Ɔkɔ̀hɔ̀n-wá-bɔ̀ kɔ̀hɔ̀n hán 13:6 - Ɛmɛẅi ankà ankrànkràn 2003

⁶ Yɔ ci Shiprɛ̀n vúta mùmù lɔ fɛn wú, hàn mán yɔ cɔ́ Pafɔsɛ̀n anmàn. Nanvrɛn lɔ, yɔ cɔ́ seke-wrɔn tɔ̀n ye bi Bar-Zhezü, Zhüifɛ̀n-wrɔn tɔ̀n léyi ke bɩ́ n'edomɛ̀n kɛ hán Ɔwɔ-mùanwú-ankà-dɔ́-wrɔn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 13:6 Iomraidhean Croise

Matie 16:17

Zɛtɛn Zhezü kɛ dɔ́ nɛ̀n le: “È dú ɛnbɔrɛbruemɛ̀n, Simɔn, Zhan ẅì, ɔmuhi kè sɩ̀ dù ɔwrɔnẅì de kɛ̀ wà mɛ́n ankà annànwɔrɛ ndɔ lɔ anmùan mɛ̀n nɔn, tɛ́n Dade léyi dú ɛwú nɔn.

Matie 24:24

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci ɛvrivri hɔ̀n mán eci-woroan-ci, ô yɔ frɛ́n anwrɔn, bɔ̀ sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le bore.

Matie 7:15

“Nyɛ́n wá anhyɔ̀n Wɔ-mùanwú-ankà-dɔ́-bɔ̀ ankà esùva, tɛ́n y'ɛnbɔrɛ mɛ̀n, yɔ dù yɔ hán ovú lɛ̀tù hɔ̀n hɔ́.

Markɛ̀n 10:46

Zhezü mán n'ɛsɛ̀nkɛn-bɔ̀ cɔ́ Zheriko. Ɛnvra léyi Zhezü dú Zheriko anmàn nɛ́n mán n'ɛsɛ̀nkɛn-bɔ̀ mán fɛcüè vri tɔ̀n mɛhi yɔ srɔ nɔn, anvɛ̀-bɔyɛ-wrɔn tɔ̀n ye bi Bartime, Time ẅì, yɛ́ ɛnlevri mùan kɩ kɛ sán ɛci.

Ɔkɔ̀hɔ̀n-wá-bɔ̀ kɔ̀hɔ̀n hán 13:13

Pɔlɛ̀n mán nɛ́n nyran hɔ̀n bɩ́ ɛhɛ̀ Pafɔsɛ̀n anmàn kɩ hɔ́n Perzhe anmàn, Panfili Kpɔsɔ wú. Zhan-Markɛ̀n teze yɔ nanvrɛn anmàn kɩ vru ɛmɛẅi hɔ́n Zherüzalɛmɛ̀n anmàn.

Ɔkɔ̀hɔ̀n-wá-bɔ̀ kɔ̀hɔ̀n hán 13:8

Tɛ́n seke-wrɔn Elimasɛ̀n (ɔmu lɔ de ye bi nɛ̀n grɛkɛ̀n mɛ̀n nɔn) kɛ kɛ́n yɔ ezì, kɩ ke ji kɛ zrɛ́n govran-wrɔn ankaẅì-bùtan lɔ.

2 Korɛntɛ̀n anmàn-bɔ̀ 11:13

Anwrɔn ɔmu hɔ̀n lɔ yɔ dú ɛyɔ̀n kɔ̀hɔ̀n-wá-bɔ̀, ɛfrɛ́n-bɔ̀ léyi kɛ srɔ y'edomɛ̀n Krisì kɔ̀hɔ̀n-wá-bɔ̀ nɔn.

Anhyrɛmɛ̀n timote 3:8

Ɔmu zri léyi Zhannɛsɛ̀n mán Zhanbrɛsɛ̀n kɛ́n Mohizì ezì nɔn, ɔmu zri lɔ de anwrɔn ndɔ hɔ̀n lɔ mán kɛ kɛ́n annanwɔrɛ ezì nɔn. Yɔ dú anwrɔn hɔ̀n léyi ɛnhɛ́n ke sɩ̀ nyrɔ̀n hàn, kɩ y'ankaẅìbùtan lɔ dú oworo.

1 Zhan 4:1

M'annyran hɔ̀n nyɛ́n bɩ́ ẅɛn esɛ́ anwrɔn hɔ̀n léyi kɛ dɔ̀ le yɔ ẅɛn Ɔwɔ Hɛ́n nɔn y'ɛwú, tɛ́n nyɛ́n wɔɛn yɔ nyɛ́n nyan, ô nyɛ́n nyrì ke dú kɛ ɛnhɛ́n léyi yɔ ẅɛ̀n nɔn, dú Ɔwɔ yri và. Annanwɔrɛ mɛ̀n lɔ ɛyɔ̀n wɔ-mùan-wú-ankà-dɔ́-bɔ̀ bobrebe bonyí ɛnhibù wú.

Ɔwɔ-mɛ̀n-yrikàn 19:20

Yɛ ẅɛn ɔnɔ̀n lɔ, ɔmu zri lɔ yɛ ẅɛn ɛyɔ̀n-wɔ-mùan-wú-ankà-dɔ́-wrɔn léyi hán anvɛmɛ̀n-frɛ́n-ci hɔ̀n lɔ n'ezìwú, ô kɛ̀ zrɛ́n anwrɔn hɔ̀n léyi cɔ́ ɔnɔ̀n lɔ n'ɛnrɛ̀n, kɩ ke cüe nɛ́n picɛ̀ lɔ ankorɛ̀ ezìwúɛ nɔn. Yɛ kɔ́n ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ ankɔrɛkɔrɛ mɛ̀n ku ɛnhyà-ẅì nɛnbà lɔ mɛ̀n.