Ɔkɔ̀hɔ̀n-wá-bɔ̀ kɔ̀hɔ̀n hán 11:3 - Ɛmɛẅi ankà ankrànkràn 2003

³ kɩ yɔ dɔ̀ le: “È bru anwrɔn hɔ̀n léyi ye sɩ̀ ẅì wúcɔ̀-domɛ̀n nɔn ɛbemɛ̀n kɩ ɛ̀ cɔ́ yɔ mɛhi nyɛ́n zî ɛci!”

Ɔkɔ̀hɔ̀n-wá-bɔ̀ kɔ̀hɔ̀n hán 11:3 Iomraidhean Croise

Matie 9:11

Ɔwɔ-nyànmàn-sùva-wá-bɔ̀ kán eci-hán ndɔ lɔ kɩ yɔ dɔ́ n'ɛsɛ̀nkɛn-bɔ̀ le: “Cɛci kruhú kɛ ny'ankà-yé-wrɔn mán anmàn-wɔɛ̀n-yrɛ-bɔ̀, mán anwrɔn hɔ̀n léyi yɛ krɛ́ eci-gbàngbàn-hán-bɔ̀ nɔn mɛhi ke zî ɛci ɛyri zriɛ?”

Lükɛ̀n 15:2

Ɔwɔ-nyanmàn-sùva-wá-bɔ̀, mán ɛnyanmàn-gbànvri-ankà-yé-bɔ̀ ke bɩ́ ɛmɛ̀nhyì kɩ kɛ dɔ́ y'edomɛ̀n le: “Ɔwrɔn ndɔ lɔ kɛ cüɛn ɛci gbangàn-hán-bɔ̀, kɩ yɔ mɛhi yɔ zî ɛci!”

Zhan 18:28

Zɛtɛn yɔ dú Kahifɛ̀n nanvrɛn ye bɩ́ Zhezü yɔ hɔ́n Pilatɛ̀n léyi dú govran nɔn zìwú. Ye sɩ́ nɛ̀n ɔsɔwrɔ̀ futàn. Tɛ́n Zhüifɛ̀n-bɔ̀ cüìcüì hɔ̀n ke sì bru Pilatɛ̀n bɩ́ lɔ mɛ̀n, ɔmuhi yɔ sɩ́ ji yɔ dú ɛnbrá mɛ̀n yakɛ yɔ zî abutùkumɛ́n-kɔ́ nyanmán-bì ci-zî lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 10:23

Piɛrɛ̀n hán yɔ, yɔ bru ɛbemɛ̀n kɩ tán yɔ ɛdɛ́-yri ɛnnyran lɔ. Ɛcɛ̀n cüe, Piɛrɛ̀n cɔ́ yɔ, yɔ bɩ́ ɛnlevri yɔ hɔ̀n. Zhafa nɛ́n mùan-ẅì hɔ̀n jan hɔ́n sɩ́ nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 10:28

Piɛrɛ̀n kɛ dɔ́ yɔ le: “Nyɛ́n nyri ɔmu le Zhüifɛ̀n-wrɔn kè sɩ̀ ẅɛ̀n ɛkɔrɛ̀-levri, n'Ɔwɔ-wɔn lɔ mɛ̀n, nɛ̀n hɔ̀n nyan ɛmɛ̀n-nyantɛn-wrɔn, hɩ ká kɛ́n n'ɛbemɛ̀n bru, n'Ɔwɔ nyanmàn lɔ ke sɩ́ tán nɛ̀n. Tɛ́n, Ɔwɔ yé mɛ̀n le mɛ́n bɩ́ krɛ́ ɔwrɔn zriɛmɛ́n ɛnbramɛ̀n-wrɔn léyi ye sɩ̀ hɔ̀n yɛ nyan rɔ́ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 10:32

Zɛtɛn ɛ̀ wá anwrɔn ɔkɔhɔ̀n Zhafa anmàn kɛ hɔ̀n ke bi Simɔn léyi ye bi Piɛrɛ̀n nɔn kɛ̀ và. Nɛ́n dú ɔnɔ̀n-wrú-kɔ̀hɔ̀n-hán-wrɔn Simɔn wɔn léyi dú ecüe gbàtà-mùan nɔn mɛ̀n.’

Ɔkɔ̀hɔ̀n-wá-bɔ̀ kɔ̀hɔ̀n hán 10:48

Kɩ Piɛrɛ̀n wá tán yɔ, yɔ wá yɔ ɛnshi ɛnkru Zhezü Krisì bɩmɛ̀n. Zɛtɛn yɔ sɛ́n Piɛrɛ̀n kɛ̀ cɔ́ yɔ mɛhi yɔ yɛ́ ɛnvra jan.

1 Korɛntɛ̀n anmàn-bɔ̀ 5:11

Me ji mɛ̀n dɔ́ nyɛ̀n le nyɛ́n bɩ́ ẅɛn ɔbɔ̀sɔ̀ nyɛ́n mán ɔwrɔn tɔ̀n léyi kɛ tán n'edomɛ̀n ebɩ́ Krisì-sɛ̀nkɛn-wrɔn, hɩ ke le dú esùnàn gbàngbàn ci-hán-wrɔn, kɛ lɛ wá nɛ́n nyran ci ɛvɛ̀-ɛwú, ke le dú antɛ̀-buri-sɛ́n-wrɔn, ɛyɔ̀n-wrɔn, ɛntàn-kɔ́n-wrɔn mán ɛci-yerɛ-wrɔn nɔn. Ke sɩ́ ji le, ɔwrɔn ɔmu lɔ, nɛ́n mán nyɛ́n mɛhi nyɛ́n zî ɛci ɛyri zri.

Galasi anmàn-bɔ̀ 2:12

Annanwɔrɛ mɛ̀n lɔ, ɛnvra léyi Zhakɛ̀n kɔhɔ̀n-wá-bɔ̀ lɔ kɛ vá hɔ́n Antiɔshɛ̀n anmàn nɔn, Piɛrɛ̀n mán anwrɔn-nɛ́n-muan-ẅì hɔ̀n léyi kè sɩ̀ dù Zhüifɛ̀n-bɔ̀ nɔn ke zî ɛci ɛyri zri. Tɛ́n, ɛnvra léyi ɔkɔ̀hɔ̀n-wá-bɔ̀ lɔ nvà nɔn, Piɛrɛ̀n mrɛ́n n'edomɛ̀n sɔhɔ́ y'ɛmɛ̀n kɩ nɛ́n mán anwrɔn-nɛ́n-muan-ẅì hɔ̀n léyi kè sɩ̀ dù Zhüifɛ̀n-bɔ̀ nɔn, yɔ sɩ́ vru zî ɛciɛ, ɔmuhi ne sú anwrɔn hɔ̀n léyi ke bɩ́ wúcɔ̀-domɛ̀n-ẅi ankà lɔ ɛshishiemɛ̀n nɔn.

2 Zhan 1:10

Ke dú kɛ ɔwrɔn tɔ̀n ke ji nyɛ̀n kɛ và kɩ kɛ vá sɩ́ nyɛ̀n ankà-yé nyantɛn tɔ̀n, nyɛ́n bɩ́ sɩ́ nɛ̀n ɛbemɛ̀n, kɩ nyɛ́n bɩ́ bi nɛ̀n nyɛ́n nyan mán;