Ɔkɔ̀hɔ̀n-wá-bɔ̀ kɔ̀hɔ̀n hán 10:2 - Ɛmɛẅi ankà ankrànkràn 2003

² Kɔrnɛyì dú ankaẅì-bùtan-wrɔn léyi kɛ sɛ́n Ɔwɔ ɛnvra lɔ fɛn, nɛ́n mán n'ɛmɛ̀n-bɔ̀ mɛhi, kɩ nɛ̀n dú Ɔwɔ-sɛ́n-kɔ̀hɔ̀n-hán mɛ̀n. Kɔrnɛyì kɛ wá ɛmian-bɔ̀ léyi dú Zhuifɛ̀n fɛcüè lɔ mɛ̀n nɔn ɛkɔrɛ̀ bobrebe kɩ nɛ sɛ́n Ɔwɔ ɛnvra lɔ fɛn.

Ɔkɔ̀hɔ̀n-wá-bɔ̀ kɔ̀hɔ̀n hán 10:2 Iomraidhean Croise

Matie 25:17

Anhyrɛmɛ̀n-wrɔn léyi cɔ́ ɛkoẅi-ɛvà nɔn, mán zhrɛ́ anhàn kɩ cɔ́ ɛkoẅi-ɛvà kɛ́n ɛwú.

Lükɛ̀n 18:1

Zhezü kɛ dɔ́ yɔ nyandrɛn ndɔ lɔ mɛ̀n ankà, ô kè yé yɔ le, ke ji le yɛ sɛ́n Ɔwɔ, edùyiemɛ̀n ɛnvra lɔ fɛn, ô edù ke bɩ́ ká yɔ mrìmrì.

Lükɛ̀n 2:25

Zɛtɛn ɔwrɔn tɔ̀n dú Zherüzalɛmɛ̀n anmàn, ye bi nɛ̀n Simeɔn. Ɔwrɔn ndɔ lɔ, dú ɛnyrɔnnan-wrɔn; nɛ wá Ɔwɔ, kɩ nɛ vrá ɔwrɔn léyi kɛ lɛ và ke bɩ́ Izraɛlɛ̀n kè die nɔn. Ɛnhɛ́n Prɔnprɔn mɛhi yɔ dù,

Ɔkɔ̀hɔ̀n-wá-bɔ̀ kɔ̀hɔ̀n hán 10:22

Yɔ mrɛ́n ɔmùan le: “Bɔ̀ vá ɛfrá-wrɔn Kɔrnɛyì bɩmɛ̀n. Nɛ̀n dú ɛnyrɔn-nan-wrɔn léyi kɛ wá Ɔwɔ, hɩ Zhüifɛ̀n-bɔ̀ lɔ fɛn kɛ cüɛ̀n nɔn. Ɔwɔ-kùyüre-wrɔn tɔ̀n wá tán nɛ̀n le nɛ̀n hán mɛ́n ɛ̀ và cɔ́ nɛ̀n ne yri ɛbemɛ̀n, ô nɛ̀n yá ankà léyi ɛ ẅɛ̀n ɛ lɛ dɔ́ nɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 10:31

kɩ kɛ dɔ́ mɛ̀n le: ‘Kɔrnɛyì, Ɔwɔ yá v'Ɔwɔ-sɛ̀n lɔ, kɩ ɛkɔrɛ̀ léyi ɛ̀ wá ɛmian-bɔ̀ nɔn ke sɩ̀ yuru nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 10:35

Ɔwrɔn totɔtɔ̀n léyi dú ɛnbrɛ̀-nyantɛn-mɛ̀n-wrɔn, hɩ kɛ ẅɛn Ɔwɔ wá, kɩ kɛ hán ɛnnyrɔnnan-ci nɔn, ɔwrɔn ndɔ lɔ, nɛ̀n dú Ɔwɔ vɛ̀-cüɛn-ci.

Ɔkɔ̀hɔ̀n-wá-bɔ̀ kɔ̀hɔ̀n hán 10:4

Nɛ̀n nyan Ɔwɔ-kùyüre-wrɔn lɔ ɛnjansuemɛ̀n kɩ nɛ dɔ̀ le: “Ɛẅɛnwrɔn, ankà tán?” Ɔwɔ-kùyüre-wrɔn lɔ mrɛ́n nɛ̀n ɔmùan le: “Ɔwɔ yá v'Ɔwɔ-sɛ̀n lɔ kɩ kán ɛkɔrɛ̀ léyi ɛ wá ɛmian-bɔ̀ nɔn, kɩ v'ankà ke sɩ̀ yuru nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 10:7

Ɛnvra léyi Ɔwɔ-kùyüre-wrɔn dɔ́ nɛ̀n ankà, hɩ hɔ̀n nɔn, Kɔrnɛyì bi n'eci-bɩtan-bɔ̀ lɔ anwrɔn anhyrɛ̀ mán gɔliɛ-wrɔn tɔ̀n léyi dú n'eci-bɩtan-kɔ̀hɔ́n mɛ̀n, hɩ dú Ɔwɔ-sɛ́n mɛ̀n ɛnvra lɔ fɛn nɔn, nvà.

Ɔkɔ̀hɔ̀n-wá-bɔ̀ kɔ̀hɔ̀n hán 11:14

Nɛ lɛ dɔ́ mɛ́n ankà léyi kɛ lɛ tán mɛ́n ɛnkrukɔrɛ̀, vɛ́n mán v'ɛmɛ̀n-bɔ̀ lɔ fɛn mɛhi.’

Ɔkɔ̀hɔ̀n-wá-bɔ̀ kɔ̀hɔ̀n hán 13:16

Pɔlɛ̀n tɔhú, hán ɛkɔrɛ̀ kɩ kɛ dɔ̀ le: “Izraɛlɛ̀n-bɔ̀ mán nyɛ́n léyi nyɛ́n vá Ɔwɔ-cice kɔ̀hɔ̀n hán yri nɔn, nyɛ́n die mɛ̀n nukùɛ!

Ɔkɔ̀hɔ̀n-wá-bɔ̀ kɔ̀hɔ̀n hán 13:26

Anwrɔn-nɛ́n-mùan-ẅì hɔ̀n, nyɛ́n léyi nyɛ́n dú Abrahamɛ̀n mɛẅi-bɔ̀ mán nyɛ́n léyi nyɛ́n dú ɛnu, Ɔwɔ ankɔrɛ̀ ezìwú cüemɛ̀n nɔn: bɔ́ de ɛnkrukɔrɛ̀ mɛẅi ankà lɔ, kɛ zɛ́n bɔ̀ ɛnsrì nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 13:50

Tɛ́n Zhüifɛ̀n-bɔ̀ kɛ wá anmàn wúyɔ̀ hɔ̀n léyi ẅɛn ɛwúvà ankrankran, hɩ kɛ sɛ́n Ɔwɔ nɔn ankà, yɔ mán anmàn kpàmán-bɔ̀ mɛhi; yɔ hán Pɔlɛ̀n mán Barnabasɛ̀n ejüezì mán ɛgbànkán-ci, kɩ yɔ wrɔ́ yɔ y'ɛnhi-nan lɔ wú.

Ɔkɔ̀hɔ̀n-wá-bɔ̀ kɔ̀hɔ̀n hán 18:8

Kripüsɛ̀n léyi dú Ɔwɔ-sɛ́n-wɔn lɔ n'ɔwrɔn cüìcüì nɔn mán n'ɛmɛ̀n-bɔ̀ lɔ fɛn ẅɛn ankaẅì-bùtan Ɛẅɛnwrɔn wú. Korɛntɛ̀n anmàn-bɔ̀ bobrebe léyi ke die Pɔlɛ̀n nukùɛ nɔn mán ẅɛn ankaẅì-bùtan kɩ yɛ wá yɔ ɛnshi ɛnkru.

Ɔkɔ̀hɔ̀n-wá-bɔ̀ kɔ̀hɔ̀n hán 2:5

Zherüzalɛmɛ̀n anmàn lɔ, Zhüifɛ̀n-bɔ̀ léyi ke bɩ́ Ɔwɔ ankà nɔn, yɔ dú ɛnhi wú anmàn lɔ fɛn yɔ vá.

Ɔkɔ̀hɔ̀n-wá-bɔ̀ kɔ̀hɔ̀n hán 22:12

Nanvrɛn lɔ ɔwrɔn tɔ̀n ndù ye bi nɛ̀n Ananiasɛ̀n, nɛ̀n dú ɔwrɔn léyi ke bɩ́ Ɔwɔ ankà kɩ ne di ɔmùan zri bɔ́ ɛnyanmàn-ankà wú, kɩ Zhüifɛ̀n-bɔ̀ lɔ fɛn léyi dú Damasɛ̀n anmàn nɔn, kɛ cüɛn n'ankà.

Ɔkɔ̀hɔ̀n-wá-bɔ̀ kɔ̀hɔ̀n hán 8:2

Ɔwɔ-kɔ̀hɔ̀n-hán-bɔ̀ anvrɛnvrɛn bɩ́ Etiɛnɛ̀n dùwru lɔ wá ɛnhibɩ́ kɩ wú eyú ku Etiɛnɛ̀n wú.

Ɔkɔ̀hɔ̀n-wá-bɔ̀ kɔ̀hɔ̀n hán 9:11

Ɛẅɛnwrɔn kɛ dɔ́ nɛ̀n le: “Ɛ Hɔ́n zɛtɛ̀ lɔ ɛnlevri léyi nyrɔn nɔn wú, Zhüda wɔn lɔ mɛ̀n, è yrɛ Tarsɛ̀n wrɔn tɔ̀n léyi ye bi Sɔlɛ̀n nɔn. Ɛnvra ndɔ lɔ mɛ̀n nɛ̀n dú Ɔwɔ sɛ́n mɛ̀n

Ɔkɔ̀hɔ̀n-wá-bɔ̀ kɔ̀hɔ̀n hán 9:31

Zɛtɛn Ɔwɔ fɛcüè dú anwɔwɔmɛ̀n, Zhüde, Galile mán Samari kpɔsɔ wú; fɛcüè ndɔ lɔ kɛ ẅɛn ecüì kɩ dú edomɛ̀n ɛnhi-sɩemɛ̀n Ɛẅɛmwrɔn zìwú, nɛ sán sevri Ɛnhɛ́n Prɔnprɔn cüiemɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 9:36

Zhafa anmàn lɔ, ankaẅì-bùtan nyɔnwrɔn tɔ̀n ndù ye bi Tabita. Ebi ndɔ lɔ grɛkɛ̀n brɛ̀ mɛ̀n lɔ, ye bi “Dorkasɛ̀n”, hɩ mɛ̀n kɛ dɔ̀ le ovú nɔ̀n léyi ye bi “esè” nɔn. Nɛ̀n dú ɛnvra lɔ fɛn anvrɛn hán mɛ̀n kɩ nɛ wá ɛmian-bɔ̀ ɛkɔrɛ̀.

Kɔlɔsèn anmàn-bɔ̀ 4:2

Nyɛ́n sɛ́n Ɔwɔ ɔmùan-zri-diemɛ̀n, ny'ɔwɔ-sɛ́n mɛ̀n lɔ, nyɛ́n nyɔn ɛshishiemɛ̀n mán enyri-kùɛn-tán mɛ̀n.

1 Tesalonikɛ̀n anmàn-bɔ̀ 5:17

nyɛ́n sɛ́n ɛnvra lɔ fɛn,

Zhakɛ̀n 1:5

Tɛ́n ny'ɛmɛ̀n lɔ, ke dú kɛ ɔwrɔn tɔ̀n ke sɩ̀ ẅɛ̀n ankà-nyrì, ke ji le nɛ̀n sán Ɔwɔ kɩ kɛ lɛ tán nɛ̀n; ɔmuhi Ɔwɔ kɛ tán anwrɔn lɔ fɛn eci ankora ɛnbɔrɛ anvrɛnvrɛn mɛ̀n nɔn.

Ɔwɔ-mɛ̀n-yrikàn 15:4

Ɛẅɛnwrɔn, antɔn de ke sɩ̀ ẅɛn v'ɛwá nɛ́n? Antɔn de kɛ lɛ krɔ, ke sɩ̀ zrɔ mɛ́n eci nɛ́n? Ɔmuhi vɛ́n zri kɩ è dú prɔnprɔn, ɛnhi anmàn hɔ̀n lɔ fɛn kɛ lɛ và cüe mɛ́n ankɔrɛ̀ ezìwúɛ, ɔmuhi v'ɛnyrɔn ci-hán hɔ̀n ke yé tán yɔ, kpetemɛ̀n yɔ nyrì nɔn.”