Ɔkɔ̀hɔ̀n-wá-bɔ̀ kɔ̀hɔ̀n hán 10:5 - Ɛmɛẅi ankà ankrànkràn 2003

⁵ Zɛtɛ lɔ, ɛ̀ wá anwrɔn ɔkɔ̀hɔ̀n kɛ̀ hɔ́n Zhafa anmàn ke bɩ́ ɔwrɔn tɔ̀n léyi ye bi Simɔn, hɩ n'anhyrɛmɛ̀n bɩ́ dú Piɛrɛ̀n nɔn kɛ̀ và.

Ɔkɔ̀hɔ̀n-wá-bɔ̀ kɔ̀hɔ̀n hán 10:5 Iomraidhean Croise

Markɛ̀n 3:16

Nyàn anwrɔn ɛvà-anhyrɛ̀ hɔ̀n léyi nɛ̀n mrɛ́n nɛ́n bɩ nɔn: Simɔn (Zhezü wá nɛ̀n ebɩ́ Piɛrɛ̀n: obù),

Zhan 1:42

Kɩ Andre bɩ́ Simɔn hɔ́n Zhezü ɛtɛsɛ̀n. Zhezü nyan nɛ̀n kɩ kɛ dɔ̀ le: “È dú Simɔn, Zhan ẅì; Ye le bi mɛ́n zɛtɛn Sefasɛ̀n.” (N'ɛmɛ̀n kɛ dɔ̀ le “Obù”.)

Ɔkɔ̀hɔ̀n-wá-bɔ̀ kɔ̀hɔ̀n hán 10:18

Yɔ bi, kɩ yɔ yrɛ le: “Kɛ̂ ɔnu de Simɔn léyi ye bi Piɛrɛ̀n nɔn ndù nɛ́n?”

Ɔkɔ̀hɔ̀n-wá-bɔ̀ kɔ̀hɔ̀n hán 10:32

Zɛtɛn ɛ̀ wá anwrɔn ɔkɔhɔ̀n Zhafa anmàn kɛ hɔ̀n ke bi Simɔn léyi ye bi Piɛrɛ̀n nɔn kɛ̀ và. Nɛ́n dú ɔnɔ̀n-wrú-kɔ̀hɔ̀n-hán-wrɔn Simɔn wɔn léyi dú ecüe gbàtà-mùan nɔn mɛ̀n.’

Ɔkɔ̀hɔ̀n-wá-bɔ̀ kɔ̀hɔ̀n hán 15:7

Ɛnvra léyi yɔ wrɔ́n ecüì sheshe trɔ nɔn, Piɛrɛ̀n bɩ́ ankà-dɔ̀ kɩ kɛ dɔ̀ le: “Anwrɔn-nɛ́n-muan-ẅì hɔ̀n, nyɛ́n nyri ɔmu le ɛnvra sheshemɛ̀n de ny'ɛmɛ̀n lɔ, Ɔwɔ mrɛ́n mɛ̀n bɩ, ô mɛ̀n dɔ́ anwrɔn hɔ̀n léyi ke sɩ̀ dù Zhüifɛ̀n-bɔ̀ nɔn, Ɛmɛẅi ankà Ankrankran lɔ, ô yɔ cɔ̀ yɔ yá, ô yɔ ẅɛn ankaẅì-bùtan.

Ɔkɔ̀hɔ̀n-wá-bɔ̀ kɔ̀hɔ̀n hán 16:9

Ɛnnyran lɔ, Pɔlɛ̀n cɔ́ Ɔwɔ-mɛ̀n-yri-kàn tɔ̀n: nɛ̀n kán Masedúhanɛ̀n-anmàn-wrɔn tɔ̀n, nyɔn ɛwú kɛ sɛ́n nɛ̀n, kɩ kɛ dɔ̀ le: “È ci Masedúhanɛ̀n kpɔsɔ wú, ô ɛ̀ và wá bɔ̀ ɔkɔrɛ̀!”

Ɔkɔ̀hɔ̀n-wá-bɔ̀ kɔ̀hɔ̀n hán 9:36

Zhafa anmàn lɔ, ankaẅì-bùtan nyɔnwrɔn tɔ̀n ndù ye bi Tabita. Ebi ndɔ lɔ grɛkɛ̀n brɛ̀ mɛ̀n lɔ, ye bi “Dorkasɛ̀n”, hɩ mɛ̀n kɛ dɔ̀ le ovú nɔ̀n léyi ye bi “esè” nɔn. Nɛ̀n dú ɛnvra lɔ fɛn anvrɛn hán mɛ̀n kɩ nɛ wá ɛmian-bɔ̀ ɛkɔrɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 9:38

Zhafa sɛ̀nkɛn-bɔ̀ ncɔ́ nyrì le Piɛrɛ̀n dú Lida anmàn léyi dú Zhafa tɛ̀sɛ̀n nɔn. Yɔ wá anwrɔn anhyrɛ̀ ɔkɔ̀hɔ̀n hɔ́n cɔ́ nɛ̀n, kɩ yɔ bɩ́ ɛkùyüre ndɔ lɔ yɔ hɔ́n sɩ́ nɛ̀n: “Bɔ́ sɛ́n mɛ́n, ɛ̀ và cɔ́ bɔ̀ zɛtɛ lɔ.”

Ɔkɔ̀hɔ̀n-wá-bɔ̀ kɔ̀hɔ̀n hán 9:42

Zhafa anmàn lɔ fɛn wú, ye nyri eci lɔ wɔɛ̀n nɔn, kɩ bobrebe bú Ɛẅɛnwrɔn ankà tán ankaẅì.

Ɔkɔ̀hɔ̀n-wá-bɔ̀ kɔ̀hɔ̀n hán 9:43

Piɛrɛ̀n yɛ́ Zhafa anmàn nmɔ̀ɛn, ɔnɔ̀n-wru kɔhɔ̀n-hán-wrɔn tɔ̀n léyi ye bi Simɔn nɔn yri ɛbemɛ̀n.