Ɔkɔ̀hɔ̀n-wá-bɔ̀ kɔ̀hɔ̀n hán 1:5 - Ɛmɛẅi ankà ankrànkràn 2003

⁵ Ɔmuhi Zhan bɩ́ ɛnshi wá anwrɔn ɛnkru nɔn, tɛ́n nyɛ tɛn, ɛnvra bruemɛ̀n, Ɛnhɛ́n Prɔnprɔn mɛ̀n de yɛ lɛ wá nyɛ̀n ɛnshi ɛnkru nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 1:5 Iomraidhean Croise

Matie 3:11

Mɛ tɛn, ɛnshi de me bɩ mɛ wá nyɛ̀n ɛnkru ô ke yé le nyɛ́n crɔn ɛnkruɛ; tɛ́n ɔwrɔn léyi dú mɛ̀n ɛmɛẅi kɛ và nɔn, kɛ lɛ wá nyɛ̀n ɛnshi ɛnkru Ɛnhɛ́n Prɔnprɔn mɛ̀n mán ɛnhyà mɛ̀n. Ɛkɔrɛ̀ srɔ́n nɛ̀n vrán mɛ̀n: mɛ̀n sɩ̀ zeze mɛ̀n zrɔa hɩ m'á sɩ́ m'edomɛ̀n ɛnhi ô mɛ̀n gbrɔ n'annanwrú hɛ́ lɔ nɔn.

Matie 3:6

Yɔ krɛ́ y'ɛgbàn anwrɔn lɔ fɛn zìwú kɩ Zhan kɛ wá yɔ ɛnshi ɛnkru Zhurdɛn shi lɔ mɛ̀n.

Markɛ̀n 1:8

Mɛ tɛ́n, ɛnshi de mɛ́n bɩ mɛ̀n wá nyɛ̀n ɛnkru nɔn, nɛ tɛ́n, Ɛnhɛ́n Prɔnprɔn mɛ̀n de nɛ lɛ wá nyɛ̀n ɛnshi ɛnkru nɔn.”

Lükɛ̀n 3:16

Kɩ Zhan kɛ dɔ́ anwrɔn lɔ fɛn le: “Mɛ tɛn ɛnshi de me bɩ mɛ wá nyɛ̀n ɛnkru nɔn, tɛ́n ɔwrɔn tɔ̀n ɛkɔrɛ̀ srɔn vrán mɛ̀n, nɛ lɛ và: mɛ̀n sɩ̀ zeze mɛ̀n zrɔa hɩ m'a gbrɔ n'annanru hɛ́ lɔ nɔn. Nɛ lɛ wá nyɛ̀n ɛnshi ɛnkru Ɛnhɛ́n Prɔnprɔn mɛ̀n, mán ɛnhyà mɛ̀n mɛhi.

Zhan 1:26

Zhan mrɛ́n yɔ ɔmùan le: “Mɛ tɛ́n, ɛnshi de me bɩ mɛ wá anwrɔn ɛnkru nɔn; tɛ́n ɔwrɔn tɔ̀n dú nyɛ̀n anwanzi kɩ nyɛ́n sɩ̀ nyri nɛ̀n.

Zhan 1:31

Mɛ̀n sɩ̀ nyri ɔwrɔn léyi ke le dú nɛ̀n nɔn, tɛ́n mɛ́n và, ô mɛ̀n bɩ́ ɛnshi mɛ̀n wá anwrɔn ɛnkru, ô mɛ̀n hán tán Izraɛlɛ̀n fɛcüè kè nyri nɛ̀n.”

Zhan 1:33

Mɛ vá nyrí ɔwrɔn léyi dú nɛ̀n nɔn, tɛ́n Ɔwɔ léyi wá mɛ̀n ɔkɔhɔ̀n mɛ̀n bɩ́ ɛnshi mɛ̀n wá anwrɔn ɛnkru nɔn, dɔ́ mɛ̀n le: ‘Ɛ le kán Ɛnhɛ́n Prɔnprɔn kɛ lɛ kàkɛ, kɩ kɛ lɛ nyɔn ɔwrɔn tɔ̀n ɛwúɛ; nɛ́n de nɛ lɛ wá ɛnshi ɛnkru Ɛnhɛ́n Prɔnprɔn mɛ̀n nɔn.’ ”

Ɔkɔ̀hɔ̀n-wá-bɔ̀ kɔ̀hɔ̀n hán 10:45

Krisì sɛ̀nkɛn-bɔ̀ léyi dú Zhüifɛ̀n-bɔ̀, hɩ cɔ́ Piɛrɛ̀n mɛhi yɔ và nɔn, dú anvɛmɛ̀n-frɛ́n mɛ̀n, ɔmuhi yɔ kán ɔmu le Ɛnhɛ́n Prɔnprɔn léyi Ɔwɔ tán nɔn bonyi anwrɔn hɔ̀n léyi ke sɩ̀ dù Zhüifɛ̀n-bɔ̀ nɔn mán ɛwú.

Ɔkɔ̀hɔ̀n-wá-bɔ̀ kɔ̀hɔ̀n hán 19:4

Pɔlɛ̀n kɛ dɔ́ yɔ le: “Zhan kɛ wá anwrɔn hɔ̀n léyi shrì crɔ́n y'eci-hán-ci hɔ̀n lɔ ɛnshi ɛnkru kɩ nɛ dɔ́ Izraɛlɛ̀n fɛcüè kɛ ẅɛn ankaẅì-bùtan ɔnwrɔn léyi dú nɛ̀n ɛmɛẅi kɛ và nɔn n'ɛwú, ɔwrɔn lɔ, nɛ́n de nɛ̀n dú Zhezü nɔn.”

1 Korɛntɛ̀n anmàn-bɔ̀ 12:13

Kɩ bɔ́ lɛ fɛn lɔ, Zhüifɛ̀n-bɔ̀ hô, kè sɩ̀ dù Zhüifɛ̀n-bɔ̀ hô, anwɔ̀n-bɔ̀ hô, anwrɔn kora hɔ̀n hô, yɛ wá bɔ̀ ɛnshi ɛnkru, ô bɔ̀ dú edùwrú zri, Ɛnhɛ́n Prɔnprɔn zri lɔ mɛ̀n, kɩ bɔ́ lɛ fɛn lɔ, bɔ̀ cɔ́ Ɛnhɛ́n Prɔnprɔn zri ndɔ lɔ n'ɛnshi bò mì.

Titɛ̀n 3:5

nɛ̀n bɩ́ bɔ̀ nɛ̀n die, kɩ kè sɩ̀ dù bɔ́ ɛnyrɔnnan mán bɔ́ eci-ankrankran-hán mɛ̀n, tɛ́n ɔmuhi nɛ̀n ẅɛn bɔ́ ɛnhyɔ̀bɔ̀-nyrì nɔn. Nɛ̀n bɩ́ bɔ̀ nɛ̀n die ɛnshikru-wá léyi Ɛnhɛ́n Prɔnprɔn cüemɛ̀n tán bɔ̀ ebîemɛ̀n mán ɛwúvà wrù mɛ̀n nɔn.