Ɔkɔ̀hɔ̀n-wá-bɔ̀ kɔ̀hɔ̀n hán 1:12 - Ɛmɛẅi ankà ankrànkràn 2003

¹² Zɛtɛn, ɔkɔ̀hɔ̀n-wá-bɔ̀ lɔ vru ɛmɛẅi hɔ́n Zherüzalɛmɛ̀n kɩ ci “Olivie” pkò cɛ lɔ tɛ̀sɛ̀n. Ɛnpkò ndɔ lɔ dú anmán tɛsɛ̀n wacɛ̀n cá granmɛ̀n sùnàn.

Ɔkɔ̀hɔ̀n-wá-bɔ̀ kɔ̀hɔ̀n hán 1:12 Iomraidhean Croise

Matie 21:1

Ɛnvra léyi Zhezü mán n'ɛsɛ̀nkɛn-bɔ̀ bá Zherüzalɛmɛ̀n tɛ̀sɛ̀n, hɩ yɔ vá Bɛtfazhe anmàn bru-yri, ɛẅì-shi-tɛ̀ hɔ̀n léyi ye bi olivie, n'ɛnkpò cɛ tɔ̀n wú nɔn, Zhezü wá n'ɛsɛ̀nkɛn-bɔ̀ anhyrɛ̀ ɔkɔ̀hɔ̀n.

Matie 24:20

Nyɛ́n sɛ́n Ɔwɔ, ô nyɛ́n bɩ́ dú ɛsrɛ́ mɛ̀n ɛnvra gbàngbàn lɔ mɛ̀n, annànnàn le ke bɩ́ dú ɛnyànmán-bì vra!

Matie 24:3

Zhezü yɛ́ ɛẅì-shi-tɛ̀ kɛ̀tɛ̀ léyi dú ɛnkpò cɛ tɔ̀n wú nɔn mɛ̀n. N'ɛsɛ̀nkɛn-bɔ̀ sɔnba nɛ̀n ɛtɛ̀sɛ̀n, zɛtɛn bi nɛ̀n ɔhɔnán kɩ ke yrɛ nɛ̀n le: “Ɛ dɔ́ bɔ̀ ɛnvra tán mɛ̀n de ɛci hɔ̀n lɔ kɛ lɛ hán, eci-woroan-ci tán de ke le yé v'ɛvà mán ɛnhibù trɔ vra lɔ.”

Matie 26:30

Zɛtɛn yɔ krɛ́, Ɔwɔ-mrɛ́n-cɔ̀ léyi dú ɔkoran bì lɔ tɛn nɔn, kɩ yɔ hɔ́n ɛẅì-shi-tɛ̀ kɛ̀tɛ̀ léyi dú ɛnkpò wú nɔn mɛ̀n.

Lükɛ̀n 19:29

Ɛnvra léyi nɛ̀n bá Bɛtfazhe mán Betani tɛsɛ̀n, ɛyri léyi ye bi “Olivie kpò” nɔn n'ɛtɛ̀sɛ̀n, nɛ̀n wá n'ɛsɛnkɛn-bɔ̀ anhyrɛ̀ ɔkɔhɔ̀n hɛ́ ezì:

Lükɛ̀n 21:37

Ɛcɛ̀n, Zhezü ke yé yɔ ankà ɔwɔ-sɛ́n-wɔn mɛ̀n; kɩ ɔwɔɛ nɛ hɔ́n ɛẅì-shi-tɛ̀ tɔ̀n léyi ye bi olivie nɔn, hɩ dú ɛnkpò cɛ wú nɔn, mɛ̀n nɛ dɛ́.

Lükɛ̀n 24:50

Zɛtɛn, Zhezü bɩ́ yɔ hɔ́n anmàn mɛẅi, Betani tɛsɛ̀n, kɩ nanvrɛn lɔ, nɛ̀n sɩ́ ankɔrɛ̀ ɛwú, nɛ̀n fú yɔ ɛnshi.

Lükɛ̀n 24:52

Yɔ tɛn, yɔ cüe nɛ̀n ankɔrɛ̀ ezìwúɛ, kɩ ye vru ɛmɛẅi yɔ hɔ́n Zherüzalɛmɛ̀n pɔpüɛ̀-brà-vriemɛ̀n.

Zhan 11:18

Betani dú Zherüzalɛmɛ̀n tɛsɛ̀n, yɛ nán ɛsù anhɛ́-kɔrɛ̀ tɛ̀bru-kru-anhɔ̀n kɩ ye bru nanvrɛn;