Ɔkɔ̀hɔ̀n-wá-bɔ̀ kɔ̀hɔ̀n hán 2:3 - Ɛmɛẅi ankà ankrànkràn 2003

³ Zɛtɛn, yɔ kán ɛnhyà wɔɛ̀n bobrebe srɔ; yɔ gbɛ́ angranmɛ̀n ɔmùan kɩ ɛnzri zri hɔ́n nyɔn ɔwrɔn wrɔn ɛnkru wanzi.

Ɔkɔ̀hɔ̀n-wá-bɔ̀ kɔ̀hɔ̀n hán 2:3 Iomraidhean Croise

Matie 3:11

Mɛ tɛn, ɛnshi de me bɩ mɛ wá nyɛ̀n ɛnkru ô ke yé le nyɛ́n crɔn ɛnkruɛ; tɛ́n ɔwrɔn léyi dú mɛ̀n ɛmɛẅi kɛ và nɔn, kɛ lɛ wá nyɛ̀n ɛnshi ɛnkru Ɛnhɛ́n Prɔnprɔn mɛ̀n mán ɛnhyà mɛ̀n. Ɛkɔrɛ̀ srɔ́n nɛ̀n vrán mɛ̀n: mɛ̀n sɩ̀ zeze mɛ̀n zrɔa hɩ m'á sɩ́ m'edomɛ̀n ɛnhi ô mɛ̀n gbrɔ n'annanwrú hɛ́ lɔ nɔn.

Matie 3:15

Tɛ́n Zhezü mrɛ́n nɛ̀n ɔmùan le: “È shrì kè dú ɔmu lɔ ɛnvra ndɔ lɔ mɛ̀n. Ɔmuhi, ɔmu lɔ de ke ji le bɔ̀ hán eci léyi Ɔwɔ ke ji nɔn.” Zɛtɛn Zhan shrì kɩ wá nɛ̀n ɛnshi ɛnkru.

Lükɛ̀n 24:32

Yɔ dɔ́ y'edomɛ̀n le: “Ke sɩ́ hán le, ɛnhyà tɔ̀n de dú bɔ̀ ɛmɛ̀n ke wrù ɛnvra léyi ɛnlevri wanzi lɔ, nɛ dɔ́ bɔ̀ Ɛwrú Prɔnprɔn ankà nɛ́n?”

Ɔkɔ̀hɔ̀n-wá-bɔ̀ kɔ̀hɔ̀n hán 1:15

Ɛnbì ndɔ hɔ̀n lɔ ɔtɔ̀n, ankaẅì-bùtan-ẅɛn-bɔ̀ léyi borɛkru nɔn, yɔ dú anwrɔn ɛkoẅi-ɔwole. Piɛrɛ̀n tɔhú y'anwanzi kɩ kɛ dɔ̀ le:

Ɔkɔ̀hɔ̀n-wá-bɔ̀ kɔ̀hɔ̀n hán 2:11

Krɛtɛ̀n mán Arabi ɛnhi wú anmàn nvà; ndɔ hɔ̀n dú Zhüifɛ̀n-bɔ̀, kɩ ɛnjanbɔ̀ kɛ sɛ́n Zhüifɛ̀n-bɔ̀ Wɔ lɔ. Ɔmu tɛ̀kɩ bɔ́ yá yɔ, yɔ dɔ́ Ɔwɔ kɔrɛ̀-ci hɔ̀n lɔ yi ankà bɔ́ ɛnbrɛ̀ mɛ̀ntɛ mɛ̀ntɛ hɔ̀n lɔ mɛ̀n!”

Ɔkɔ̀hɔ̀n-wá-bɔ̀ kɔ̀hɔ̀n hán 2:2

Kpatakpata lɔ, nkù-dì tɔ̀n dú anhobɩ́ và, cá ecüì dɔ̀nwrɔ̀n tɔ̀n léyi kɛ cüɛ̀n, kɩ yɩ́ ɔwɔn mumù lɔ fɛn léyi yɔ dú ɛmɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:4

Yɔ lɔ fɛn yɔ cɔ́ Ɛnhɛ́n Prɔnprɔn kɩ yɔ bukru yɔ dɔ́ ankà ɛnbrɛ̀ nyàntɛn mɛ̀n, hán hɩ le Ɛnhɛ́n Prɔnprɔn wá tán yɔ, yɔ dɔ̀ nɔn.

1 Korɛntɛ̀n anmàn-bɔ̀ 12:10

Ɛnhɛ́n Prɔnprɔn kɛ tán ɔwrɔn tɔ̀n ɛkɔrɛ̀srɔn kɛ̀ hán anvɛmɛ̀n-frɛ́n-ci, ɔwrɔn nyàntɛn tɔ̀n nɛ srɔ́ Ɔwɔ-mùanwú-ankà-dɔ́-wrɔn, ne vru nɛ tán ɔwrɔn nyàntɛn tɔ̀n ɛyri-kàn léyi kɛ hán ye nyri anhɛ́n gbangbàn mán ankrankran mɛhi. Ɔwrɔn tɔ̀n nɛ tán ɛkɔrɛ̀levri kɛ dɔ́ ankà ɛnbrɛ̀ nyàntɛn bobrebe mɛ̀n kɩ ɛnyàntɛn tɔ̀n nɛ tán ɛnkruemɛ̀n-ẅɛ̀n kɛ̀ yá ɛnbrɛ̀ nyàntɛn hɔ̀n lɔ y'ankà-dɔ̀.

Zhakɛ̀n 3:6

Hɛ̀ɛ̀ ɔwɔɛ̀n ndù cá ɛnhyà cɛ hɔ́. Nɛ̀n dú ɛnhibù wú ci gbàngbàn léyi dú bɔ̀ edomɛ̀n kɩ nɛ jrɛ́ bɔ́ mumù lɔ fɛn. Nɛ wá bɔ́ ɛwúvà mumù lɔ fɛn ɛnhyà léyi dú owú-bɔ̀ anmàn kɛ và nɔn mɛ̀n.

Ɔwɔ-mɛ̀n-yrikàn 11:3

Mɛ lɛ wá mɛ́n dalɛfuɛ-di-bɔ̀ anhyrɛ̀ ɔkɔ̀hɔ̀n, yɔ le ku ɛbrá ceci edù, kɩ yɔ lɛ dɔ́ ɛmɛẅi ankà léyi yɔ cɔ́ Ɔwɔ yri ɛbi tɛ̀buri kru zri mán ɛkɔẅi ɛvà anhɔ̀n ndɔ hɔ̀n granmɛ̀n nɔn.”

Ɔwɔ-mɛ̀n-yrikàn 14:6

Zɛtɛn mɛ̀n kán Ɔwɔ-kùyüre-wrɔn tɔ̀n nyantɛn ke tú ɔwràn mɛ̀n ɛwú-hɛ́n; nɛ̀n ẅɛn Ɛmɛẅi ankà Ankrankran tɔ̀n léyi ke sɩ́ trɔa nɔn, ne ji nɛ̀n dɔ́ tán ɛnhi-wú-anmàn-bɔ̀ lɔ fɛn, ɛmɛ̀n lɔ fɛn, ɛnbrɛ̀ lɔ fɛn mán fɛcüè lɔ fɛn.