Ɔkɔ̀hɔ̀n-wá-bɔ̀ kɔ̀hɔ̀n hán 26:10 - Ɛmɛẅi ankà ankrànkràn 2003

¹⁰ Eci ndɔ lɔ de mɛ̀n hán Zherüzalɛmɛ̀n anmàn nɔn. Ɔwɔ-cice-bɔ̀ cüìcüì hɔ̀n tán mɛ̀n ɛkɔrɛ̀-levri vɛ́n tɔ̀n, kɩ mɛ̀n ẅɛn ankaẅì-bùtan-ẅɛn-bɔ̀ bobrebe mɛ̀n ku anwɔn-mɛ̀n; kɩ ɛnvra léyi yɛ hán yɔ ɛgbàn nɔn, mɛ cüɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 26:10 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 7:58

yɔ wán nɛ̀n sɩ́ anmàn-kru kɩ yɔ bukru yɔ soran nɛ̀n ɛbù, ô yɔ wri nɛ̀n. Dalɛfùɛ-di-bɔ̀ bɩ́ y'ɛceci hɔ̀n lɔ wá sùgban ẅì tɔ̀n léyi ye bi Sɔlɛ̀n nɔn antamɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 8:1

Kɩ Sɔlɛ̀n cüɛn ɔmu le ye wri Etiɛnɛ̀n. Ɛnbì zri léyi Etiɛnɛ̀n nwù nɔn, ɛgbànkàn vri bukru tán Zherüzalɛmɛ̀n Wɔ fɛcüè-bɔ̀. Ankaẅì-bùtan-ẅɛn-bɔ̀ lɔ fɛn, bonyi y'edomɛ̀n Zhüde mán Samari kpɔsɔ wú, ɔkɔ̀hɔ̀n-wá-bɔ̀ lɔ kɩ badà yɔ ɛmɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 8:3

Sɔlɛ̀n tɛn, kɛ hán kekremɛ̀n, ô kɛ̀ jrɛ́ Ɔwɔ fɛcüè-bɔ̀ lɔ; ne ci ebɩ́bɩ́, nɛ ẅɛn ankaẅì-bùtan-ẅɛn-bɔ̀ lɔ, wúcɔ̀ mán wúyɔ̀ kɩ ne ku yɔ anwɔn-mɛ̀n-wá-wɔn mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 9:21

Anwrɔn hɔ̀n léyi kɛ yá n'ankà-dɔ̀ lɔ nɔn dú anvɛmɛ̀n-frɛ́n mɛ̀n kɩ ke yrɛ le: “Kɛ̂ kè sɩ̀ dù ɔwrɔn ndɔ lɔ de Zherüzalɛmɛ̀n anmàn lɔ kɛ hán anwrɔn hɔ̀n léyi ke bɩ́ Zhezü bɩ́, ɛgbàn shishi nɛ́n? Kɛ̂ nɛ̀n sɩ̀ kàn bìhì nɛ̀n và ɛnu lɔ, ô nɛ̀n ẅɛ̀n yɔ nɛ̀n hɔ̀n sɩ̀ Ɔwɔ-cice-bɔ̀ cüìcüì hɔ̀n lɔa?”

Ɔkɔ̀hɔ̀n-wá-bɔ̀ kɔ̀hɔ̀n hán 9:26

Ɛnvra léyi Sɔlɛ̀n bru Zherüzalɛmɛ̀n anmàn nɔn, ne ji ɛyri ô nɛ̀n hɔ̀n cɔ́ ɛsɛ̀nkɛn-bɔ̀ lɔ; tɛ́n yɔ lɔ fɛn yɔ dú ɛnjansuemɛ̀n, ɔmuhi yɔ sɩ́ bú tán ankaẅì le, Sɔlɛ̀n dú ɛsɛ̀nkɛn-wrɔn annanwɔrɛ tɔ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 9:32

Piɛrɛ̀n léyi ke ci ɛnhi wú anmàn lɔ fɛn nɔn, hɔ́n ɛnbì tɔ̀n ankaẅì-bùtan-ẅɛn-bɔ̀ léyi dú Lida anmàn nɔn, yɔ yri.

Ɔkɔ̀hɔ̀n-wá-bɔ̀ kɔ̀hɔ̀n hán 9:41

Piɛrɛ̀n ẅɛn nɛ̀n ɛkɔrɛ̀ kɩ wá nɛ̀n ɛkɔrɛ̀ nɛ̀n tɔhú. Zɛtɛn Piɛrɛ̀n bi ankaẅì-bùtan-ẅɛn-bɔ̀ mán ngrɔn-wúyɔ̀, kɩ bɩ́ Tabita yé yɔ ankɔrɛkɔrɛ mɛ̀n.

1 Korɛntɛ̀n anmàn-bɔ̀ 15:9

Annanwɔrɛ mɛ̀n lɔ, mɛ̀n dú ɔkɔ̀hɔ̀n-wá-wrɔn cɛ́ ɔkɔ̀hɔ̀n-wá-bɔ̀ lɔ mɛ̀n, annanwɔrɛ ankà dɔ́ mɛ̀n lɔ, mɛ̀n sɩ̀ krɔn ɔmu le y'á bi mɛ̀n ɔkɔ̀hɔ̀n-wá-wrɔn, ɔmuhi mɛ̀n kɔ́n Ɔwɔ-fɛcüè hɔ̀n anhà nɔn.

Galasi anmàn-bɔ̀ 1:13

Nyɛ́n yá yɛ dɔ́ eci léyi mɛ hán ɛnvra léyi mɛ̀n vru mɛ̀n dú Zhüifɛ̀n-bɔ̀ wɔ-sɛ̀n lɔ mɛ̀n nɔn. Nyɛ́n nyri ɔmu le mɛ kɔ́n Ɔwɔ-fɛcüè-bɔ̀ anhà ɛshishiemɛ̀n kɩ mɛ hán kèkrèmɛ̀n, ô mɛ̀n jrɛ́ yɔ.

Efɛzɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi Ɔwɔ kɔrɛ̀-levriemɛ̀n, nɛ̀n dú Zhezü Krisì kɔhɔ̀n-wá-wrɔn nɔn. Anwrɔn lɔ fɛn léyi dú Efɛzɛ̀n anmàn, hɩ dú Ɔwɔ-fɛcüè-bɔ̀ mɛ̀n, hɩ ke dí ɔmùan-zri yɔ mán Zhezü Krisì mɛhi y'ɔbɔ̀sɔ̀ lɔ mɛ̀n nɔn:

Ɔwɔ-mɛ̀n-yrikàn 17:6

Mɛ̀n nyri ɔmu le ɛnnyɔnwrɔn ndɔ lɔ Ɔwɔ-fɛcüè mán anwrɔn hɔ̀n léyi ye wri y'ɔmùan-zri-dì Zhezü kruhú nɔn, yɔ krɛ̀ tàn kɛ kɔ́n nɛ̀n. Ɛnvra léyi mɛ̀n kán nɛ̀n nɔn, mɛ̀n dú anvɛmɛ̀n-frɛ́n vriemɛ̀n.