Ɔkɔ̀hɔ̀n-wá-bɔ̀ kɔ̀hɔ̀n hán 10:1 - Ɛmɛẅi ankà ankrànkràn 2003

¹ Ɔwrɔn tɔ̀n ye bi Kɔrnɛyì, dú Sezare anmàn, nɛ̀n dú ɛfrá-wrɔn Rɔmɛ̀n anhà-kɔ́n-fɛcüè tɔ̀n mɛ̀n, kɩ anhà-kɔ́n-fɛcüè ndɔ lɔ ye bi nɛ̀n “Itali anhà-kɔ́n-fɛcüè”.

Ɔkɔ̀hɔ̀n-wá-bɔ̀ kɔ̀hɔ̀n hán 10:1 Iomraidhean Croise

Matie 27:27

Pilatɛ̀n gɔliɛ-bɔ̀ lɔ bɩ́ Zhezü hɔ́n govràn nanvrɛn ɛbemɛ̀n kɩ gɔliɛ-bɔ̀ kà lɔ fɛn gbrɛnkɛn Zhezü ɔmùan.

Matie 27:54

Rɔmɛ̀n gɔliɛ-wrɔn cüìcüì lɔ mán gɔliɛ-bɔ̀ léyi kɛ nán Zhezü nɔn kán ɛnhi léyi jɔ́kɔ̀ mán ɛci hɔ̀n léyi wɔɛ̀n nɔn; ɛnjansù vri ẅɛn yɔ kɩ yɔ dɔ̀ le: “Annànwɔrɛ mɛ̀n lɔ nɛ̀n dú Ɔwɔ ẅì!”

Markɛ̀n 15:16

Gɔliɛ-bɔ̀ bɩ́ Zhezü hɔ́n ebɩ́ vriemɛ̀n (govràn nanvrɛn ɛbemɛ̀n) kɩ yɔ bi gɔliɛ-bɔ̀ lɔ fɛn.

Lükɛ̀n 7:2

Nanvrɛn lɔ gɔliɛ-wrɔn cüìcüì tɔ̀n, ẅɛn n'eci-bɩ̀tan-wrɔn léyi yi ankà kɛ yɔ nɛ̀n edú nɔn. Eci-bɩ̀tan-wrɔn ndɔ lɔ, ɛnlɔwiɛ dà ke ji kè wù.

Zhan 18:12

Gɔliɛ-bɔ̀ fɛcüè, y'ɔwrɔn cüìcüì mán Zhüifɛ̀n-bɔ̀ yrí-nan-bɔ̀ ẅɛn Zhezü kɩ zɛtɛn kora nɛ̀n.

Zhan 18:3

Zhüda hɔ́n ɛkɛ̀tɛ̀ cɛ lɔ mɛ̀n, nɛ̀n sɩ́ gɔliɛ-bɔ̀ fɛcüè mán anwrɔn hɔ̀n léyi Ɔwɔ-cice-bɔ̀ cüìcüì mán Ɔwɔ-nyanmàn-sùva-wá-bɔ̀ tán nɛ̀n nɔn; anhà-kɔ́n ci, kɛniɛn mán ɛnhyà-lakà dú yɔ antamɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 10:24

Ɛnbì léyi kɛ̀n nɔn, Piɛrɛ̀n bru Sezare anmàn. Kɔrnɛyì mán n'ɛmɛ̀n-bɔ̀ mán n'ɛnnyràn anvrɛnvrɛn hɔ̀n léyi nɛ̀n bi và nɔn, dú yɔ ɛvramɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 21:31

Yɔ ji ɛyri yɔ wri Pɔlɛ̀n, kɩ yɛ vá dɔ́ Rɔmɛ̀n gɔliɛ-bɔ̀ wrɔn cüìcüì lɔ le, Zherüzalɛmɛ̀n anmàn mumù lɔ dú ɛdrɛ̀ hán mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 21:8

Ɛcɛ̀n cüe, bɔ̀ vru ɛmɛẅi bɔ́ hɔ̀n kɩ bɔ̀ cɔ́ Sezare. Nanvrɛn lɔ, bɔ̀ bru ɛmɛẅi-ankà-ankrankran-dɔ́-wrɔn Filipɛ̀n, wɔn lɔ mɛ̀n kɩ bɔ̀ dú n'eyri ɛbemɛ̀n. Anwrɔn ɔbɔɛ̀n léyi yɛ mrɛ́n ye bɩ́ Zherüzalɛmɛ̀n nɔn, nɛ̀n dú ɔtɔ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 22:25

Tɛ́n ɛnvra léyi yɛ kora nɛ̀n, hɩ yɛ vá nɛ̀n egorɛ yri nɔn, Pɔlɛ̀n kɛ dɔ́ gɔliɛ-wrɔn léyi nyɔn nanvrɛn lɔ nɔn le: “Ɛ̀ ẅɛn ɛkɔrɛ̀-levri e le gorɛ rɔmɛ̀n anmàn ɛnhi wú ẅì léyi yɛ vá ci ɛmrɛ̀n nɛ́n?”

Ɔkɔ̀hɔ̀n-wá-bɔ̀ kɔ̀hɔ̀n hán 23:23

Zɛtɛn gɔliɛ-bɔ̀ wrɔn cüìcüì lɔ bi n'ezìwú-bɔ̀ anhyrɛ̀ kɩ dɔ́ yɔ le: “Nyɛ́n borɛ, gɔliɛ-bɔ̀ ɛkoẅi-ɛvà, kpàngɔ-wú-yɛ́-bɔ̀ ɛkoẅi-anhɔ̀n mán ɛẅì ɛvà mán ebisɛ́n-kɔ́n-bɔ̀ ɛkoẅi ɛvà, ɛkru, ô nyɛ́n krɔn kpehɛ́n nyɛ́n bɩ́ Sezare levri ɔwɔɛ wacɛ̀n ɔmɔ̀rɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 23:33

Ɛnvra lɔ tɛ̀ léyi yɔ bru Sezare anmàn nɔn, kpàngɔ-wú-yɛ́-bɔ̀ bɩ́ owrú wá govran ɛmàn mɛ̀n kɩ bɩ́ Pɔlɛ̀n yé nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 25:1

Ɛbi-anhɔ̀n vacì kɩ Fɛtüsɛ̀n léyi bɩ́ Feliksɛ̀n ɛyri nɔn, dú Sezare hɔ́n Zherüzalɛmɛ̀n anmàn.

Ɔkɔ̀hɔ̀n-wá-bɔ̀ kɔ̀hɔ̀n hán 25:13

Ɛnbì jan vacì, Ɛnnɛ̀ncüì Agripa mán nɛ́n muan-ẅì ɛnnyɔnwrɔnẅì Berenisɛ̀n, vá Sezare Fɛtüsɛ̀n ebinyan yri.

Ɔkɔ̀hɔ̀n-wá-bɔ̀ kɔ̀hɔ̀n hán 27:1

Ɛnvra léyi yɛ wá le bɔ́ lɛ bɩ́ ɛnhyàbri-hɛ̀ bɔ̀ hɔ́n Itali ɛnhi wú nɔn, ye bɩ́ Pɔlɛ̀n mán anwɔn-mɛ̀n-wá-bɔ̀ jan, yɛ wá gɔliɛ-wrɔn tɔ̀n léyi ye bi Zhülihüsɛ̀n nɔn antamɛ̀n, nɛ̀n dú Rɔmɛ̀n ɛnhi wú Nɛ̀ncüì lɔ, nɛ́n anhà-kɔ́n-fɛcüè-gɔliɛ-wrɔn cüìcüì.

Ɔkɔ̀hɔ̀n-wá-bɔ̀ kɔ̀hɔ̀n hán 27:31

Pɔlɛ̀n kɛ dɔ́ gɔliɛ-wrɔn cüìcüì lɔ mán ndɔ hɔ̀n léyi dú nɛ̀n antamɛ̀n nɔn le: “Ke dú kɛ anwrɔn ndɔ hɔ̀n lɔ ke sɩ̀ yɛ̀ ɛnhyàbri-hɛ̀ lɔ mɛ̀n, nyɛ́n sɩ̀ cɔ́ ebɩdie rɔ́.”

Ɔkɔ̀hɔ̀n-wá-bɔ̀ kɔ̀hɔ̀n hán 27:43

Tɛ́n gɔliɛ-wrɔn cüìcüì léyi ke ji ke bɩ́ Pɔlɛ̀n kè die nɔn, sî yɔ eci lɔ n'ɛhán mɛ̀n. Nɛ̀n wá tán, yɔ hɔ̀n léyi ke nyri wɔrɛ ɛnshi nɔn, kɛ̀ gɔ̀ trɛ̀n kú ɛnshi, ô kɛ̀ hɔ́n ɛnhi;

Ɔkɔ̀hɔ̀n-wá-bɔ̀ kɔ̀hɔ̀n hán 8:40

Filipɛ̀n cɔ́ Azɔtɛ̀n anmàn, zɛtɛn ne ci anmàn anmàn nɛ dɔ́ yɔ ɛyri lɔ fɛn Ɛmɛẅi ankà Ankrànkràn lɔ, hàn kɩ cɔ́ ɛnvra léyi nɛ̀n bru Sezare anmàn nɔn.