Ɔkɔ̀hɔ̀n-wá-bɔ̀ kɔ̀hɔ̀n hán 13:5 - Ɛmɛẅi ankà ankrànkràn 2003

⁵ Ɛnvra leyi yɔ cɔ́ Salaminɛ̀n anmàn nɔn, yɔ bukru yɔ dɔ́ Ɔwɔ ankà Zhüifɛ̀n-bɔ̀ Wɔ-sɛ́n-wɔn lɔ mɛ̀n. Zhan-Markɛ̀n dú yɔ ɛtɛ̀sɛ̀n kɛ wá yɔ ɛkɔrɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 13:5 Iomraidhean Croise

Matie 20:26

Tɛ́n ɛci ndɔ lɔ ke bɩ́ dú nyɛ̀n ɛmɛ̀n. Tɛ́n, ke dú kɛ ny'ɛmɛ̀n lɔ, ɔwrɔn tɔ̀n ke ji kè dú ecüìcüì hô, ke ji le nɛ̀n srɔ ny'eci-bɩtan-wrɔn,

Ɔkɔ̀hɔ̀n-wá-bɔ̀ kɔ̀hɔ̀n hán 12:12

Ɛnvra léyi Piɛrɛ̀n cɔ́ ankà lɔ n'ɛmɛ̀n nyrì nɔn, nɛ̀n hɔ́n Mari, Zhan léyi ye bi Markɛ̀n nɔn, nɛ́n muan nanvrɛn. Anwrɔn bobrebe bɔrɛkru nanvrɛn, ô kɛ̀ sɛ́n Ɔwɔ.

Ɔkɔ̀hɔ̀n-wá-bɔ̀ kɔ̀hɔ̀n hán 12:25

Barnabasɛ̀n mán Sɔlɛ̀n tɛn, ɛnvra léyi yɔ hán y'Ɔwɔ kɔ̀hɔ̀n lɔ trɔ Zherüzalɛmɛ̀n anmàn nɔn, yɔ vru ɛmɛẅi kɩ yɔ bɩ́ Zhan léyi ye bi Markɛ̀n nɔn mɛhi yɔ hɔ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 13:14

Pɔlɛ̀n mán Barnabasɛ̀n dú Perzhe anmàn kɩ hɔ́n Antiɔshɛ̀n anmàn Pisidi kpɔsɔ wú. Ɛnyanman-bì lɔ, yɔ bru Ɔwɔ-sɛ́n-wɔn lɔ mɛ̀n kɩ yɔ yɛ́.

Ɔkɔ̀hɔ̀n-wá-bɔ̀ kɔ̀hɔ̀n hán 13:46

Zɛtɛn Pɔlɛ̀n mán Barnabasɛ̀n kɛ dɔ́ yɔ esɛ́ mɛ̀n le: “Ke ji le Ɔwɔ mùan ankà lɔ, nyɛ́n gɔ̀ cɔ́ nɛ̀n nyɛ́n yá. Tɛ́n ɔmuhi nyɛ́n sɩ́ ji nyɛ́n bɩ́ Ɔwɔ ankà lɔ nɔn, hɩ nye yé le nyɛ́n sɩ́ ji ɛwúvà léyi ke sɩ́ trɔa nɔn, kɛ zrɔ, zɛtɛn bɔ́ lɛ crɛ ezì bɔ̀ kɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 14:1

Ikoniɔmɛ̀n anmàn lɔ, Pɔlɛ̀n mán Barnabasɛ̀n vru bru Zhüifɛ̀n-bɔ̀ Wɔ-sɛ́n-wɔn lɔ mɛ̀n, kɩ dɔ́ Ɔwɔ ankà, hán tán kɩ Zhüifɛ̀n-bɔ̀ bobrebe mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn srɔ ankàẅì-bùtan-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 15:37

Barnabasɛ̀n ke ji kè bɩ́ Zhan léyi ye bi Markɛ̀n nɔn, kɛ̀ cɔ́ yɔ mɛhi yɔ hɔ̀n;

Ɔkɔ̀hɔ̀n-wá-bɔ̀ kɔ̀hɔ̀n hán 17:17

Pɔlɛ̀n mán Zhüifɛ̀n-bɔ̀, mán yɔ léyi yɔ sɩ̀ dù Zhüifɛ̀n-bɔ̀, hɩ yɔ sɛ́n Ɔwɔ nɔn, yɔ mɛhi yɔ wrɔ́n ecüì Ɔwɔ-sɛ́n-wɔn lɔ mɛ̀n, mán anmàn drɛ́nmɔɛn mɛ̀n, ɛnbì lɔ fɛn, yɔ mán anwrɔn hɔ̀n léyi yɔ cɔ́ nanvrɛn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 18:4

Ɛnyanmán-bì lɔ fɛn Pɔlɛ̀n ke bɩ́ ankà-dɔ̀ Ɔwɔ-sɛ́n-wɔn lɔ mɛ̀n kɩ ke ji ɛyri ô nɛ̀n hán Zhüifɛ̀n-bɔ̀ mán Grɛkɛ̀n-bɔ̀ kɛ̀ crɔn ɛnkru.

Ɔkɔ̀hɔ̀n-wá-bɔ̀ kɔ̀hɔ̀n hán 19:22

Pɔlɛ̀n wá n'ɛkɔrɛ-wá-bɔ̀ anhyrɛ̀, Timote mán Erastɛ̀n ɔkɔ̀hɔ̀n Maseduhanɛ̀n kpɔsɔ wú, tɛ́n nɛ́n mumù, nɛ̀n yɛ́ Azi kpɔsɔ wú ɛnvra jan.

Ɔkɔ̀hɔ̀n-wá-bɔ̀ kɔ̀hɔ̀n hán 19:29

Anmàn mumù lɔ sɩ́ n'edomɛ̀n ɛwú. Anwrɔn ẅɛn Gahiüsɛ̀n mán Aristarkɛ̀n, Maseduhanɛ̀n-anmàn-bɔ̀ anhyrɛ̀ léyi hɔ́n sɩ́ Pɔlɛ̀n nɛ̀nnyanmàn nɔn, kɩ yɔ lɔ fɛn yɔ ku ɔkɔran-wɔn lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 19:8

Pɔlɛ̀n kɛ hɔ́n Ɔwɔ-sɛ́n-wɔn lɔ mɛ̀n kɩ okù anhɔ̀n granmɛ̀n, nɛ̀n dɔ́ ankà esɛ́ mɛ̀n. Nɛ dɔ́ Anhobɩ́ Nɛ̀ncüì-dúyri ankà kɩ ne ji ɛyri, ô anwrɔn hɔ̀n léyi ke die nɛ̀n nukùɛ nɔn, kɛ̀ yá n'ankà lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 9:20

Nɛ̀n bukru kpatakpata lɔ nɛ dɔ́ Ɔwɔ ankà Ɔwɔ-sɛ́n-wɔn hɔ̀n lɔ mɛ̀n kɩ nɛ dɔ̀ le Zhezü dú Ɔwɔ Ẅì.

Kɔlɔsèn anmàn-bɔ̀ 4:10

Aristarkɛ̀n léyi nɛ́n mɛhi bɔ́ dú anwɔn-mɛ̀n-wá-wɔn mɛ̀n nɔn, ke bi nyɛ̀n nyan, kɩ Markɛ̀n léyi dú Barnabasɛ̀n nɛ́n muan-ẅì nɔn mán ke bi nyɛ̀n nyan. Nyɛ́n gɔ̀ cɔ́ Markɛ̀n ankà nyɛ́n yá: ke dú kɛ nɛ vá ny'eyri hô, nyɛ́n ẅɛn nɛ̀n anvrɛnvrɛn.

Anhyrɛmɛ̀n timote 4:11

Lükɛ̀n zri kɩ cɔ́ mɛ̀n mɛhi bɔ̀ yɛ́. È bɩ́ Markɛ̀n mɛhi nyɛ́n và, ɔmuhi nɛ lɛ wá mɛ̀n ɛkɔrɛ̀ tɛ̀ m'ɔkɔ̀hɔ̀n lɔ mɛ̀n nɔn.