Ɔkɔ̀hɔ̀n-wá-bɔ̀ kɔ̀hɔ̀n hán 10:4 - Ɛmɛẅi ankà ankrànkràn 2003

⁴ Nɛ̀n nyan Ɔwɔ-kùyüre-wrɔn lɔ ɛnjansuemɛ̀n kɩ nɛ dɔ̀ le: “Ɛẅɛnwrɔn, ankà tán?” Ɔwɔ-kùyüre-wrɔn lɔ mrɛ́n nɛ̀n ɔmùan le: “Ɔwɔ yá v'Ɔwɔ-sɛ̀n lɔ kɩ kán ɛkɔrɛ̀ léyi ɛ wá ɛmian-bɔ̀ nɔn, kɩ v'ankà ke sɩ̀ yuru nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 10:4 Iomraidhean Croise

Matie 26:13

Mɛ dɔ́ nyɛ̀n annànwɔrɛ mɛ̀n le: ɛyri lɔ fɛn léyi yɛ lɛ dɔ́ Ɛmɛẅi ankà Ankrànkràn lɔ nɔn, yɛ lɛ dɔ́ eci léyi ɛnnyɔnwrɔn ndɔ lɔ hán nɔn, kɩ yɛ lɛ ẅɛn n'ankà-tro.”

Lükɛ̀n 1:29

Ankà-dɔ̀ ndɔ lɔ, wá Mari gbɔ̀gbɔ̀ edomɛ̀n, kɩ ne yrɛ n'edomɛ̀n le, ebinyan ndɔ lɔ, n'ɛmɛ̀n dú tɛ́ tán.

Lükɛ̀n 24:5

Ɔmuhi ɛnjansù kɛ ẅɛn yɔ kɩ yɔ sɩ́ sɩ́ ɛzì ɛwú rɔa nɔn, wúcɔ̀ hɔ̀n lɔ kɛ dɔ́ yɔ le: “Cɛci kruhú kɛ nye jí owú-bɔ̀ mɛ̀n, ɔwrɔn léyi dú ɔkɔrɛ-bɔ̀ mɛ̀n nɛ́n?

Ɔkɔ̀hɔ̀n-wá-bɔ̀ kɔ̀hɔ̀n hán 10:31

kɩ kɛ dɔ́ mɛ̀n le: ‘Kɔrnɛyì, Ɔwɔ yá v'Ɔwɔ-sɛ̀n lɔ, kɩ ɛkɔrɛ̀ léyi ɛ̀ wá ɛmian-bɔ̀ nɔn ke sɩ̀ yuru nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 14:9

Ne die ankà léyi Pɔlɛ̀n kɛ dɔ̀ nɔn nukùɛ. Pɔlɛ̀n crɛ anvɛ̀ kɛ́n nɛ̀n kɩ kán ɔmu le ɔkpɔcɔ-wrɔn lɔ ẅɛn ankàẅì-bùtan léyi kɛ lɛ kɔrɛ̀ nɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 22:10

Zɛtɛn mɛ̀n yrɛ le: ‘Ɛẅɛnwrɔn ecitan de ke ji le mɛ̀n hán nɛ́n?’ Kɩ Ɛẅɛnwrɔn dɔ́ mɛ̀n le: ‘Tɔhú, hɔ̀n Damasɛ̀n anmàn, kɩ nanvrɛn lɔ yɛ lɛ dɔ́ mɛ́n eci lɔ fɛn léyi Ɔwɔ kɛ wá tán mɛ́n ɛ̀ hán nɔn.’

Ɔkɔ̀hɔ̀n-wá-bɔ̀ kɔ̀hɔ̀n hán 3:4

Piɛrɛ̀n mán Zhan crɛ anvɛ̀ kɛ́n nɛ̀n kɩ Piɛrɛ̀n kɛ dɔ́ nɛ̀n le: “Ɛ̀ nyan bɔ̀.”

Filipɛ̀n anmàn-bɔ̀ 4:18

Mɛ dɔ́ nyɛ̀n annanwɔrɛ mɛ̀n le, mɛ̀n cɔ́ eci lɔ fɛn léyi nyɛ́n yüre mɛ̀n nɔn; ɛncüɛn ká ankɔrɛ̀. Zɛtɛ̀ léyi Epafroditɛ̀n bɩ́ ny'ɛkɔrɛ̀-wá vá sɩ́ mɛ̀n nɔn, mɛ̀n ẅɛn eci lɔ fɛn léyi me ji nɔn. Ɛkɔrɛ̀-wá-ci ndɔ hɔ̀n lɔ, ndù hán ecice-ci tɔ̀n léyi nɛ́n ndɔ̀ kɛ ẅɛn ɛnniɛ̀n anvrɛnvrɛn nɔn, ecice tɔ̀n léyi Ɔwɔ ke bɩ hɩ kɛ zrɔ nɛ̀n nɔn.

Filipɛ̀n anmàn-bɔ̀ 4:6

Ɛnkrɛ̀ta ke bɩ́ ku nyɛ̀n eci zriɛmɛ́n mán mɛ̀n, tɛ́n eci lɔ fɛn mɛ̀n lɔ, nyɛ́n sán Ɔwɔ ny'Ɔwɔ-sɛ̀n lɔ mɛ̀n, eci léyi kɛ ẅɛn nyɛ̀n ɛmian nɔn, ô nyɛ́n sán eci lɔ enyri-kùɛn-tán bɔrɛ mɛ̀n.

Ebre-bɔ̀ 13:16

Anvrɛn hán mán ny'edomɛ̀n ɛkɔrɛ̀wá ke bɩ́ yru nyɛ̀n esùvà, ɔmuhi ɛcice ndɔ hɔ̀n lɔ de kɛ cüɛn Ɔwɔ ɛvɛ̀ nɔn.

Ebre-bɔ̀ 6:10

Ɔwɔ dú ɛnyrɔnnan-wrɔn. Ny'ɔkɔ̀hɔ̀n léyi nyɛ hán, ɛcüɛ̀n léyi nye yé n'ɛtɛ̀sɛ̀n, ny'eci-bɩ̀tan-kɔ̀hɔ́n mɛ̀n, kɩ nyɛ́n dú ɛmɛ̀n nyɛ́n hán tán Krisì sɛnkɛn-bɔ̀ janbɔ̀ nɔn, ndɔ lɔ fɛn ke sɩ̀ yuru Ɔwɔ esùva.

Ɔwɔ-mɛ̀n-yrikàn 8:4

Anjɔsàn yàbri dú Ɔwɔ-kùyüre-wrɔn ɛmànmɛ̀n kɛ hɔ́n ɛwú, Ɔwɔ zìwú, hɩ mán Ɔwɔ-fɛcüè-bɔ̀ Wɔ-sɛ̀n mɛhi.