Ɔkɔ̀hɔ̀n-wá-bɔ̀ kɔ̀hɔ̀n hán 10:3 - Ɛmɛẅi ankà ankrànkràn 2003

³ Ɛnbì tɔ̀n ɔwɔɛmɛ̀n wacɛ̀n anhɔ̀n, Kɔrnɛyì cɔ́ Ɔwɔ-mɛ̀n-yri-kàn tɔ̀n: nɛ̀n kán Ɔwɔ-kùyüre-wrɔn tɔ̀n kpete bru nɛ̀n ɛbemɛ̀n kɩ kɛ dɔ́ nɛ̀n le: “Kɔrnɛyì!”

Ɔkɔ̀hɔ̀n-wá-bɔ̀ kɔ̀hɔ̀n hán 10:3 Iomraidhean Croise

Matie 27:46

Wacɛ̀n anhɔ̀n vra lɔ, Zhezü di nkù ecüìemɛ̀n: “M'Ɔwɔ, m'Ɔwɔ, cɛci kruhú kɛ e teze mɛ̀n hán nɛ́n?”

Lükɛ̀n 1:11

Ɔwɔ-kùyüre-wrɔn tɔ̀n srɔ Zakari zìwú: nɛ̀n nyɔn ecice tɛbrɛ̀ zì-kɔrɛ̀a.

Lükɛ̀n 2:13

Ɛnvra zri lɔ, ɔwɔ-kùyüre-bɔ̀ bobrebe ndɔ hɔ̀n dú anhobɩ́ nvà, kɩ kɛ mrɛ́n Ɔwɔ, kɛ dɔ̀ le:

Ɔkɔ̀hɔ̀n-wá-bɔ̀ kɔ̀hɔ̀n hán 10:17

Piɛrɛ̀n ke yrɛ n'edomɛ̀n le Ɔwɔ-mɛ̀n-yri-kàn ndɔ lɔ hɩ nɛ́n cɔ̀ nɔn, n'ɛmɛ̀n dú tɛ́ tán? Tɛ́n ɛnvra ndɔ lɔ mɛ̀n, anwrɔn léyi Kɔrnɛyì wá ɔkɔhɔ̀n nɔn ndú Simɔn wɔn lɔ n'eji yri, kɩ zɛtɛn yɔ nyɔn ebɩ́ gbàtà-mùan.

Ɔkɔ̀hɔ̀n-wá-bɔ̀ kɔ̀hɔ̀n hán 10:19

Piɛrɛ̀n dú ankà-tro mɛ̀n, Ɔwɔ-mɛ̀n-yri-kàn léyi nɛ́n cɔ̀ nɔn hɩ wú, ɛnvra léyi Ɛnhɛ́n Prɔnprɔn dɔ́ nɛ̀n le: “E die nukùɛ, ɛnu lɔ anwrɔn anhɔ̀n ndù ke ji mɛ́n.

Ɔkɔ̀hɔ̀n-wá-bɔ̀ kɔ̀hɔ̀n hán 10:30

Kɔrnɛyì mrɛ́n ɔmùan le: “Nyàn ɛbi anhɔ̀n ndɔ, wacɛ̀n nzri lɔ mɛ̀n, ɛnbri-dɛ́n-mùan mɛ̀n wacɛ̀n anhɔ̀n, mɛ́n dú Ɔwɔ-sɛ́n mɛ̀n m'ɛbemɛ̀n. Kpatakpata lɔ, ɔwrɔn tɔ̀n léyi ẅɛn ɛci-gbrɛ́n-ci edomɛ̀n nɔn, nyɔn mɛ̀n ezìwúɛ

Ɔkɔ̀hɔ̀n-wá-bɔ̀ kɔ̀hɔ̀n hán 10:9

Ɛcɛ̀n cüe ɛnvra léyi yɔ dú ɛnlevri yɔ hɔ̀n, hɩ yɔ sɔnbá Zhafa anmàn tɛ̀sɛ̀n nɔn, Piɛrɛ̀n ká ɔwɔn hɔ́n ɛwú, ɛnbri shɛ́n mùan mɛ̀n kɛ sɛ́n Ɔwɔ.

Ɔkɔ̀hɔ̀n-wá-bɔ̀ kɔ̀hɔ̀n hán 11:13

Kɔrnɛyì dɔ́ bɔ̀ ɔmu le nɛ̀n hàn nɛ̀n kán Ɔwɔ-kùyüre-wrɔn tɔ̀n léyi nyɔn n'ɔwɔn lɔ mɛ̀n, kɩ kɛ dɔ́ nɛ̀n le: ‘Wà anwrɔn ɔkɔ̀hɔ̀n Zhafa anmàn, ô kɛ̀ hán Simɔn léyi ye bi Piɛrɛ̀n nɔn kɛ̀ và.

Ɔkɔ̀hɔ̀n-wá-bɔ̀ kɔ̀hɔ̀n hán 27:23

Ɛnnyran ndɔ lɔ, Ɔwɔ-kùyüre-wrɔn tɔ̀n léyi mɛ̀n dú nɛ tɛn, hɩ mɛ̀n vru mɛ̀n dú n'eci-bɩ̀tan-wrɔn nɔn, vá mɛ̀n ɛtɛ̀sɛ̀n,

Ɔkɔ̀hɔ̀n-wá-bɔ̀ kɔ̀hɔ̀n hán 3:1

Piɛrɛ̀n mán Zhan kɛ hɔ́n Ɔwɔ sɛ́n yri, ecice-wɔn lɔ mɛ̀n, ɔwɔɛmɛ̀n wacɛ̀n anhɔ̀n vra.

Ɔkɔ̀hɔ̀n-wá-bɔ̀ kɔ̀hɔ̀n hán 5:19

Tɛ́n ɛnnyran mɛ̀n, Ɛẅɛnwrɔn kùyüre-wrɔn tɔ̀n srú anwɔn-mɛ̀n-wá-wɔn mɛ̀n sù hɔ̀n lɔ, hán ɔkɔ̀hɔ̀n-wá-bɔ̀ lɔ srɔ ɛntrɛ, kɩ kɛ dɔ́ yɔ le:

Ɔkɔ̀hɔ̀n-wá-bɔ̀ kɔ̀hɔ̀n hán 9:10

Damasɛ̀n anmàn lɔ ɛsɛ̀nkɛn-wrɔn tɔ̀n ndù ye bi Ananiasɛ̀n, Ɛẅɛnwrɔn tan nɛ̀n Ɔwɔ-mɛ̀n-yri-kàn kɩ kɛ dɔ́ nɛ̀n le: “Ananiasɛ̀n!” Nɛ̀n mrɛ́n ɔmùan le: “Nyàn mɛ̀n, Ɛẅɛnwrɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 9:4

Nɛ̀n bore ɛnhibɩ́ kɩ nɛ̀n yá esùva tɔ̀n kɛ dɔ́ nɛ̀n le: “Sɔlɛ̀n, Sɔlɛ̀n, cɛci kruhú kɛ̂ ɛ kɔ́n mɛ̀n anhàà?” (9:4)

Ebre-bɔ̀ 1:14

Ɔwɔ kùyüre-bɔ̀ dú anhɛ́n hɔ̀n léyi dú Ɔwɔ ci-bɩtan kɔ̀hɔ́n mɛ̀n nɔn kɩ: nɛ wá yɔ ɔkɔ̀hɔ̀n yɔ bɩ́ ɛkɔrɛ̀-wá yɔ hɔ́n sɩ́ anwrɔn hɔ̀n léyi kɛ lɛ cɔ́ ɛnkrukɔrɛ̀ nɔn.

Ebre-bɔ̀ 1:4

Ɛnẅì lɔ sevri ká Ɔwɔ kuyüre bɔ̀ kɩ Ɔwɔ tán nɛ̀n ebi tɔ̀n léyi sevri vrán yɔ tɛ́n lɔ nɔn.