Ɔkɔ̀hɔ̀n-wá-bɔ̀ kɔ̀hɔ̀n hán 1:13 - Ɛmɛẅi ankà ankrànkràn 2003

¹³ Ɛnvra léyi yɔ cɔ́ Zherüzalɛmɛ̀n anmàn nɔn, yɔ hɔ́n ɔwɔndà léyi dú ɔwɔn wú, hɩ ɛnbì lɔ fɛn yɔ và yɔ dú ɛmɛ̀n nɔn. Nyàn yɔ léyi yɔ dú nanvrɛn lɔ nɔn: Piɛrɛ̀n, Zhan, Zhakɛ̀n mán Andre, Filipɛ̀n mán Toma, Bartelemi mán Matie, Zhakɛ̀n Alfe ẅì, Simɔn biakpa-wrɔn lɔ mán Zhüdɛ̀n Zhakɛ̀n ẅì.

Ɔkɔ̀hɔ̀n-wá-bɔ̀ kɔ̀hɔ̀n hán 1:13 Iomraidhean Croise

Matie 9:9

Zhezü cɔhɔ́ ɛyri léyi nɛ́n dù nɔn kɩ n'eciemɛ̀n lɔ nɛ̀n kán Matie yɛ́ anmàn-wɔɛ̀n-yrɛ-wɔn mɛ̀n. Zhezü kɛ dɔ́ nɛ̀n le: “Kɛ́n mɛ̀n ɛsɛ̀n!” Matie tɔhú kɩ kɛ́n nɛ̀n ɛsɛ̀n.

Markɛ̀n 14:15

Kɩ ne le ye nyɛ̀n ɔwɔn léyi dú ɛwú n'ɔwɔndà vri léyi krɔn kpehɛ́n hɩ mán ɛci hɔ̀n lɔ fɛn mɛhi. Nanvrɛn lɔ de nyɛ lɛ gbrɛ́ ɛci-zî lɔ nɔn.”

Markɛ̀n 14:33

Zɛtɛn Zhezü bɩ́ Piɛrɛ̀n, Zhakɛ̀n mán Zhan hɔ́n Ɔwɔ-sɛ́n-yri. Ɛnjansù mán gbɔ̀gbɔ̀ ku nɛ̀n edù,

Markɛ̀n 2:14

N'eciemɛ̀n lɔ, Zhezü kán Alfe ẅì, Levi, yɛ́ anmàn-wɔɛ̀n-yrɛ-wɔn mɛ̀n. Zhezü kɛ dɔ́ nɛ̀n le: “Kɛ́n mɛ̀n ɛsɛ̀n!” Levi tɔhú kɩ kɛ́n nɛ̀n ɛsɛ̀n.

Markɛ̀n 5:37

Zhezü kè sɩ̀ tàn ɔwrɔn zriɛmɛ́n ɛkɔrɛ̀levri kɛ̀ hɔ̀n ke sɩ́ nɛ̀n, ke dú kɛ kè sɩ̀ dù Piɛrɛ̀n, Zhakɛ̀n mán nɛ́n muan-ẅì Zhan.

Markɛ̀n 9:2

Ɛbi ɛwole vacì, Zhezü bɩ́ Piɛrɛ̀n, Zhakɛ̀n mán Zhan hɔ́n ɛnkpò vri tɔ̀n wú; nanvrɛn lɔ yɔ anwrɔn anzɔ̀ lɔ kɩ yɔ dù. Zhezü crɔn n'edomɛ̀n y'ezìwú;

Lükɛ̀n 22:12

Kɩ ne le yé nyɛ̀n ɔwɔn wú ɔwɔndà cüìcüì léyi ɛci lɔ fɛn sɛkru ɛmɛ̀n nɔn. Nanvrɛn de nyɛ lɛ gbrɛ́ ɛci nɔn.”

Zhan 11:16

Zɛtɛn Toma (léyi ye bi ɛshre-ẅì nɔn) kɛ dɔ́ nɛ́n nyran hɔ̀n le: “Bɔ́ mán bɔ̀ hɔ̀n, ô bɔ̀ cɔ́ ankà-yé-wrɔn mɛhi bɔ̀ wù!”

Zhan 14:22

Zhüdɛ̀n (Ke sɩ̀ dù Zhüda Iskariɔtɛ̀n) kɛ dɔ́ nɛ̀n le: “Ɛẅɛnwrɔn, anwɔntan kɛ lɛ hán kè cì, e le bɩ́ v'edomɛ̀n è yé bɔ̀, hɩ ke sɩ̀ dú tán ɛnhibù nɛ́n?”

Zhan 18:17

Eci-bɩ̀tan-hi léyi kɛ nán angbàtà nɔn, kɛ dɔ́ Piɛrɛ̀n le: “Vɛ́n mán è sì dù Ɔwrɔn ndɔ lɔ n'ɛsɛnkɛn-wrɔn tɔ̀n hàn?” Piɛrɛ̀n mrɛ́n ɔmùan kɛ dɔ̀ le: “Hɔ̂, mɛ̀n sɩ̀ dù n'ɔwrɔn zriɛmɛ́n.”

Zhan 21:2

Simɔn Piɛrɛ̀n, Toma (léyi ye bi ɛshre ẅì nɔn), Natanaɛlɛ̀n (léyi dú Kana, Galile Kpɔsɔ wú wrɔn nɔn), Zebede ẅì hɔ̀n, mán Zhezü sɛnkɛn-bɔ̀ anyhrɛ̀, yɔ lɔ fɛn ye dú ɛyri zri.

Ɔkɔ̀hɔ̀n-wá-bɔ̀ kɔ̀hɔ̀n hán 12:17

Piɛrɛ̀n hán yɔ ɛkɔrɛ̀ le yɔ kɛ́n ɔmùan yɔ hɛ́n, kɩ nɛ̀n dɔ́ yɔ ɔmu le Ɛẅɛnwrɔn hán nɛ̀n nɛ̀n dú anwɔn-mɛ̀n-wá-wɔn mɛ̀n nɛ̀n srɔ ɛntrɛ nɔn. Piɛrɛ̀n vru kɛ dɔ̀ le: “Nyɛ́n dɔ́ Zhakɛ̀n mán anwrɔn-nɛ́n-muan-ẅì hɔ̀n ndɔ hɔ̀n lɔ ankà lɔ.” Zɛtɛn Piɛrɛ̀n srɔ ɛntrɛ kɩ hɔ́n ɛyri nyantɛn.

Ɔkɔ̀hɔ̀n-wá-bɔ̀ kɔ̀hɔ̀n hán 15:13

Ɛnvra léyi yɔ dɔ́ ankà trɔ nɔn, Zhakɛ̀n bɩ́ ankà-dɔ̀ kɩ kɛ dɔ̀ le: “Anwrɔn-nɛ́n-muan-ẅì hɔ̀n, nyɛ́n die mɛ̀n nukùɛ!

Ɔkɔ̀hɔ̀n-wá-bɔ̀ kɔ̀hɔ̀n hán 2:14

Zɛtɛn Piɛrɛ̀n tɔhú nɛ́n mán ɔkɔ̀hɔ̀n-wá-bɔ̀ ɛvà-ɔtɔ̀n hɔ̀n lɔ mɛhi; kɩ esùva cüìcüiemɛ̀n nɛ dɔ́ fɛcüè le: “Nyɛ́n, Zhüifɛ̀n-bɔ̀, mán nyɛ́n lɛ fɛn léyi nyɛ́n dú Zherüzalɛmɛ̀n anmàn nɔn, nyɛ́n die m'ankà-dɔ̀ lɔ nukù anvrɛnvrɛn, ô nyɛ́n nyri eci léyi kɛ wɔɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:38

Piɛrɛ̀n mrɛ́n yɔ ɔmùan le: “Nyɛ́n crɔn ny'eci-hán-ci, ô ɔwrɔnwrɔn kɛ̀ hán yɛ wá nɛ̀n ɛnshi ɛnkru Zhezü Krisì bɩmɛ̀n, ô ny'ɛgbàn hɔ̀n lɔ kè bɩ ce nyɛ̀n. Zɛtɛn nyɛ lɛ cɔ́ Ɔwɔ cice-ci lɔ, Ɛnhɛ́n Prɔnprɔn.

Ɔkɔ̀hɔ̀n-wá-bɔ̀ kɔ̀hɔ̀n hán 20:8

Kɛniɛn bobrebe dú ɔwɔn léyi bɔ̀ borɛkru ɛmɛ̀n nɔn, n'ɛwú.

Ɔkɔ̀hɔ̀n-wá-bɔ̀ kɔ̀hɔ̀n hán 4:13

Ankà-dɔ̀-trɔ-bɔ̀ dú anvɛmɛ̀n-frɛ́n mɛ̀n, ɔmuhi yɔ kán Piɛrɛ̀n mán Zhan, ankà-dɔ̀ ke wole anmùan mɛ̀n, kɩ yɔ nyri ɔmu le, yɔ dú anwrɔn kora hɔ̀n, kɩ owrú mán yɔ sɩ̀ kàn. Yɔ nyri ɔmu le Zhezü sɛnkɛ̀n-bɔ̀ dú yɔ.

Ɔkɔ̀hɔ̀n-wá-bɔ̀ kɔ̀hɔ̀n hán 4:19

Tɛ́n Piɛrɛ̀n mán Zhan mrɛ́n y'ɔmùan le: “Nyɛ́n dùku nyɛ́n nyan, ke dú kɛ Ɔwɔ zìwú lɔ zrɔ tán le yɛ hán ny'ɛkɔrɛ̀-zì-ci, kale Ɔwɔ de ke ji le yɛ wá nɔn.

1 Korɛntɛ̀n anmàn-bɔ̀ 15:7

Zɛtɛn, nɛ̀n bɩ́ n'edomɛ̀n nɛ̀n yé Zhakɛ̀n mán ɔkɔ̀hɔ̀n-wá-bɔ̀ lɔ fɛn.

Galasi anmàn-bɔ̀ 1:19

Mɛ̀n sɩ̀ kàn ɔkɔ̀hɔ̀n-wá-wrɔn zriɛmɛ́n, tɛ́n Ɛẅɛnwrɔn nɛ́n muan-ẅì Zhakɛ̀n kɩ.

Galasi anmàn-bɔ̀ 2:9

Zhakɛ̀n, Piɛrɛ̀n mán Zhan hɔ̀n léyi ndù hán Ɔwɔ-fɛcüè bù-nan hɔ́ nɔn, nyri ɔmu le Ɔwɔ wá mɛ̀n ɔkɔ̀hɔ̀n vɛ́n ndɔ lɔ antamɛ̀n; zɛtɛn yɔ tán bɔ̀ ɛkɔrɛ̀, Barnabasɛ̀n mán mɛ̀n, ɔmùan-krɔn ci-hán mɛ̀n. Ɔmu lɔ de, bɔ lɛ fɛn ɔmùan-krɔn mɛ̀n lɔ, bɔ̀ wá le, bɔ́ eci-hán mɛ̀n lɔ, bɔ́ lɛ hɔ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn y'anwanzi bɔ̀ hán ɔkɔ̀hɔ̀n, kɩ yɔ tɛn yɔ lɛ hɔ́n Zhüifɛ̀n-bɔ̀ yri.

Zhakɛ̀n 1:1

Ebinyán ndɔ lɔ dú Zhakɛ̀n yri kɛ và, nɛ́n léyi nɛ̀n dú Ɔwɔ mán ɛẅɛnwrɔn Zhezü Krisì ci-bɩtan-wrɔn nɔn. M'ebinyán lɔ dú Ɔwɔ fɛcüè lɔ fɛn léyi bonyi ɛnhibù mumù lɔ wú nɔn tɛn.

2 Zhan 1:1

Ebinyan ndɔ lɔ dú Ecüìcüì-wrɔn yri kɛ và nɔn, dú Ɛnnyɔnwrɔn léyi Ɔwɔ mrɛ́n bɩ, nɛ́n mán n'ɛẅì hɔ̀n léyi mɛ cüɛn annanwɔrɛ mɛ̀n nɔn tɛn. Kè sɩ̀ dù mɛ́n zri de mɛ cüɛn nyɛ̀n nɔn, tɛ́n anwrɔn hɔ̀n lɔ fɛn léyi nyri ankaẅì annanwɔrɛ,

Zhüdɛ̀n 1:1

Ebinyan ndɔ lɔ dú Zhüdɛ̀n yri kɛ và, nɛ́n léyi nɛ̀n dú Zhezü Krisì ci-bɩ̀tan-wrɔn mán Zhakɛ̀n nɛ́n muanẅì nɔn. Ebinyan zri lɔ dú anwrɔn hɔ̀n léyi Ɔwɔ bi, hɩ nɛ́n Ɔwɔ Zi nɛ cüɛ̀n, kɩ Zhezü-Krisì kɛ wá yɔ esùva nɔn tɛn: