Ɔkɔ̀hɔ̀n-wá-bɔ̀ kɔ̀hɔ̀n hán 1:3 - Ɛmɛẅi ankà ankrànkràn 2003

³ Annanwɔrɛ mɛ̀n lɔ, n'owù mɛẅi lɔ, nɛ̀n bɩ́ n'edomɛ̀n nɛ̀n yé eci-woroan-ci mɛ̀ntɛ mɛ̀ntɛ mɛ̀n, ô yɔ nyri ɔmu le nɛ̀n dú ɔkɔrɛ-bɔ̀ mɛ̀n: ɛbi ɛkoẅi-anhyrɛ̀ nɛ̀n bɩ́ n'edomɛ̀n nɛ̀n yé yɔ kɩ nɛ̀n dɔ́ yɔ Anhobɩ́ Nɛ̀ncüì-dúyri ankà.

Ɔkɔ̀hɔ̀n-wá-bɔ̀ kɔ̀hɔ̀n hán 1:3 Iomraidhean Croise

Matie 21:43

Zhezü vru kɛ dɔ̀ le: Hɩ le kruhú de mɛ dɔ́ nyɛ̀n le: ye le bɩ́ nyɛ̀n Anhobɩ́ nɛ̀ncüì-dúyri antamɛ̀n yɛ sɔhɔ́, ô yɛ wá fɛcüè léyi ke le shi ɛẅì fifi nɔn antamɛ̀n. [

Matie 28:9

Ɛnvra zri lɔ mɛ̀n, Zhezü và srɔ́n yɔ ɛsù kɩ kɛ dɔ̀ le: “Me bi nyɛ̀n nyan!” Wúyɔ̀ hɔ̀n lɔ sɔnba nɛ̀n ɛtɛ̀sɛ̀n, ẅɛn nɛ̀n annan kɩ ke cüe nɛ̀n ankɔ̀rɛ̀ ezìwú.

Matie 3:2

Nɛ dɔ̀ le: “Nyɛ́n crɔn ny'eci-hán-ci, ɔmuhi Anhobɩ́-Nɛ̀ncüì-dúyri dú ɛtɛ̀sɛ̀n nɔn!”

Matie 4:2

Ɛnvra léyi Zhezü bɩ́ kìshe trɔ ɛbi ɛkoẅi-anhyrɛ̀, ɛnnyran mán ɛcɛ̀n nɛ̀n sɩ̀ zî ɛci, ɔmùanwù kɛ ẅɛn nɛ̀n.

Markɛ̀n 16:19

Ɛnvra léyi nɛ̀n dɔ́ n'ɛsɛ̀nkɛn-bɔ̀ ankà trɔ nɔn, Ɛẅɛnwrɔn Ɔwɔ hán Zhezü tú hɔ́n anhobɩ́, kɩ Zhezü yɛ́ nɛ̀n ezì-kɔrɛ̀a.

Zhan 20:26

Ɛbi eẅirì vácì, Zhezü sɛ̀nkɛn-bɔ̀ lɔ vru sá ɛkru ɔwɔn zri lɔ mɛ̀n, kɩ Toma mán dú yɔ ɛmɛ̀n. Yɛ sɛ́n ɛsù hɔ̀n lɔ safɛ̀ mɛ̀n, tɛ́n Zhezü và nyɔn yɔ anwanzi kɩ kɛ dɔ̀ le: “Anwɔwɔ kè dú nyɛ tɛn!”

Zhan 21:1

Ɛnvra cá vácì, Zhezü vru bɩ́ n'edomɛ̀n yé n'ɛsɛnkɛn-bɔ̀ Tiberiadɛ̀n nɛnbà cɛ gbàtà mùan. Nyàn ɔmu le nɛ̀n bɩ́ n'edomɛ̀n nɛ̀n yé yɔ nɔn:

Zhan 21:14

Kɛ hán andɛ̀n anhɔnmɛ̀n de Zhezü bɩ́ n'edomɛ̀n yé n'ɛsɛnkɛn-bɔ̀ nɔn, bukru ɛnvra léyi nɛ̀n dú owúemɛ̀n nɛ̀n frɔ́ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 13:31

Ɛnvra bobrebe, Zhezü bɩ́ n'edomɛ̀n yé anwrɔn hɔ̀n léyi dú Galile kpɔsɔ wú hɔ́n sɩ́ nɛ̀n Zherüzalɛmɛ̀n anmàn, hɩ zɛtɛn dú nɛ́n dalɛfuɛ-di-bɔ̀ Izraɛlɛ̀n fɛcüè zìwú nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 19:8

Pɔlɛ̀n kɛ hɔ́n Ɔwɔ-sɛ́n-wɔn lɔ mɛ̀n kɩ okù anhɔ̀n granmɛ̀n, nɛ̀n dɔ́ ankà esɛ́ mɛ̀n. Nɛ dɔ́ Anhobɩ́ Nɛ̀ncüì-dúyri ankà kɩ ne ji ɛyri, ô anwrɔn hɔ̀n léyi ke die nɛ̀n nukùɛ nɔn, kɛ̀ yá n'ankà lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 28:23

Yɔ tán Pɔlɛ̀n ɛnbì, kɩ ɛnvra léyi ɛnbi lɔ cɔ̀ nɔn, yɔ vá bobrebe ɛyri léyi nɛ́n dù nɔn. Bukru ɛsɔ̀wrɔ̀ hàn kɩ cɔ́ ɔwɔɛmɛ̀n nɔn, Pɔlɛ̀n ke fi yɔ ankà léyi nɛ́n ẅɛ̀n nɔn: nɛ dɔ́ yɔ Anhobɩ́ Nɛ̀ncüì-dúyri ankà kɩ ne ji ɛyri nɛ̀n hán yɔ bɩ́ Zhezü ankà, kɩ nɛ dɔ́ Mohizɛ̀n nyànmàn mán Ɔwɔ-mùanwú-ankà-dɔ́-bɔ̀ wrú lɔ ankà.

Ɔkɔ̀hɔ̀n-wá-bɔ̀ kɔ̀hɔ̀n hán 28:31

Nɛ dɔ́ Anhobɩ́ Nɛ̀ncüì-dúyri ankà kɩ ne yé yɔ Ɛẅɛnwrɔn Zhezü Krisi domɛ̀n ankà, esɛ́ mɛ̀n kɩ ye sɩ́ wá nɛ̀n ejüe.

Ɔkɔ̀hɔ̀n-wá-bɔ̀ kɔ̀hɔ̀n hán 8:12

Tɛ́n ɛnvra léyi yɔ bú Filipɛ̀n mɛẅi ankà ankrankran léyi kɛ dɔ́ anhobɩ́ nɛ̀ncüì-dúyri mán Zhézü Krisì domɛ̀n ankà tán ankaẅì nɔn, yɔ hán yɛ wá yɔ ɛnshi ɛnkru, wúcɔ̀ mán wúyɔ̀.

Rɔmɛ̀n-anmàn-bɔ̀ 14:17

Annanwɔrɛ mɛ̀n lɔ, Anhobɩ́ Nɛ̀ncüì-dúyri kè sɩ̀ dù ɛci-zî mán ɛntàn mi ankà; nɛ̀n dú ɛnyrɔnnan, anwɔwɔ mán pɔpüɛ̀-brà léyi Ɛnhɛ́n Prɔnprɔn kɛ tán nɔn.

Kɔlɔsèn anmàn-bɔ̀ 1:13

Annanwɔrɛ mɛ̀n lɔ, nɛ̀n mrɛ́n bɔ̀ nɛ̀n sɔhɔ́ ɛyri-yɔwɔ kɔrɛ̀srɔn lɔ mɛ̀n kɩ nɛ̀n hán bɔ̀ bɔ́ ci n'ɛcüɛn Ẅì nɛ̀ncüì-dúyri lɔ mɛ̀n.

1 Tesalonikɛ̀n anmàn-bɔ̀ 2:12

Bɔ̀ yɩ́ nyɛ̀n edù kɩ bɔ́ bi ɛnbɔrɛ bɔ̀ wá nyɛ̀n, bɔ̀ wá tán nyɛ̀n ɛshishiemɛ̀n le ny'esùnàn kɛ̀ cüɛn Ɔwɔ ɛvɛ̀, nɛ́n léyi ne bi nyɛ̀n ô nyɛ́n bru n'Ɛnnɛ̀ncüì-dúyri mán n'ecizrɔ lɔ mɛ̀n nɔn.

1 Zhan 1:1

Eci léyi dú ɛnkrubɔmɛ̀n nɔn, bɔ̀ yá n'ankà, bɔ̀ kán nɛ̀n bo dùku b'anvɛ̀ẅiemɛ̀n, kɩ b'ankɔrɛ̀ tɛ́ nɛ̀n: nɛ̀n dú Ɔwɔ mùan ankà-dɔ̀ léyi kɛ tán ɛwúvà-kɔrɛ̀ nɔn.