Ɔkɔ̀hɔ̀n-wá-bɔ̀ kɔ̀hɔ̀n hán 2:11 - Ɛmɛẅi ankà ankrànkràn 2003

¹¹ Krɛtɛ̀n mán Arabi ɛnhi wú anmàn nvà; ndɔ hɔ̀n dú Zhüifɛ̀n-bɔ̀, kɩ ɛnjanbɔ̀ kɛ sɛ́n Zhüifɛ̀n-bɔ̀ Wɔ lɔ. Ɔmu tɛ̀kɩ bɔ́ yá yɔ, yɔ dɔ́ Ɔwɔ kɔrɛ̀-ci hɔ̀n lɔ yi ankà bɔ́ ɛnbrɛ̀ mɛ̀ntɛ mɛ̀ntɛ hɔ̀n lɔ mɛ̀n!”

Ɔkɔ̀hɔ̀n-wá-bɔ̀ kɔ̀hɔ̀n hán 2:11 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 2:10

Frizhi mán Panfili, Ezhiptɛ̀n mán Sirɛnɛ̀n kpɔsɔ wú, dú Libi ɛnhi wú anmàn nvà; ndɔ hɔ̀n dú Rɔmɛ̀n,

Ɔkɔ̀hɔ̀n-wá-bɔ̀ kɔ̀hɔ̀n hán 2:12

Yɔ lɔ fɛn, yɔ dú anvɛmɛn-frɛ́n mɛ̀n kɩ yɔ sɩ́ nyri ankà léyi yɔ le tro nɔn; yɔ dɔ́ y'edomɛ̀n le: “Ndɔ lɔ n'ɛmɛ̀n dú tɛtan?”

Ɔkɔ̀hɔ̀n-wá-bɔ̀ kɔ̀hɔ̀n hán 27:12

Kɩ, ɛnhyàbri-hɛ̀-nɛnbàdù lɔ, ke sɩ̀ zrɔ̀a hɩ bɔa yɛ́ nanvrɛn ɛshɛ̀ vra lɔ nɔn; hɩ le kruhú de anwrɔn hɔ̀n léyi dú anhyàbri-hɛ̀ lɔ mɛ̀n nɔn, ɛcá wá le yɔ cɔhɔ́ nanvrɛn: yɔ ji, ke dú kɛ, kɛ lɛ krɔn hô, yɔ cɔ́ Feniksɛ̀n anmàn, Krɛtɛ̀n ɛnhyàbri-hɛ̀-nɛnbàdù tɔ̀n léyi crɛ ezì kɛ́n ovúemɛ̀n mán ecüemɛ̀n, ô yɔ yɛ́ nanvrɛn ɛshɛ̀ vra lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 27:13

Ecüemɛ̀n dɔ̀nwrɔ̀n cɛ tɔ̀n bukru kɛ cüɛ̀n, kɩ yɔ tro le y'ankà-tro-ankà lɔ kɛ lɛ sá nmù. Yɔ sán Ɛnhyàbri-hɛ̀-bù kɩ ɛnhyàbri-hɛ̀ kɛ nán esù krɛtɛ̀n kpó shi mùan.

Ɔkɔ̀hɔ̀n-wá-bɔ̀ kɔ̀hɔ̀n hán 27:7

Ɛnvra bobrebe de bɔ́ dú ecüe wú bɔ́ hɔ́n jan jan, kɩ ɛgbànkàn vriemɛ̀n yakɛ bɔ̀ cɔ́ Senidɛ̀n anmàn zìwú. Ɔmuhi ɛndɔ̀nwrɔ̀n kɛ kɛ́n bɔ̀ hɛ́n, kɩ bɔ́ sɩ́ cɔ́ esù she hɔ́n yri, ɛyri léyi bɔ́ hɔ̀n nɔn, bɔ́ ci Salmone kavà vúta tɛ̀sɛ̀n, ô bɔ̀ cɔ́ Krɛtɛ̀n shi wú vúta léyi ɛndɔ̀nwrɔ̀n ke sɩ́ ci ɛtɛ̀sɛ̀n nɔn.

1 Korɛntɛ̀n anmàn-bɔ̀ 12:10

Ɛnhɛ́n Prɔnprɔn kɛ tán ɔwrɔn tɔ̀n ɛkɔrɛ̀srɔn kɛ̀ hán anvɛmɛ̀n-frɛ́n-ci, ɔwrɔn nyàntɛn tɔ̀n nɛ srɔ́ Ɔwɔ-mùanwú-ankà-dɔ́-wrɔn, ne vru nɛ tán ɔwrɔn nyàntɛn tɔ̀n ɛyri-kàn léyi kɛ hán ye nyri anhɛ́n gbangbàn mán ankrankran mɛhi. Ɔwrɔn tɔ̀n nɛ tán ɛkɔrɛ̀levri kɛ dɔ́ ankà ɛnbrɛ̀ nyàntɛn bobrebe mɛ̀n kɩ ɛnyàntɛn tɔ̀n nɛ tán ɛnkruemɛ̀n-ẅɛ̀n kɛ̀ yá ɛnbrɛ̀ nyàntɛn hɔ̀n lɔ y'ankà-dɔ̀.

1 Korɛntɛ̀n anmàn-bɔ̀ 12:28

Ɔmu lɔ de, Ɔwɔ-fɛcüè mɛ̀n lɔ, Ɔwɔ wá ɔkɔ̀hɔ̀n-wá-bɔ̀ kpàkpà-bɔ̀, anhyrɛmɛ̀n dú Ɔwɔ-mùanwú-ankà-dɔ́-bɔ̀, kɩ eci-yé-bɔ̀ dú anhɔnmɛ̀n; kɩ zɛtɛn yɛ wá anwrɔn hɔ̀n léyi kɛ hán anvɛmɛ̀n-frɛ́n-ci, anwrɔn hɔ̀n léyi kɛ korɛ ɛnlɔẅiɛ-bɔ̀, anwrɔn hɔ̀n léyi ẅɛn ɛkɔrɛwá cice, kɩ kɛ nyrɔn anwrɔn janbɔ̀, kɩ yɔ vru yɔ vrá ɛnbrɛ̀ vɛnvɛn nyàntɛn hɔ̀n nɔn.

Galasi anmàn-bɔ̀ 1:17

yakɛ mɛ̀n sɩ̀ hɔ̀n Zherüzalɛmɛ̀n anmàn anwrɔn hɔ̀n léyi gɔ́ dú ɔkɔ̀hɔ̀n-wá-bɔ̀ hɛ́ mɛ̀n ezì nɔn, y'ɛtɛ̀sɛ̀n; tɛ́n ɛnvra zri lɔ, mɛ̀n bɩ́ Arabɛ̀n-bɔ̀ anmàn levri, zɛtɛn mɛ̀n vru ɛmɛẅi mɛ̀n hɔ́n Damasɛ̀n anmàn.

Galasi anmàn-bɔ̀ 4:25

Agarɛ̀n dú Sinahi kpò Arabi anmàn hi wú; nɛ̀n dú eci zri nɛ́n mán zɛtɛ̀ Zherüzalɛmɛ̀n anmàn léyi dú anwɔ̀nẅiemɛ̀n nɛ́n mán n'anwrɔn hɔ̀n lɔ fɛn mɛhi.

Titɛ̀n 1:12

Krɛtɛ̀n kpɔsɔ wú wrɔn tɔ̀n dú nɛ̀n, nɛ́n dú Ɔwɔ-mùanwú-ankà-dɔ́-wrɔn tɔ̀n, kɩ nɛ́n dɔ̀ le: “Krɛtɛ̀n kpɔsɔ wú bɔ̀ dú ɛnvra lɔ fɛn anhyɔ̀n-bɔ̀, ye dú annɔ̀n hɔ̀n léyi kɛ hán anbɔrɛci, ye dú ɛjɛ-bɔ̀ léyi ɛci-zî ankà kɩ ke tro nɔn.”

Titɛ̀n 1:5

Mɛ́n teze mɛ́n Krɛtɛ̀n kpɔsɔ wú, ô ɛ̀ bɔ̀sɔ ɛci hɔ̀n léyi wɔrɔ, hɩ yɛ vá hán nɔn, ô ɛ̀ hɛ́n Ɔwɔ-cüìcüì-bɔ̀, anmàn cüìcüì hɔ̀n lɔ fɛn mɛ̀n. È kro v'edomɛ̀n ankà hɔ̀n lɔ fɛn léyi mɛ̀n dɔ́ mɛ́n nɔn:

Ebre-bɔ̀ 2:4

Ɛnvra zri lɔ, Ɔwɔ tán yɔ dalɛfuɛ-dì lɔ ecüì, kɩ hán eci woroanci mán anvɛmɛ̀n-frɛ́nci mɛ̀ntɛ mɛ̀ntɛ, ɔmu zri lɔ nɛ̀n dɛ́ Ɛnhɛ́n Prɔnprɔn cice lɔ, hán ɔmu le nɛ́n cüɛ̀n nɔn hɔ́.