Ɔkɔ̀hɔ̀n-wá-bɔ̀ kɔ̀hɔ̀n hán 2:4 - Ɛmɛẅi ankà ankrànkràn 2003

⁴ Yɔ lɔ fɛn yɔ cɔ́ Ɛnhɛ́n Prɔnprɔn kɩ yɔ bukru yɔ dɔ́ ankà ɛnbrɛ̀ nyàntɛn mɛ̀n, hán hɩ le Ɛnhɛ́n Prɔnprɔn wá tán yɔ, yɔ dɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:4 Iomraidhean Croise

Matie 10:19

Ɛnvra léyi ye le sɩ́ nyɛ̀n ɛmrɛ̀nciemɛ̀n nɔn, ɛnkrɛ̀ta ke bɩ́ ku nyɛ̀n, ankà hɔ̀n léyi nyɛ lɛ dɔ̀ nɔn mán ɔmu le nyɛ lɛ hán nyɛ́n dɔ́ nɛ̀n nɔn; ankà hɔ̀n léyi nyɛ lɛ dɔ̀ nɔn, kɛ lɛ và cɔ́ nyɛ̀n ɛnvra ndɔ lɔ mɛ̀n;

Markɛ̀n 16:17

Kɩ nyàn anvɛmɛ̀n-frɛ́n-ci hɔ̀n léyi anwrɔn hɔ̀n léyi ẅɛn ankàẅì-bùtan kɛ lɛ hán nɔn. Yɔ lɛ wrɔ́ anhɛ́n gbàngbàn m'ebɩ́ mɛ̀n; yɔ lɛ vra ɛnbrɛ̀ wrù;

Lükɛ̀n 1:15

Ɔmuhi ɛnẅì lɔ kɛ le dú ɔwrɔn vri Ɛẅɛnwrɔn zìwú nɔn. Nɛ́n sɩ̀ mi ɛntàn wɔnsɛ́n, mán ɛntàn shishi zriɛmɛ́n. Ɛnhɛ́n Prɔnprɔn kɛ le dú nɛ̀n edomɛ̀n nɛ́n muan mɛ̀ntɛ̀ mɛ̀n hán hɛ́n.

Lükɛ̀n 1:41

Ɛnvra léyi Elizabɛtɛ̀n yá Mari mùan-bɔ̀ lɔ nɔn, ɛnẅì léyi dú nɛ̀n ɛmɛ̀ntɛ̀ mɛ̀n nɔn jɔkɔ̀. Elizabɛtɛ̀n Ɛnhɛ́n Prɔnprɔn bru edù

Lükɛ̀n 1:67

Zakari, ɛnẅì nɛ́n zi, Ɛnhɛ́n Prɔnprɔn bru edú kɩ bukru kɛ mrɛ́n Ɔwɔ kɛ dɔ̀ le:

Lükɛ̀n 12:12

ɔmuhi Ɛnhɛ́n Prɔnprɔn ke le yé nyɛ̀n, ɛnvra zri lɔ, ankà léyi ke ji le nyɛ́n dɔ̀ nɔn.”

Lükɛ̀n 21:15

Mɛ̀n dùku mɛ lɛ tán nyɛ̀n ankà-dɔ̀ mán ankà-nyrì léyi ny'egbri-wrɔn zriɛmɛ́n ke sɩ̀ ẅɛ̀n kè bɩ kɛ̀ kɛ́n nyɛ̀n ezì rɔ́ nɔn.

Lükɛ̀n 4:1

Zhezü Ɛnhɛ̀n Prɔnprɔn yɩ́ edomɛ̀n, ɛnvra léyi nɛ̀n dú Zhurdɛn shi lo mɛ̀n nɛ̀n srɔ nɔn, kɩ Ɛnhɛ́n Prɔnprɔn kɛ́n nɛ̀n sɩ́ ɛnnùnwì.

Zhan 14:26

Ɔwrɔn léyi kɛ lɛ wá nyɛ̀n ɛkɔrɛ̀, Ɛnhɛ́n Prɔnprɔn léyi Dade ke le yüre m'ebɩ́mɛ̀n nɔn, ke le yé nyɛ̀n eci lɔ fɛn, kɩ ke le kore nyɛ̀n ankà lɔ fɛn léyi mɛ̀n dɔ́ nyɛ̀n nɔn.”

Zhan 20:22

N'ankà-dɔ̀ trɔ mɛ̀n lɔ, nɛ̀n fú ɛndɔnwrɔ̀n ku yɔ ɛwú kɩ nɛ dɔ́ yɔ le: “Nyɛ́n cɔ́ Ɛnhɛ́n Prɔnprɔn!

Ɔkɔ̀hɔ̀n-wá-bɔ̀ kɔ̀hɔ̀n hán 1:5

Ɔmuhi Zhan bɩ́ ɛnshi wá anwrɔn ɛnkru nɔn, tɛ́n nyɛ tɛn, ɛnvra bruemɛ̀n, Ɛnhɛ́n Prɔnprɔn mɛ̀n de yɛ lɛ wá nyɛ̀n ɛnshi ɛnkru nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 1:8

Tɛ́n nyɛ lɛ cɔ́ ecüì tɔ̀n ɛnvra léyi Ɛnhɛ́n Prɔnprɔn kɛ lɛ vá ny'ɛwú nɔn. Zɛtɛn, nyɛ lɛ srɔ mɛ́n dalɛfuɛ-di-bɔ̀ Zherüzalɛmɛ̀n anmàn, Zhüde mán Samari kpɔsɔ wú hàn mán ɛnhibù kru trɔ.”

Ɔkɔ̀hɔ̀n-wá-bɔ̀ kɔ̀hɔ̀n hán 10:46

Annanwɔrɛmɛ̀n lɔ, yɔ yá yɔ, yɔ dɔ́ ankà ɛnbrɛ̀ nyàntɛn mɛ̀n, kɩ yɔ mrɛ́n Ɔwɔ vrisì lɔ. Zɛtɛn Piɛrɛ̀n kɛ dɔ̀ le:

Ɔkɔ̀hɔ̀n-wá-bɔ̀ kɔ̀hɔ̀n hán 10:47

“Bɔ́ lɛ ẅɛn anwrɔn ndɔ hɔ̀n lɔ y'ɛnshi-kru-wá lɔ bɔ̀ sɔhɔ́ tɛ̀a, zɛtɛ̀ léyi yɔ cɔ́ Ɛnhɛ́n Prɔnprɔn hán bɔ́ hɔ́ nɛ́n?”

Ɔkɔ̀hɔ̀n-wá-bɔ̀ kɔ̀hɔ̀n hán 11:15

Mɛ̀n bukru mɛ dɔ́ ankà ɛnvra léyi Ɛnhɛ́n Prɔnprɔn kakɛ yɔ ɛwú, hán ɔmu léyi Ɛnhɛ́n Prɔnprɔn kakɛ bɔ̀ ɛwúɛ ɛnkrubɔmɛ̀n lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 11:24

Annànwɔrɛ mɛ̀n lɔ Barnabasɛ̀n dú ɔwrɔn anvrɛnvrɛn léyi Ɛnhɛ́n Prɔnprɔn yɩ́ edomɛ̀n, hɩ ẅɛn ankaẅì-bùtan nɔn. Anwrɔn bobrebe shri bɩ́ Ɛẅɛnwrɔn ankà lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 13:52

Ɛsɛ̀nkɛn-bɔ̀ léyi dú Antiɔshɛ̀n anmàn nɔn, yɔ tɛn, pɔpüɛ̀-brà mán Ɛnhɛ́n Prɔnprɔn yɩ́ yɔ edomɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 13:9

Zɛtɛn Sɔlɛ̀n léyi ye vru ye bi Pɔlɛ̀n nɔn, Ɛnhɛ́n Prɔnprɔn yɩ́ edomɛ̀n kɩ crɛ ezì kɛ́n seke-wrɔn lɔ

Ɔkɔ̀hɔ̀n-wá-bɔ̀ kɔ̀hɔ̀n hán 15:8

Kɩ Ɔwɔ léyi nyri anwrɔnẅì ɛnbɔrɛ mɛ̀n ankà-tro nɔn, yé le nɛ̀n bɩ́ yɔ kɩ nɛ̀n tán yɔ Ɛnhɛ́n Prɔnprɔn hán ɔmu le nɛ̀n tán bɔ́ mán nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 19:6

Pɔlɛ̀n di yɔ ankɔrɛ̀ ɛwú kɩ Ɛnhɛ́n Prɔnprɔn vá cɔ́ yɔ; yɔ bukru yɔ dɔ́ ankà ɛnbrɛ̀ vɛnvɛn mɛ̀n kɩ yɔ dɔ́ ɛmɛẅi ankà léyi yɔ cɔ́ Ɔwɔ yri nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:11

Krɛtɛ̀n mán Arabi ɛnhi wú anmàn nvà; ndɔ hɔ̀n dú Zhüifɛ̀n-bɔ̀, kɩ ɛnjanbɔ̀ kɛ sɛ́n Zhüifɛ̀n-bɔ̀ Wɔ lɔ. Ɔmu tɛ̀kɩ bɔ́ yá yɔ, yɔ dɔ́ Ɔwɔ kɔrɛ̀-ci hɔ̀n lɔ yi ankà bɔ́ ɛnbrɛ̀ mɛ̀ntɛ mɛ̀ntɛ hɔ̀n lɔ mɛ̀n!”

Ɔkɔ̀hɔ̀n-wá-bɔ̀ kɔ̀hɔ̀n hán 2:3

Zɛtɛn, yɔ kán ɛnhyà wɔɛ̀n bobrebe srɔ; yɔ gbɛ́ angranmɛ̀n ɔmùan kɩ ɛnzri zri hɔ́n nyɔn ɔwrɔn wrɔn ɛnkru wanzi.

Ɔkɔ̀hɔ̀n-wá-bɔ̀ kɔ̀hɔ̀n hán 4:31

Ɛnvra léyi yɔ sɛ́n Ɔwɔ trɔ nɔn, ɛyri léyi yɔ bɔrɛkru yɔ nyɔn nɔn jɔkɔ̀. Yɔ lɛ fɛn, yɔ cɔ́ Ɛnhɛ́n Prɔnprɔn kɩ yɔ bukru yɔ dɔ́ Ɔwɔ ankà esɛ́ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 4:8

Zɛtɛn Piɛrɛ̀n, Ɛnhɛ́n Prɔnprɔn bru edù, kɩ kɛ dɔ́ yɔ le: “Fɛcüè cüìcüì-bɔ̀ mán ɛcüìcüì-bɔ̀:

Ɔkɔ̀hɔ̀n-wá-bɔ̀ kɔ̀hɔ̀n hán 6:3

Hɩ le kruhú, anwrɔn-nɛ́n-muan-ẅì hɔ̀n, nyɛ́n mrɛ́n ny'ɛmɛ̀n lɔ, anwrɔn ɔbɔ̀ɛn léyi ke le dú anwrɔn anvrɛnvrɛn, hɩ Ɛnhɛ́n Prɔnprɔn mán ankà-nyrì yɩ́ edomɛ̀n, kɩ bɔ́ lɛ tán yɔ ɛci-zî kɔhɔ̀n lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 6:5

Fɛcüè mumù lɔ fɛn shri ankà lɔ bɩ. Zɛtɛn yɛ mrɛ́n Etiɛnɛ̀n léyi ankaẅì-bùtan mán Ɛnhɛ́n Prɔnprɔn yɩ́ edomɛ̀n, ɔmu zri lɔ yɛ mrɛ́n Filipɛ̀n, Prokɔrɛ̀n, Nikanɔr, Timɔn, Parmenasɛ̀n mán Nikola léyi dú Antiɔshɛ̀n-wrɔn, hɩ ɛnbɩ̀ɛhɛ́n kɛ sɛ́n Zhüifɛ̀n-bɔ̀ Wɔ nɔn ye bɩ.

Ɔkɔ̀hɔ̀n-wá-bɔ̀ kɔ̀hɔ̀n hán 6:8

Etiɛnɛ̀n léyi ecüì yɩ́ edomɛ̀n Ɔwɔ boafɔ̀n mɛ̀n nɔn, kɛ hán eci-woroan-ci mán anvɛmɛ̀n-frɛ́n-ci ɛvrivri fɛcüè wanzi.

Ɔkɔ̀hɔ̀n-wá-bɔ̀ kɔ̀hɔ̀n hán 7:55

Tɛ́n nɛ́n, Ɛnhɛ́n Prɔnprɔn yɩ́ nɛ̀n ɛmɛ̀n kɩ nɛ nyan anhobɩ́; nɛ̀n kán Ɔwɔ ci-zrɔ mán Zhezü léyi nyɔn Ɔwɔ zì-kɔrɛ̀a nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 8:17

Zɛtɛn Piɛrɛ̀n mán Zhan di yɔ ankɔrɛ̀ ɛwú kɩ yɔ cɔ́ Ɛnhɛ́n Prɔnprɔn.

Ɔkɔ̀hɔ̀n-wá-bɔ̀ kɔ̀hɔ̀n hán 9:17

Zɛtɛn Ananiasɛ̀n nhɔ̀n. Nɛ̀n bru ɔwɔn lɔ mɛ̀n, nɛ̀n di Sɔlɛ̀n ɛkɔrɛ̀ ɛwú kɩ nɛ dɔ́ yi le: “Sɔlɛ̀n, nmàn-ẅì, Ɛẅɛnwrɔn Zhezü léyi srɔ́n mɛ́n esù ɛnlevri léyi e bɩ ɛ và nɔn, wá mɛ̀n ɔkɔhɔ̀n, ô è vru ɛ̀ sàn kán ɛyri, ô Ɛnhɛ́n Prɔnprɔn kɛ̀ và dú mɛ́n ɛmɛ̀n.”

Rɔmɛ̀n-anmàn-bɔ̀ 15:13

Ke ji le Ɔwɔ léyi dú esɛ́ shi-bɛ́ nɔn ke hán pɔpüɛ̀ mán anwɔwɔ ke dú nyɛ̀n ɛmɛ̀n, ny'ankaẅì-bùtan léyi nyɛ́n ẅɛn n'ɛwú nɔn, ô nyɛ́n di ɛnnɛ̀ncüì esɛ́ mɛ̀n, Ɛhɛ́n Prɔnprɔn kɔrɛ̀-srɔn mɛ̀n.

1 Korɛntɛ̀n anmàn-bɔ̀ 12:10

Ɛnhɛ́n Prɔnprɔn kɛ tán ɔwrɔn tɔ̀n ɛkɔrɛ̀srɔn kɛ̀ hán anvɛmɛ̀n-frɛ́n-ci, ɔwrɔn nyàntɛn tɔ̀n nɛ srɔ́ Ɔwɔ-mùanwú-ankà-dɔ́-wrɔn, ne vru nɛ tán ɔwrɔn nyàntɛn tɔ̀n ɛyri-kàn léyi kɛ hán ye nyri anhɛ́n gbangbàn mán ankrankran mɛhi. Ɔwrɔn tɔ̀n nɛ tán ɛkɔrɛ̀levri kɛ dɔ́ ankà ɛnbrɛ̀ nyàntɛn bobrebe mɛ̀n kɩ ɛnyàntɛn tɔ̀n nɛ tán ɛnkruemɛ̀n-ẅɛ̀n kɛ̀ yá ɛnbrɛ̀ nyàntɛn hɔ̀n lɔ y'ankà-dɔ̀.

1 Korɛntɛ̀n anmàn-bɔ̀ 13:1

Bɔ̀ tro ke dú kɛ mɛ vrá anwrɔnẅì brɛ̀, kɩ mɛ vrá Ɔwɔ-kùyüre-bɔ̀ brɛ̀ mán: ke dú kɛ mɛ̀n sɩ̀ ẅɛ̀n ɛcüɛ̀n, mɛ̀n sɩ̀ dù eci zriɛmɛ́n, mɛ́n dù mɛ̀n cá pritù-ẅì léyi ke shrì mán yaka léyi ke di nkù nɔn hɔ́.

1 Korɛntɛ̀n anmàn-bɔ̀ 13:8

Ɛcüɛ̀n kè sɩ̀ ẅɛ̀n ɔtrɔ. Ɔwɔ mɛẅi ankà-dɔ̀ kɛ lɛ trɔ ɛnbì tɔ̀n, ankà-dɔ̀ cice léyi Ɛnhɛ́n Prɔnprɔn kɛ tán bɔ̀ ɛnbrɛ̀ nyàntɛn vrá mɛ̀n nɔn mán kɛ lɛ trɔ, eci-nyrì kɛ lɛ zrɛ́n.

1 Korɛntɛ̀n anmàn-bɔ̀ 14:18

Mɛ tán Ɔwɔ ɔkùɛn, ɔmuhi mɛ vrá ɛnbrɛ̀ nyàntɛn hɔ̀n vrán nyɛ lɛ fɛn nɔn.

1 Korɛntɛ̀n anmàn-bɔ̀ 14:5

Mɛ cüɛn anvrɛnvrɛn mɛ̀n le nyɛ lɛ fɛn nyɛ́n dɔ́ ankà ɛnbrɛ̀ nyàntɛn hɔ̀n mɛ̀n, tɛ́n me vru me ji le nyɛ́n cɔ́ ɛyri nyɛ́n dɔ́ Ɔwɔ mɛẅi ankà. Annanwɔrɛ mɛ̀n lɔ, ɔwrɔn léyi kɛ dɔ́ ɛmɛẅi ankà ndɔ lɔ nɔn, ẅɛn vɔ̀nshɛ́ vrán ɔwrɔn léyi kɛ dɔ́ ankà ɛnbrɛ̀ nyantɛn hɔ̀n mɛ̀n nɔn, tɛ́n ke ji le ɔwrɔn tɔ̀n kè dù kɛ̀ yá, ô kɛ̀ dɔ́ Ɔwɔ fɛcüè mumù lɔ fɛn kè nyrì.

Efɛzɛ̀n anmàn-bɔ̀ 3:19

Hɛ̀ɛ̀, nyɛ́n cɔ́ n'ɛcüɛ̀n lɔ nyɛ́n nyrì (ke dú kɛ nɛ̀n ká eci-nyrì lɔ fɛn mán) kɩ ɔmu lɔ, Ɔwɔ nɛ̀ncüì-dì lɔ fɛn kè yɩ́ nyɛ̀n ɛmɛ̀n.

Efɛzɛ̀n anmàn-bɔ̀ 5:18

Nyɛ́n bɩ́ kɔ́n ɛntàn: ɛntàn-kɔ̀n kɛ lɛ jrɛ́ ny'ɛwúvà lɔ; tɛ́n Ɛnhɛ́n Prɔnprɔn kè yɩ́ nyɛ̀n ɛmɛ̀n.

Efɛzɛ̀n anmàn-bɔ̀ 6:18

Ndɔ lɔ fɛn, nyɛ́n sán nɛ̀n Ɔwɔ-sɛ́n mɛ̀n. Hɛ̀ɛ̀, nyɛ́n sɛ́n ɛnvra lɔ fɛn, Ɛnhɛ́n Prɔnprɔn kɔrɛ̀-wá mɛ̀n. Hɩ mɛ̀n lɔ, anvɛmɛ̀n ke cüe nyɛ̀n, ô nyɛ́n dú ɛnvra lɔ fɛn ɔmùan-zri-diemɛ̀n. Nyɛ́n sɛ̀n nyɛ́n tán Ɔwɔ-fɛcüè lɔ fɛn;

1 Piɛrɛ̀n 1:12

Ɔwɔ hán tán n'ɔmùan-wú-ankà-dɔ́ bɔ̀ nyri ɔmu le ɛmɛẅi ankà léyi nɛ̀n wá yɔ antamɛ̀n nɔn, kè sɩ̀ dù yɔ dùku yɔ tɛn, tɛ́n ny'ankà de yɔ dɔ̀ nɔn. Ɛmɛẅi ankà ndɔ lɔ, nyɛ́n cɔ́ nɛ̀n zɛtɛ̀ lɔ Ɔwɔ-ankà-dɔ́-bɔ̀ mùan mɛ̀n; yɔ dɔ́ Ɛmɛẅi ankà Ankrankran lɔ, Ɛnhɛ́n Prɔnprɔn léyi dú anhobɩ́ nvà nɔn, n'ɛkɔrɛ̀srɔn mɛ̀n. Kɩ Ɔwɔ kùyüre-bɔ̀ dùku mán ke ji kè nyri Ɛmɛẅi ankà Ankrànkràn ndɔ lɔ.

2 Piɛrɛ̀n 1:21

Ɔmuhi Ɔwɔ ankà-dɔ̀ zriɛmɛ́n kè sɩ̀ dù ɔwrɔnẅì kɔrɛ̀levriemɛ̀n kɛ̀ srɔa, tɛ́n, Ɛnhɛ́n Prɔnprɔn de kɛ wá tán anwrɔnẅì kɛ dɔ́ Ɔwɔ mùan-wú ankà nɔn.