Ɔkɔ̀hɔ̀n-wá-bɔ̀ kɔ̀hɔ̀n hán 16:1 - Ɛmɛẅi ankà ankrànkràn 2003

¹ Pɔlɛ̀n bru Derbɛ̀n anmàn, zɛtɛn hɔ́n Listrɛ̀n anmàn. Ankaẅì-bùtan-ẅɛn-wrɔn tɔ̀n ye bi Timote dú nanvrɛn; nɛ́n muan dú Zhüifɛ̀n-nyɔnwrɔn léyi srɔ Krisì sɛ̀nkɛn-hi, tɛ́n nɛ́n zi dú Grɛkɛ̀n-wrɔn.

Ɔkɔ̀hɔ̀n-wá-bɔ̀ kɔ̀hɔ̀n hán 16:1 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 14:1

Ikoniɔmɛ̀n anmàn lɔ, Pɔlɛ̀n mán Barnabasɛ̀n vru bru Zhüifɛ̀n-bɔ̀ Wɔ-sɛ́n-wɔn lɔ mɛ̀n, kɩ dɔ́ Ɔwɔ ankà, hán tán kɩ Zhüifɛ̀n-bɔ̀ bobrebe mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn srɔ ankàẅì-bùtan-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 14:21

Pɔlɛ̀n mán Barnabasɛ̀n dɔ́ Ɛmɛẅi Ankà Ankrankran lɔ Derbɛ̀n anmàn kɩ nanvrɛn lɔ anwrɔn bobrebe srɔ Krisi-sɛ̀nkɛn-bɔ̀. Zɛtɛn yɔ vru ɛmɛẅi yɔ hɔ́n Listrɛ̀n anmàn Ikoniɔmɛ̀n anmàn mán Antiɔshɛ̀n anmàn Pisidi kpɔsɔ wú.

Ɔkɔ̀hɔ̀n-wá-bɔ̀ kɔ̀hɔ̀n hán 14:6

Ɛnvra léyi anwrɔn anhyrɛ̀ lɔ cɔ́ ankà lɔ nyrì nɔn, yɔ srɛ́ yɔ hɔ́n Listrɛ̀n mán Derbɛ̀n anmàn hɔ̀n léyi dú Likaonie kpɔsɔ wú, mán anmàn hɔ̀n léyi dú yɔ ɛtɛ̀sɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 17:14

Zɛtɛn anwrɔn-nɛ́n-muan-ẅì hɔ̀n hán ɛnvra zri lɔ, Pɔlɛ̀n bɩ́ ecüe wú levri; tɛ́n Silasɛ̀n mán Timote yɛ́ Bere anmàn.

Ɔkɔ̀hɔ̀n-wá-bɔ̀ kɔ̀hɔ̀n hán 18:5

Ɛnvra léyi Silasɛ̀n mán Timote dú Maseduhanɛ̀n kpɔsɔ wú nvà nɔn, Pɔlɛ̀n dú ɛnvra lɔ fɛn Ɔwɔ-ankà-dɔ́ mɛ̀n; nɛ dɔ́ Zhüifɛ̀n-bɔ̀ zìwú le Zhezü dú Ebɩ̀die-wrɔn.

Ɔkɔ̀hɔ̀n-wá-bɔ̀ kɔ̀hɔ̀n hán 19:22

Pɔlɛ̀n wá n'ɛkɔrɛ-wá-bɔ̀ anhyrɛ̀, Timote mán Erastɛ̀n ɔkɔ̀hɔ̀n Maseduhanɛ̀n kpɔsɔ wú, tɛ́n nɛ́n mumù, nɛ̀n yɛ́ Azi kpɔsɔ wú ɛnvra jan.

Rɔmɛ̀n-anmàn-bɔ̀ 16:21

Timote, m'anyran anvrɛn ɔkɔ̀hɔ̀n hán mɛ̀n, ke bi nyɛ̀n nyan, ɔmu zri lɔ de Lüsiüsɛ̀n, Zhasɔn mán Sozipatɛrɛ̀n, m'ɛmɛ̀n-bɔ̀ ke bi nyɛ̀n nyan nɔn.

1 Korɛntɛ̀n anmàn-bɔ̀ 16:10

Ke dú kɛ Timote kɛ và hô, nyɛ́n hán tán, ô ny'edúyri ci zriɛmɛ́n ke bɩ́ wú nɛ̀n edù, ɔmuhi nɛ hán ɔkɔ̀hɔ̀n kɛ hán mɛ̀n hɔ́, Ɛẅɛnwrɔn kɔ̀hɔn lɔ mɛ̀n nɔn.

1 Korɛntɛ̀n anmàn-bɔ̀ 4:17

Hɩ wú lɔ me yüre nyɛ̀n Timote léyi ke di ɔmùan-zri, hɩ dú m'ɛcüɛn ẅì Ɛẅɛnwrɔn ankaẅì-bùtan lɔ mɛ̀n nɔn. Ne le kore nyɛ̀n ankà-yé hɔ̀n léyi kɛ nyrɔn mɛ̀n ɛwúvà mɛ̀n, mɛ̀n mán Zhezü Krisì, hán hɩ le me yé ɛyri lɔ fɛn, Ɔwɔ-fɛcüè lɔ fɛn mɛ̀n nɔn.

1 Korɛntɛ̀n anmàn-bɔ̀ 7:14

Annanwɔrɛ mɛ̀n lɔ, ɛncɔnwrɔn léyi kè sɩ̀ ẅɛ̀n ankaẅì-bùtan nɔn, bá Ɔwɔ ɛtɛ̀sɛ̀n ankaẅì-bùtan-ẅɛ̀n-nyɔnwrɔn léyi nɛ́n yirì nɔn kruhú; ɔmu zri lɔ ɛnnyɔnwrɔn léyi kè sɩ̀ ẅɛ̀n ankaẅì-bùtan nɔn, bá Ɔwɔ ɛtɛ̀sɛ̀n ankaẅì-bùtan-ẅɛ̀n-cɔnwrɔn léyi nɛ́n yirì nɔn kruhú. Kè sɩ̀ dù ɔmu lɔ hô, ny'ɛẅì hɔ̀n lɔ, ke le dú ɛnbrá mɛ̀n ẅì hɔ̀n, kɩ annanwɔrɛ mɛ̀n lɔ, yɔ bá Ɔwɔ ɛtɛ̀sɛ̀n.

2 Korɛntɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán bɔ́ muan-ẅì Timote yri kɛ và, Pɔlɛ̀n léyi Ɔwɔ kɔrɛ̀-levriemɛ̀n srɔ Zhezü Krisì kɔ̀hɔ̀n-wá-wrɔn nɔn. Ɔwɔ-fɛcüè léyi dú Korɛntɛ̀n anmàn mán anwrɔn hɔ̀n léyi dú Ɔwɔ-fɛcüè tɛn Akahi kpɔsɔ mumù lɔ fɛn wú nɔn:

2 Korɛntɛ̀n anmàn-bɔ̀ 1:19

Ɔmuhi Zhezü Krisì, Ɔwɔ ẅì léyi bɔ̀ dɔ́ n'ankà ny'edúyri, Silasɛ̀n, Timote mán mɛ́n mumù, kè sɩ̀ và hô, kɛ̀ dɔ̀ le “Hɛ̀ɛ̀” mán “Hɔ̂”. Tɛ́n, n'ɛmɛ̀n lɔ, ɛnvra lɔ fɛn “Hɛ̀ɛ̀” kɩ dù:

Filipɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán Timote léyi dú Zhezü Krisì ci-bɩ̀tan-bɔ̀ nɔn yri kɛ và. Anwrɔn hɔ̀n léyi dú Filipɛ̀n anmàn hɩ Zhezü Krisì bɩmɛ̀n lɔ, dú Ɔwɔ-fɛcüè tɛn, anwrɔn hɔ̀n léyi dú Ɔwɔ-fɛcüè nyrɔn-bɔ̀ mán eci-bɩ̀tan-bɔ̀ léyi kɛ wá ɛnlɔẅiɛ-bɔ̀ mán ɛmian-bɔ̀ esuva nɔn:

Filipɛ̀n anmàn-bɔ̀ 2:19

Ɛẅɛnwrɔn Zhezü bɩmɛ̀n mɛ̀n ẅɛn esɛ́ anvrɛnvrɛn le, me le yüre nyɛ̀n Timote, ô mɛ́n dùku mɛ̀n cɔ́ ɛnbɔrɛ-bi-wá ɛmɛẅi ankà léyi mɛ lɛ cɔ́ ny'ɛwú nɔn mɛ̀n.

Kɔlɔsèn anmàn-bɔ̀ 1:1

Ebinyan ndɔ lɔ dú Pɔlɛ̀n mán Timote yri kɛ và: Pɔlɛ̀n léyi Ɔwɔ kɔrɛ̀zì-ci-hán mɛ̀n dú Zhezü Krisì kɔ̀hɔ̀n-wá-wrɔn, mán Timote léyi dú bɔ́ muan-ẅì nɔn.

1 Tesalonikɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n, Silasɛ̀n mán Timote yri kɛ và. Tɛsalonikɛ̀n wɔ-fɛcüè léyi dú Ɔwɔ Zi mán Ɛẅɛnwrɔn Zhezü Krisì tɛn nɔn: nboafɔ̀n mán anwɔwɔ kè dú nyɛ tɛn.

1 Tesalonikɛ̀n anmàn-bɔ̀ 3:2

kɩ bɔ́ yüre nyɛ̀n Timote bɔ́ muan-ẅì; nɛ̀n dú Ɔwɔ-kɔ̀hɔ̀n-hán-wrɔn, Zhezü Krisì Mɛẅi ankà Ankrankran lɔ n'ɛdɔ́mɛ̀n. Ke ji le nɛ̀n wá nyɛ̀n ecüì edomɛ̀n, ô nɛ̀n yɩ́ nyɛ̀n edù ny'ankaẅì-bùtan lɔ mɛ̀n,

1 Tesalonikɛ̀n anmàn-bɔ̀ 3:6

Tɛ́n zɛtɛ̀ lɔ, Timote dú ny'eyri vru vá bɔ̀ ɛmɛ̀n, kɩ tán bɔ̀ ɛmɛẅi ankà ankrankran ny'ankaẅì-bùtan-ẅɛ̀n mán ny'ɛcüɛ̀n wú. Nɛ̀n dɔ́ bɔ̀ le nye tro ɛnvra lɔ fɛn bɔ́ ɛcüɛn-ankà kɩ nye ji le nyɛ́n vru nyɛ́n kán bɔ̀, hán ɔmu le, bɔ́ mán bɔ́ ji bɔ̀ vru bɔ̀ kán nyɛ̀n nɔn.

2 Tesalonikɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n, Silasɛ̀n mán Timote yri kɛ và. Ɔwɔ-fɛcüè-bɔ̀ léyi dú Tɛsalonikɛ̀n anmàn hɩ dú bɔ Zi Ɔwɔ mán Ɛẅɛnwrɔn Zhezü Krisì tɛn nɔn:

Kpàkpà timote 1:18

Timote, m'ɛnẅì, mɛ tán mɛ́n eci-wá-tán ndɔ léyi dú Ɔwɔ-mùan-wú ankà-dɔ̀, hɩ yɛ dɔ́ ɛnbìɛhɛ́n vra ku mɛ́n ɛwú nɔn. Ke ji le ankà-dɔ̀ ndɔ hɔ̀n lɔ kè dú v'ecüì anhà ankrankran kɔ̀n léyi è dú ɛmɛ̀n nɔn,

Kpàkpà timote 1:2

Ebinyan ndɔ lɔ dú Timote tɛn, nɛ́n léyi nɛ̀n dú m'ɛnẅì annanwɔrɛ ankaẅìbùtan mɛ̀n nɔn: Ɔwɔ léyi dú bɔ́ Zi mán Zhezü Krisì, bɔ́ Ɛẅɛnwrɔn kɛ̀ tán mɛ́n nboafɔ̀n, ɛgbán-bɩ-ce mán anwɔwɔ.

Anhyrɛmɛ̀n timote 1:2

Timote, m'ɛnẅì anvrɛn: Ɔwɔ léyi dú bo Zi mán Zhezü Krisì bɔ́ Ɛẅɛnwrɔn kɛ̀ tán mɛ́n nboafɔ̀n, ɛgbàn-bɩce mán anwɔwɔ.

Anhyrɛmɛ̀n timote 1:5

Mɛ̀n ẅɛn v'ankaẅìbùtan annanwɔrɛ ankàtro, ankaẅìbùtan ndɔ léyi tán enyi Lohisɛ̀n mán ɔmùan Enisɛ̀n ecüì yakɛ cɔ́ mɛ́n nɔn. Mɛ̀n ẅɛn esɛ́ le, ankaẅìbùtan lɔ vɛ́n mán, dú mɛ́n ɛmɛ̀n.

Anhyrɛmɛ̀n timote 3:11

m'ejüedì hɔ̀n mán m'ɛgbànkàn hɔ̀n mɛ̀n. È nyri eci léyi wɔɛn mɛ̀n Antiɔshɛ̀n, Ikoniɔmɛ̀n mán Listrɛ̀n anmàn nɔn, kɩ è nyri ejüedi hɔ̀n léyi mɛ̀n srɔ́n ɛsù nɔn. Tɛ́n Ɛẅɛnwrɔn mrɛ́n mɛ̀n ɛgbànkàn hɔ̀n lɔ fɛn mɛ̀n sɔhɔ́.

Filemɔn 1:1

Ebinyan ndɔ lɔ dú Pɔlɛ̀n yri và, nɛ́n léyi yɛ wá nɛ̀n anwɔn-mɛ̀n, ɔmuhi nɛ̀n srɔ Zhezü Krisì ci-bɩ̀tan-wrɔn nɔn, ebinyan zri lɔ dú bɔ́ muanẅì Timote yri và. Vɛ́n Filemɔn, bɔ́ nyran anvrɛn mán b'ɔkɔ̀hɔ̀n hán kɔrɛ̀-wá-wrɔn,

Ebre-bɔ̀ 13:23

Mɛ tán nyɛ̀n nyɛ́n nyrì le, bɔ́ muan-wì Timote dú anwɔn-mɛ̀n wá-wɔn mɛ̀n srɔ ɛntrɛ. Ke dú kɛ nɛ gɔ́ và hô, mɛ̀n mán nɛ́n mɛhi bɔ́ lɛ và bɔ̀ nyan nyɛ̀n.