Ɔkɔ̀hɔ̀n-wá-bɔ̀ kɔ̀hɔ̀n hán 13:1 - Ɛmɛẅi ankà ankrànkràn 2003

¹ Antiɔshɛ̀n anmàn Wɔ-fɛcüè-bɔ̀ mɛ̀n lɔ, Ɔwɔ-mùanwú-ankà-dɔ́-bɔ̀ mán ankà-yé-bɔ̀ ndù: Barnabasɛ̀n, Simeɔn léyi ye bi Ɔwrɔn yɔwɔ nɔn, Lüsiüsɛ̀n (Sirɛnɛ̀n anmàn-wrɔn) Manaɛ́n léyi nɛ́n mán Herɔdɛ̀n mɛhi yɛ wá yɔ ɛcɛmɛ̀n, kɩ Herɔdɛ̀n ẅɛn ɛyri Galile kpɔsɔ wú, mán Sɔlɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 13:1 Iomraidhean Croise

Matie 27:32

Ɛnvra léyi yɔ dú anmàn yɔ srɔ nɔn, yɔ srɔ́n ɔwrɔn tɔ̀n ɛsù ye bi nɛ̀n Simɔn, Sirɛnɛ̀n anmàn wrɔn; Gɔliɛ-bɔ̀ ẅɛn nɛ̀n ecüìemɛ̀n nɛ̀n wɔrɔ Zhezü gbàn-hán-tɛ̀ lɔ.

Lükɛ̀n 3:1

Rɔmɛ̀n ɛnhiwú nɛ̀ncüì vri léyi ye bi Tibɛrɛ̀n nɔn, n'ɛyri-ẅɛ̀n ɛnnànwàn kru ɛvà-ɛnriemɛ̀n; hɩ vra lɔ, Pɔnsì Pilatɛ̀n dú Zhüde kpɔsɔ wú govran, Herɔdɛ̀n ẅɛn Galile, kɩ nɛ́n muanẅì Filipɛ̀n ẅɛn ɛyri Itüre mán Trakonitɛ̀n kpɔsɔ wú, Lizania ẅɛn Abilɛnɛ̀n,

Ɔkɔ̀hɔ̀n-wá-bɔ̀ kɔ̀hɔ̀n hán 11:30

Eci ndɔ lɔ de yɔ hán nɔn, kɩ yɔ bɩ́ ɛcice-ci ndɔ hɔ̀n lɔ yɛ tán Barnabasɛ̀n mán Sɔlɛ̀n kɛ̀ hɔ̀n sɩ́ Ɔwɔ-fɛcüè-cüìcüì-bɔ̀ léyi dú Zhüde kpɔsɔ wú nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 12:25

Barnabasɛ̀n mán Sɔlɛ̀n tɛn, ɛnvra léyi yɔ hán y'Ɔwɔ kɔ̀hɔ̀n lɔ trɔ Zherüzalɛmɛ̀n anmàn nɔn, yɔ vru ɛmɛẅi kɩ yɔ bɩ́ Zhan léyi ye bi Markɛ̀n nɔn mɛhi yɔ hɔ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 13:9

Zɛtɛn Sɔlɛ̀n léyi ye vru ye bi Pɔlɛ̀n nɔn, Ɛnhɛ́n Prɔnprɔn yɩ́ edomɛ̀n kɩ crɛ ezì kɛ́n seke-wrɔn lɔ

Ɔkɔ̀hɔ̀n-wá-bɔ̀ kɔ̀hɔ̀n hán 15:32

Zhüdɛ̀n mán Silasɛ̀n mumù léyi dú Ɔwɔ-mùanwú-ankà-dɔ́-bɔ̀ nɔn dɔ́ anwrɔn-nɛ́n-muan-ẅì hɔ̀n lɔ ankà sheshe, ô kɛ̀ tán yɔ edùyi mán ecüì ankàẅì-bùtan mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 15:35

Tɛ́n, pɔlɛ̀n mán Barnabasɛ̀n yɛ́ Antiɔshɛ̀n anmàn. Yɔ mán anwrɔn brobebe nyantɛn mɛhi, yɔ yé kɩ yɔ dɔ́ Ɛẅɛnwrɔn mùanwú-ankà.

Ɔkɔ̀hɔ̀n-wá-bɔ̀ kɔ̀hɔ̀n hán 19:6

Pɔlɛ̀n di yɔ ankɔrɛ̀ ɛwú kɩ Ɛnhɛ́n Prɔnprɔn vá cɔ́ yɔ; yɔ bukru yɔ dɔ́ ankà ɛnbrɛ̀ vɛnvɛn mɛ̀n kɩ yɔ dɔ́ ɛmɛẅi ankà léyi yɔ cɔ́ Ɔwɔ yri nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 21:9

Nɛ́n ẅɛn wúyɔ̀-ẅì hɔ̀n anzɔ̀ ke sɩ̀ yiri wúcɔ̀, yɔ dɔ́ Ɔwɔ-mùanwú-ankà.

Ɔkɔ̀hɔ̀n-wá-bɔ̀ kɔ̀hɔ̀n hán 4:36

Nyàn sɛnpò tɔ̀n; ɔwrɔn tɔ̀n léyi ye bi Zhozɛfɛ̀n, nɛ̀n dú Ɔwɔ-cɔ̀-krɛ́-wrɔn, ye bî nɛ̀n Shiprɛ̀n anmàn, nɛ́n de ɔkɔ̀hɔ̀n-wá-bɔ̀ ke bi nɛ̀n Barnabasɛ̀n (hɩ mɛ̀n kɛ dɔ̀ le “ɔwrɔn léyi ke yɩ́ anwrɔn edù nɔn”),

Ɔkɔ̀hɔ̀n-wá-bɔ̀ kɔ̀hɔ̀n hán 9:1

Ɛnvra ndɔ lɔ mɛ̀n, Sɔlɛ̀n ke sɩ́ teze Ɛẅɛnwrɔn sɛ̀nkɛn-bɔ̀ lɔ y'owù gbàn hán. Nɛ́n hɔ̀n cɔ́ Ɔwɔ-cice-wrɔn cüìcüì

Rɔmɛ̀n-anmàn-bɔ̀ 16:21

Timote, m'anyran anvrɛn ɔkɔ̀hɔ̀n hán mɛ̀n, ke bi nyɛ̀n nyan, ɔmu zri lɔ de Lüsiüsɛ̀n, Zhasɔn mán Sozipatɛrɛ̀n, m'ɛmɛ̀n-bɔ̀ ke bi nyɛ̀n nyan nɔn.

1 Korɛntɛ̀n anmàn-bɔ̀ 11:4

Kɩ ke dú kɛ, Ɔwɔ-sɛ̀n ci-hán mɛ̀n lɔ, ɔwrɔn tɔ̀n kɛ vá eci ɛnkru ɛnvra léyi nɛ sɛ́n Ɔwɔ mán ɛnvra léyi nɛ dɔ́ ɛmɛẅi ankà léyi nɛ̀n cɔ́ Ɔwɔ yri nɔn, ne wore Krisì.

1 Korɛntɛ̀n anmàn-bɔ̀ 13:2

Mɛ lɛ dɔ́ Ɔwɔ mɛẅi ankà léyi mɛ́n cɔ̀ nɔn, mɛ lɛ ẅɛn ankà-nyrì lɔ fɛn, ô mɛ̀n yá anvɛmɛ̀n-frɛ́n-ci hɔ̀n lɔ fɛn y'ɛmɛ̀n ankà, mɛ lɛ ẅɛn ankaẅì-bùtan kɛ lɛ hán tán mɛ̀n frɛ́ ɛnkpò hɔ̀n lɔ fɛn mɛ̀n hɛ́n ɛyri nyàntɛn, ke dú kɛ mɛ̀n sɩ̀ ẅɛ̀n ɛcüɛ̀n, mɛ̀n sɩ̀ dù eci zriɛmɛ́n.

1 Korɛntɛ̀n anmàn-bɔ̀ 13:8

Ɛcüɛ̀n kè sɩ̀ ẅɛ̀n ɔtrɔ. Ɔwɔ mɛẅi ankà-dɔ̀ kɛ lɛ trɔ ɛnbì tɔ̀n, ankà-dɔ̀ cice léyi Ɛnhɛ́n Prɔnprɔn kɛ tán bɔ̀ ɛnbrɛ̀ nyàntɛn vrá mɛ̀n nɔn mán kɛ lɛ trɔ, eci-nyrì kɛ lɛ zrɛ́n.

1 Korɛntɛ̀n anmàn-bɔ̀ 14:29

Yɔ hɔ̀n léyi kɛ cɔ́ Ɔwɔ mɛẅi ankà-dɔ̀ hɔ̀n lɔ nɔn, ke ji le anwrɔn anhyrɛ̀ mán anhɔ̀n ke bɩ́ ankà-dɔ̀, ô anwrɔn ndɔ hɔ̀n kɛ̀ crɛ́n ankà léyi yɔ dɔ̀ nɔn, n'ɛmɛ̀n.

1 Korɛntɛ̀n anmàn-bɔ̀ 14:32

Anwrɔn hɔ̀n léyi kɛ tán ɛmɛẅi ankà hɔ̀n lɔ nɔn, ke ji le Ɛnhɛ́n Prɔnprɔn cice ankà-dɔ̀ lɔ tán yɔ nɔn, edù kɛ̀ sɔ́ kè dú y'ɛmɛ̀n,

1 Korɛntɛ̀n anmàn-bɔ̀ 9:6

Kale, mɛ̀n mán Barnabasɛ̀n mɛhi bɔ́ zri kɩ ke ji le bɔ̀ hán ɔkɔ̀hɔ̀n, ô bɔ̀ cɔ́ ɛci-zî hɛ̀?

Galasi anmàn-bɔ̀ 2:13

Anwrɔn-nɛ̀n-muan-ẅì hɔ̀n Zhüifɛ̀n-bɔ̀ lɔ mán kɛ hán eci zri léyi Piɛrɛ̀n hán nɔn, kɩ Barnabasɛ̀n mán teze n'edomɛ̀n eci zri lɔ mɛ̀n y'anmùan-anhyrɛ̀-dì lɔ kruhú.

Galasi anmàn-bɔ̀ 2:9

Zhakɛ̀n, Piɛrɛ̀n mán Zhan hɔ̀n léyi ndù hán Ɔwɔ-fɛcüè bù-nan hɔ́ nɔn, nyri ɔmu le Ɔwɔ wá mɛ̀n ɔkɔ̀hɔ̀n vɛ́n ndɔ lɔ antamɛ̀n; zɛtɛn yɔ tán bɔ̀ ɛkɔrɛ̀, Barnabasɛ̀n mán mɛ̀n, ɔmùan-krɔn ci-hán mɛ̀n. Ɔmu lɔ de, bɔ lɛ fɛn ɔmùan-krɔn mɛ̀n lɔ, bɔ̀ wá le, bɔ́ eci-hán mɛ̀n lɔ, bɔ́ lɛ hɔ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn y'anwanzi bɔ̀ hán ɔkɔ̀hɔ̀n, kɩ yɔ tɛn yɔ lɛ hɔ́n Zhüifɛ̀n-bɔ̀ yri.

Efɛzɛ̀n anmàn-bɔ̀ 4:11

Nɛ́n de nɛ̀n ce ɔwrɔnwrɔn eci: ndɔ hɔ̀n nɛ̀n srɔ ɔkɔhɔ̀n-wá-bɔ̀, ɛnjanbɔ̀ srɔ Ɔwɔ-mùanwú-ankà-dɔ́-bɔ̀, kɩ ndɔ hɔ̀n vru srɔ Ɛmɛẅi ankà Ankrankran dɔ́-bɔ̀, Ɔwɔ-bɔ̀, ankà-yé-bɔ̀.

Filipɛ̀n anmàn-bɔ̀ 4:22

Ankaẅì-bùtan-ẅɛn-bɔ̀ lɔ fɛn dú ɛnu lɔ nɔn, annannan le, yɔ hɔ̀n léyi dú ɛnhi wú nɛ̀ncüì lɔ n'eci-bɩ̀tan-bɔ̀ nɔn, ke bi nyɛ̀n nyan.

1 Tesalonikɛ̀n anmàn-bɔ̀ 5:20

nyɛ́n bɩ́ kɔrɔa Ɔwɔ-mùan-ankà-dɔ̀ léyi kɛ vá nyɛ̀n ɛnkruemɛ̀n nɔn.