Ɔkɔ̀hɔ̀n-wá-bɔ̀ kɔ̀hɔ̀n hán 12:4 - Ɛmɛẅi ankà ankrànkràn 2003

⁴ Herɔdɛ̀n hán yɛ ẅɛn nɛ̀n, kɩ yɛ kɔ́n nɛ̀n di anwɔn-mɛ̀n-wá-wɔn mɛ̀n, kɩ nɛ̀n hán gɔliɛ-bɔ̀ ɛvà-ɔwùle kɛ̀ nán Piɛrɛ̀n. Ne ji nɛ̀n hán ye ci Piɛrɛ̀n ɛmrɛ̀n ɛnvra léyi Ɛẅɛnwrɔn-bemɛ̀n-ci koran-bì lɔ kɛ vacì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 12:4 Iomraidhean Croise

Matie 24:9

Zɛtɛn anwrɔn ke le bɩ́ nyɛ̀n kɛ tán yɔ, ô yɛ hán nyɛ̀n nyɛ́n di ejüe kɩ ye le di nyɛ̀n owúemɛ̀n. Fɛcüè lɔ fɛn ke le gbri nyɛ̀n m'ɛkruhú.

Matie 26:5

Yɔ dɔ̀ le: “Ke sɩ́ ji le bɔ̀ ẅɛn nɛ̀n ɔkoran bì lɔ, ke dú ɔmu lɔ hô, fɛcüè ke le sɩ́ n'edomɛ̀n ɛwú.”

Markɛ̀n 14:1

Wɔrɔ ɛbi-anhyrɛ̀ kɛ lɛ cɔ́ Ɛẅɛnwrɔn-bemɛ̀n-cì mán abùtùkumɛ́n-kɔ́ nyànmán-bì lɔ. Ɔwɔ cice-bɔ̀ cüìcüì mán ɛnyànmàn-gbànvri-ankà-yé-bɔ̀ ke ji ɛyri ô kɛ̀ ẅɛn Zhezü ɛbán mɛ̀n ô kè wri nɛ̀n.

Lükɛ̀n 21:12

Tɛ́n eci ndɔ lɔ n'ɛmɛẅi lɔ, yɛ lɛ gɔ̀ ẅɛn nyɛ̀n, yɛ hán nyɛ̀n ɛgbàn, ye le sɩ́ nyɛ̀n ɛcüìcüì-bɔ̀ zìwú, ô ye ci nyɛ̀n ɛmrɛ̀n Ɔwɔ-sɛ́n-wɔn hɔ̀n lɔ mɛ̀n, kɩ yɛ lɛ wá nyɛ̀n anwɔn-mɛ̀n-wá-wɔn mɛ̀n; yɛ lɛ hán nyɛ̀n nyɛ́n srɔ ɛnnɛ̀ncüì hɔ̀n mán anmàn cüìcüì-bɔ̀ ziwú m'ɛkruhú.

Lükɛ̀n 22:33

Piɛrɛ̀n kɛ dɔ̀ le: “Ɛẅɛnwrɔn, mɛ̀n krɔ́n kpehɛ́n, ô mɛ̀n mán vɛ́n mɛhi bɔ̀ hɔ́n anwɔn-mɛ̀n-wá-wɔn mɛ̀n, ô mɛ̀n mán vɛ́n mɛhi bɔ̀ wù.”

Zhan 19:23

Ɛnvra léyi Gɔliɛ-bɔ̀ lɔ gɔ́n Zhezü brɛ́ ɛgbàn-hán-tɛ̀ domɛ̀n trɔ nɔn, yɔ dɛ́ n'ɛceci hɔ̀n lɔ andɛ̀n-anzɔ̀, gɔliɛ-bɔ̀ anzɔ̀ lɔ ɔwrɔn zri zri bɩ́ nɛ tɛn.

Zhan 21:18

Annanwɔrɛ mɛ̀n mɛ dɔ́ mɛ́n le: Ɛnvra léyi è dú sugbàn-wrɔn nɔn, vɛ́n dùku ɛ nyɔn pɛtɛ̀n ɛẅìe kɩ ɛ hɔ́n ɛyri léyi e ji nɔn; tɛ́n ɛnvra léyi ɛ lɛ srɔ ecüìcüì nɔn, ɛ lɛ trɛ́n ɛkɔrɛ̀ kɩ ɔwrɔn nyantɛn kɛ lɛ nyɔn mɛ́n vɛ́n pɛtɛ̀n lɔ ɛẅìe kɩ ne le bɩ́ mɛ́n nɛ lɛ hɔ́n ɛyri léyi e sɩ́ ji ɛ̀ hɔ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 12:3

Zɛtɛn, ɛnvra léyi Herɔdɛ̀n kán ɔmu le eci léyi nɛ́n hán nɔn kɛ zrɔ Zhüifɛ̀n-bɔ̀ nɔn, nɛ̀n vru nɛ̀n hán yɛ ẅɛn Piɛrɛ̀n, abùtùkumɛ́n-kɔ́ nyanmàn-bì lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 12:5

Piɛrɛ̀n dú anwɔn-mɛ̀n-wá-wɔn mɛ̀n, tɛ́n Ɔwɔ-fɛcüè-bɔ̀ kɛ sɛ́n Ɔwɔ tán nɛ̀n edùyiemɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 4:28

Ɔmu lɔ de yɔ hán eci lɔ fɛn léyi, v'ɛkɔrɛ̀-srɔn mɛ̀n, è ji, kɩ ɛ gɔ̀ wá ɔmùan ɛ̀ hɛ́n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:3

Yɔ ẅɛn yɔ kɩ yɔ wá yɔ anwɔnmɛ̀n-wá-wɔn mɛ̀n ɛnyran lɔ, ɔmuhi ɛnvra bru ɛmɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 5:18

Yɔ hán yɔ ẅɛn yɔ ye ku anmàn wɔn-mɛ̀n-wá-wɔn mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 8:3

Sɔlɛ̀n tɛn, kɛ hán kekremɛ̀n, ô kɛ̀ jrɛ́ Ɔwɔ fɛcüè-bɔ̀ lɔ; ne ci ebɩ́bɩ́, nɛ ẅɛn ankaẅì-bùtan-ẅɛn-bɔ̀ lɔ, wúcɔ̀ mán wúyɔ̀ kɩ ne ku yɔ anwɔn-mɛ̀n-wá-wɔn mɛ̀n.