Ɔkɔ̀hɔ̀n-wá-bɔ̀ kɔ̀hɔ̀n hán 19:4 - Ɛmɛẅi ankà ankrànkràn 2003

⁴ Pɔlɛ̀n kɛ dɔ́ yɔ le: “Zhan kɛ wá anwrɔn hɔ̀n léyi shrì crɔ́n y'eci-hán-ci hɔ̀n lɔ ɛnshi ɛnkru kɩ nɛ dɔ́ Izraɛlɛ̀n fɛcüè kɛ ẅɛn ankaẅì-bùtan ɔnwrɔn léyi dú nɛ̀n ɛmɛẅi kɛ và nɔn n'ɛwú, ɔwrɔn lɔ, nɛ́n de nɛ̀n dú Zhezü nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 19:4 Iomraidhean Croise

Zhan 1:15

Zhan dɔ́ n'ankà; nɛ dɔ̀ le: “N'ankà de mɛ́n dɔ̀, ɛnvra léyi mɛ́n dɔ̀ le: ‘Nɛ̀n dú mɛ̀n ɛmɛẅi nɛ và, tɛ́n nɛ̀n sevri nɛ̀n vrán mɛ̀n, ɔmuhi nɛ́n dù, yakɛ mɛ́n và nɔn.’ ”

Zhan 1:26

Zhan mrɛ́n yɔ ɔmùan le: “Mɛ tɛ́n, ɛnshi de me bɩ mɛ wá anwrɔn ɛnkru nɔn; tɛ́n ɔwrɔn tɔ̀n dú nyɛ̀n anwanzi kɩ nyɛ́n sɩ̀ nyri nɛ̀n.

Zhan 1:27

Nɛ̀n dú mɛ̀n ɛmɛẅi nɛ và, tɛ́n mɛ̀n sɩ̀ zeze mɛ̀n zrɔa hɩ m'á sɩ́ m'edomɛ̀n ɛnhi, ô mɛ̀n gbrɔ n'annanwrú hɛ́ lɔ nɔn.”

Zhan 1:7

Nɛ́n và hán dalɛfuɛ-di-wrɔn hɔ́, ô nɛ̀n di ɛyri-kàn dalɛfuɛ. Nɛ́n và, ô yɔ lɔ fɛn yɔ ẅɛn ankaẅì-bùtan ankà léyi nɛ dɔ̀ nɔn yi wú.

Ɔkɔ̀hɔ̀n-wá-bɔ̀ kɔ̀hɔ̀n hán 1:5

Ɔmuhi Zhan bɩ́ ɛnshi wá anwrɔn ɛnkru nɔn, tɛ́n nyɛ tɛn, ɛnvra bruemɛ̀n, Ɛnhɛ́n Prɔnprɔn mɛ̀n de yɛ lɛ wá nyɛ̀n ɛnshi ɛnkru nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 11:16

Zɛtɛn ankà léyi Ɛẅɛnwrɔn dɔ̀ nɔn, bru mɛ̀n: ‘Zhan bɩ́ ɛnshi wá anwrɔn ɛnkru, tɛ́n nyɛ tɛn, Ɛnhɛ́n Prɔnprɔn mɛ̀n de yɛ lɛ wá nyɛ̀n ɛnshi ɛnkru nɔn.’