Ɔkɔ̀hɔ̀n-wá-bɔ̀ kɔ̀hɔ̀n hán 11:1 - Ɛmɛẅi ankà ankrànkràn 2003

¹ Ɔkɔ̀hɔ̀n-wá-bɔ̀ mán anwrɔn-nɛ́n-muan-ẅì hɔ̀n léyi dú Zhüde kpɔsɔ wú nɔn, yá le anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn mán cɔ́ Ɔwɔ ankà-dɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 11:1 Iomraidhean Croise

Matie 2:1

Ye bî Zhezü Bɛtlehɛmɛ̀n anmàn, Zhüde kpɔsɔ wú, ɛnvra léyi Herɔdɛ̀n dú govràn nɔn. N'ebî vra mɛẅi lɔ, ɛwrú-kán-bɔ̀ cüìcüì hɔ̀n léyi nyri okùcànkrò mɛ̀n ankà nɔn, dú ɛmɛẅiemɛ̀n vá Zherüzalɛmɛ̀n anmàn.

Matie 8:11

Mɛ dɔ́ nyɛ̀n annànwɔrɛ mɛ̀n le, anwrɔn bobrebe ke le dú ɛmɛẅiemɛ̀n mán ezì kɛ lɛ và bɩ́ ɛyri tɛbrɛ̀ wú Anhobɩ́ nɛ̀ncüì-dúyri, yɔ mán Abrahamɛ̀n, Izaakɛ̀n mán Zhakɔbɛ̀n mɛhi.

Markɛ̀n 16:5

Zɛtɛn yɔ bru ɛnnànmàn mɛ̀n; nanvrɛn lɔ yɔ kán sùgbán-wrɔn tɔ̀n, yɛ́ ezì-kɔrɛ̀, cɔ́ ɛceci she wosu kɩ ɛnjansù bru yɔ.

Lükɛ̀n 2:32

hɩ de dú, ɛyri-kàn léyi, kɛ lɛ hán tán ɛnhi wú anmàn lɔ fɛn ke nyri mɛ́n, ô kè dú eci-zrɔ kɛ̀ tán Izraɛlɛ̀n vɛ́n fɛcüè.”

Ɔkɔ̀hɔ̀n-wá-bɔ̀ kɔ̀hɔ̀n hán 1:15

Ɛnbì ndɔ hɔ̀n lɔ ɔtɔ̀n, ankaẅì-bùtan-ẅɛn-bɔ̀ léyi borɛkru nɔn, yɔ dú anwrɔn ɛkoẅi-ɔwole. Piɛrɛ̀n tɔhú y'anwanzi kɩ kɛ dɔ̀ le:

Ɔkɔ̀hɔ̀n-wá-bɔ̀ kɔ̀hɔ̀n hán 11:29

Ɛsɛ̀nkɛn-bɔ̀ zɛtɛn wá le, ɔwrɔn wrɔn kɛ̀ tán eci léyi nɛ́n ẅɛ̀n nɔn, ô ye bɩ yɛ wá anwrɔn-nɛ́n-muan-ẅì hɔ̀n léyi dú Zhude kpɔsɔ wú nɔn ɛkɔrɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 14:27

Ɛnvra léyi yɔ cɔ́ Antiɔshɛ̀n anmàn nɔn, yɔ bɔrɛ Krisì-fɛcüè-bɔ̀ lɔ ɛkru kɩ yɔ dɔ́ yɔ eci lɔ fɛn léyi Ɔwɔ hán yɔ, yɛ hán nɔn, mán ɔmu le Ɔwɔ srú ankaẅìbùtan levri tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yɔ mán.

Ɔkɔ̀hɔ̀n-wá-bɔ̀ kɔ̀hɔ̀n hán 15:3

Ɔwɔ-fɛcüè-bɔ̀ wá yɔ ɛkɔrɛ̀ yɔ nɛ̀nnyanmàn hɔ̀n lɔ mɛ̀n. Yɔ ci Fenisi mán Samari kpɔsɔ wú, yɔ dɔ́ ɔmu le anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, crɛ ezì kɛ́n Ɛẅɛnwrɔn nɔn: ɛmɛẅi ankà ndɔ lɔ tán anwrɔn-nɛ́n-muan-ẅì hɔ̀n lɔ, pɔ̀püɛ̀-brà vri.

Ɔkɔ̀hɔ̀n-wá-bɔ̀ kɔ̀hɔ̀n hán 28:15

Anwrɔn-nɛ́n-muan-ẅì hɔ̀n léyi dú Rɔmɛ̀n nɔn, yá bɔ́ ɛvá ankà, kɩ vá bɔ̀ ɛsù Apihüsɛ̀n dúgbetrɛ mán nɛ̀nyàn-bɔ̀-wɔn anhɔ̀n tɛ̀sɛ̀n. Ɛnvra lɔ tɛ̀ léyi Pɔlɛ̀n kán yɔ nɔn, nɛ̀n tán Ɔwɔ ɔkùɛn kɩ edùyì vá nɛ̀n edomɛ̀n.