Ɔkɔ̀hɔ̀n-wá-bɔ̀ kɔ̀hɔ̀n hán 2:9 - Ɛmɛẅi ankà ankrànkràn 2003

⁹ Bɔ ɛmɛ̀n lɔ, ndɔ hɔ̀n dú Partɛ̀n, Medi mán Elamɛ̀n ɛnhi wú anmàn nvà. Mezopotami, Zhüde mán Kapadɔsɛ̀n, Pɔn mán Azi kpɔsɔ wú;

Ɔkɔ̀hɔ̀n-wá-bɔ̀ kɔ̀hɔ̀n hán 2:9 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 16:6

Ɛnhɛ́n Prɔnprɔn kè sɩ̀ tán yɔ ɛkɔrɛ̀levri yɔ dɔ́ Ɔwɔ ankà Azi kpɔsɔ wú lɔ, hán tán kɩ yɔ vɔ́n Frizhi mán Galasi kpɔsɔ wú.

Ɔkɔ̀hɔ̀n-wá-bɔ̀ kɔ̀hɔ̀n hán 18:2

Nɛ̀n cɔ́ Zhüifɛ̀n-wrɔn tɔ̀n ye bi Akilasɛ̀n, kɩ ye bî nɛ̀n Pɔn kpɔsɔ wú: nɛ́n mán nɛ́n hi Prisilɛ̀n mɛhi yɔ dú Itali ɛnhi-nan wú yɔ và, ɔmuhi ɛnnɛ̀ncüì Klodɛ̀n wá tán Zhüifɛ̀n-bɔ̀ lɔ fɛn kɛ cɔhɔ́ Rɔmɛ̀n anmàn nɔn. Pɔlɛ̀n hɔ́n cɔ́ yɔ

Ɔkɔ̀hɔ̀n-wá-bɔ̀ kɔ̀hɔ̀n hán 19:10

Pɔlɛ̀n ci-yé ndɔ lɔ di ɛnnànwàn kru anhyrɛ̀, hán tán kɩ anwrɔn lɔ fɛn léyi dú Azi kpɔsɔ wú nɔn, Zhüifɛ̀n-bɔ̀ mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yá Ɛẅɛnwrɔn ankà-dɔ̀ lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 19:27

Pɔlɛ̀n ci-hán ndɔ lɔ kɛ lɛ jrɛ́ b'ɔkɔ̀hɔ̀n lɔ, kɩ ke le vru kɛ hán antɛ̀buri-wɔ-hi léyi dú Artemisɛ̀n nɔn, n'ecice-wɔn bɩ́dì lɔ kɛ̀ zrɛ́n, zɛtɛn antɛ̀buri-wɔ-hi léyi Azi kpɔsɔ wú lɔ fɛn mán ɛnhi mumù lɔ ke cüe ankɔrɛ̀ ezìwú nɔn, ke sɩ̀ vru cɔ́ n'evri-dì hɛ̀.”

Ɔkɔ̀hɔ̀n-wá-bɔ̀ kɔ̀hɔ̀n hán 19:31

Govràn-kɔhɔ̀n-hán-bɔ̀ cüìcüì hɔ̀n janbɔ̀ léyi dú Azi kpɔsɔ wú, hɩ dú nɛ́n nyran anvrɛn hɔ̀n nɔn, yüre nɛ̀n owrú kɩ ke wore ankà yé nɛ̀n le, nɛ́n bɩ́ hɔ́n ɔkoran-wɔn lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 2:8

Zɛtɛn, anhɔntan de kɛ hán ke cì kɛ ɔwrɔnwrɔn kɛ yá yɔ, yɔ dɔ́ ankà yɔ muan hɔ̀n anmàn-brɛ̀ mɛ̀n nɛ́n?

Ɔkɔ̀hɔ̀n-wá-bɔ̀ kɔ̀hɔ̀n hán 20:16

Annànwɔrɛ mɛ̀n lɔ Pɔlɛ̀n wá le ne le ci Efɛzɛ̀n zìwú, kɩ nɛ̀n sɩ̀ sannyɔn nanvrɛn, ô nɛ́n bɩ́ jrɛ́ ɛnvra Azì kpɔsɔ wú. Nɛ kpramàn, ô nɛ̀n bru Zherüzalɛmɛ̀n yakɛ kɛ̀ cɔ́ Pantekɔtɛ̀n bì lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 20:18

Ɛnvra léyi yɔ vá nɛ̀n ɛtɛ̀sɛ̀n nɔn, nɛ dɔ́ yɔ le: “Nyɛ́n nyri eci léyi mɛ hán ny'ɛtɛ̀sɛ̀n ɛnbì lɔ fɛn, ɛnvra léyi mɛ́n và dú nyɛ̀n ɛmɛ̀n bukru ɛnbì zri bì lɔ, ɛnu Azi kpɔsɔ lɔ wú.

Ɔkɔ̀hɔ̀n-wá-bɔ̀ kɔ̀hɔ̀n hán 20:4

Pirüsɛ̀n ẅì, ye bi Sopatɛrɛ̀n, nɛ̀n dú Bere anmàn-wrɔn, hɔ́n sɩ́ nɛ̀n, nɛ́n mán nɛ́n nyran hɔ̀n léyi dú: Aristarkɛ̀n mán Sekɛndüsɛ̀n, yɔ dú Tesalonikɛ̀n-bɔ̀, Gahiüsɛ̀n dú Derbɛ̀n anmàn-wrɔn, Timote, Tishikɛ̀n mán Trofimɛ̀n, yɔ dú Azi kpɔsɔ wú bɔ̀, yɔ lɔ fɛn yɔ hɔ́n sɩ́ nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 21:27

Ɛbi ɔbɔ̀ɛn léyi dú ecice kɔhɔ̀n-hán-bì nɔn, n'ɛtrɔmɛ̀n lɔ, Zhüifɛ̀n-bɔ̀ léyi dú Azi kpɔsɔ wú nɔn, kán Pɔlɛ̀n Ɔwɔ-cice-wɔn lɔ mɛ̀n. Yɔ wá fɛcüè ankà, kɩ ẅɛn nɛ̀n,

Ɔkɔ̀hɔ̀n-wá-bɔ̀ kɔ̀hɔ̀n hán 24:18

Nyàn eci léyi mɛ́n dù ɛ hán mɛ̀n ɛnvra léyi yɔ cɔ́ mɛ̀n Ɔwɔ-cice-wɔn lɔ mɛ̀n nɔn: mɛ̀n bru edomɛ̀n fi-ci-hán lɔ mɛ̀n, fɛcüè zriɛmɛ́n mán ɛdrɛ̀-ci-hán bada mɛ̀n ɛtɛ̀sɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 27:2

Bɔ́ bɩ́ ɛnhyàbri-hɛ̀ tɔ̀n léyi dú Adramitɛ̀n anmàn nvà hɩ kɛ hɔ́n ɛnhyàbri-hɛ̀-nɛnbàdù hɔ̀n léyi dú Azi kpɔsɔ wú, kɩ bɔ́ nán hɔ̀n. Ɔwrɔn tɔ̀n ye bi nɛ̀n Aristarkɛ̀n, Maseduhanɛ̀n anmàn-wrɔn, Tɛsalonikɛ̀n kpɔsɔ wú, nɛ̀n dú bɔ̀ ɛmɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 6:9

Zɛtɛn anwrɔn janbɔ̀ kɛ kɛ́n nɛ̀n ezì: yɔ dú ɛnvrakpà, Ɔwɔ-sɛ́n-wɔn-mɛ̀n mɛ̀n-bɔ̀, léyi ye bi “anwɔ̀n-bɔ̀ léyi cɔ́ ɔwrɔncüe nɔn”, hɩ vru dú Sirɛnɛ̀n mán Alɛksandri anmàn Zhüifɛ̀n-bɔ̀; anhyrɛmɛ̀n, Zhüifɛ̀n-bɔ̀ léyi dú Silisi mán Azi kpɔsɔ-wú-bɔ̀ nɔn. Yɔ mán Etiɛnɛ̀n mɛhi yɔ bukru yɔ wrɔ́n-ecüì.

Ɔkɔ̀hɔ̀n-wá-bɔ̀ kɔ̀hɔ̀n hán 7:2

Etiɛnɛ̀n mrɛ́n ɔmùan le: “Dade hɔ̀n mán nmàn-ẅì hɔ̀n, nyɛ́n die mɛ̀n nukùɛ. Eci-zrɔ Wɔ bɩ́ n'edomɛ̀n yé bɔ́ nancüì Abrahamɛ̀n, ɛnvra léyi nɛ̀n dú Mezopotami ɛnhi wú, hɩ nɛ vá hɔ̀n nɛ̀n yɛ́ Haran hi-wú nɔn,

Rɔmɛ̀n-anmàn-bɔ̀ 16:5

M'ebinyan kè dú Ɔwɔ fɛcüè léyi kɛ borɛ y'edomɛ̀n ɛkru y'anmàn nɔn tɛn. M'ebinyan kè dú annyran anvrɛn Epahinɛtɛ̀n tɛn, nɛ́n léyi nɛ̀n dú ɛnvrakpà-wrɔn, nɛ̀n srɔ ankaẅì-bùtan-ẅɛn-wrɔn Krisì bɩmɛ̀n, Azi kpɔsɔ wú nɔn.

1 Korɛntɛ̀n anmàn-bɔ̀ 16:19

Ɔwɔ-fɛcüè-bɔ̀ léyi dú Azi kpɔsɔ wú nɔn ke bi nyɛ̀n nyan. Akilasɛ̀n, Prisilɛ̀n mán Ɔwɔ-fɛcüè léyi yɔ mɛhi yɔ bɔrɛkru y'edúyri nɔn, ke yüre nyɛ̀n y'ɛnbɔrɛ ankrankran binyan Ɛẅɛnwrɔn mɛhi y'ɔbɔ̀sɔ̀ lɔ mɛ̀n.

2 Korɛntɛ̀n anmàn-bɔ̀ 1:8

Anwrɔn-nɛ́n-muan-ẅì hɔ̀n annanwɔrɛ mɛ̀n lɔ, bɔ́ ji le nyɛ́n nyri ɛgbànkàn léyi bɔ̀ cɔ́ Azi kpɔsɔ wú nɔn: ɛgbànkàn lɔ srɔn ká bɔ̀, bɔ́ sɩ́ cɔ́ n'ɛẅɛn-yri, kɩ ɛwúvà-sɛ́ zriɛmɛ́n bàda bɔ̀ ɛmɛ̀n.

Anhyrɛmɛ̀n timote 1:15

Hán ɔmu le e nyrì nɔn, yɔ lɛ fɛn léyi yɔ dú Azi kpɔsɔ wú nɔn, yɔ teze mɛ̀n, y'ɛmɛ̀n lɔ, mɛ krɛ́ Fizhɛlɛ̀n mán Ɛrmozhɛnɛ̀n.

1 Piɛrɛ̀n 1:1

Ebinyan ndɔ lɔ dú Piɛrɛ̀n yri kɛ và, nɛ́n léyi nɛ̀n dú Zhezü Krisì kɔhɔ̀n-wá-wrɔn nɔn. Ebinyan lɔ dú anwrɔn hɔ̀n léyi Ɔwɔ mrɛ́n bɩ hɩ dú anwɔ̀nẅiemɛ̀n, bonyí ɔkpɔsɔ hɔ̀n léyi dú Pɔn, Galasi, Kapadɔsɛ̀n, Azi mán Bitini wú nɔn, yɔ tɛn.

Ɔwɔ-mɛ̀n-yrikàn 1:11

esùva lɔ kɛ dɔ̀ le: “È merɛ́n owrú tɔ̀n mɛ̀n eci léyi ɛ kàn nɔn, ô, è bɩ́ owrú lɔ è yüre Ɔwɔ fɛcüè hɔ̀n ɔbɔ̀ɛn lɔ: Efɛzɛ̀n anmàn, Smirnɛ̀n anmàn, Pergamɛ̀n anmàn, Tiatirɛ̀n anmàn, Sardɛ̀n anmàn, Filadɛlfi mán Laodise anmàn.”

Ɔwɔ-mɛ̀n-yrikàn 1:4

Ebinyan ndɔ lɔ dú Zhan yri kɛ và, kè dú Ɔwɔ-fɛcüè ɔbɔ̀ɛn hɔ̀n léyi dú Azi kpɔsɔ wú nɔn tɛn: Nboafɔ̀n mán anwɔwɔ kè dú Ɔwɔ léyi ndù, ngo dù kɩ kɛ và nɔn, ne yri kɛ̀ và cɔ́ nyɛ̀n, kè dú anhɛ́n hɔ̀n ɔbɔ̀ɛn léyi nyɔn n'ɛgbú-tòbù zìwú, y'eyri kɛ̀ và cɔ́ nyɛ̀n,