Ɔkɔ̀hɔ̀n-wá-bɔ̀ kɔ̀hɔ̀n hán 1:2 - Ɛmɛẅi ankà ankrànkràn 2003

² hàn mán cɔ́ ɛnbì léyi nɛ̀n tɔhú nɛ̀n hɔ́n anhobɩ́ nɔn. Ɛnvra léyi nɛ lɛ tɔhú nɛ̀n hɔ́n anhobɩ́ nɔn, nɛ̀n tán anwrɔn hɔ̀n léyi nɛ̀n mrɛ́n nɛ́n bɩ, dú ɔkɔ̀hɔ̀n-wá-bɔ̀ nɔn, n'ankà-yé Ɛnhɛ́n Prɔnprɔn kɔrɛ̀srɔn mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 1:2 Iomraidhean Croise

Matie 12:28

Annànwɔrɛ mɛ̀n lɔ, Ɔwɔ Hɛ́n mɛ̀n de mɛ wrɔ́ anhɛ́n gbàngbàn hɔ̀n lɔ nɔn, hɩ mɛ̀n kɛ dɔ̀ le, Anhobɩ́-Nɛ̀ncüì-dúyri gɔ́ vá dú bɔ̀ ɛmɛ̀n.

Matie 3:16

Ɛnvra léyi yɛ wá Zhezü ɛnshi ɛnkru trɔ nɔn, nɛ̀n dú ɛnshiemɛ̀n nɛ̀n srɔ ɛntrɛ. Ɛnvra zri lɔ anhobɩ́ gbɛ́ ɔmùan: nɛ̀n kán Ɔwɔ Hɛ́n kakɛ hán brɛndre hɔ́ kɩ hɔ́ncɔ́ nɛ̀n.

Markɛ̀n 6:30

Zhezü kɔ̀hɔ̀n-wá-bɔ̀ vru vá nɛ̀n ɛtɛ̀sɛ̀n kɩ kɛ dɔ́ nɛ̀n ɔkɔ̀hɔ̀n lɔ fɛn léyi yɔ hán kɩ yɔ yé nɔn hɩ ankà.

Lükɛ̀n 24:51

Ɛnvra léyi nɛ́n dù ne fú yɔ ɛnshi nɔn, nɛ̀n cɔhɔ́ y'ɛtɛsɛ̀n, kɩ ye bɩ́ nɛ̀n yɔ hɔ́n anhobɩ́.

Lükɛ̀n 9:51

Ɛnvra léyi ɛnbì kɛ vá ɛcɔ́-yri, ô Zhezü kè dú ɛnu ɛnhi kɛ̀ hɔ́n anhobɩ́ nɔn, nɛ̀n wá kpankpan le, ke ji le nɛ̀n hɔ́n Zherüzalɛmɛ̀n.

Zhan 1:16

Bɔ lɔ fɛn bɔ̀ cɔ́ nɛ́n nboafɔ̀n nɛ̀ncüì-dì lɔ; bɔ̀ vru bɔ̀ cɔ́ nboafɔ̀n mán ɛnshifù bobrebe.

Zhan 13:1

Ye dú ɛnyanmán-bì vra bì mɛ̀n, ô yɛ koran abutùkumɛ́n-kɔ́ nyanmán-bì. Zhezü nyri ɔmu le ɛnvra léyi ne le bɩ nɛ̀n hɔ̀n cɔ́ nɛ́n zi Ɔwɔ nɔn ncɔa. Nɛ̀n cüɛn n'anwrɔn hɔ̀n léyi dú ɛnhibù wú nɔn kɩ nɛ̀n cüɛn yɔ ɛnvra lɔ fɛn, kɩ nɛ̀n dú yɔ ɛcƐɛn mɛ̀n hàn kɩ ɔtrɔmɛ̀n.

Zhan 13:18

Mɛ́n sɩ́ dɔ́ nyɛ lɔ fɛn lɔ ny'ankà; mɛ̀n nyri anwrɔn hɔ̀n léyi mɛ̀n mrɛ́n mɛ́n bɩ nɔn. Tɛ́n ke ji le Owrú Prɔnprɔn mùan ankà lɔ kɛ̀ sá nmù: ‘Ɔwrɔn léyi nɛ́n mɛhi bɔ́ dɛ́ ɛci nɔn, crɛ ezì gbangbàn kɛ́n mɛ̀n’.

Zhan 13:3

Zhezü dùkú mán nyri ɔmu le Ɔwɔ yri de nɛ́n dù nɛ và nɔn, kɩ ne le vru nɛ̀n hɔ́n Ɔwɔ yri, kɩ Ɔwɔ wá ɛci lɔ fɛn n'ɛkɔrɛ̀srɔn wú.

Zhan 16:28

Mɛ̀n dú Dade yri mɛ́n và kɩ mɛ̀n vá ɛnhibù wú. Zɛtɛ̀ lɔ mɛ cɔhɔ́ ɛnhibù wú kɩ mɛ hɔ́n Dade tɛ̀sɛ̀n.”

Zhan 17:13

Tɛ́n zɛtɛ̀ lɔ mɛ hɔ́n v'eyri. Mɛ dɔ́ ɔmu lɔ, ɔmuhi mɛ̀n vru mɛ̀n dú ɛnhibù wú nɔn, ô yɔ cɔ́ yɔ dùku y'ɛmɛ̀n lɔ mɛ́n pɔ̀püɛ̀-brà, pɔ̀püɛ̀-brà léyi sá nmù nɔn.

Zhan 20:17

Zhezü kɛ dɔ́ nɛ̀n le: “E bɩ ẅɛn mɛ̀n ɛ hɛ́n hàn, ɔmuhi mɛ vá hɔ́n Dade yri nɔn. Tɛ́n ɛ̀ hɔ̀n dɔ́ nmàn ẅì hɔ̀n le mɛ hɔ́n Dade yri, nɛ́n léyi nɛ̀n dú nyɛ́n zi mán nɔn, mɛ hɔ́n Ɔwɔ yri nɛ́n léyi nɛ̀n dú ny'Ɔwɔ mán nɔn.”

Zhan 20:21

Zhezü vru kɛ dɔ́ yɔ le: “Anwɔwɔ kè dú nyɛ tɛn! Ɔmu zri léyi Dade wá mɛ̀n ɔkɔhɔ̀n nɔn, mɛ̀n mán mɛ wá nyɛ̀n ɔkɔhɔ̀n.”

Zhan 3:34

Ɔwrɔn léyi Ɔwɔ wá ɔkɔhɔ̀n nɔn kɛ dɔ́ Ɔwɔ-mùanwú-ankà, ɔmuhi Ɔwɔ kɛ tán nɛ̀n kokroho n'Ɛnhɛ́n lɔ nɔn.

Zhan 6:62

Zɛtɛn ecitan de kɛ lɛ wɔɛ̀n ke dú kɛ nyɛ kán ɔwrɔnẅì Ẅì ke vru ɛmɛẅi kɛ hɔ́n ɛyri léyi nɛ́n gɔ́ dù nɛ́n và nɛ́n?

Zhan 6:70

Zhezü mrɛ́n yɔ ɔmùan le: “Mɛ̀n sɩ̀ mrɛ́n nyɛ́n, anwrɔn ɛvà-anhyrɛ̀ lɔ mɛ̀n bɩɛ? Ɔmu tɛ̀kɩ ny'ɛmɛ̀n lɔ ɔwrɔn tɔ̀n dú anwa-wrɔn!”

Ɔkɔ̀hɔ̀n-wá-bɔ̀ kɔ̀hɔ̀n hán 1:11

kɩ kɛ dɔ́ yɔ le: “Galile-bɔ̀, cɛci kruhú kɛ̂ nyɛ́n nyɔn ɛnu lɔ nyɛ nyán anhobɩ́ɛ? Zhezü ndɔ léyi ye bɩ́ sɔhɔ́ ny'antamɛ̀n kɛ hɔ́n anhobɩ́ nɔn, ke le vru kɛ̀ vá ɔmu zri léyi nyɛ́n kán nɛ̀n nɛ hɔ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 1:13

Ɛnvra léyi yɔ cɔ́ Zherüzalɛmɛ̀n anmàn nɔn, yɔ hɔ́n ɔwɔndà léyi dú ɔwɔn wú, hɩ ɛnbì lɔ fɛn yɔ và yɔ dú ɛmɛ̀n nɔn. Nyàn yɔ léyi yɔ dú nanvrɛn lɔ nɔn: Piɛrɛ̀n, Zhan, Zhakɛ̀n mán Andre, Filipɛ̀n mán Toma, Bartelemi mán Matie, Zhakɛ̀n Alfe ẅì, Simɔn biakpa-wrɔn lɔ mán Zhüdɛ̀n Zhakɛ̀n ẅì.

Ɔkɔ̀hɔ̀n-wá-bɔ̀ kɔ̀hɔ̀n hán 1:22

Ɔwrɔn ndɔ lɔ, ke ji le nɛ̀n dú anwrɔn hɔ̀n léyi hɔ́n sɩ́ bɔ̀ ɛyri lɔ fɛn léyi Ɛẅɛnwrɔn Zhezü mɛhi bɔ́ cì nɔn ɔtɔ̀n, ɛnvra léyi Zhan wá nɛ̀n ɛnshi ɛnkru hàn kɩ cɔ́ ɛnbì léyi ye bɩ́ nɛ̀n yɛ sɔhɔ́ b'antamɛ̀n, ô nɛ̀n hɔ́n anhobɩ́ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 1:9

Ɛnvra léyi Zhezü dɔ́ ankà ndɔ hɔ̀n lɔ trɔ nɔn, nɛ̀n tɔhú nɛ hɔ́n anhobɩ́, kɩ yɔ lɛ fɛn yɔ nyan nɛ̀n; Zɛtɛn ɛnwì-gbú tɔ̀n wá sɛ́n y'ezì.

Ɔkɔ̀hɔ̀n-wá-bɔ̀ kɔ̀hɔ̀n hán 10:38

Nyɛ́n nyri ɔmu le Ɔwɔ hán Ɛnhɛ́n Prɔnprɔn kɔrɛ̀-srɔn vá Nazàrɛtɛ̀n-wrɔn Zhezü ɛwú. Nyɛ́n vru nyɛ́n nyri ɔmu le Zhezü hán ci ɛnhi anmàn lɔ fɛn wú, hán anvrɛn, kɩ kɔrɛ anwrɔn hɔ̀n lɔ fɛn léyi dú anwa-wrɔn kɔrɛ̀-levri wú, ɔmuhi nɛ́n mán Ɔwɔ mɛhi yɔ dù nɔn.

Galasi anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi yɛ wá nɛ̀n ɔkɔhɔ̀n-wá-wrɔn, kè sɩ̀ dù anwrɔnẅì mán ɔwrɔn nyantɛn tɔ̀n kɔrè-levriemɛ̀n, tɛ́n Zhezü Krisì mán Ɔwɔ Zi léyi hán nɛ̀n nɛ̀n vá ɔkɔrɛ-bɔ̀ mɛ̀n nɔn.

Efɛzɛ̀n anmàn-bɔ̀ 2:20

Nyɛ́n dú ɔwɔn léyi ye kù, kɩ ɔkɔhɔ̀n-wá-bɔ̀ mán Ɔwɔ-mùanwú-ankà-dɔ́-bɔ̀ dú ɛnhi-nan-bù, kɩ Zhezü Krisì dùku dú Ɔwɔn-kàvà-mɛ̀n-bù.

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Ebre-bɔ̀ 9:24

Ɔmuhi Krisì kè sɩ̀ brù Ɔwɔ yri prɔnprɔn léyi anwrɔnẅì nkù, hɩ dú Ɔwɔ yri prɔnprɔn lɔ nɛ́n picɛ̀ annanwɔrɛ tɔ̀n nɔn. Nɛ́n bru anhobɩ́ dùku, nanvrɛn lɔ de zɛtɛ̀ lɔ ne yé n'edomɛ̀n Ɔwɔ zìwú bɔ́ kruhú.

1 Piɛrɛ̀n 3:22

nɛ́n léyi nɛ̀n hɔ́n anhobɩ́, nɛ̀n yɛ́ Ɔwɔ ezì-kɔrɛ̀a, nanvrɛn de nɛ̀n ẅɛn ɛyri Ɔwɔ kùyüre-bɔ̀ mán anhobɩ́ kɔrɛ̀srɔn-bɔ̀ wú nɔn.

2 Piɛrɛ̀n 3:2

Me ji le, ankà-dɔ̀ hɔ̀n léyi ɛnbiɛhɛ́n Ɔwɔ-mùan-wú-ankà-dɔ́-bɔ̀ prɔnprɔn, bɔ́ Ɛẅɛnwrɔn mán Ebɩdiewrɔn nyànmàn tán ɔkɔ̀hɔ̀n-wá-bɔ̀ mùan mɛ̀n nɔn, kè bru nyɛ̀n.

Ɔwɔ-mɛ̀n-yrikàn 1:1

Owrú ndɔ lɔ kɛ dɔ́ ɛyrikàn léyi Zhezü Krisì ncɔ̀ nɔn n'ankà. Ɔwɔ tán nɛ̀n ɛyrikàn ndɔ lɔ, ô nɛ̀n yé n'eci-bɩ̀tan bɔ̀ eci léyi kɛ lɛ wɔɛn ɛnvra bruemɛ̀n nɔn. Krisì wá n'ɛkùyüre-wrɔn ɔkɔ̀hɔ̀n Zhan yri, ô kɛ̀ tán nɛ̀n nɛ̀n nyri eci léyi kɛ lɛ wɔɛ̀n nɔn.

Ɔwɔ-mɛ̀n-yrikàn 2:11

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ lɛ kɔ̀nkà nɔn, yɔ sɩ̀ vru wú anhyrɛmɛ̀n wù lɔ.”

Ɔwɔ-mɛ̀n-yrikàn 2:17

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ lɛ kɔ̀nkà nɔn, mɛ lɛ tán yɔ anhobɩ́ ci-zî léyi dú ɛbánmɛ̀n nɔn. Me le vru mɛ̀n tán ɔwrɔn zrizri y'ɛmɛ̀n lɔ, obùẅì wosù tɔ̀n léyi n'ɛwú lɔ ye merɛ́n ebi wrù tɔ̀n léyi ɔwrɔn zriɛmɛ́n kè sɩ̀ nyrìɛn, ke dú kɛ kè sɩ̀ dù ɔwrɔn léyi yɛ tán ebi lɔ nɔn.”

Ɔwɔ-mɛ̀n-yrikàn 2:29

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ fɛcüè-bɔ̀ nɔn!”

Ɔwɔ-mɛ̀n-yrikàn 2:7

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn! Anwrɔn hɔ̀n léyi kɛ kɔ́n kà nɔn, mɛ lɛ tán yɔ ɛcizî ɛwùvà-kɔrɛ̀ tɛ̀-ẅì hɔ̀n léyi dú Ɔwɔ kɛ̀tɛ̀ lɔ mɛ̀n nɔn.”

Ɔwɔ-mɛ̀n-yrikàn 21:14

Anmàn drɛ́n lɔ yɛ́ ɛbù-hi-nan ɛvà-anhyrɛ̀ wú, y'ɛwú lɔ ye merɛ́n Ɔwɔ-Kɔ̀kɔ̀sɛ̀-ẅì kɔ̀hɔ̀n-wá-bɔ̀ ɛvà-anhyrɛ̀ lɔ y'ebi.

Ɔwɔ-mɛ̀n-yrikàn 3:13

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ-fɛcüè-bɔ̀ nɔn!”

Ɔwɔ-mɛ̀n-yrikàn 3:16

Tɛ́n e sɩ́ friɛ kɩ è sɩ̀ wroà mán, ɛ̀ hán dòhò, kɩ mɛ lɛ vɛ́ mɛ́n m'anmùan mɛ̀n mɛ̀n ze!

Ɔwɔ-mɛ̀n-yrikàn 3:22

Ke ji le ɔwrɔnwrɔn, ke dú kɛ nɛ̀n ẅɛn nukù hô, nɛ̀n yá anvrɛnvrɛn ankà léyi Ɛnhɛ́n kɛ dɔ́ Ɔwɔ fɛcüè-bɔ̀ nɔn!”