Ɔkɔ̀hɔ̀n-wá-bɔ̀ kɔ̀hɔ̀n hán 22:1 - Ɛmɛẅi ankà ankrànkràn 2003

¹ “Anwrɔn-nɛ́n-muan-ẅì hɔ̀n mán Dade hɔ̀n, nyɛ́n die nukù ankà léyi mɛ̀n ẅɛn zɛtɛ̀ lɔ, hɩ me ji mɛ̀n dɔ̀ tán m'edomɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 22:1 Iomraidhean Croise

Lükɛ̀n 12:11

Ɛnvra léyi ye le sɩ́ nyɛ̀n ɛmrɛ̀n-ci-bɔ̀ zìwú, Ɔwɔ-sɛ́n-wɔn hɔ̀n lɔ mɛ̀n; ɛnvra tɔ̀n hô, ɛcüìcüì-bɔ̀ zìwú nɔn, ɛnkrɛ̀ta ke bɩ́ ku nyɛ̀n ny'ankà dɔ́ mɛ̀n,

Lükɛ̀n 21:14

Ɛnjansù ke bɩ́ ẅɛn nyɛ̀n, ɔmu le nyɛ lɛ hán ô nyɛ̀n dɔ́ ankà nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 13:26

Anwrɔn-nɛ́n-mùan-ẅì hɔ̀n, nyɛ́n léyi nyɛ́n dú Abrahamɛ̀n mɛẅi-bɔ̀ mán nyɛ́n léyi nyɛ́n dú ɛnu, Ɔwɔ ankɔrɛ̀ ezìwú cüemɛ̀n nɔn: bɔ́ de ɛnkrukɔrɛ̀ mɛẅi ankà lɔ, kɛ zɛ́n bɔ̀ ɛnsrì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 19:33

Fɛcüè lɔ mɛ̀n, anwrɔn janbɔ̀ bɩ́ ankà lɔ kɛ dɔ́ Alɛksandrɛ̀n léyi Zhüifɛn-bɔ̀ kɛ kɛ́n sɩ́ ezì nɔn. Zɛtɛn Alɛksandrɛ̀n sɩ́ ɔkɔrɛ̀ ɛwú: ne ji nɛ̀n dɔ́ ankà fɛcüè zìwú.

Ɔkɔ̀hɔ̀n-wá-bɔ̀ kɔ̀hɔ̀n hán 23:1

Pɔlɛ̀n crɛ anvɛ̀ kɛ́n anwrɔn hɔ̀n léyi kɛ vá nɛ̀n ɛmrɛ̀nci yri nɔn kɩ kɛ dɔ̀ le: “Anwrɔn-nɛ́n-mùan-ẅì hɔ̀n, ɛnborɛ zriemɛ̀n de mɛ̀n dú Ɛẅɛnwrɔn ci-bɩ̀tan-wrɔn hàn kɩ cɔ́ zɛtɛ̀ lɔ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 23:6

Pɔlɛ̀n nyri ɔmu le ɛmrɛ̀nci-bɔ̀ lɔ, anwrɔn cá dú anwrɔn hɔ̀n léyi ke sɩ́ bú owúemɛ̀n-dú-frɔ́ ankà kɛ tán ankaẅì, kɩ ɛcá dú Ɔwɔ-nyànmàn-sùva-wa-bɔ̀; hɩ le kruhú de nɛ̀n sɩ́ ɔmùan ɛwú y'ezìwú nɛ dɔ̀ le: “Anwrɔn-nɛ́n-muan-ẅì hɔ̀n, mɛ́n dú Ɔwɔ-nyànmàn-sùva-wa-wrɔn, Ɔwɔ-nyànmàn-sùva-wa-wrɔn ẅì. Ɔmuhi me bú owúemɛ̀n-dú-frɔ́ ankà mɛ tán ankaẅì, hɩ kruhú de mɛ̀n dú ɛmrɛ̀nciemɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 24:10

Zɛtɛn govràn tán Pɔlɛ̀n ɛkɔrɛ̀-levri kɛ̀ dɔ́ ankà, kɩ Pɔlɛ̀n kɛ dɔ̀ le: “Mɛ̀n nyri ɔmu le ɛ hán ɛnyrɔnnan kɔhɔ̀n ɛnnànwàn bobrebe bɔ́ ɛnhinan lɔ wú; zɛtɛn esɛ́ mɛ̀n de me bɩ́ m'ebɩdie ankà die mɛ́n ezìwú nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 25:16

Mɛ̀n mrɛ́n y'ɔmùan le, Rɔmɛ̀n anmàn-bɔ̀ kè sɩ̀ ẅɛ̀n edùcí kɛ hán ye ci ɔwrɔn ɛmrɛ̀n, ke dú kɛ nɛ́n mán n'egbri-bɔ̀ mɛhi yɔ sɩ̀ kɛ̀n y'edomɛ̀n ezì, ô ɔwrɔnwrɔn kɛ dɔ́ n'ɔmùanwú ankà.

Ɔkɔ̀hɔ̀n-wá-bɔ̀ kɔ̀hɔ̀n hán 25:8

Tɛ́n Pɔlɛ̀n dɔ́ ankà tán n'edomɛ̀n kɩ nɛ́n dɔ̀ le: “Mɛ̀n sɩ̀ hàn eci gbàngbàn zriɛmɛ́n, hɩ ká dú Zhüifɛ̀n-bɔ̀ nyanmàn wú, kè dú Ɔwɔ-cice-wɔn lɔ wú, ô kè vru kè dú ɛnhi wú govran cüìcüì wú.”

Ɔkɔ̀hɔ̀n-wá-bɔ̀ kɔ̀hɔ̀n hán 26:24

Zɛtɛn Pɔlɛ̀n ndù kɛ dɔ́ ankà tán n'edomɛ̀n, kɩ Fɛtüsɛ̀n sɩ́ ɔmùan ɛwú kɛ dɔ̀ le: “Nmù kɛ hán mɛ́n hán, Pɔlɛ̀n! Ɛ̀ kán owrú hàn mán kɛ hán mɛ́n nmù!”

Ɔkɔ̀hɔ̀n-wá-bɔ̀ kɔ̀hɔ̀n hán 28:17

Ɛbi anhɔ̀n vacì, Pɔlɛ̀n bi Zhüifɛ̀n-bɔ̀ cüìcüì hɔ̀n léyi dú Rɔmɛ̀n anmàn nɔn. Ɛnvra léyi yɔ borɛkru trɔ nɔn, nɛ dɔ́ yɔ le: “Anwrɔn-nɛ́n-muan-ẅì hɔ̀n, mɛ̀n sɩ̀ hàn bɔ́ fɛcüè lɔ eci gbàngbàn zriɛmɛ́n, kɩ bɔ́ nancüì hɔ̀n nyànmàn lɔ mán mɛ̀n sɩ̀ fɔndɔ̀n hàn, tɛ́n yɛ ẅɛn mɛ̀n Zherüzalɛmɛ̀n anmàn kɩ ye bɩ́ mɛ̀n yɛ tán Romɛ́n ɛnhi wú bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 7:2

Etiɛnɛ̀n mrɛ́n ɔmùan le: “Dade hɔ̀n mán nmàn-ẅì hɔ̀n, nyɛ́n die mɛ̀n nukùɛ. Eci-zrɔ Wɔ bɩ́ n'edomɛ̀n yé bɔ́ nancüì Abrahamɛ̀n, ɛnvra léyi nɛ̀n dú Mezopotami ɛnhi wú, hɩ nɛ vá hɔ̀n nɛ̀n yɛ́ Haran hi-wú nɔn,

Rɔmɛ̀n-anmàn-bɔ̀ 2:15

Ɔmu lɔ de yɔ yé tán le, ɛnyànmàn anvrɛnvrɛn ẅɛ̀n lɔ, merɛ́n dú y'ɛnbɔrɛ lɔ mɛ̀n. Yɔ wàwúyɛ mán y'ankà-tro hɔ̀n lɔ ke yé tán le ɛnyànmàn merɛ́n dú y'ɛmɛ̀n, kɩ ɛnvra tɔ̀n hô, ke fe yɔ, kɩ ɛnvra tɔ̀n hô, ke ci yɔ ɛmɛẅi.

1 Korɛntɛ̀n anmàn-bɔ̀ 9:3

Nyàn ɔmu le mɛ dɔ́ ankà tán m'edomɛ̀n anwrɔn hɔ̀n léyi kɛ dɔ́ ankà gbàngbàn m'ɛmɛẅi nɔn, y'ɛtɛ̀sɛ̀n:

2 Korɛntɛ̀n anmàn-bɔ̀ 12:19

Kale nyɛ́n tro ɛnvra sheshemɛ̀n le, bɔ́ ji ɛyri bɔ̀ cɔ́ ankà-zrɔ ny'ezìwuɛ? Hɔ̂! Bɔ́ mán Krisì mɛhi bɔ́ dɔ́ ankà, ɔbɔ̀sɔ mɛ̀n Ɔwɔ zìwú, kɩ bɔ̀ dɔ́ nyɛ̀n ankà ndɔ lɔ fɛn, anwrɔn-nɛ́n-muan-ẅì hɔ̀n, ô nyɛ́n nán esù nyɛ́n hɔ́n ezì ankaẅì-bùtan-ẅɛn mɛ̀n.

2 Korɛntɛ̀n anmàn-bɔ̀ 7:11

Nyɛ́n nyan zɛtɛ̀ lɔ ny'obòtò lɔ nɛ́n vɔ̀nshɛ́ hɔ̀n, hán ɔmu le Ɔwɔ kɛ ji nɔn: ny'eci ɛnbɔrɛ-anvrɛnvrɛn hán mɛ̀n, ny'edomɛ̀n ankà-dɔ̀ tán ɛkpranmàn ci-hán mɛ̀n! Ny'ɔkrɔ ci-hán mɛ̀n, ny'ɛnjansù ci-hán mɛ̀n, ɛcüɛ̀n léyi nyɛ́n ẅɛn m'ɛwú, kɩ nye ji nyɛ́n kán mɛ̀n, ny'edùyì, ny'ecüì léyi nyɛ́n ẅɛn ɛgbàn-kɔrɛ̀ ci-hàn mɛ̀n nɔn! Nyɛ́n yé tán eci lɔ fɛn mɛ̀n le edòmɛ̀n fi nyɛ̀n ankà ndɔ lɔ mɛ̀n.

Filipɛ̀n anmàn-bɔ̀ 1:17

Anwrɔn janbɔ̀ kɛ dɔ́ Krisì ankà annan-kran mɛ̀n, y'ankà-tro ci-hán dú ɛfrɛ́n mɛ̀n; yɔ tro le yɔ lɛ hán, m'anwɔn-mɛ̀n-wá gbànkàn lɔ kɛ̀ sàn sevri.

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Anhyrɛmɛ̀n timote 4:16

Ɔwrɔn zriɛmɛ́n kè sɩ̀ dú mɛ̀n ɛmɛẅi kpàkpà bì léyi mɛ dɔ́ ankà tán m'edomɛ̀n nɔn; yɔ lɛ fɛn, yɔ teze mɛ̀n. Ɔwɔ ke bɩ́ hán yɔ ɛgbàn hɩ wú lɔ!

1 Piɛrɛ̀n 3:15

Tɛ́n nyɛ́n ẅɛn Krisì wá kè dú ny'ɛnbɔrɛ hɔ̀n lɔ mɛ̀n, kɛ hán ny'Ɛẅɛnwrɔn hɔ́. Ɛnbì lɔ fɛn nyɛ́n krɔn kpehɛ́n, ô nyɛ́n dɔ́ ankà nyɛ́n tán ny'edomɛ̀n ɛnvra léyi ye le yrɛ nyɛ̀n ny'esɛ́ léyi nyɛ́n ẅɛn Ɔwɔ mɛ̀n nɔn n'ɛwú ankà.