Ɔkɔ̀hɔ̀n-wá-bɔ̀ kɔ̀hɔ̀n hán 14:3 - Ɛmɛẅi ankà ankrànkràn 2003

³ Ɔmu tɛ̀kɩ Pɔlɛ̀n mán Barnabasɛ̀n yɛ́ Ikoniɔmɛ̀n anmàn ɛnvra sheshe. Yɔ dɔ́ ankà ankaẅìbùtan mɛ̀n mán Ɛẅɛnwrɔn sɛ́ mɛ̀n. Ɛẅɛnwrɔn kɛ tán yɔ ɛkɔrɛ-srɔn ô yɔ hán anvɛmɛ̀n-frɛ́n-ci mán eci-woroan-ci, ô kè yé tán le ankà léyi yɔ dɔ́ Ɔwɔ boafɔ̀n mɛ̀n nɔn dú annanwɔrɛ.

Ɔkɔ̀hɔ̀n-wá-bɔ̀ kɔ̀hɔ̀n hán 14:3 Iomraidhean Croise

Markɛ̀n 16:20

N'ɛsɛ̀nkɛn-bɔ̀ hɔ́n ɛyri lɔ fɛn kɛ dɔ́ yɔ Ɛmɛẅi ankà Ankrànkràn lɔ. Ɛẅɛnwrɔn kɛ wá yɔ ɛkɔrɛ̀ y'ɔkɔ̀hɔ̀n-hán-mɛ̀n kɩ ke yé yɔ le y'Ɔwɔ ankà-dɔ̀ lɔ dú annànwɔrɛ, ɔmuhi yɔ hán anvɛmɛ̀n-frɛ́n-ci nɔn.]

Zhan 4:48

Zhezü kɛ dɔ́ nɛ̀n le: “Ɛnvra lɔ fɛn nyɛ́n sɩ̀ bùtan ankàẅì ke dú kɛ nyɛ́n sɩ̀ kàn anvɛmɛ̀n-frɛ́n-ci mán eci-woran-ci!”

Ɔkɔ̀hɔ̀n-wá-bɔ̀ kɔ̀hɔ̀n hán 13:46

Zɛtɛn Pɔlɛ̀n mán Barnabasɛ̀n kɛ dɔ́ yɔ esɛ́ mɛ̀n le: “Ke ji le Ɔwɔ mùan ankà lɔ, nyɛ́n gɔ̀ cɔ́ nɛ̀n nyɛ́n yá. Tɛ́n ɔmuhi nyɛ́n sɩ́ ji nyɛ́n bɩ́ Ɔwɔ ankà lɔ nɔn, hɩ nye yé le nyɛ́n sɩ́ ji ɛwúvà léyi ke sɩ́ trɔa nɔn, kɛ zrɔ, zɛtɛn bɔ́ lɛ crɛ ezì bɔ̀ kɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:22

Izraɛlɛ̀n-bɔ̀, nyɛ́n die ankà léyi mɛ lɛ dɔ́ nyɛ̀n nɔn nukùɛ: Nazàrɛtɛ̀n-wrɔn Zhezü dú ɔwrɔn léyi Ɔwɔ hán tán nyɛ̀n, nyɛ́n kán n'ɛkɔrɛ̀-srɔn, n'anvɛmɛ̀n-frɛ́n-ci mɛ̀ntɛ mɛ̀ntɛ hɔ̀n mán eci-woroan-ci vɛ́nvɛ́n hɔ̀n léyi nɛ̀n hán ny'anwanzi, hán ɔmu le nyɛ́n dùku mán nyɛ́n nyrì nɔn hɔ́.

Ɔkɔ̀hɔ̀n-wá-bɔ̀ kɔ̀hɔ̀n hán 20:24

Tɛ́n mɛ́n dùku m'ɛwúvà, kè sɩ̀ dù eci zriɛmɛ́n m'ezìwú; hɩ le dú ɛshishi nɔn, dú hɩ le, ke ji le mɛ̀n hɔ̀n mɛ̀n cɔ́ m'ɔkɔ̀hɔ̀n lɔ n'ɛnkrutrɔ, ô mɛ̀n trɔ ɔkɔ̀hɔ̀n léyi Ɛẅɛnwrɔn Zhezü tán mɛ̀n nɔn n'ɛhán: Ɔwɔ boafɔ̀n lɔ, n'Ɛmɛẅi ankà Ankrankran lɔ, mɛ̀n dɔ́ nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 20:32

Kɩ zɛtɛ̀ lɔ, me bɩ́ nyɛ̀n mɛ wá Ɔwɔ mán nɛ́n boafɔn ankà-dɔ̀ tamɛ̀n. Nɛ̀n ẅɛn ɛkorɛ̀srɔn léyi kɛ lɛ hán ny'ankaẅì-bùtan lɔ kɛ̀ hɔ́n ezì kɩ nɛ lɛ tán nyɛ̀n ɛci hɔ̀n léyi nɛ̀n wá ɔmùan nɛ̀n hɛ́n anwrɔn hɔ̀n léyi dú nɛ tɛn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:31

Ɛnvra léyi yɔ sɛ́n Ɔwɔ trɔ nɔn, ɛyri léyi yɔ bɔrɛkru yɔ nyɔn nɔn jɔkɔ̀. Yɔ lɛ fɛn, yɔ cɔ́ Ɛnhɛ́n Prɔnprɔn kɩ yɔ bukru yɔ dɔ́ Ɔwɔ ankà esɛ́ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 5:32

Bɔ̀ dú eci-woroan-ci ndɔ hɔ̀n lɔ, yɔ dalɛfuɛ-di-bɔ̀, bɔ̀ mán Ɛnhɛ́n Prɔnprɔn léyi Ɔwɔ tán anwrɔn hɔ̀n léyi kɛ wá nɛ̀n nɔn.”

Rɔmɛ̀n-anmàn-bɔ̀ 1:16

Ɛnbɔrɛ shishiemɛ̀n de mɛ dɔ́ Ɛmɛẅi ankà Ankrankran lɔ nɔn: annanwrɔrɛ mɛ̀n lɔ, nɛ̀n dú ecüì léyi Ɔwɔ ke bɩ ke bi ɔwrɔn hɔ̀n léyi ẅɛn ankaẅì-bùtan nɔn ke die, bukru Zhüifɛ̀n-bɔ̀, tɛ́n yɔ hɔ̀n léyi kè sɩ̀ dù Zhüifɛ̀n-bɔ̀ nɔn mán dú ɛmɛ̀n.

1 Tesalonikɛ̀n anmàn-bɔ̀ 2:2

Nyɛ́n vru nyɛ́n nyrì le, ɛnvra cá mɛ̀n yɛ wora bɔ̀ kɩ yɛ hán bɔ̀ ɛgbàn Filipɛ̀n anmàn. Tɛ́n Ɔwɔ tán bɔ̀ edùyì bɔ̀ dɔ́ nyɛ̀n n'Ɛmɛẅi ankà Ankrankran lɔ, ezìkɛ̀n shishiemɛ̀n.

Ebre-bɔ̀ 2:4

Ɛnvra zri lɔ, Ɔwɔ tán yɔ dalɛfuɛ-dì lɔ ecüì, kɩ hán eci woroanci mán anvɛmɛ̀n-frɛ́nci mɛ̀ntɛ mɛ̀ntɛ, ɔmu zri lɔ nɛ̀n dɛ́ Ɛnhɛ́n Prɔnprɔn cice lɔ, hán ɔmu le nɛ́n cüɛ̀n nɔn hɔ́.