gbàngbàn ku ebɩ́ ankrankran léyi Ɔwɔ tán nyɛ̀n nɔn ɛwú.

2 Piɛrɛ̀n 2:16

tɛ́n nɛ̀n cɔ́ ebrèdì nɛ́n wawa hán lɔ wú. Annanwɔrɛ mɛ̀n lɔ, frimu sɛ̀n tɔ̀n léyi ɔmùan nmù nɔn, bɩ́ ɔwrɔnẅì sùva dɔ́ ankà, kɩ kɛ́n ɔbrɔ̀sà wɔ mùan-wú-ankà-dɔ́-wrɔn lɔ ankà gbàngbàn anmùan mɛ̀n hɛ́n.