Ɔkɔ̀hɔ̀n-wá-bɔ̀ kɔ̀hɔ̀n hán 17:2 - Ɛmɛẅi ankà ankrànkràn 2003

² Hán ɔmu le dú n'edùci nɔn, Pɔlɛ̀n hɔ́n Ɔwɔ-sɛ́n-wɔn ndɔ lɔ mɛ̀n. Ɛnyanmán-bì kru anhɔ̀n, nɛ́n mán anwrɔn hɔ̀n léyi dú nanvrɛn lɔ nɔn, yɔ wrɔ́n ecüì Ɛwrú Prɔnprɔn hɔ̀n wú;

Ɔkɔ̀hɔ̀n-wá-bɔ̀ kɔ̀hɔ̀n hán 17:2 Iomraidhean Croise

Matie 26:24

Ɔwrɔnẅì Ẅì ke le wù, hán ɔmu le Ɛwrú Prɔnprɔn hɔ̀n merɛ́n n'ɛwú nɔn. Tɛ́n muzhie tán ke le dù tán ɔwrɔn léyi kɛ lɛ hɛ́ ɔwrɔnẅì Ẅì nɔn! Zrɔ tán le, nɛ́n, ɔwrɔn ndɔ lɔ, ye bɩ́ bî nɛ̀n!”

Lükɛ̀n 4:16

Zhezü hɔ́n Nazarɛtɛ̀n anmàn ɛyri léyi yɛ wá nɛ̀n ɛcɛ mɛ̀n nɔn. Ɛnyanmán-bì lɔ, nɛ̀n bru Ɔwɔ-sɛ́n-wɔn lɔ mɛ̀n, hán ɔmu le ɛnbì lɔ fɛn nɛ hán nɔn. Nɛ̀n tɔhú, ô nɛ̀n krɛ́ Owrú Prɔnprɔn,

Zhan 18:20

Zhezü mrɛ́n nɛ̀n ɔmùan le: “Mɛ̀n dɔ́ ankà fɛcüè mɛ̀n anwrɔn lɔ fɛn zìwú; me yé ankà ɛnvra lɔ fɛn Ɔwɔ-sɛ́n-wɔn hɔ̀n mán Ɔwɔ-cice-wɔn lɔ mɛ̀n, ɛyri léyi Zhüifɛ̀n-bɔ̀ lɔ fɛn kɛ bɔrɛkru nɔn; mɛ́n sɩ́ dɔ́ ankà zriɛmɛ́n ɛbán mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 13:14

Pɔlɛ̀n mán Barnabasɛ̀n dú Perzhe anmàn kɩ hɔ́n Antiɔshɛ̀n anmàn Pisidi kpɔsɔ wú. Ɛnyanman-bì lɔ, yɔ bru Ɔwɔ-sɛ́n-wɔn lɔ mɛ̀n kɩ yɔ yɛ́.

Ɔkɔ̀hɔ̀n-wá-bɔ̀ kɔ̀hɔ̀n hán 13:5

Ɛnvra leyi yɔ cɔ́ Salaminɛ̀n anmàn nɔn, yɔ bukru yɔ dɔ́ Ɔwɔ ankà Zhüifɛ̀n-bɔ̀ Wɔ-sɛ́n-wɔn lɔ mɛ̀n. Zhan-Markɛ̀n dú yɔ ɛtɛ̀sɛ̀n kɛ wá yɔ ɛkɔrɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 14:1

Ikoniɔmɛ̀n anmàn lɔ, Pɔlɛ̀n mán Barnabasɛ̀n vru bru Zhüifɛ̀n-bɔ̀ Wɔ-sɛ́n-wɔn lɔ mɛ̀n, kɩ dɔ́ Ɔwɔ ankà, hán tán kɩ Zhüifɛ̀n-bɔ̀ bobrebe mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn srɔ ankàẅì-bùtan-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 17:10

Ɛnvra léyi ɛnnyran gɔ̀n nɔn, anwrɔn-nɛ́n-muan-ẅì hɔ̀n hán Pɔlɛ̀n mán Silasɛ̀n hɔ́n Bere anmàn. Ɛnvra léyi yɔ cɔ́ nanvrɛn lɔ nɔn, yɔ hɔ́n Zhüifɛ̀n-bɔ̀ Wɔ-sɛ́n-wɔn lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 17:17

Pɔlɛ̀n mán Zhüifɛ̀n-bɔ̀, mán yɔ léyi yɔ sɩ̀ dù Zhüifɛ̀n-bɔ̀, hɩ yɔ sɛ́n Ɔwɔ nɔn, yɔ mɛhi yɔ wrɔ́n ecüì Ɔwɔ-sɛ́n-wɔn lɔ mɛ̀n, mán anmàn drɛ́nmɔɛn mɛ̀n, ɛnbì lɔ fɛn, yɔ mán anwrɔn hɔ̀n léyi yɔ cɔ́ nanvrɛn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 18:4

Ɛnyanmán-bì lɔ fɛn Pɔlɛ̀n ke bɩ́ ankà-dɔ̀ Ɔwɔ-sɛ́n-wɔn lɔ mɛ̀n kɩ ke ji ɛyri ô nɛ̀n hán Zhüifɛ̀n-bɔ̀ mán Grɛkɛ̀n-bɔ̀ kɛ̀ crɔn ɛnkru.

Ɔkɔ̀hɔ̀n-wá-bɔ̀ kɔ̀hɔ̀n hán 19:8

Pɔlɛ̀n kɛ hɔ́n Ɔwɔ-sɛ́n-wɔn lɔ mɛ̀n kɩ okù anhɔ̀n granmɛ̀n, nɛ̀n dɔ́ ankà esɛ́ mɛ̀n. Nɛ dɔ́ Anhobɩ́ Nɛ̀ncüì-dúyri ankà kɩ ne ji ɛyri, ô anwrɔn hɔ̀n léyi ke die nɛ̀n nukùɛ nɔn, kɛ̀ yá n'ankà lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 24:25

Tɛ́n ɛnvra léyi Pɔlɛ̀n bukru kɛ dɔ́ ɛnyrɔnnan-wúvà-ankà, ɔwrɔnẅì-domɛ̀n-nyrì-ẅɛ̀n-ankà mán Ɔwɔ mrɛ̀ncì léyi dú ezì kɛ và nɔn yi ankà, Feliksɛ̀n ɛnbɔrɛ ke di ejüe kɩ kɛ dɔ́ nɛ̀n le: “Ɛkɔrɛ̀-levri dù ɛ̀ hɔ̀n. Ɛnvra léyi ɛkɔrɛ̀ ke die mɛ̀n hán nɔn, me le bi mɛ́n.”

Ɔkɔ̀hɔ̀n-wá-bɔ̀ kɔ̀hɔ̀n hán 28:23

Yɔ tán Pɔlɛ̀n ɛnbì, kɩ ɛnvra léyi ɛnbi lɔ cɔ̀ nɔn, yɔ vá bobrebe ɛyri léyi nɛ́n dù nɔn. Bukru ɛsɔ̀wrɔ̀ hàn kɩ cɔ́ ɔwɔɛmɛ̀n nɔn, Pɔlɛ̀n ke fi yɔ ankà léyi nɛ́n ẅɛ̀n nɔn: nɛ dɔ́ yɔ Anhobɩ́ Nɛ̀ncüì-dúyri ankà kɩ ne ji ɛyri nɛ̀n hán yɔ bɩ́ Zhezü ankà, kɩ nɛ dɔ́ Mohizɛ̀n nyànmàn mán Ɔwɔ-mùanwú-ankà-dɔ́-bɔ̀ wrú lɔ ankà.

Ɔkɔ̀hɔ̀n-wá-bɔ̀ kɔ̀hɔ̀n hán 8:35

Zɛtɛn Filipɛ̀n bɩ́ ankà-dɔ̀ kɩ bukru owrú ankà-dɔ̀ ndɔ lɔ wú kɛ dɔ́ nɛ̀n Zhezü Mɛẅi ankà Ankrankran lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 9:20

Nɛ̀n bukru kpatakpata lɔ nɛ dɔ́ Ɔwɔ ankà Ɔwɔ-sɛ́n-wɔn hɔ̀n lɔ mɛ̀n kɩ nɛ dɔ̀ le Zhezü dú Ɔwɔ Ẅì.

1 Korɛntɛ̀n anmàn-bɔ̀ 15:3

Eci lɔ fɛn hán mɛ̀n, mɛ̀n tán nyɛ̀n ankà-yé ndɔ léyi mɛ́n mumù mɛ́n cɔ̀ nɔn: Krisì wú bɔ́ ɛgbàn kruhú hán ɔmu le Ɛwrú Prɔnprɔn hɔ̀n ndɔ̀ nɔn;