Ɔkɔ̀hɔ̀n-wá-bɔ̀ kɔ̀hɔ̀n hán 2:7 - Ɛmɛẅi ankà ankrànkràn 2003

⁷ Yɔ lɔ fɛn yɔ dú anvɛmɛ̀n-frɛ́n mɛ̀n mán pɔpüɛ̀ mɛ̀n kɩ yɔ dɔ̀ le: “Anwrɔn ndɔ hɔ̀n lɔ, hɩ kɛ dɔ́ ankà nɔn, yɔ lɔ fɛn yɔ sɩ̀ dù Galile anmàn-bɔ̀a?

Ɔkɔ̀hɔ̀n-wá-bɔ̀ kɔ̀hɔ̀n hán 2:7 Iomraidhean Croise

Matie 21:11

Anwrɔn mrɛ́n ɔmùan le: “Ɔwɔ-mùanwú-ankà-dɔ́-wrɔn Zhezü, Nazarɛtɛ̀n anmàn, Galile kpɔsɔ wú wrɔn.”

Matie 26:73

Ɛnvra jan vacì, anwrɔn hɔ̀n léyi dú nanvrɛn nɔn sɔnba Piɛrɛ̀n ɛtɛ̀sɛ̀n kɩ kɛ dɔ́ nɛ̀n le: “Annànwɔrɛ mɛ̀n lɔ, è dú Zhezü tɛ̀sɛ̀n-bɔ̀ lɔ ɔtɔ̀n: v'ankà-dɔ̀ kɛ cá ɛyri léyi e dù ɛ và nɔn.”

Matie 8:10

Ɛnvra léyi Zhezü yá ankà ndɔ lɔ nɔn, nɛ̀n dú pɔ̀püɛ̀ mɛ̀n kɩ nɛ dɔ́ anwrɔn hɔ̀n léyi kɛ kɛ́n nɛ̀n ɛsɛ̀n nɔn le: “Mɛ dɔ́ nyɛ̀n annànwɔrɛ mɛ̀n le: mɛ vá cɔ́ ankàẅì-bùtan ẅɛ̀n ndɔ lɔ Izraɛlɛ̀n ɛnhi wú.

Markɛ̀n 1:27

Hán tán kɩ anwrɔn lɔ fɛn dú anvɛmɛ̀n frɛ́n vriemɛ̀n, kɩ yɔ yrɛ y'edomɛ̀n le: “Ecitan dú ndɔ lɔa? Ankà-yé wrù tɔ̀n yɛ tán ɛkɔrɛ̀levriemɛ̀n! Ɔwrɔn ndɔ lɔ kɛ wá ɛnyànmàn tán anhɛ́n gbàngbàn hɔ̀n kɩ yɔ die nɛ̀n nukùɛ!”

Markɛ̀n 2:12

Kpatakpata lɔ, tɛ́n anwrɔn lɔ fɛn kɛ nyan nɛ̀n, kɩ ɛnlɔẅiɛ-wrɔn lɔ tɔhú bɩ́ n'ɛnkpà kɩ hɔ̀n. Yɔ lɔ fɛn yɔ dú anvɛmɛ̀n-frɛ́n-mɛ̀n. Yɔ mrɛ́n Ɔwɔ kɩ yɔ dɔ̀ le: “Ɛnbì zriɛmɛ́n bɔ́ vá kán eci ndɔ ɔmu lɔ!”

Zhan 7:52

Yɔ mrɛ́n nɛ̀n ɔmùan le: “Vɛ́n mán Galile wrɔn dú mɛ́n hɛ́n? Ɛ̀ nyan Owrú Prɔnprɔn lɔ kɩ ɛ lɛ kán ɔmu le, Ɔwɔ-mùanwú-ankà-dɔ́-wrɔn zriɛmɛ́n ke sɩ̀ dù Galile kɛ và mrìmrì.” [

Ɔkɔ̀hɔ̀n-wá-bɔ̀ kɔ̀hɔ̀n hán 1:11

kɩ kɛ dɔ́ yɔ le: “Galile-bɔ̀, cɛci kruhú kɛ̂ nyɛ́n nyɔn ɛnu lɔ nyɛ nyán anhobɩ́ɛ? Zhezü ndɔ léyi ye bɩ́ sɔhɔ́ ny'antamɛ̀n kɛ hɔ́n anhobɩ́ nɔn, ke le vru kɛ̀ vá ɔmu zri léyi nyɛ́n kán nɛ̀n nɛ hɔ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 2:12

Yɔ lɔ fɛn, yɔ dú anvɛmɛn-frɛ́n mɛ̀n kɩ yɔ sɩ́ nyri ankà léyi yɔ le tro nɔn; yɔ dɔ́ y'edomɛ̀n le: “Ndɔ lɔ n'ɛmɛ̀n dú tɛtan?”

Ɔkɔ̀hɔ̀n-wá-bɔ̀ kɔ̀hɔ̀n hán 2:8

Zɛtɛn, anhɔntan de kɛ hán ke cì kɛ ɔwrɔnwrɔn kɛ yá yɔ, yɔ dɔ́ ankà yɔ muan hɔ̀n anmàn-brɛ̀ mɛ̀n nɛ́n?

Ɔkɔ̀hɔ̀n-wá-bɔ̀ kɔ̀hɔ̀n hán 3:10

Ɛnvra léyi yɔ nyri ɔmu le nɛ́n de nɛ yɛ́ Ɔwɔ-cice-wɔn, gbàtà fifi lɔ tɛsɛ̀n nɛ sán ɛci nɔn, yɔ lɛ fɛn ɛnjansù yɩ́ yɔ ɛnbɔrɛ mɛ̀n, kɩ yɔ dú anvɛmɛ̀n-frɛ́n mɛ̀n, eci léyi wɔɛ́n ɔkpɔ̀cɔ-wrɔn lɔ edomɛ̀n nɔn, kruhú.