Ɔkɔ̀hɔ̀n-wá-bɔ̀ kɔ̀hɔ̀n hán 17:3 - Ɛmɛẅi ankà ankrànkràn 2003

³ nɛ dɔ́ yɔ kɩ ne yé yɔ le Ɛwrú Prɔnprɔn kɛ dɔ̀ le, ke ji le Ebɩ̀die-wrɔn lɔ kɛ kán ɛgbàn, ô kè dú owú-bɔ̀ mɛ̀n kɛ̀ vá ɔkɔrɛ-bɔ̀ mɛ̀n. Nɛ dɔ́ yɔ le: “Zhezü ndɔ léyi mɛ dɔ́ nyɛ̀n n'ankà nɔn, nɛ́n de nɛ̀n dú Ebɩ̀die-wrɔn lɔ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 17:3 Iomraidhean Croise

Lükɛ̀n 24:32

Yɔ dɔ́ y'edomɛ̀n le: “Ke sɩ́ hán le, ɛnhyà tɔ̀n de dú bɔ̀ ɛmɛ̀n ke wrù ɛnvra léyi ɛnlevri wanzi lɔ, nɛ dɔ́ bɔ̀ Ɛwrú Prɔnprɔn ankà nɛ́n?”

Lükɛ̀n 24:44

Zɛtɛn nɛ dɔ́ yɔ le: “Nyàn ankà léyi mɛ̀n dɔ́ nyɛ̀n ɛnvra léyi nyɛ́n mɛhi bɔ́ dù nɔn: eci hɔ̀n léyi ye merɛ́n m'ɛwú, Mohizì nyanmàn lɔ mɛ̀n, Ɔwɔ-mùanwú-ankà-dɔ́-bɔ̀ wrú hɔ̀n lɔ mɛ̀n, mán Ɔwɔ-mrɛ́n wrú lɔ mɛ̀n nɔn, ke ji le kɛ̀ sá nmù.”

Lükɛ̀n 24:46

kɩ nɛ dɔ́ yɔ le: “Nyàn eci léyi ye merɛ́n nɔn: Ebɩ̀die-wrɔn kɛ lɛ kán ɛgbàn, ne le dú owúemɛ̀n nɛ̀n frɔ́ ɛbi-anhɔnmɛ̀n-bì lɔ,

Zhan 20:9

(Annanwɔrɛ mɛ̀n lɔ, Zhezü sɛnkɛn-bɔ̀ lɔ kɛ vá yá Owrú Prɔnprɔn ankà-dɔ̀ léyi kɛ dɔ̀ le, Zhezü ke le dú owú-bɔ̀ mɛ̀n kè vru kɛ vá ɔkɔrɛ̀-bɔ̀ mɛ̀n.)

Ɔkɔ̀hɔ̀n-wá-bɔ̀ kɔ̀hɔ̀n hán 1:4

Ɛnbì tɔ̀n léyi nɛ́n mán yɔ mɛhi yɔ zî ɛci nɔn, nɛ̀n wá tán yɔ le: “Nyɛ́n bɩ́ cɔhɔ́ Zherüzalɛmɛ̀n anmàn, tɛ́n nyɛ́n vrá eci léyi Dade wá ɔmùan nɔn, ecice-ci léyi mɛ̀n dɔ́ nyɛ̀n yi ankà nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 18:28

Annanwɔrɛ mɛ̀n lɔ, n'ankà-nyrì-dɔ́ mɛ̀n lɔ, nɛ kɔ́n anwrɔn lɔ fɛn zìwú, Zhüifɛ̀n-bɔ̀ ankà hɔ̀n lɔ cüe: ne yé yɔ Ɛwrú Prɔnprɔn mɛ̀n le Zhezü dú Ebɩ̀die-wrɔn.

Ɔkɔ̀hɔ̀n-wá-bɔ̀ kɔ̀hɔ̀n hán 18:5

Ɛnvra léyi Silasɛ̀n mán Timote dú Maseduhanɛ̀n kpɔsɔ wú nvà nɔn, Pɔlɛ̀n dú ɛnvra lɔ fɛn Ɔwɔ-ankà-dɔ́ mɛ̀n; nɛ dɔ́ Zhüifɛ̀n-bɔ̀ zìwú le Zhezü dú Ebɩ̀die-wrɔn.

Ɔkɔ̀hɔ̀n-wá-bɔ̀ kɔ̀hɔ̀n hán 3:18

Tɛ́n Ɔwɔ hán eci lɔ sá nmù, hán hɩ le nɛ̀n tán Ɔwɔ-mùanwú-ankà-dɔ́-bɔ̀, dɔ́ ɛnbìɛhɛ́n; nɛ́n dɔ̀ le n'Ebɩ̀die-wrɔn lɔ kɛ lɛ kán ɛgbàn.

Ɔkɔ̀hɔ̀n-wá-bɔ̀ kɔ̀hɔ̀n hán 9:22

Tɛ́n Sɔlɛ̀n ke yé tán ɛnvra lɔ fɛn le, nɛ̀n crɔn ɛnkruɛ: Zhüifɛ̀n-bɔ̀ léyi dú Damasɛ̀n anmàn nɔn, ke sɩ́ nyri ɔmu le yɔ lɛ hán yɔ mrɛ́n nɛ̀n ɔmùan, ɛnvra léyi ne yé yɔ le Zhezü dú Ebɩ̀die-wrɔn nɔn.

Galasi anmàn-bɔ̀ 3:1

Galasi anmàn-bɔ̀, ɔbrɔ̀sà-bɔ̀! Antɔnwrɔn de wá nyɛ̀n anwa ɛnkruemɛ̀n nɛ́n? Tɛ́n, Zhezü Krisì wù lɔ cehɛ́n de ye yé nyɛ̀n ɛgbàn-hán-tɛ̀ wú nɔn.