Ɔkɔ̀hɔ̀n-wá-bɔ̀ kɔ̀hɔ̀n hán 13:2 - Ɛmɛẅi ankà ankrànkràn 2003

² Ɛnbi tɔ̀n, ɛnvra léyi yɔ dú Ɔwɔ-cice-kɔhɔ̀n-hán mɛ̀n mán kishe bɩ́ mɛ̀n nɔn, Ɛnhɛ́n-Prɔnprɔn dɔ́ yɔ le: “Nyɛ́n mrɛ́n Barnabasɛ̀n mán Sɔlɛ̀n nyɛ́n hɛ́n ɔhɔnán, ô yɔ hán ɔkɔ̀hɔ̀n léyi hɩ kruhú mɛ̀n bi yɔ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 13:2 Iomraidhean Croise

Matie 17:21

Tɛ́n Ɔwɔ sɛ́n mɛ̀n mán kìshe bɩ́ mɛ̀n de yɛ lɛ hán ɛnhɛ́n ndɔ lɔ kɛ̀ srɔ ɛntrɛ nɔn.]”

Matie 6:16

“Ɛnvra léyi nye bɩ́ kìshe nɔn, nyɛ́n bɩ́ mú ezì kɛ hán anmùan-anhyrɛ̀-bɔ̀ hɔ́: yɔ crɔ́n ezì ô kɛ̀ hán tán ye nyri ɔmu le yɔ dú kìshe bɩ́ mɛ̀n. Mɛ dɔ́ nyɛ̀n annànwɔrɛ mɛ̀n le: yɔ cɔ́ y'anjakpà lɔa.

Matie 9:38

Nyɛ́n sɛ́n ɛkɛ̀tɛ̀-nɛ́n-zi kɛ̀ hán ɔkɔ̀hɔ̀n-hán-bɔ̀ bobrebe kɛ̀ hɔ̀n küɛ ɛci kè sɩ́ ɛbemɛ̀n.”

Lükɛ̀n 10:1

Hɩ mɛẅi lɔ, Ɛẅɛnwrɔn mrɛ́n anwrɔn ɛkoẅi-anhɔ̀n mán ɛẅì ɛvà-anhyrɛ̀ nbɩ kɩ wá yɔ ɔkɔhɔ̀n anwrɔn anhyrɛ̀-yrɛ̀, yɔ hɛ́ nɛ̀n ezì anmàn hɔ̀n lɔ fɛn, mán ɛyri lɔ fɛn léyi nɛ̀n wá le, nɛ́n mumù ne le ci nɔn.

Lükɛ̀n 2:37

kɩ nɛ̀n srɔ ɛngrɔn-hi hàn kɩ cɔ́ nɛ̀n ɛnnanwàn kru ɛkoẅi-anzɔ̀ mán ɛẅì anzɔ̀. Nɛ́n sɩ́ trɔ Ɔwɔ-cice-wɔn lɔ mɛ̀n, tɛ́n nɛ̀n dú Ɔwɔ ci-bɩtan-hi, ɛnnyran mán ɛcɛ̀n: ne bɩ́ kishe kɩ nɛ sɛ́n Ɔwɔ.

Ɔkɔ̀hɔ̀n-wá-bɔ̀ kɔ̀hɔ̀n hán 10:19

Piɛrɛ̀n dú ankà-tro mɛ̀n, Ɔwɔ-mɛ̀n-yri-kàn léyi nɛ́n cɔ̀ nɔn hɩ wú, ɛnvra léyi Ɛnhɛ́n Prɔnprɔn dɔ́ nɛ̀n le: “E die nukùɛ, ɛnu lɔ anwrɔn anhɔ̀n ndù ke ji mɛ́n.

Ɔkɔ̀hɔ̀n-wá-bɔ̀ kɔ̀hɔ̀n hán 10:30

Kɔrnɛyì mrɛ́n ɔmùan le: “Nyàn ɛbi anhɔ̀n ndɔ, wacɛ̀n nzri lɔ mɛ̀n, ɛnbri-dɛ́n-mùan mɛ̀n wacɛ̀n anhɔ̀n, mɛ́n dú Ɔwɔ-sɛ́n mɛ̀n m'ɛbemɛ̀n. Kpatakpata lɔ, ɔwrɔn tɔ̀n léyi ẅɛn ɛci-gbrɛ́n-ci edomɛ̀n nɔn, nyɔn mɛ̀n ezìwúɛ

Ɔkɔ̀hɔ̀n-wá-bɔ̀ kɔ̀hɔ̀n hán 13:3

Zɛtɛn, ɛnvra léyi yɔ bɩ́ kishe kɩ yɔ sɛ́n Ɔwɔ trɔ nɔn, yɔ di Barnabasɛ̀n mán Sɔlɛ̀n ankɔrɛ̀ ɛwú kɩ yɔ teze yɔ, yɔ hɔ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 13:4

Barnabasɛ̀n mán Sɔlɛ̀n léyi hɔ́n Ɔwɔ-kɔhɔ̀n-hán mɛ̀n Ɛnhɛ́n Prɔnprɔn cüiemɛ̀n, nɔn bru Selesi anmàn, nanvrɛn lɔ yɔ bɩ́ ɛnhyàbri-hɛ̀ yɔ hɔ́n Shiprɛ̀n anmàn vúta wú.

Ɔkɔ̀hɔ̀n-wá-bɔ̀ kɔ̀hɔ̀n hán 14:26

Nanvrɛn lɔ yɔ bɩ́ ɛnhyàbri-hɛ̀, yɔ hɔ́n antiɔshɛ̀n anmàn léyi dú Siri kpɔsɔ wú, nanvrɛn lɔ, ye bɩ́ yɔ yɛ wá Ɔwɔ-boafɔ̀n mɛ̀n, ɔkɔhɔ̀n léyi zɛtɛ̀ lɔ yɔ hán sá nmù nɔn, hɩ kruhú.

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 22:21

Zɛtɛn Ɛẅɛnwrɔn dɔ́ mɛ̀n le: ‘Hɔ̀n, ɔmuhi mɛ lɛ hán mɛ́n, ɛ̀ hɔ́n ɛyri she, ɛnhi anmàn nyantɛn hɔ̀n wú nɔn!’ ”

Ɔkɔ̀hɔ̀n-wá-bɔ̀ kɔ̀hɔ̀n hán 4:36

Nyàn sɛnpò tɔ̀n; ɔwrɔn tɔ̀n léyi ye bi Zhozɛfɛ̀n, nɛ̀n dú Ɔwɔ-cɔ̀-krɛ́-wrɔn, ye bî nɛ̀n Shiprɛ̀n anmàn, nɛ́n de ɔkɔ̀hɔ̀n-wá-bɔ̀ ke bi nɛ̀n Barnabasɛ̀n (hɩ mɛ̀n kɛ dɔ̀ le “ɔwrɔn léyi ke yɩ́ anwrɔn edù nɔn”),

Ɔkɔ̀hɔ̀n-wá-bɔ̀ kɔ̀hɔ̀n hán 6:4

Ɔmu lɔ, bɔ́ le bɩ́ bɔ́ ɛnvra lɔ fɛn, bɔ̀ dú Ɔwɔ sɛ́n mɛ̀n mán Ɔwɔ ankà-dɔ́ mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 8:29

Ɛnhɛ́n Prɔnprɔn kɛ dɔ́ Filipɛ̀n le: “Sɔ̀nba kpàngɔ-hɛ̀ ndɔ lɔ ɛtɛ̀sɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 9:15

Tɛ́n Ɛẅɛnwrɔn kɛ dɔ́ nɛ̀n le: “Ɛ̀ hɔ̀n, ɔmuhi mɛ̀n mrɛ́n ɔwrɔn ndɔ lɔ mɛ́n bɩ, kɩ nɛ lɛ hán ɛnhi wú anmàn ndɔ hɔ̀n mán y'ɛnnɛ̀ncüì hɔ̀n kè nyri m'ebɩ́, kɩ ɔmu zri lɔ de ke le dù tán Izraɛlɛ̀n fɛcüè nɔn.

Rɔmɛ̀n-anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ́n dú Zhezü Krisì ci-bɩ̀tan-wrɔn léyi ye bi, ô kè dú ɔkɔ̀hɔ̀n-wá-wrɔn léyi Ɔwɔ mrɛ́n bɩ, ô kɛ̀ dɔ́ Ɛmɛẅi ankà Ankrankran lɔ nɔn.

Rɔmɛ̀n-anmàn-bɔ̀ 10:15

Kɩ anwɔntan de yɔ lɛ hán yɔ dɔ́ n'ankà ke dú kɛ ye sɩ̀ wá anwrɔn ɔkɔ̀hɔ̀n n'ankà-dɔ́ mɛ̀n nɛ́n? Hán ɔmu le Owrú kɛ dɔ̀ nɔn: “Ɛnfì zrɔ, ɛnvra léyi yɛ kán ɛmɛẅi ankà ankrànkràn dɔ́-bɔ̀ kɛ và nɔn!”

Rɔmɛ̀n-anmàn-bɔ̀ 15:16

ô mɛ̀n dú Zhezü Krisì ci-bɩ̀tan-wrɔn kè dú fɛcüè hɔ̀n léyi kè sɩ̀ dù Zhüifɛ̀n-bɔ̀ nɔn tɛn. Mɛ hán eci-bɩ̀tan kɔ̀hɔ̀n prɔnprɔn m'Ɔwɔ mɛẅi ankà ankrànkràn dɔ́ mɛ̀n, ô fɛcüè hɔ̀n léyi kè sɩ̀ dù Zhüifɛ̀n-bɔ̀ nɔn, kɛ srɔ ecice-ci léyi kɛ cüɛn Ɔwɔ ɛvɛ̀, ô kè dú eci léyi vɛ́n nɛ̀n, Ɛnhɛ́n Prɔnprɔn mɛ̀n nɔn.

1 Korɛntɛ̀n anmàn-bɔ̀ 12:11

Ɛnhɛ́n Prɔnprɔn zri ndɔ lɔ de kɛ hán eci ndɔ lɔ fɛn nɔn; nɛ tán ɔwrɔnwrɔn ecice tɔ̀n kɛ vɛ̀n, hán ɔmu le ne ji nɔn.

1 Korɛntɛ̀n anmàn-bɔ̀ 7:5

Nyɛ́n bɩ́ krɔ ny'edomɛ̀n ny'ɔbɔ̀sɔ̀ lɔ mɛ̀n ke dú kɛ kè sɩ̀ dù ɔmùan-krɔn zriemɛ̀n, ô nyɛ́n dú Ɔwɔ sɛ́n mɛ̀n ɛnvra cá mɛ̀n; tɛ́n ɛnvra lɔ kɛ vácì hô, nyɛ́n vru nyɛ́n bɔ̀sɔ ny'edomɛ̀n, kè sɩ̀ dù ɔmu lɔ hô, nyɛ́n sɩ̀ ẅɛn ny'edomɛ̀n nyɛ́n hɛ́n rɔ́, kɩ nye le bru Anwa-wrɔn wɔ̀ɛn-nyan lɔ mɛ̀n.

2 Korɛntɛ̀n anmàn-bɔ̀ 11:27

Mɛ̀n srɔ́n ejüedì-kɔ̀hɔ̀n mán ɔwɔ̀ɛn-nyan shishi ɛsù; ɛnvra ndɔ hɔ̀n mɛ́n sɩ́ cɔ́ ɛndà-dá-yri; ɛci-zî mùan-wù mán ɛnshi-mùan-wù ẅɛn mɛ̀n; me bɩ́ kishe frɛfrɛ kèkrèmɛ̀n; mɛ̀n kán ɛgbàn ɔwɔ̀rɔ̀ mɛ̀n kɩ edòmɛ̀n-ẅɛn-ci bàda mɛ̀n.

2 Korɛntɛ̀n anmàn-bɔ̀ 6:5

Yɛ kɔ́n bɔ̀ ejì kɩ yɛ wá bɔ̀ anwɔn-mɛ̀n-wá-wɔn mɛ̀n, ye sɩ́ fɛcüè ɛwú kɛ kɛ́n bɔ̀ ezì; bɔ̀ hán ɔkɔ̀hɔ̀n shishi, bɔ̀ sɩ̀ cɔ̀ ndà mán ɛci-zî.

Galasi anmàn-bɔ̀ 1:15

Tɛ́n Ɔwɔ, n'ɛnboafɔ̀n lɔ mɛ̀n, mrɛ́n mɛ̀n nbɩ̀ yakɛ ye bî mɛ̀n, kɩ nɛ̀n bi mɛ̀n n'eci-bɩ̀tan-kɔ̀hɔn mɛ̀n. Kɩ ɛnvra léyi nɛ̀n wá, nɛ̀n yé mɛ̀n n'ɛnẅì, ô mɛ̀n hán tán ye nyri nɛ̀n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn mɛ̀n, mɛ̀n sɩ̀ hɔ̀n mɛ̀n yrɛ ɔwrɔn zriɛmɛ́n ankà

Efɛzɛ̀n anmàn-bɔ̀ 3:7

Mɛ̀n srɔ Ɛmɛẅi ankà Ankrankran dɔ̀ ci-bɩ̀tan-wrɔn, ecice tɔ̀n léyi Ɔwɔ kɔrɛ̀-levriemɛ̀n, mán n'ɛzrɔ mɛ̀n tán mɛ̀n, n'ɛkɔrɛ̀-srɔn ci-hán mɛ̀n.

Kɔlɔsèn anmàn-bɔ̀ 4:17

Nyɛ́n dɔ́ Arshipɛ̀n ankà ndɔ lɔ: “È bɩ́ ɛnkruemɛ̀n anvrɛnvrɛn ɛ̀ hán ɔkɔ̀hɔ̀n léyi yɛ tán mɛ́n Ɛẅɛnwrɔn ci-bɩ̀tan-kɔhɔ̀n lɔ mɛ̀n nɔn.”

Kpàkpà timote 2:7

Ndɔ lɔ kruhú de, yɛ wá mɛ̀n ɔkɔ̀hɔ̀n-wá-wrɔn léyi ke ji le kè yé anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, ankaẅì-bùtan mán annànwɔrɛ ankà. Mɛ́n sɩ́ ẅɛn ɛyɔ̀n, mɛ dɔ́ annànwɔrɛ ankà.

Anhyrɛmɛ̀n timote 1:11

Ɔwɔ wá tán mɛ̀n, mɛ̀n dɔ́ Ɛmɛẅi ankà Ankrankran ndɔ lɔ, ɔmuhi mɛ̀n dú n'ɔkɔhɔ̀n-wá-wrɔn mán n'eci-yé-wrɔn,

Anhyrɛmɛ̀n timote 2:2

Ankà léyi ɛ̀ yá mɛ̀n dɔ́ dalɛfuɛ-di-bɔ̀ bobrebe zìwú nɔn, è bɩ́ ankà lɔ ɛ̀ tán anwrɔn hɔ̀n léyi ɛ̀ ẅɛn esɛ́ y'ɛwú nɔn, kɩ yɔ mán yɔ lɛ ẅɛn ecüì yɛ lɛ dɔ̀ yé anwrɔn nyàntɛn.

Anhyrɛmɛ̀n timote 4:11

Lükɛ̀n zri kɩ cɔ́ mɛ̀n mɛhi bɔ̀ yɛ́. È bɩ́ Markɛ̀n mɛhi nyɛ́n và, ɔmuhi nɛ lɛ wá mɛ̀n ɛkɔrɛ̀ tɛ̀ m'ɔkɔ̀hɔ̀n lɔ mɛ̀n nɔn.

Anhyrɛmɛ̀n timote 4:5

Tɛ́n vɛ́n, è sɩ́ ɛnkru ɛwú eci lɔ fɛn mɛ̀n, è shri ɛgbànkàn è bɩ, ɛ̀ hán Ɛmɛẅi ankà Ankrankran lɔ n'obònyi kɔ̀hɔ̀n, ô ɛ̀ hán v'eci-bɩ̀tan kɔ̀hɔ̀n Ɔwɔ tɛsɛ̀n.

Ebre-bɔ̀ 5:4

Ɔwrɔn zriɛmɛ́n ke sɩ̀ mrɛ́n n'edomɛ̀n ɔmuhi nɛ̀n srɔ Ɔwɔ cice-wrɔn cüìcüì nɔn. Yɛ srɔ Ɔwɔ cice-wrɔn cüìcüì ɛnvra léyi Ɔwɔ ke bí mɛ́n, hán ɔmu le ye bi Arɔn nɔn hɔ́.