Ɔkɔ̀hɔ̀n-wá-bɔ̀ kɔ̀hɔ̀n hán 1:16 - Ɛmɛẅi ankà ankrànkràn 2003

¹⁶ “Anwrɔn-nɛ́n-muan-ẅì hɔ̀n, ke ji le Ɛnhɛ́n Prɔnprɔn anká-dɔ̀ léyi dú Owrú Prɔnprɔn lɔ mɛ̀n nɔn, kɛ̀ sá nmù: n'ankà-dɔ́ mɛ̀n lɔ, nɛ̀n ci Davidɛ̀n mùan mɛ̀n, nɛ́n gɔ̀ dɔ́ Zhüda léyi srɔ anwrɔn hɔ̀n léyi ẅɛn Zhezü nɔn, y'ɛyri-yé-wrɔn.

Ɔkɔ̀hɔ̀n-wá-bɔ̀ kɔ̀hɔ̀n hán 1:16 Iomraidhean Croise

Matie 26:14

Zɛtɛn ɛsɛ̀nkɛn-bɔ̀ lɔ, ɔtɔ̀n léyi ye bi Zhüda Iskariɔtɛ̀n nɔn, hɔ́n cɔ́ Ɔwɔ-cice-bɔ̀ cüìcüì hɔ̀n

Matie 26:47

Zhezü dú ankà-dɔ́ mɛ̀n kɩ Zhüda, Zhezü sɛ̀nkɛn-bɔ̀ lɔ ɔtɔ̀n nvà. Nɛ́n mán fɛcüè bobrebe mɛhi, anhà-kɔ́n-nyan mán antɛ̀ dú yɔ antamɛ̀n yɔ và. Ɔwɔ-cice-bɔ̀ cüìcüì hɔ̀n mán Zhüifɛ̀n-fɛcüè-bɔ̀ cüìcüì hɔ̀n de wá yɔ ɔkɔ̀hɔ̀n nɔn.

Matie 26:54

Tɛ́n ke dú ɔmu lɔ hô, anhɔntan de Ɛwrú Prɔnprɔn hɔ̀n ankà-dɔ̀ lɔ kɛ lɛ hán kɛ̀ sá nmù nɛ́n? Ɛwrú hɔ̀n lɔ kɛ dɔ̀ le: Zɛtɛn ɔmu de ke ji le eci lɔ kɛ hán nɔn.”

Matie 26:56

Tɛ́n eci ndɔ lɔ wɔɛ̀n, ô Ɔwɔ-mùanwú-ankà-dɔ́-bɔ̀, ankà-dɔ̀ lɔ dú Ɛwrú Prɔnprɔn hɔ̀n lɔ mɛ̀n nɔn kɛ̀ sá nmù.” Zɛtɛn n'ɛsɛ̀nkɛn-bɔ̀ lɔ fɛn teze nɛ̀n kɩ srɛ́.

Markɛ̀n 12:36

Ɔmuhi Davidɛ̀n, Ɛnhɛ́n Prɔnprɔn nyrɔn kɩ nɛ́n mumù nɛ́n dɔ̀ le: ‘Ɛẅɛnwrɔn Ɔwɔ dɔ́ m'Ɛẅɛnwrɔn le: Và yɛ́ mɛ̀n ezì-kɔrɛ̀a, hàn mán kɛ̀ krɔn ɛnvra léyi mɛ lɛ kɔ́n v'egbri-bɔ̀ cüe mɛ́n annantrɛmɛ̀n hán nɔn.’

Markɛ̀n 14:43

Zhezü dú ankà-dɔ́ mɛ̀n kɩ Zhüda srɔ; nɛ̀n dú Zhezü sɛ̀nkɛn-bɔ̀ lɔ ɔtɔ̀n. Fɛcüè tɔ̀n dú nɛ̀n ɛtɛ̀sɛ̀n anhà-kɔ́n-nyan mán antɛ̀ dú yɔ antamɛ̀n. Ɔwɔ-cice-bɔ̀ cüìcüì hɔ̀n, ɛnyànmàn-gbànvri-ankà-yé-bɔ̀, mán ɛcüìcüì-bɔ̀ de wá yɔ ɔkɔ̀hɔ̀n nɔn.

Lükɛ̀n 22:47

Nɛ̀n dú ankà-dɔ́ mɛ̀n kɩ fɛcüè srɔ. Zhüda léyi dú Zhezü sɛnkɛn-bɔ̀ lɔ ɔtɔ̀n nɔn, nɛ́n de nɛ̀n dú fɛcüe lɔ ezì; nɛ́n sɔnba Zhezü ɛtɛsɛ̀n ô nɛ̀n wá yi angbà mɛ̀n.

Zhan 10:35

Bɔ́ nyri ɔmu le ye sɩ̀ gbú ankà hɔ̀nléyi Owrú Prɔnprɔn merɛ́n nɔn yɛ sɔhɔ́ rɔ́. Anwrɔn hɔ̀n léyi Ɔwɔ ankà-dɔ̀ kɛ hɔ́n cɔ̀ nɔn, yɔ lɔ, Ɔwɔ ke bi yɔ ‘anwɔ’.

Zhan 13:18

Mɛ́n sɩ́ dɔ́ nyɛ lɔ fɛn lɔ ny'ankà; mɛ̀n nyri anwrɔn hɔ̀n léyi mɛ̀n mrɛ́n mɛ́n bɩ nɔn. Tɛ́n ke ji le Owrú Prɔnprɔn mùan ankà lɔ kɛ̀ sá nmù: ‘Ɔwrɔn léyi nɛ́n mɛhi bɔ́ dɛ́ ɛci nɔn, crɛ ezì gbangbàn kɛ́n mɛ̀n’.

Zhan 17:12

Ɛnvra léyi yɔ mɛhi bɔ́ dù nɔn, mɛ nyan yɔ v'ebɩ́ kɔrɛ̀srɔn mɛ̀n, ɛkorɛ̀srɔn léyi ɛ̀ tán mɛ̀n nɔn. Mɛ̀n wá yɔ esùva kɩ nzri mán kè sɩ̀ zrɛ̀n hàn, ke dú kɛ kè sɩ̀ dù nzri léyi dú ɛzrɛ́n tɛn nɔn, ô Ɔwrú Prɔnprɔn ankà-dɔ̀ lɔ kɛ̀ sá nmù nɔn.

Zhan 19:36

Ɔmuhi eci ndɔ lɔ hán tán, ô Owrú Prɔnprɔn ankà-dɔ̀ lɔ kɛ sá nmù nɔn: “Ye sɩ̀ bɔyɛ nɛ̀n ɛnwi zriɛmɛ́n”.

Ɔkɔ̀hɔ̀n-wá-bɔ̀ kɔ̀hɔ̀n hán 1:20

Tɛ́n, nyàn ankà léyi ye merɛ́n Ɔwɔ-mrɛ́n wrú lɔ mɛ̀n nɔn: ‘Ke ji le ye teze n'ɔwɔn lɔ, ô ɔwrɔn zriɛmɛ́n ke bɩ́ dú nɛ̀n ɛmɛ̀n.’ Kɩ ye vru ye merɛ́n le: ‘Ke ji le ɔwrɔn nyàntɛn ke bɩ́ n'ɔkɔ̀hɔ̀n lɔ.’

Ɔkɔ̀hɔ̀n-wá-bɔ̀ kɔ̀hɔ̀n hán 13:15

Ɛnvra léyi yɛ krɛ́ Ɔwɔ-nyanmàn mán Ɔwɔ-mùanwú-ankà-dɔ́-bɔ̀ wrú hɔ̀n lɔ trɔ nɔn, Ɔwɔ-sɛ́n-wɔn-cüìcüì-bɔ̀ wá anwrɔn ɔkɔ̀hɔ̀n kɛ̀ dɔ́ yɔ le: “Anwrɔn-nɛ́n-muan-ẅì hɔ̀n ke dú kɛ nyɛ́n ẅɛn edùyi-ankà nyɛ lɛ dɔ́ fɛcüè hô, zɛtɛn nyɛ́n dɔ̀.”

Ɔkɔ̀hɔ̀n-wá-bɔ̀ kɔ̀hɔ̀n hán 13:38

Anwrɔn-nɛ́n-muan-ẅì hɔ̀n, ke ji le nyɛ́n yrì le: Zhezü bɩmɛ̀n de yɛ dɔ́ bɔ̀ ɛgbàn-bɩ̀-ce ankà nɔn; Zhezü bɩ́mɛ̀n de ɔwrɔn totɔtɔ̀n léyi ẅɛn ankaẅì-bùtan nɔn kɛ cɔ́ ɛgbàn-bɩ̀-ce léyi Mohizì nyanmàn lɔ ke sɩ̀ tán nyɛ̀n rɔ́ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 15:13

Ɛnvra léyi yɔ dɔ́ ankà trɔ nɔn, Zhakɛ̀n bɩ́ ankà-dɔ̀ kɩ kɛ dɔ̀ le: “Anwrɔn-nɛ́n-muan-ẅì hɔ̀n, nyɛ́n die mɛ̀n nukùɛ!

Ɔkɔ̀hɔ̀n-wá-bɔ̀ kɔ̀hɔ̀n hán 15:7

Ɛnvra léyi yɔ wrɔ́n ecüì sheshe trɔ nɔn, Piɛrɛ̀n bɩ́ ankà-dɔ̀ kɩ kɛ dɔ̀ le: “Anwrɔn-nɛ́n-muan-ẅì hɔ̀n, nyɛ́n nyri ɔmu le ɛnvra sheshemɛ̀n de ny'ɛmɛ̀n lɔ, Ɔwɔ mrɛ́n mɛ̀n bɩ, ô mɛ̀n dɔ́ anwrɔn hɔ̀n léyi ke sɩ̀ dù Zhüifɛ̀n-bɔ̀ nɔn, Ɛmɛẅi ankà Ankrankran lɔ, ô yɔ cɔ̀ yɔ yá, ô yɔ ẅɛn ankaẅì-bùtan.

Ɔkɔ̀hɔ̀n-wá-bɔ̀ kɔ̀hɔ̀n hán 2:23

Ɔwrɔn ndɔ lɔ ye bɩ́ nɛ̀n yɛ tán nyɛ̀n hán ɔmu le Ɔwɔ wá tán n'ankɔnda ci-hán lɔ mɛ̀n hɩ gɔ́ tro hɛ́n nɔn. Nyɛ́n hán anwrɔn hɔ̀n léyi ke sɩ́ di ɔmùan-zri nɔn, gɔ́n nɛ̀n brɛ́ ɛgbàn-han-tɛ̀ tɔ̀n domɛ̀n, nɛ́n wù.

Ɔkɔ̀hɔ̀n-wá-bɔ̀ kɔ̀hɔ̀n hán 2:37

Piɛrɛ̀n ankà-dɔ̀ ndɔ lɔ jɔ̀kɔ anwrɔn hɔ̀n léyi ke die nɛ̀n nukùɛ nɔn. Yɔ yrɛ Piɛrɛ̀n mán ɔkɔ̀hɔ̀n-wá-bɔ̀ nyàntɛn hɔ̀n lɔ le: “Awrɔn-nɛ́n-muan-ẅì hɔ̀n, ecitan de ke ji le bɔ̀ hán nɛ́n?”

Ɔkɔ̀hɔ̀n-wá-bɔ̀ kɔ̀hɔ̀n hán 22:1

“Anwrɔn-nɛ́n-muan-ẅì hɔ̀n mán Dade hɔ̀n, nyɛ́n die nukù ankà léyi mɛ̀n ẅɛn zɛtɛ̀ lɔ, hɩ me ji mɛ̀n dɔ̀ tán m'edomɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 23:1

Pɔlɛ̀n crɛ anvɛ̀ kɛ́n anwrɔn hɔ̀n léyi kɛ vá nɛ̀n ɛmrɛ̀nci yri nɔn kɩ kɛ dɔ̀ le: “Anwrɔn-nɛ́n-mùan-ẅì hɔ̀n, ɛnborɛ zriemɛ̀n de mɛ̀n dú Ɛẅɛnwrɔn ci-bɩ̀tan-wrɔn hàn kɩ cɔ́ zɛtɛ̀ lɔ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 23:6

Pɔlɛ̀n nyri ɔmu le ɛmrɛ̀nci-bɔ̀ lɔ, anwrɔn cá dú anwrɔn hɔ̀n léyi ke sɩ́ bú owúemɛ̀n-dú-frɔ́ ankà kɛ tán ankaẅì, kɩ ɛcá dú Ɔwɔ-nyànmàn-sùva-wa-bɔ̀; hɩ le kruhú de nɛ̀n sɩ́ ɔmùan ɛwú y'ezìwú nɛ dɔ̀ le: “Anwrɔn-nɛ́n-muan-ẅì hɔ̀n, mɛ́n dú Ɔwɔ-nyànmàn-sùva-wa-wrɔn, Ɔwɔ-nyànmàn-sùva-wa-wrɔn ẅì. Ɔmuhi me bú owúemɛ̀n-dú-frɔ́ ankà mɛ tán ankaẅì, hɩ kruhú de mɛ̀n dú ɛmrɛ̀nciemɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 28:17

Ɛbi anhɔ̀n vacì, Pɔlɛ̀n bi Zhüifɛ̀n-bɔ̀ cüìcüì hɔ̀n léyi dú Rɔmɛ̀n anmàn nɔn. Ɛnvra léyi yɔ borɛkru trɔ nɔn, nɛ dɔ́ yɔ le: “Anwrɔn-nɛ́n-muan-ẅì hɔ̀n, mɛ̀n sɩ̀ hàn bɔ́ fɛcüè lɔ eci gbàngbàn zriɛmɛ́n, kɩ bɔ́ nancüì hɔ̀n nyànmàn lɔ mán mɛ̀n sɩ̀ fɔndɔ̀n hàn, tɛ́n yɛ ẅɛn mɛ̀n Zherüzalɛmɛ̀n anmàn kɩ ye bɩ́ mɛ̀n yɛ tán Romɛ́n ɛnhi wú bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 28:25

Zɛtɛn yɔ hɔ̀n, kɩ ɔmùan-krɔn ke sɩ́ dú yɔ ɛmɛ̀n, kɩ Pɔlɛ̀n kɛ dɔ́ yɔ ankà ndɔ lɔ: “Ɛnhɛ́n Prɔnprɔn ankà zrɔ ɛnvra léyi nɛ̀n ci Ɔwɔ-mùanwú-ankà-dɔ́-wrɔn Ezahi mùanwú nɛ dɔ́ nyɛ́n nancüì hɔ̀n ankà nɔn!

Ɔkɔ̀hɔ̀n-wá-bɔ̀ kɔ̀hɔ̀n hán 7:2

Etiɛnɛ̀n mrɛ́n ɔmùan le: “Dade hɔ̀n mán nmàn-ẅì hɔ̀n, nyɛ́n die mɛ̀n nukùɛ. Eci-zrɔ Wɔ bɩ́ n'edomɛ̀n yé bɔ́ nancüì Abrahamɛ̀n, ɛnvra léyi nɛ̀n dú Mezopotami ɛnhi wú, hɩ nɛ vá hɔ̀n nɛ̀n yɛ́ Haran hi-wú nɔn,

1 Piɛrɛ̀n 1:11

Yɔ ji kèkrèmɛ̀n, ô yɔ cɔ́ ɛnvra lɔ mɛ̀n mán eci-hán-ci hɔ̀n léyi Krisì Hɛ́n kɛ tán; ɔmuhi Ɛnhɛ́n ndɔ léyi dú y'ɛmɛ̀n nɔn, gɔ́ dɔ́ yɔ ɛgbànkàn léyi Krisì kɛ lɛ srɔ́n ɛsù mán ecizrɔ léyi zɛtɛn ke le dú nɛ tɛn nɔn hɩ ankà.

2 Piɛrɛ̀n 1:21

Ɔmuhi Ɔwɔ ankà-dɔ̀ zriɛmɛ́n kè sɩ̀ dù ɔwrɔnẅì kɔrɛ̀levriemɛ̀n kɛ̀ srɔa, tɛ́n, Ɛnhɛ́n Prɔnprɔn de kɛ wá tán anwrɔnẅì kɛ dɔ́ Ɔwɔ mùan-wú ankà nɔn.

2 Piɛrɛ̀n 2:21

Zrɔ tán ɔmu le yɔ tɛn, ye bɩ́ nyri ɛnyrɔnnan levrí lɔ, kɩ yɔ nyri nɛ̀n, ô yɔ vru yɔ crɛ ejüi yɔ sɔ́n ɛnyanmàn prɔnprɔn léyi yɛ tán yɔ nɔn.