Ɔkɔ̀hɔ̀n-wá-bɔ̀ kɔ̀hɔ̀n hán 21:3 - Ɛmɛẅi ankà ankrànkràn 2003

³ Ɛnvra léyi bɔ̀ kán Shiprɛ̀n shi vúta lɔ nɔn, bɔ̀ ci nɛ̀n ecüemɛ̀n hɔ́nan kɩ bɔ̀ hɔ́n Siri kpɔsɔ wú. Bɔ̀ kɛ́ Tirɛ̀n, ɔmuhi ɛnhyàbri-hɛ̀ lɔ ke cüe n'ɛnlowrú lɔ nanvrɛn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 21:3 Iomraidhean Croise

Matie 11:21

“Muzhie dú vɛ tɛn, Korazɛn! Muzhie dú vɛ tɛn, Bɛtsahida! Ɔmuhi anvɛmɛ̀n-frɛ́n-ci hɔ̀n léyi yɛ hán nye yri nɔn, ke dú kɛ yɛ hán yɔ, Tirɛ̀n mán Sidɔn anmàn hô, ɛnvra sheshemɛ̀n de y'anmàn-bɔ̀ kɛ lɛ cɔ́ ɛceci gbrɔ̀, kɛ wá ɛnwɔ̀n edomɛ̀n, ô kè yé le, yɔ ji yɔ crɔn y'eci-hán-ci.

Matie 4:24

Yɛ yá n'ankà Siri ɛnhi wú anmàn kɩ ye bɩ́ anwrɔn hɔ̀n léyi kɛ kán ɛnlɔẅiɛ mɛ̀ntɛ mɛ̀ntɛ gbàn: yɔ hɔ̀n léyi anhɛ́n gbàngbàn dú edomɛ̀n, eci-gɔ́n-lɔẅiɛ-bɔ̀ mán ɔkpɔ̀cɔ-bɔ̀, yɛ vá sɩ́ nɛ̀n. Kɩ Zhezü kɛ kɔrɛ yɔ.

Lükɛ̀n 10:13

“Muzhie dú vɛ tɛn Korazɛn! Muzhie dú vɛ tɛn Bɛtsahida! Ɔmuhi, ke dú kɛ anvɛmɛ̀n-frɛ́n-ci hɔ̀n lɔ fɛn léyi yɔ hán ny'anmàn lɔ nɔn, ye bɩ yɛ hán Tirɛ̀n mán Sìdɔn kpɔsɔ wú hô, ɛnvra sheshemɛ̀n de y'anmàn-bɔ̀ lɔ kɛ lɛ yɛ́ ɛnhibɩ́, ke le ku ɛceci gbrɔ̀gbrɔ̀ edù, kɩ yɔ le bɩ́ nwɔ̀n yɔ ku edomɛ̀n, ô kè ye le yɔ crɔn ɛnkruɛ.

Lükɛ̀n 2:2

Ebɩ́-owrúemèn-wá ndɔ lɔ dú kpàkpà tɛ́n, ɛnvra léyi Kirinihüsɛ̀n dú Siri kpɔsɔ wú govran nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 11:19

Owù-gbànkàn léyi srɔ ɛnvra léyi ye wri Etiɛnɛ̀n nɔn, hán tán kɩ ankaẅì-bùtan-ẅɛn-bɔ̀ lɔ bonyì. Y'ɛmɛ̀n lɔ ɛnjanbɔ̀ hɔ́n Fenisi kpɔsɔ wú, Shiprɛ̀n mán Antiɔshɛ̀n anmàn, tɛ́n Zhüifɛ̀n-bɔ̀ kɩ yɔ dɔ́ Ɔwɔ ankà.

Ɔkɔ̀hɔ̀n-wá-bɔ̀ kɔ̀hɔ̀n hán 12:20

Herɔdɛ̀n bɩ́ ɛmɛ̀nhyì vri ku Tirɛ̀n mán Sidɔn anmàn-bɔ̀ ɛwú. Yɔ anwrɔn ndɔ hɔ̀n lɔ, yɔ krɔn ɔmùan, ô yɔ srɔ Herɔdɛ̀n Zìwú. Yɔ kán Blastüsɛ̀n léyi dú ɛnnɛ̀ncüì wɔndà-mɛ̀n-ci-sanhɛ́n-wrɔn, wá yɔ ɛkɔrɛ̀, zɛtɛn yɔ hɔ́n kán Herɔdɛ̀n, ô angranmɛ̀n kɛ wɔ yɔ, ɔmuhi ɛnnɛ̀ncüì Herɔdɛ̀n hi-nan wú de yɔ hɔ̀n ye bɩ́ ɛci-zî nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 13:4

Barnabasɛ̀n mán Sɔlɛ̀n léyi hɔ́n Ɔwɔ-kɔhɔ̀n-hán mɛ̀n Ɛnhɛ́n Prɔnprɔn cüiemɛ̀n, nɔn bru Selesi anmàn, nanvrɛn lɔ yɔ bɩ́ ɛnhyàbri-hɛ̀ yɔ hɔ́n Shiprɛ̀n anmàn vúta wú.

Ɔkɔ̀hɔ̀n-wá-bɔ̀ kɔ̀hɔ̀n hán 15:23

Nyàn owrú léyi yɔ merɛ́n yɔ tán yɔ, yɔ hɔ̀n nɔn: “Ɔkɔ̀hɔ̀n-wá-bɔ̀, mán ɛcüìcüì-bɔ̀, nyɛ́n muan-ẅì hɔ̀n ke bi nyɛ̀n nyan; nyɛ́n léyi nyɛ́n sɩ̀ dù Zhüifɛ̀n-bɔ̀, hɩ nyɛ́n dú Antiɔshɛ̀n anmàn, Siri mán Silisi kpɔsɔ wú nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 15:39

Yɔ ẅɛn ecüìwrɔn vri tɔ̀n, hán tán kɩ yɔ gbɛ́ angranmɛ̀n ɔmùan. Barnabasɛ̀n bɩ́ Markɛ̀n, kɩ yɔ bɩ́ ɛhɛ̀ yɔ hɔ́n Shiprɛ̀n hi wú,

Ɔkɔ̀hɔ̀n-wá-bɔ̀ kɔ̀hɔ̀n hán 15:41

Yɔ ci Siri mán Silisi hi-nan wú kɩ yɔ wá Ɔwɔ-fɛcüè-bɔ̀ ecüì edù, ô ankaẅì-bùtan kɛ̀ ẅɛn yɔ ecüì.

Ɔkɔ̀hɔ̀n-wá-bɔ̀ kɔ̀hɔ̀n hán 18:18

Pɔlɛ̀n vru yɛ́ Korɛntɛ̀n anmàn nmɔɛ̀n. Zɛtɛn nɛ́n teze anwrɔn-nɛ́n-muan-ẅì hɔ̀n lɔ kɩ nɛ̀n bɩ́ ɛhɛ̀ nɛ hɔ́n Siri kpɔsɔ wú, nɛ́n mán Prisilɛ̀n mán Akilasɛ̀n mɛhi. Ɛnkrubɔmɛ̀n lɔ, nɛ̀n hán yɛ wán nɛ̀n ɛnkru Sankre anmàn ɔmuhi nɛ̀n wá ɔmùan nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 21:16

Sezare sɛ̀nkɛn-bɔ̀ lɔ hɔ́n sɩ́ bɔ̀; yɔ hɔ́n sɩ́ bɔ̀ ɔwrɔn tɔ̀n léyi kɛ lɛ ẅɛn bɔ̀ nɛ̀nnyàn-bɔ̀, hɩ ye bi Mnasɔn, Shiprɛ̀n-wrɔn, nɛ̀n dú ankaẅì-bùtan-ẅɛn-wrɔn ɛnvra sheshe mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 21:2

Bɔ̀ cɔ́ ɛnhyàbri-hɛ̀ tɔ̀n nanvrɛn lɔ kɛ hɔ́n Fenisi; bɔ́ bru nɛ̀n ɛmɛ̀n kɩ bɔ́ nan hɔ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 21:7

Bɔ̀ trɔ bɔ́ ɛyri-hɔ̀n lɔ ecüe wú, ɛnvra léyi bɔ́ dú Tirɛ̀n bɔ́ hɔ́n Ptolemahisɛ̀n nɔn. Ɛnvra léyi, anmàn ndɔ lɔ, bɔ̀ bi bɔ́ muan-ẅì hɔ̀n lɔ bɔ̀ nyan trɔ nɔn, bɔ̀ cɔ́ yɔ mɛhi bɔ̀ yɛ́ ɛnbì zri.

Ɔkɔ̀hɔ̀n-wá-bɔ̀ kɔ̀hɔ̀n hán 27:4

Ɛnvra léyi bɔ̀ cɔhɔ́ Sidɔn anmàn nɔn, bɔ́ ci shiprɛ̀n vúta domɛ̀n, ɔmuhi ɛndɔnwrɔn crɛ ezì kɛ́n bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:36

Nyàn sɛnpò tɔ̀n; ɔwrɔn tɔ̀n léyi ye bi Zhozɛfɛ̀n, nɛ̀n dú Ɔwɔ-cɔ̀-krɛ́-wrɔn, ye bî nɛ̀n Shiprɛ̀n anmàn, nɛ́n de ɔkɔ̀hɔ̀n-wá-bɔ̀ ke bi nɛ̀n Barnabasɛ̀n (hɩ mɛ̀n kɛ dɔ̀ le “ɔwrɔn léyi ke yɩ́ anwrɔn edù nɔn”),