Ɔkɔ̀hɔ̀n-wá-bɔ̀ kɔ̀hɔ̀n hán 12:3 - Ɛmɛẅi ankà ankrànkràn 2003

³ Zɛtɛn, ɛnvra léyi Herɔdɛ̀n kán ɔmu le eci léyi nɛ́n hán nɔn kɛ zrɔ Zhüifɛ̀n-bɔ̀ nɔn, nɛ̀n vru nɛ̀n hán yɛ ẅɛn Piɛrɛ̀n, abùtùkumɛ́n-kɔ́ nyanmàn-bì lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 12:3 Iomraidhean Croise

Matie 26:17

Ɛnbì zri bì léyi yɛ nyanmán abùtùkumɛ́n-kɔ́ nɔn, ɛsɛ̀nkɛn-bɔ̀ lɔ nvà ke yrɛ Zhezü le: “Tɛyri de e ji bɔ̀ hɔ̀n bɔ̀ gbrɛ́ Ɛẅɛnwrɔn-bemɛ̀n-cì ci-zî lɔ nɛ́n?”

Zhan 12:43

Yɔ cüɛn anwrɔnẅì ankà-dɔ̀ bɩ vrán hɩ le dú Ɔwɔ yri kɛ và nɔn.

Zhan 19:11

Zhezü mrɛ́n nɛ̀n ɔmùan le: “È sɩ̀ ẅɛ̀n ɛkɔrɛ̀srɔn zriɛmɛ́n m'ɛwú, ke dú kɛ kè sì dù hɩ le Ɔwɔ tán mɛ́n nɔn. Hɩ le kruhú de ɔwrɔn léyi ẅɛn mɛ̀n tán mɛ́n nɔn dú ɛgbàn mɛ̀n vrán vɛ́n.”

Zhan 21:18

Annanwɔrɛ mɛ̀n mɛ dɔ́ mɛ́n le: Ɛnvra léyi è dú sugbàn-wrɔn nɔn, vɛ́n dùku ɛ nyɔn pɛtɛ̀n ɛẅìe kɩ ɛ hɔ́n ɛyri léyi e ji nɔn; tɛ́n ɛnvra léyi ɛ lɛ srɔ ecüìcüì nɔn, ɛ lɛ trɛ́n ɛkɔrɛ̀ kɩ ɔwrɔn nyantɛn kɛ lɛ nyɔn mɛ́n vɛ́n pɛtɛ̀n lɔ ɛẅìe kɩ ne le bɩ́ mɛ́n nɛ lɛ hɔ́n ɛyri léyi e sɩ́ ji ɛ̀ hɔ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 12:4

Herɔdɛ̀n hán yɛ ẅɛn nɛ̀n, kɩ yɛ kɔ́n nɛ̀n di anwɔn-mɛ̀n-wá-wɔn mɛ̀n, kɩ nɛ̀n hán gɔliɛ-bɔ̀ ɛvà-ɔwùle kɛ̀ nán Piɛrɛ̀n. Ne ji nɛ̀n hán ye ci Piɛrɛ̀n ɛmrɛ̀n ɛnvra léyi Ɛẅɛnwrɔn-bemɛ̀n-ci koran-bì lɔ kɛ vacì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:14

Zɛtɛn Piɛrɛ̀n tɔhú nɛ́n mán ɔkɔ̀hɔ̀n-wá-bɔ̀ ɛvà-ɔtɔ̀n hɔ̀n lɔ mɛhi; kɩ esùva cüìcüiemɛ̀n nɛ dɔ́ fɛcüè le: “Nyɛ́n, Zhüifɛ̀n-bɔ̀, mán nyɛ́n lɛ fɛn léyi nyɛ́n dú Zherüzalɛmɛ̀n anmàn nɔn, nyɛ́n die m'ankà-dɔ̀ lɔ nukù anvrɛnvrɛn, ô nyɛ́n nyri eci léyi kɛ wɔɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 20:6

Bɔ tɛn, bɔ̀ ku anhɛ́ mɛ̀n Filipɛ̀n anmàn, ɛnvra léyi abutùkumɛ́n-kɔ́ koran bì lɔ trɔ nɔn, ɛbi-ɛnrì vacì, bɔ̀ cɔ́ yɔ Troasɛ̀n anmàn, nanvrɛn lɔ, bɔ̀ di ɛnbifɔn-kru zri.

Ɔkɔ̀hɔ̀n-wá-bɔ̀ kɔ̀hɔ̀n hán 24:27

Ɛnnànwàn kru anhyrɛ̀ vaci ɔmu lɔ, zɛtɛn Pɔrsihüsɛ̀n Fɛtüsɛ̀n bɩ́ Feliksɛ̀n ɛyri. Ɔwrɔn wrù ndɔ lɔ, hɩ ke ji kɛ̀ hán Zhüifɛ̀n-bɔ̀ kɛ̀ cüɛn nɛ̀n nɔn, tɛhɛ́n Pɔlɛ̀n anwɔn-mɛ̀n-wá-wɔn mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 25:9

Fɛtüsɛ̀n léyi ke ji kɛ̀ hán tán Zhüifɛ̀n-bɔ̀ kɛ cüɛn nɛ̀n nɔn, ke yrɛ Pɔlɛ̀n le: “E ji ɛ̀ hɔ́n Zherüzalɛmɛ̀n anmàn, ô ye ci mɛ́n ɛmrɛ̀n m'ezìwú ankà ndɔ lɔ wúɛ?”

Ɔkɔ̀hɔ̀n-wá-bɔ̀ kɔ̀hɔ̀n hán 4:13

Ankà-dɔ̀-trɔ-bɔ̀ dú anvɛmɛ̀n-frɛ́n mɛ̀n, ɔmuhi yɔ kán Piɛrɛ̀n mán Zhan, ankà-dɔ̀ ke wole anmùan mɛ̀n, kɩ yɔ nyri ɔmu le, yɔ dú anwrɔn kora hɔ̀n, kɩ owrú mán yɔ sɩ̀ kàn. Yɔ nyri ɔmu le Zhezü sɛnkɛ̀n-bɔ̀ dú yɔ.

Galasi anmàn-bɔ̀ 1:10

Kɛ̂ ɔmu lɔ, anwrɔnẅì mrɛ́n de me ji nɛ́n? Hɔ̂, Ɔwɔ tɛn lɔ de me ji nɔn. Ɔmu lɔ anwrɔnẅì cüɛ̀n de me ji nɛ́n? Ke dú kɛ me vru me ji anwrɔnẅì cüɛ̀n hô, mɛ́n sɩ̀ dú Krisì ci-bɩtan-wrɔn.

1 Tesalonikɛ̀n anmàn-bɔ̀ 2:4

Tɛ́n, ɛnvra lɔ fɛn bɔ́ dɔ́ ankà kɛ hán ɔmu le Ɔwɔ ke ji nɔn, ɔmuhi nɛ̀n ẅɛn bɔ́ esɛ́ kɩ nɛ̀n tán bɔ̀ n'Ɛmɛẅi ankà Ankrankran lɔ nɔn. Bɔ́ sɩ́ ji anwrɔnẅì cüɛ̀n, tɛ́n Ɔwɔ cüɛ̀n léyi kɛ wɔɛn bɔ́ ɛnbɔrɛmɛ̀n ankà-tro hɔ̀n lɔ nɔn.