Ɔkɔ̀hɔ̀n-wá-bɔ̀ kɔ̀hɔ̀n hán 15:3 - Ɛmɛẅi ankà ankrànkràn 2003

³ Ɔwɔ-fɛcüè-bɔ̀ wá yɔ ɛkɔrɛ̀ yɔ nɛ̀nnyanmàn hɔ̀n lɔ mɛ̀n. Yɔ ci Fenisi mán Samari kpɔsɔ wú, yɔ dɔ́ ɔmu le anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, crɛ ezì kɛ́n Ɛẅɛnwrɔn nɔn: ɛmɛẅi ankà ndɔ lɔ tán anwrɔn-nɛ́n-muan-ẅì hɔ̀n lɔ, pɔ̀püɛ̀-brà vri.

Ɔkɔ̀hɔ̀n-wá-bɔ̀ kɔ̀hɔ̀n hán 15:3 Iomraidhean Croise

Lükɛ̀n 15:32

Tɛ́n, ke ji le bɔ̀ brá pɔ̀püɛ̀, bɔ̀ koran, ɔmuhi ɔmuan-ẅì léyi nyɔn nɔn, nwù kɩ nɛ̀n vru nɛ̀n vá ɔkɔrɛ-bɔ̀ mɛ̀n, nɛ̀n zrɛ́n kɩ mɛ̀n cɔ́ nɛ̀n!’ ”

Ɔkɔ̀hɔ̀n-wá-bɔ̀ kɔ̀hɔ̀n hán 1:15

Ɛnbì ndɔ hɔ̀n lɔ ɔtɔ̀n, ankaẅì-bùtan-ẅɛn-bɔ̀ léyi borɛkru nɔn, yɔ dú anwrɔn ɛkoẅi-ɔwole. Piɛrɛ̀n tɔhú y'anwanzi kɩ kɛ dɔ̀ le:

Ɔkɔ̀hɔ̀n-wá-bɔ̀ kɔ̀hɔ̀n hán 13:48

Ɛnvra léyi anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn yá ankà ndɔ lɔ nɔn, yɔ dú pɔpüɛ̀ mɛ̀n kɩ yɔ mrɛ́n Ɛẅɛnwrɔn ankà-dɔ̀ lɔ. Anwrɔn lɔ fɛn léyi, yɛ wá ɛwúvà léyi ke sɩ́ trɔa ɔmùan nɔn, srɔ ankaẅì-bùtan-ẅɛn-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 13:52

Ɛsɛ̀nkɛn-bɔ̀ léyi dú Antiɔshɛ̀n anmàn nɔn, yɔ tɛn, pɔpüɛ̀-brà mán Ɛnhɛ́n Prɔnprɔn yɩ́ yɔ edomɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 14:27

Ɛnvra léyi yɔ cɔ́ Antiɔshɛ̀n anmàn nɔn, yɔ bɔrɛ Krisì-fɛcüè-bɔ̀ lɔ ɛkru kɩ yɔ dɔ́ yɔ eci lɔ fɛn léyi Ɔwɔ hán yɔ, yɛ hán nɔn, mán ɔmu le Ɔwɔ srú ankaẅìbùtan levri tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yɔ mán.

Ɔkɔ̀hɔ̀n-wá-bɔ̀ kɔ̀hɔ̀n hán 15:1

Anwrɔn jan dú Zhüde kpɔsɔ wú vá Antiɔshɛ̀n anmàn kɩ bukru ke yé yɔ muan-ẅì hɔ̀n ankà-yé ndɔ lɔ: “Nyɛ́n sɩ̀ cɔ́ ɛnkru-kɔrɛ̀ ke dú kɛ ye sɩ̀ wì nyɛ̀n wúcɔ̀-domɛ̀n hán ɔmu le Mohizì nyanmàn wá tán nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 15:12

Zɛtɛn, fɛcüè lɔ fɛn kɛ́n ɔmùan hɛ́n kɩ ye die Barnabasɛ̀n mán Pɔlɛ̀n nukùɛ kɛ dɔ́ anvɛmɛ̀n-frɛ́n-ci mán eci-woroan-ci hɔ̀n lɔ fɛn léyi Ɔwɔ ci y'ɛmɛ̀n hán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 15:22

Zɛtɛn ɔkɔ̀hɔ̀n-wá-bɔ̀ mán ɛcüìcüì-bɔ̀ mán Ɔwɔ fɛcüè-bɔ̀ lɔ fɛn wá le yɛ mrɛ́n anwrɔn janbɔ̀ y'ɛmɛ̀n lɔ, ô yɛ wá yɔ ɔkɔ̀hɔ̀n, yɔ mán Pɔlɛ̀n mán Barnabasɛ̀n yɔ hɔ́n Antiɔshɛ̀n anmàn. Yɔ mrɛ́n Zhüdɛ̀n léyi ye bi Barsabasɛ̀n mán Silasɛ̀n, yɔ anwrɔn anhyrɛ̀ lɔ, yɔ ẅɛn ɛkɔrɛ̀-levri anwrɔn-nɛ́n-muan-ẅì hɔ̀n mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 15:32

Zhüdɛ̀n mán Silasɛ̀n mumù léyi dú Ɔwɔ-mùanwú-ankà-dɔ́-bɔ̀ nɔn dɔ́ anwrɔn-nɛ́n-muan-ẅì hɔ̀n lɔ ankà sheshe, ô kɛ̀ tán yɔ edùyi mán ecüì ankàẅì-bùtan mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 15:4

Ɛnvra léyi yɔ bru Zherüzalɛmɛ̀n anmàn nɔn, Ɔwɔ-fɛcüè-bɔ̀ ɔkɔ̀hɔ̀n-wa-bɔ̀ mán ɛcüìcüì-bɔ̀ ẅɛn yɔ anvrɛnvrɛn, kɩ yɔ dɔ́ yɔ eci léyi Ɔwɔ cí y'ɛmɛ̀n hán nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 17:15

Anwrɔn hɔ̀n léyi hɔ́n sɩ́ Pɔlɛ̀n nɔn, bɩ́ nɛ̀n hàn mán cɔ́ Atɛnɛ̀n anmàn. Zɛtɛn yɔ vru ɛmɛẅi yɔ hɔ́n Bere anmàn, yɔ bɩ́ Pɔlɛ̀n mùan-ankà yɔ hɔ́n sɩ́ Silasɛ̀n mán Timote; Pɔlɛ̀n ke ji le yɔ và yɔ cɔ́ nɛ̀n kpràkprà.

Ɔkɔ̀hɔ̀n-wá-bɔ̀ kɔ̀hɔ̀n hán 20:38

Yɔ zeze yɔ dú oboto mɛ̀n, ɔmuhi Pɔlɛ̀n dɔ́ yɔ le, yɔ sɩ̀ vru kán nɛ̀n hàn. Zɛtɛn, yɔ hɔ́n sɩ́ nɛ̀n ɛnhyàbri-hɛ̀ tɛ̀sɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 21:5

Tɛ́n ɛnvra léyi ɛnbifɔn kru zri lɔ trɔ nɔn, bɔ̀ vru bɔ́ ku ɛnlevri bɔ́ hɔ̀n. Yɔ lɔ fɛn, yɔ hi hɔ̀n mán y'ɛẅì hɔ̀n, yɔ hɔ́n sɩ́ bɔ̀ anmàn kru ɛntrɛ srɔ mɛ̀n. Bɔ̀ shɛ́n ecüe gbàtà-mùan kɩ bɔ́ sɛ́n Ɔwɔ.

Ɔkɔ̀hɔ̀n-wá-bɔ̀ kɔ̀hɔ̀n hán 28:15

Anwrɔn-nɛ́n-muan-ẅì hɔ̀n léyi dú Rɔmɛ̀n nɔn, yá bɔ́ ɛvá ankà, kɩ vá bɔ̀ ɛsù Apihüsɛ̀n dúgbetrɛ mán nɛ̀nyàn-bɔ̀-wɔn anhɔ̀n tɛ̀sɛ̀n. Ɛnvra lɔ tɛ̀ léyi Pɔlɛ̀n kán yɔ nɔn, nɛ̀n tán Ɔwɔ ɔkùɛn kɩ edùyì vá nɛ̀n edomɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 8:14

Ɔkɔ̀hɔ̀n-wá-bɔ̀ léyi dú Zherüzalɛmɛ̀n anmàn nɔn, ncɔ́ nyrì le Samari kpɔsɔ wú anmàn-bɔ̀ cɔ́ Ɔwɔ mùan-ankà yá; zɛtɛn yɔ hán Piɛrɛ̀n mán Zhan hɔ́n cɔ́ yɔ.

Rɔmɛ̀n-anmàn-bɔ̀ 15:24

kɩ me ji mɛ̀n hán hɩ ci lɔ ɛnvra léyi mɛ lɛ hɔ́n Ɛspanyɛ̀n hi wú nɔn. Ɔmuhi mɛ̀n ẅɛn esɛ́ le mɛ lɛ kán nyɛ̀n m'eciemɛ̀n kɩ mɛ lɛ cɔ́ ny'ɛkɔrɛ̀-wá ô mɛ̀n hɔ́n ɛnhi wú anmàn ndɔ lɔ wú, ɛnvra léyi nyɛ́n mɛhi bɔ́ lɛ kán bɔ́ edomɛ̀n ɛnvra cá mɛ̀n nɔn.

1 Korɛntɛ̀n anmàn-bɔ̀ 16:11

Ke sɩ́ ji le ɔwrɔn zriɛmɛ́n kè gbri nɛ̀n. Zrɔ tán le nyɛ́n wá nɛ̀n ɛkɔrɛ̀ nɛ̀n dú anwɔwɔmɛ̀n n'ɛyri-hɔ́n lɔ mɛ̀n, ô nɛ̀n cɔ́ ɛyri nɛ̀n vru nɛ̀n vá mɛ̀n ɛtɛ̀sɛ̀n, ɔmuhi mɛ̀n mán anwrɔn-nɛ́n-muan-ẅi hɔ̀n mɛhi bɔ́ vrá nɛ̀n nɔn.

1 Korɛntɛ̀n anmàn-bɔ̀ 16:6

Me bú tán le mɛ lɛ yɛ́ ny'edúyri ɛnvra jan, ɛshɛ̀ mumù lɔ fɛn; zɛtɛn, nyɛ lɛ wá mɛ̀n ɛkɔrɛ̀ m'ɛyri-hɔ́n mɛ̀n lɔ, ke dú ɛyri totɔtɔ̀n léyi mɛ lɛ hɔ̀n nɔn mán.

2 Korɛntɛ̀n anmàn-bɔ̀ 1:16

Annanwɔrɛ mɛ̀n lɔ, mɛ̀n ji ny'edúyri vá yri, zɛtɛn mɛ̀n hɔ́n Masedùhanɛ̀n kpɔsɔ wú, ô m'evruvá mɛ̀n lɔ, mɛ̀n vru mɛ̀n kán nyɛ̀n: kɩ nyɛ lɛ wá mɛ̀n ɛkɔrɛ̀ mɛ́n Zhüde kpɔsɔ yri hɔ́n mɛ̀n lɔ.

Titɛ̀n 3:13

Ɛ̀ wá esùva, ô ɛ̀ và sɩ́ Zenasɛ̀n, ɛmrɛ̀nci-kɔrɛ̀-wá-wrɔn mán Apolɔsɛ̀n, ɛkɔrɛ̀-wá, ô yɔ bɩ yɔ hɔ́n ɛyri; ɛ̀ hán tán eci zriɛmɛ́n ke bɩ́ ẅɛn yɔ ɛmìan.