Ɔkɔ̀hɔ̀n-wá-bɔ̀ kɔ̀hɔ̀n hán 15:1 - Ɛmɛẅi ankà ankrànkràn 2003

¹ Anwrɔn jan dú Zhüde kpɔsɔ wú vá Antiɔshɛ̀n anmàn kɩ bukru ke yé yɔ muan-ẅì hɔ̀n ankà-yé ndɔ lɔ: “Nyɛ́n sɩ̀ cɔ́ ɛnkru-kɔrɛ̀ ke dú kɛ ye sɩ̀ wì nyɛ̀n wúcɔ̀-domɛ̀n hán ɔmu le Mohizì nyanmàn wá tán nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 15:1 Iomraidhean Croise

Zhan 7:22

Ɔmuhi Mohizì tán nyɛ̀n ɛnyànmàn ô nyɛ́n wi wucɔ̀ edomɛ̀n nɔn, (kɩ kè sɩ̀ dù Mohizì de kè bùkru kɛ̀ hàn hɩ ci lɔ, tɛ́n nyɛ́n nancüi hɔ̀n) kɩ nye shrì kɩ nyɛ hán hɩ kɔhɔ̀n lɔ ɛnyanmán-bì vra lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 1:15

Ɛnbì ndɔ hɔ̀n lɔ ɔtɔ̀n, ankaẅì-bùtan-ẅɛn-bɔ̀ léyi borɛkru nɔn, yɔ dú anwrɔn ɛkoẅi-ɔwole. Piɛrɛ̀n tɔhú y'anwanzi kɩ kɛ dɔ̀ le:

Ɔkɔ̀hɔ̀n-wá-bɔ̀ kɔ̀hɔ̀n hán 15:22

Zɛtɛn ɔkɔ̀hɔ̀n-wá-bɔ̀ mán ɛcüìcüì-bɔ̀ mán Ɔwɔ fɛcüè-bɔ̀ lɔ fɛn wá le yɛ mrɛ́n anwrɔn janbɔ̀ y'ɛmɛ̀n lɔ, ô yɛ wá yɔ ɔkɔ̀hɔ̀n, yɔ mán Pɔlɛ̀n mán Barnabasɛ̀n yɔ hɔ́n Antiɔshɛ̀n anmàn. Yɔ mrɛ́n Zhüdɛ̀n léyi ye bi Barsabasɛ̀n mán Silasɛ̀n, yɔ anwrɔn anhyrɛ̀ lɔ, yɔ ẅɛn ɛkɔrɛ̀-levri anwrɔn-nɛ́n-muan-ẅì hɔ̀n mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 15:23

Nyàn owrú léyi yɔ merɛ́n yɔ tán yɔ, yɔ hɔ̀n nɔn: “Ɔkɔ̀hɔ̀n-wá-bɔ̀, mán ɛcüìcüì-bɔ̀, nyɛ́n muan-ẅì hɔ̀n ke bi nyɛ̀n nyan; nyɛ́n léyi nyɛ́n sɩ̀ dù Zhüifɛ̀n-bɔ̀, hɩ nyɛ́n dú Antiɔshɛ̀n anmàn, Siri mán Silisi kpɔsɔ wú nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 15:24

Bɔ̀ yá le anwrɔn dú bɔ́ anmàn nvà, wá nyɛ̀n ejüe, ku nyɛ̀n ɛnkrɛ̀ta y'ankà-dɔ́ mɛ̀n. Bɔ̀ sɩ̀ tán yɔ ɛkɔrɛ̀-levri zriɛmɛ́n ankà ndɔ lɔ wú.

Ɔkɔ̀hɔ̀n-wá-bɔ̀ kɔ̀hɔ̀n hán 15:3

Ɔwɔ-fɛcüè-bɔ̀ wá yɔ ɛkɔrɛ̀ yɔ nɛ̀nnyanmàn hɔ̀n lɔ mɛ̀n. Yɔ ci Fenisi mán Samari kpɔsɔ wú, yɔ dɔ́ ɔmu le anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, crɛ ezì kɛ́n Ɛẅɛnwrɔn nɔn: ɛmɛẅi ankà ndɔ lɔ tán anwrɔn-nɛ́n-muan-ẅì hɔ̀n lɔ, pɔ̀püɛ̀-brà vri.

Ɔkɔ̀hɔ̀n-wá-bɔ̀ kɔ̀hɔ̀n hán 15:32

Zhüdɛ̀n mán Silasɛ̀n mumù léyi dú Ɔwɔ-mùanwú-ankà-dɔ́-bɔ̀ nɔn dɔ́ anwrɔn-nɛ́n-muan-ẅì hɔ̀n lɔ ankà sheshe, ô kɛ̀ tán yɔ edùyi mán ecüì ankàẅì-bùtan mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 15:5

Tɛ́n Ɔwɔ-nyanmàn-sùva-wá-bɔ̀ jan léyi srɔ ankaẅì-bùtan-ẅɛn-bɔ̀ nɔn, bɩ́ ankà kɩ kɛ dɔ̀ le: “Ke ji le ankaẅì-bùtan-ẅɛn-bɔ̀ léyi kè sɩ̀ dù Zhüifɛ̀n-bɔ̀ nɔn, kè wí wúcɔ̀-domɛ̀n, ô yɔ wá Mohizì nyanmàn lɔ.”

Ɔkɔ̀hɔ̀n-wá-bɔ̀ kɔ̀hɔ̀n hán 21:20

Ɛnvra léyi yɔ yá n'ankà lɔ trɔ nɔn, yɔ mrɛ́n Ɔwɔ. Zɛtɛn yɔ dɔ́ Pɔlɛ̀n le: “Ɛ kàn, ɔwrɔn-nɛ́n-mùan-ẅì, Zhüifɛ̀n-bɔ̀ tɛ̀bru kru ɛbɛ́ de srɔ Zhezü sɛ̀nkɛn-bɔ̀: yɔ lɔ fɛn, yɔ ẅɛn ɛnyànmàn ɛshishiemɛ̀n yɔ hɛ́n.

Ɔkɔ̀hɔ̀n-wá-bɔ̀ kɔ̀hɔ̀n hán 6:14

Bɔ̀ yá nɛ̀n ɔmùan nɛ́n dɔ̀ le, Nazàrɛtɛ̀n-wrɔn Zhezü ndɔ lɔ, ke le gbe Ɔwɔ-cice-wɔn lɔ kɩ nɛ lɛ crɔn anwrɔnẅiemɛ̀n nyanmàn léyi Mohizì tán bɔ̀ nɔn.”

Galasi anmàn-bɔ̀ 2:1

Ɛnnànwàn kru ɛvà-anzɔ̀ vacì, mɛ̀n vru ɛmɛẅi mɛ̀n vá Zherüzalɛmɛ̀n anmàn, mɛ̀n mán Barnabasɛ̀n mɛhi; mɛ̀n vru mɛ̀n bɩ́ Titɛ̀n mɛhi bɔ́ hɔ̀n.

Galasi anmàn-bɔ̀ 5:6

Ɔmuhi Ɔwrɔn léyi dú ɔbɔ̀sɔ mɛ̀n nɛ́n mán Krisì mɛhi, ke dú kɛ ye wi nɛ̀n wúcɔ̀-domɛ̀n mán, kɩ ye sɩ̀ wi nɛ̀n wúcɔ̀-domɛ̀n mán, ndɔ lɔ kè sɩ̀ ẅɛ̀n vɔ̀nshɛ́ zriɛmɛ́n: eci léyi dú ɛnkrugbɔ nɔn, dú ankaẅì-bùtan léyi dú ɛcüɛ̀n mɛ̀n nɔn.

Galasi anmàn-bɔ̀ 6:12

Anwrɔn hɔ̀n léyi ke ji kɛ̀ hán nyɛ̀n kèkrèmɛ̀n ye wi nyɛ̀n wúcɔ̀-domɛ̀n nɔn, yɔ dú anwrɔn hɔ̀n léyi ke ji kè yé y'edomɛ̀n anwrɔnẅì ci-hán tɛ̀sɛ̀n nɔn. Yɔ sɩ́ ji le ye di yɔ ejüe Krisì gbàn-hán-tɛ̀ kruhú.

Kɔlɔsèn anmàn-bɔ̀ 2:16

Ɔmu lɔ, nyɛ́n bɩ́ teze ɔwrɔn zriɛmɛ́n ke ci nyɛ̀n ɛmrɛ̀n ny'ɛci-zî, ny'ɛnshi-mì, ny'ɔkoran, okù wrù mán ɛnyànmán-bì ankà wú.

Kɔlɔsèn anmàn-bɔ̀ 2:8

Nyɛ́n wá esùva, ɔwrɔn zriɛmɛ́n ke bɩ́ jrɛ́ nyɛ̀n ɛnkruemɛ̀n ɛfrɛ́n-ankà-dɔ̀ léyi ɔwrɔnẅì ankà-nyrì woro kɩ dú ɛmɛ̀n nɔn: ankà-nyrì ndɔ lɔ dú anwrɔnẅìemɛ̀n ankà-nyrì, nɛ̀n vru nɛ̀n dú ɛnhibù ɛnhɛ́n mɛ̀n cüì, kɩ nɛ̀n sɩ̀ dù Krisì mɛ̀n.