Ɔkɔ̀hɔ̀n-wá-bɔ̀ kɔ̀hɔ̀n hán 15:2 - Ɛmɛẅi ankà ankrànkràn 2003

² Pɔlɛ̀n mán Barnabasɛ̀n mɛhi kè sɩ̀ shrìɛ kè bɩ̀ ankà ndɔ lɔ kɩ ɛcüìwrɔn vri tɔ̀n bru yɔ angranmɛ̀n ankà ndɔ lɔ kruhú. Zɛtɛn yɛ wá le Pɔlɛ̀n, Barnabasɛ̀n mán Antiɔshɛ̀n anmàn-bɔ̀ jan kɛ lɛ hɔ́n Zherüzalɛmɛ̀n anmàn, ô yɔ cɔ́ ɔkɔ̀hɔ̀n-wá-bɔ̀ mán ɛcüìcüì-bɔ̀ yɔ dɔ́ ankà ndɔ lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 15:2 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 10:23

Piɛrɛ̀n hán yɔ, yɔ bru ɛbemɛ̀n kɩ tán yɔ ɛdɛ́-yri ɛnnyran lɔ. Ɛcɛ̀n cüe, Piɛrɛ̀n cɔ́ yɔ, yɔ bɩ́ ɛnlevri yɔ hɔ̀n. Zhafa nɛ́n mùan-ẅì hɔ̀n jan hɔ́n sɩ́ nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 11:12

Ɛnhɛ́n Prɔnprɔn kɛ dɔ́ mɛ̀n le, mɛ̀n cɔ́ yɔ mɛhi bɔ̀ hɔ̀n, mɛ́n bɩ́ wá nyɔn han. Amwrɔn-nɛ́n-muan-ẅì hɔ̀n owùle léyi mɛ̀n sɩ́ ɔnu lɔ nɔn, hɔ́n sɩ́ mɛ̀n Sezare anmàn, kɩ bɔ́ lɔ fɛn bɔ́ bru Kɔrnɛyì wɔn lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 11:30

Eci ndɔ lɔ de yɔ hán nɔn, kɩ yɔ bɩ́ ɛcice-ci ndɔ hɔ̀n lɔ yɛ tán Barnabasɛ̀n mán Sɔlɛ̀n kɛ̀ hɔ̀n sɩ́ Ɔwɔ-fɛcüè-cüìcüì-bɔ̀ léyi dú Zhüde kpɔsɔ wú nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 15:25

Hɩ le kruhú de ɔmùan-krɔn mɛ̀n lɔ, bɔ̀ mrɛ́n anwrɔn bɔ̀ yüre nyɛ̀n. Yɔ lɛ hɔ̀n sɩ́ bɔ́ nyran-anvrɛn hɔ̀n Barnabasɛ̀n mán Pɔlɛ̀n

Ɔkɔ̀hɔ̀n-wá-bɔ̀ kɔ̀hɔ̀n hán 15:27

Bɔ́ yüre nyɛ̀n Zhüdɛ̀n mán Silasɛ̀n léyi kɛ lɛ dɔ́ nyɛ̀n yɔ mumù ankà léyi bɔ̀ merɛ́n owrú lɔ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 15:4

Ɛnvra léyi yɔ bru Zherüzalɛmɛ̀n anmàn nɔn, Ɔwɔ-fɛcüè-bɔ̀ ɔkɔ̀hɔ̀n-wa-bɔ̀ mán ɛcüìcüì-bɔ̀ ẅɛn yɔ anvrɛnvrɛn, kɩ yɔ dɔ́ yɔ eci léyi Ɔwɔ cí y'ɛmɛ̀n hán nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 16:4

Anmàn hɔ̀n lɔ fɛn wú léyi yɔ cì nɔn, yɔ dɔ́ ankaẅì-bùtan-ẅɛn-bɔ̀ lɔ, ankà hɔ̀n léyi ɔkɔ̀hɔ̀n-wá-bɔ̀ mán ɛcüìcüì-bɔ̀ léyi dú Zherüzalɛmɛ̀n anmàn ẅɛn ɔmùan-krɔn hɩ wú, kɩ kɛ wá tán yɔ nɔn, yɔ ẅɛn ankà hɔ̀n lɔ yɔ hɛ́n.

Ɔkɔ̀hɔ̀n-wá-bɔ̀ kɔ̀hɔ̀n hán 21:18

Ɛcɛ̀n cüe, bɔ́ mán Pɔlɛ̀n mɛhi bɔ̀ hɔ́n Zhakɛ̀n nanvrɛn, ɛyri léyi Ɔwɔ-wɔn-fɛcüè-cüìcüì-bɔ̀ kɛ borɛkru nɔn.

1 Korɛntɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n Pɔlɛ̀n léyi Ɔwɔ kɔrɛ̀levriemɛ̀n ye bi nɛ̀n, nɛ̀n srɔ Zhezü Krisì kɔ̀hɔ̀n-wá-wrɔn mán Sostɛnɛ̀n, bɔ́ muan-ẅì.

2 Korɛntɛ̀n anmàn-bɔ̀ 11:5

Mɛ́n sɩ́ tro le mɛ̀n dú ɛnhi mɛ̀n vrán ny'ɔkɔ̀hɔ̀n-wá-bɔ̀ léyi nye tro le sevri nɔn!

Galasi anmàn-bɔ̀ 2:5

Ɛnvra zriɛmɛ́n mán mɛ̀n, bɔ̀ sɩ̀ tán yɔ ɛkɔrɛ̀-levri, ô kɛ̀ hán tán, nyɛ́n cɔ́ Ɛmɛẅi ankà Ankrànkràn lɔ, annanwɔrɛ mɛ̀n.

Zhüdɛ̀n 1:3

Annyran anvrɛn hɔ̀n, mɛ̀n ẅɛn ny'owrú merɛ́n ankà dú mɛ̀n ɛnkruemɛ̀n kpankpan, ô mɛ̀n dɔ́ nyɛ̀n ɛnkrukɔrɛ̀ ankà léyi dú bɔ́ tɛn nɔn. Tɛ́n, mɛ kàn le, ke ji le mɛ̀n hán kèkrèmɛ̀n mɛ̀n yüre nyɛ̀n owrú ndɔ lɔ, ô mɛ̀n yɩ́ nyɛ̀n edù, nyɛ́n kɔ́n anhà nyɛ́n tán ankaẅìbùtan léyi Ɔwɔ tán n'anwrɔn hɔ̀n léyi nɛ̀n mrɛ́n nɛ̀n bɩ́ brɛzri nɔn.